03/01/2026
👉Məlumdur ki, diabet xəstələrində ürək-damar xəstəlikləri riski normal insanlara nisbətən daha yüksək olur. Bu səbəbdən uzun illərdir “Aspirin diabet xəstələrində qoruyucu məqsədlə istifadə oluna bilərmi?” sualı müzakirə edilir. Son illərdə aspirinin profilaktik istifadəsinə daha ehtiyatla yanaşılsa da, yeni bir araşdırma diabet xəstələri üçün fərqli nəticə göstərib.
📍Amerikan Ürək Assosiasiyasının illik toplantısında təqdim edilən və ABŞ-da aparılan bu böyük müşahidə araşdırmasında 2-ci tip diabeti olan 11 mindən çox insanın sağlamlıq məlumatları 10 il ərzində izlənilib. Ürək-damar riski orta və ya yüksək olan bu insanlar arasında aspirin istifadə edənlərlə etməyənlər müqayisə edilib.
👉Nəticələr göstərib ki, aşağı doza aspirin istifadə edən diabet xəstələrində:
✔ ürək tutması riski daha az olub
✔ işemik insult riski aşağı düşüb
✔ ümumi ölüm riski azalıb
🩺Amma burada vacib məqam var: aspirin hər kəsə uyğun deyil. Hətta uzun müddət istifadə zamanı qanaxma riski arta bilər. Üstəlik, bu araşdırmada qanaxma riski yüksək olan insanlar araşdırmaya daxil edilməyib. Buna görə real həyatda qərar fərdi şəkildə verilməlidir.
Bu dərmanı yalnız həkimlə məsləhətləşərək və risklər dəyərləndirildikdən sonra istifadə etmək doğrudur.
🌀 Farhad Burzu
☎️050 331 98 05
