Dr. Ağakişiyev Aqil

02/04/2026

Qıcıqlanmış Bağırsaq Sindromu (IBS) bağırsaqların funksional pozuntusu və həyat keyfiyyətini aşağı sala bilər.

💡 Ən çox rast gəlinən simptomlar:
- Qarın ağrısı və sancı;
- Şişkinlik, qaz;
- Qəbizlik və ya ishal (bəzən növbəli);
- Yüngül yorğunluq və narahatlıq.

IBS ciddi orqan zədəsi yaratmasa da, gündəlik fəaliyyəti və psixoloji vəziyyətə təsir edir.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

01/04/2026

✅Xərçəng növlərinin bir çoxu erkən aşkar edilərsə, 90% hallarda tam müalicə olunur.
Bu gündən başlayan xərçənglə mübarizə həftəsi bizə qorxmamağı öyrədir.

Unutmayın, kiçik bir müayinə böyük bir həyatı xilas edə bilər.

30/03/2026

30/03/2026

👉56 yaşlı qadın pasiyent ciddi köp, həzm pozuntusu və ağız qoxusu şikayətləri ilə müraciət edib. Pasiyent həmçinin əsasən epiqastral nahiyədə yaranan və kürəyə doğru yayılan ağrılardan şikayətlənirdi.
Şikayətlərin səbəbini dəqiqləşdirmək üçün endoskopiya müayinəsi aparıldı. Müayinə zamanı mədə və onikibarmaq bağırsaqda 1 sm-dən böyük çoxsaylı xoralar, həmçinin nodulyar (düyünlü) qastrit aşkar olundu. Qastroezofagial reflüks sahəsi və qida borusunun alt hissəsi də yoxlanıldı və bu bölgədə də patoloji dəyişikliklər müşahidə edildi.
Belə hallarda xoraların yaranmasında Helicobacter pylori infeksiyasının rolu yüksək olduğuna görə, diaqnozu dəqiqləşdirmək məqsədilə onikibarmaq bağırsaqdan yaxma götürüldü.
Dəqiq diaqnoz qoyulduqdan sonra uyğun müalicə planı hazırlanır və xoraların aradan qaldırılması üçün müvafiq terapiya tətbiq olunur. Erkən diaqnostika və düzgün müalicə həzm sistemi xəstəliklərinin ağırlaşmasının qarşısını almaqda mühüm rol oynayır.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

27/03/2026

👉Ağızdan p*s qoxu gəlməsi (halitoz) çox vaxt diş və ağız boşluğu problemləri ilə əlaqələndirilir. Lakin bəzi hallarda səbəb daha dərindədir. Əgər ağız qoxusu uzunmüddətlidirsə və gigiyenik tədbirlərə baxmayaraq aradan qalxmırsa, problemin mənbəyini həzm sistemində axtarmaq lazımdır.

Həzm sistemi ilə əlaqəli mümkün səbəblər:
· Qastroezofageal reflüks xəstəliyi. Mədə möhtəviyyatının qida borusuna geri qayıtması turş dad və xoşagəlməz qoxuya səbəb ola bilər.
· Helikobakter pilori infeksiyası. Mədədə xroniki iltihab və turşuluq pozuntusu yarada bilər.
· Qastrit və mədə xorası. Həzm prosesinin pozulması və qaz əmələ gəlməsi ağız qoxusuna səbəb ola bilər.
· Bağırsaq mikroflorasının pozulması. Köp, qaz və həzm problemləri ilə birlikdə müşahidə oluna bilər.

Əgər özünüzdə ağız qoxusunun qıcqırma, şişkinlik, qarın ağrısı kimi əlamətlərlə müşahidə olunduğunu görürsünüzsə, ac qalanda və ya gecə saaatlarında narahatlıq hiss edirsinizsə, mütləq həkimə müraciət edin. Müntəzəm davam edən ağız qoxusu ancaq estetik problem deyil, bəzən həzm sistemi xəstəliklərinin siqnalı ola bilər.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

25/03/2026

👉40 yaşlı qadın pasiyentimiz abdominal ağrı şikayətləri ilə müraciət edib. Aparılan USM və laborator analizlər normal olsa da, sağ kalça çuxurunda davamlı ağrılar müşahidə olunduğu üçün Kron xəstəliyi şübhəsi yarandı və kolonoskopiya qərara alındı.
Müayinə zamanı incə bağırsaqda ciddi xoralar aşkar edildi və Kron xəstəliyi diaqnozu təsdiqləndi. Pasiyent üçün uzunmüddətli immunsupressiv və xora əleyhinə müalicə planlaşdırılır. Biopsiya nümunəsi götürülüb, histoloji nəticələrə əsasən müalicə təyin ediləcək.
Növbəti müayinə 3 ay sonra keçiriləcək, xəstəliyin remissiya vəziyyətinə çatacağı gözlənilir.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

23/03/2026

👉Qəbizlikdən qorunmaq və bağırsaq hərəkətlərini normallaşdırmaq üçün düzgün qidalanma əsas rol oynayır.

Qida tövsiyələri:
· Lifli qidalar. Məsələn, tərəvəzlər, meyvələr, tam taxıllar, paxlalılar.
· Probiyotik qidalar. Yoqurt, kefir və fermentləşdiriımiş tərəvəzlər.
· Yağlı qidalar. Zeytun yağı, avokado və balıq yağı.

Bunlardan əlavə, çoxlu maye qəbul edin. Gün ərzində 1.5-2 litr su için. Şəkərli və rafinə olunmuş qidaları (ağ çörək, konfet və sürətli karbihidratları) məhdudlaşdırın və fiziki aktiv olun. Amma unutmayın ki, uzunmüddətli qəbizlik zamanı pəhriz kifayət etməyə bilər və həkimə müraciət etmək vacibdir.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

20/03/2026

18/03/2026

👉Xoledox (ümumi öd axacağı) qaraciyərdən və öd kisəsindən gələn ödün onikibarmaq bağırsağa daşınmasını təmin edən əsas kanaldır. Bu kanalın daralması öd axınını əngəlləməklə sarılıq, qarın nahiyəsində narahatlıq və öd yolu infeksiyaslarına gətirib çıxara bilər.
Belə hallarda ERCP proseduru vasitəsilə öd kanalına plastik stent yerləşdirilir. Bu zaman ERCP həm diaqnostika, həm də müalicə məqsədilə istifadə edilir.

Prosedur necə aparılır:
• Xəstə sedasiya altına yerləşdirilir və endoskop vasitəsilə mədə və onikibarmaq bağırsağa daxil olunur;
• Darlığın yerini görmək üçün öd kanalına xüsusi kontrast maddə yeridilir və rentgen çəkilir;
• Darlığın yeri müəyyən ediləndən sonra həmin hissəyə plastik stent yerləşdirilir.

Müalicə tədbirləri nəticəsində öd axını bərpa olunur, növbəti bir neçə gün ərzində xəstə özünü daha yaxşı hiss etməyə başlayır. Bütün simptomlar geriləməyə başlayır. Öd yollarına stent qoyulması minimal invaziv və təhlükəsiz prosedurdur.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

16/03/2026

👉Gənc ailələrin pediatra müraciət etməsinin əsas səbəblərindən biri də bağırsaq infeksiyalarıdır. Çünki 5 yaşına kimi uşaqların immuniteti hələ formalaşmadığına görə onlar infeksiyalara qarşı xüsusilə həssasdırlar.
Uşaqlarda bağırsaq infeksiyaları kəskin formada keçir, mədəni, qalın və yoğun bağırsağı zədələyir. Ən ağır hallarda qastroenterit inkişaf edə bilər.

Simptomları:
· Ürəkbulanma və çoxsaylı qusma halları;
· Diareya;
· Qarın nahiyəsində ağrı;
· Temperaturun yüksəlməsi;
· Zəiflik, halsızlıq və iştahasızlıq;
· Susuzluq əlamətləri (dodaqların quruması, nadir hallarda sidiyə çıxma, ağlayarkən göz yaşının gəlməməsi).

Temperaturun çox yüksək olması və dərmanlarla belə düşməməsi, qanlı ishal və qusma, uzunmüddət sidiyə çıxmama kimi simptomlar təhlükəli hesab edilir və təcili tədbir görülməlidir.
Uşaqlar infeksiyaya fərqli yollarla yoluxa bilərlər. Məsələn, çirkli əllər və ya oyuncaqlar, yuyulmamış meyvələr və tərəvəzlər, qaynadılmamış su.

Bunun baş verməməsi üçün uşaqlara diqqətlə yanaşmalı, onları qorumalıyıq. Yox, əgər infeksiyaya yoluxma artıq baş veribsə, bu zaman vaxt itirmədən həkimə mürəciət etmək lazımdır.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com

13/03/2026

👉Mədə şirəsi mədənin hüceyrələri tərəfindən ifraz olunan və həzm prosesində iştirak edən maddələrin qarışığıdır. Turşu bu maddələrdən biridir. O, antibakterial təsirə malikdir, əsas funksiyası zülalları parçalamaq, yeməyin bağırsağa keçməsinə və xeyirli mikroelementlərin daha yaxşı mənimsənilməsinə yardımçı olmaqdır.

Onun turşuluğunun artması bir neçə amildən asılıdır:
· Qida rejiminin pozulması. Uzun fasilərlə yemək, tünd çay, kofe spirtli içkilər, qızardılmış və yağlı yeməklər, eləcə də fastfudu həddən çox qəbul etmək. Mümtəzəm quru yemək, çox yemək, tez-tez yemək də bura aiddir.
· Uzun müddət dərman qəbul etmək. Dərman preparatları mədə divarını zədələyə bilər.
· Xroniki stres. Davamlı gərgin və narahat vəziyyətlər də mədə yanması və diskomforta səbəb ola bilər. Bu hallar həmçinin mədə şirəsinin sekresiyasını da artırır, iştahın azalması isə, qeyd etdiyimiz kimi, qida rejiminin pozulmasına gətirib çıxarır.
· Siqaret çəkmək və alkoqol qəbul etmək.
· Mədə-bağırsaq traktı orqanlarının patologiyaları. Qastrit, mədə xorası, qastroezofageal reflüks və həzm sistemi şişləri.

Əlamətləri arasında ağızda turş tam ilə gəyirmə, mədənin dolu olduğu hissi, mədədə, sinədə yanma hissi, qarının üst hissəsində ağrı, ishalın bərk olması və ya diareya, eləcə də qazları göstərmək olar.

Bu əlamətləri özünüzdə müşahidə etmisinizsə, dərhal həkimə müraciət etməlisiniz. Analizlərin nəticəsi mədə turşuluğunun artdığını təsdiqləyərsə, dərhal müalicəyə başlamaq lazımdır.

👨‍⚕Qastroenteroloq, hepatoloq, invaziv endoskop*st Dr. Aqil Ağakişiyev
📞+994552605959
📍 Avropa Beynəlxalq Hospital (Bakı şəhər, Mikayıl Müşfiq 2A)
🌐 https://hepatoloq.com