Səhiyyə Nazirliyi EImi-Tədqiqat Kardiologiya İnstitutu

15/08/2025

Şımkentdə II Qazaxıstan Ateroskleroz Cəmiyyəti Qurultayı keçirilir

14–15 avqust 2025-ci il tarixlərində Qazaxıstanın Şımkent şəhərində yerləşən “Rixos Khadisha Shymkent” otelində II Qazaxıstan Ateroskleroz Cəmiyyətinin Qurultayı keçirilir. Tədbir həm onlayn, həm də oflayn formatda baş tutaraq, ateroskleroz və digər ürək-damar xəstəliklərinin profilaktikası, diaqnostikası və müalicəsi sahəsində ən son elmi yeniliklərin müzakirəsi üçün geniş platforma yaratdı.
Qurultayda Qazaxıstan, Azərbaycan və digər ölkələrdən kardioloqlar, terapevtlər, lipidoloqlar, ümumi praktika həkimləri, tibb bacıları və digər səhiyyə mütəxəssisləri iştirak etdilər.
Azərbaycanı tədbirdə Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova, institutun elmi katibi, tibb üzrə fəlsəfə doktoru Təranə Cavadova və Hipertenziya şöbəsinin müdiri, professor Tofiq Cahangirov təmsil edirlər. Onların çıxışları aterosklerozun risk faktorları, müasir müalicə metodları və yüksək qan təzyiqinin ürək-damar sağlamlığına təsiri mövzularına həsr olunmuşdu. Professor Gülnaz Dadaşova həmçinin tədbirdə moderator olaraq iştirak edib
İki gün davam edən tədbir çərçivəsində plenar iclaslar, tematik seksiyalar və interaktiv ustad dərsləri təşkil olunacaq. Proqramda ateroskleroz və qaraciyər xəstəlikləri, iltihab prosesləri, ailəvi hiperkolesterinemiya, hipertrigliseridemiya, periferik ateroskleroz, eləcə də Qazaxıstanda dislipoproteinemiya üzrə aparılan tədqiqatların nəticələri təqdim ediləcək.
Qurultay çərçivəsində beynəlxalq əməkdaşlığın genişləndirilməsi, ortaq tədqiqat layihələrinin icrası və innovativ müalicə protokollarının tətbiqi istiqamətində mühüm razılaşmalar əldə olunaraq ən fəal iştirakçılar xüsusi mükafatlarla təltif olunacaq.

13/08/2025

31/07/2025

14 iyul 2025-ci il tarixindən etibarən Azərbaycan Respublikası Səhiyyə Nazirliyi Elmi -Tədqiqat Kardiologiya İnstitutunda yay mövsumu könüllülərin layihə təkliflərinin ilk iclası keçirilib. Könüllülər “Pasiyent Könüllü Dostluğu Layihəsi” və “Laborator Innovasiyalar” layihələrini təqdim ediblər.

28/07/2025

25/07/2025

Çin Xalq Respublikasının Sincan Uyğur Muxtar Vilayətinin Urumçi şəhərində 25–26 iyul 2025-ci il tarixlərində keçirilən 6-cı “Kəmər və Yol” Akademik Forumunda Səhiyyə Nazirliyi Elmi-tədqiqat Kardiologiya İnstitutunun direktoru, professor Gülnaz Dadaşova və ETKİ-nin böyük elmi işçisi t.ü.f.d Vüsal Hacıyev iştirak ediblər.
Bu tədbir, Çin hökumətinin “Bir kəmər, bir yol” təşəbbüsünün tibbi və elmi sahələrdə beynəlxalq əməkdaşlıqla inkişafına yönəlib. Forum Sincan Uyğur Muxtar Regionunun yaranmasının 70 illiyinə həsr olunan və eyni zamanda Çinin 14-cü Beşillik Planının yekun mərhələsi ilə üst-üstə düşür. Konfransda dünyanın müxtəlif ölkələrindən tanınmış ekspertlər, səhiyyə rəhbərləri və elmi mərkəzlərin nümayəndələri iştirak edir.
Tədbir zamanı ETKİ-nin direktoru, professor Gülnaz Dadaşova “Azərbaycanda İcbari Tibbi Sığortanın Tətbiqindən əvvəl və Sonrakı Səhiyyənin Vəziyyəti” və t.ü.f.d. Vüsal Hacıyev “Ürək-damar xəstəliklərindən ölüm hallarının azaldılmasında kardioloji xidmətin aktual vəzifələri” mövzularında çıxış ediblər.
Təqdimatlar böyük maraqla qarşılanıb. Tədbirin ilk günü ETKİ nin direktoru, professor Gülnaz Dadaşova və Sincan Uyğur Muxtar Rayonun Xalq Xəstəxanasının direktoru Yan Yinin arasında memorandum imzalanıb.
Professor Gülnaz Dadaşova bildirib ki, memorandum Azərbaycan səhiyyəsinin beynəlxalq səviyyədə nüfuzunun artması və əhalimizin daha keyfiyyətli tibbi xidmətlərlə təmin olunması istiqamətində atılmış əhəmiyyətli addımlardan biridir.

24/07/2025

25–26 iyul 2025-ci il tarixlərində Çin Xalq Respublikasının Sincan Uyğur Muxtar Vilayətinin Urumçi şəhərində 6-cı «Kəmər və Yol» Akademik Forumu keçirilir.
Tədbirin ilk günü çərçivəsində Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova və ETKİ-nin böyük elmi işçisi, t.ü.f.d Vüsal Hacıyev Sincan Uyğur Muxtar Vilayətinin Xalq Xəstəxanasının fəaliyyəti ilə tanış olublar.
Ziyarət zamanı bildirilib ki, burada 5000-dən çox əməkdaş, o cümlədən yüzlərlə təcrübəli həkim və professor çalışır.
Xəstəxana ildə 2 milyondan çox ambulator xəstəyə xidmət göstərir, 90 mindən çox əməliyyat həyata keçirilir. Müasir tibbi avadanlıqlarla təchiz olunan xəstəxanada uğurla robotik cərrahiyə icra olunur, 2 min km aralıda olan xəstələri robotlar vasitəsi ilə angioqrafiya, stend implantasiyası, əməliyyatlar icra olunur, həmçinin ürək, böyrək və ağciyər transplantasiyası uğurla icra olunur. Bura eyni zamanda elmi-tədris mərkəzi kimi də fəaliyyət göstərir və bir sıra milli və regional ixtisaslar üzrə həkim hazırlığı aparılır.
Müəssisə həmçinin Çin Səhiyyə Nazirliyi tərəfindən beynəlxalq təcili yardım mərkəzi kimi tanınıb.
Xəstəxana rəhbərliyi ilə görüş zamanı professor Gülnaz Dadaşova qeyd edib ki, Sincan regionunda səhiyyənin inkişafında böyük rol oynayan bu mərkəz, beynəlxalq əməkdaşlıq və akademik mübadilələr üçün də önəmli platformadır və bu öz növbəsində Azərbaycan ilə Çin birgə səhiyyə əməkdaşlığında öz töhfəsini verəcək.

16/07/2025

14 iyul 2025-ci il tarixindən etibarən Azərbaycan Respublikası Səhiyyə Nazirliyi Elmi -Tədqiqat Kardiologiya İnstitutunda yay mövsumu könüllülərin növbəti seçim mərhələsi başlayıb.
Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova imtahan iştirakçıları ilə görüşərək onlara uğurlar arzu edib.
Bilik və bacarıqlarının yoxlanması məqsədilə namizədlərə suallar təqdim edilmişdir.
Qeyd edək ki, 3 gün ərzində 571 nəfər namizəd imtahanlarda iştirak edib.