Psixoloq Elnur Rüstəmov

12/08/2025

Psixologiya Elmi Tədqiqat İnstitutunda psixologiya ixtisası üzrə yenidənhazırlanma təhsilimiz tələbə və məzunlarımız tərəfindən yüksək qiymətləndirilir. Onlar tədrisin keyfiyyətindən, dərslərin aparılmasında iştirak edən təcrübəli və peşəkar mütəxəssislərdən, eləcə də Elm və Təhsil Nazirliyi tərəfindən təqdim olunan rəsmi diplomdan məmnunluqlarını xüsusi vurğulayırlar.

Bu proqram psixologiya sahəsində beynəlxalq standartlara uyğun hazırlanıb. Burada həm nəzəri biliklər, həm də geniş praktiki hazırlıq imkanları təqdim olunur. Bu, psixologiya sahəsində peşəkar fəaliyyətə başlamaq və ya mövcud biliklərini dərinləşdirmək istəyən hər kəs üçün ideal seçimdir.

📌 2025–2026-cı tədris ili üzrə sənəd qəbulu davam edir.
Qəbul 15 sentyabr 2025-ci il tarixinədək aparılır.

📍 Müraciət ünvanı:
Psixologiya Elmi-Tədqiqat İnstitutu – Əlavə Təhsil və İnnovasiyalar Şöbəsi

⏰ İş saatları: Həftə içi günlər 10:00–17:00
📞 Əlaqə: (012) 480-36-29 | (070) 268-27-08
📧 E-mail: elavetehsil@psixologiyainstitutu.az

🎓 Gələcəyinizi peşəkar bilik və bacarıqlarla formalaşdırmaq üçün sizi Psixologiya Elmi-Tədqiqat İnstitutuna dəvət edirəm.

09/08/2025

Nəyi necə, nə vaxt etmək lazımdır, bunu mən bilirəm!✊🇦🇿

07/08/2025

26/07/2025

Bu gün Psixologiya Elmi Tədqiqat İnstitutunda 2024–2025-ci tədris ili üzrə “Psixologiya” ixtisası üzrə əlavə təhsil (yenidənhazırlanma) proqramını uğurla başa vuran tələbələrimizin Məzun Gününü böyük qürur və sevinc hissi ilə qeyd etdik.

Tədbir Azərbaycan Respublikasının Dövlət Himni ilə başladı, ardınca Ulu Öndər Heydər Əliyevin və Vətən uğrunda canlarını fəda etmiş şəhidlərimizin əziz xatirəsi ehtiramla yad edildi.

📌 Tədbirdə çıxış edərək, məzunlarımızı səmimi qəlbdən təbrik etdim. Vurğuladım ki, əlavə təhsil proqramı ölkəmizdə psixoloji biliklərin yayılması və peşəkar kadr potensialının formalaşması baxımından mühüm əhəmiyyət daşıyır. Məqsədimiz – elmi əsaslı, beynəlxalq tələblərə cavab verən, yerli kontekstə uyğunlaşdırılmış psixoloji yanaşmalarla cəmiyyətimizə töhfə verəcək mütəxəssislər yetişdirməkdir.

Tədbirdə Azərbaycan Dövlət Pedaqoji Universitetinin Ağcabədi filialının direktoru, dosent Mobil Məcidov, institutumuzun şöbə müdirləri, mütəxəssislər, məzunlar və valideynlər çıxış edərək proqramın əhəmiyyəti, təşkilatçılıq barədə fikirlərini bölüşdülər.

🎭 Məzunlarımızın təqdim etdiyi “Psixoloqun ilk seansı” adlı səhnəcik isə tədbirə xüsusi rəng qatdı və auditoriyada böyük maraqla qarşılandı.

📌 Bu gün biz sadəcə bir mərasimi qeyd etmədik. Biz bir yolun sonunu və yeni bir mərhələnin başlanğıcını yaşadıq. Məzunlarımızın hər birinin psixologiyanın gələcəyinə öz layiqli tövhələrini verəcəklərinə əminəm.

📸 Tədbirin sonunda məzunlarımızla xatirə şəkli çəkdirdik və bu uğurun sevincini birgə bölüşdük.

22/07/2025

Bu gün sözün və qələmin gücü ilə cəmiyyətin inkişafına xidmət edən, ictimai şüurun formalaşmasında əvəzsiz rol oynayan Azərbaycan jurnalistlərinin bayramıdır.

Azərbaycan milli mətbuatı 1875-ci il iyulun 22-də Həsən bəy Zərdabinin təşəbbüsü ilə nəşr olunan “Əkinçi” qəzetindən başlayaraq şərəfli və məsuliyyətli bir yol keçmişdir. Bu yol həm maarifçilik, həm milli oyanış, həm də azad düşüncə uğrunda mübarizələrlə doludur.

Bu əlamətdar gündə peşə fəaliyyətlərində fərqlənmiş, cəmiyyətə obyektiv və prinsipial informasiyalarla xidmət etmiş bütün jurnalistləri, xüsusilə də dövlət mükafatlarına layiq görülənləri səmimi qəlbdən təbrik edirəm!

Həqiqətin, ədalətin və vicdanın səsinə çevrilən bütün jurnalistlərə fəaliyyətlərində uğurlar arzulayıram!

Milli Mətbuat Gününüz mübarək!

17/07/2025

17 iyul tarixində Psixologiya Elmi Tədqiqat İnstitutunda 2024–2025-ci tədris ili üçün psixologiya ixtisası üzrə yenidənhazırlanma proqramı çərçivəsində internatura hesabatlarının yekun qiymətləndirilməsi keçirildi.

Təcrübə Komissiyasına Azərbaycan Dövlət Pedaqoji Universitetinin Ümumi psixologiya kafedrasının müdiri, p.ü.e.d., professor Ramiz Əliyev sədrlik edib.

Komissiyanın tərkibində institutumuzun Ümumi və şəxsiyyət psixologiyası şöbəsinin müdiri, p.ü.f.d., dosent Məhərrəm Əliyev, Əlavə təhsil və innovasiyalar şöbəsinin müdiri Ülviyyə Nəhmətova, klinik psixoloq Mələk Allahverdiyeva və hüquq psixoloqu Lamiyyə Hüseynova da yer alıblar.

Mən də institut rəhbəri olaraq bu qiymətləndirmədə müşahidəçi qismində iştirak etdim və tələbələrimizin həm nəzəri, həm də praktiki hazırlıq baxımından göstərdikləri performansı məmnuniyyətlə izlədim.

✨ Təcrübə dövrünü uğurla başa vuran tələbələrimizi ürəkdən təbrik edirəm! İnanıram ki, qazandıqları bilik və bacarıqlar onların peşəkar həyatında möhkəm təməl olacaq.

📌 İnstitut olaraq psixologiya sahəsində müasir tələblərə cavab verən, savadlı və məsuliyyətli mütəxəssislər yetişdirməyə davam edirik!

Gənc həmkarlarımıza elmi və praktik fəaliyyətlərində bol uğurlar arzu edirəm!

12/07/2025

✨ Bu gün Psixologiya Elmi Tədqiqat İnstitutunda bizim üçün xüsusi əhəmiyyət daşıyan bir gün idi. Müasir Azərbaycan Psixoloqları Cəmiyyəti ilə birgə təşkil etdiyimiz 11-ci Könüllü Fəaliyyət Qrupunun məzun gününü qeyd etdik.

🎓 Gənc psixoloqlarımızın institutda keçdikləri bu 6 aylıq yol təkcə bilik və bacarıqla zəngin deyildi – onlar həm də əməkdaşlıq, təşəbbüskarlıq və sosial məsuliyyət ruhu qazandılar. Könüllülük sadəcə bir mərhələ deyil, həm də gələcəyin savadlı, dürüst və vicdanlı psixoloqlarının formalaşdığı bir məktəbdir.

📌 Tədbir zamanı Milli Məclisin deputatı, Müasir Azərbaycan Psixoloqları Cəmiyyətinin idarə heyətinin sədri, AMEA-nın müxbir üzvi, professor Bəxtiyar Əliyev könüllülük proqramının elmi və praktiki əhəmiyyətindən danışdı, mən isə institut rəhbəri olaraq bu təşəbbüsün gənclərin həyatında yaratdığı real dəyəri vurğuladım.

💬 Könüllülərlə İş şöbəsinin müdiri Emilya Nəsibova və Əlavə Təhsil və İnnovasiyalar şöbəsinin rəhbəri Ülviyyə Nəhmətova da könüllülərimizin fəaliyyətini yüksək qiymətləndirərək onlara gələcək fəaliyyətlərində uğurlar arzuladılar.

📽 Tədbir zamanı könüllülərə həsr olunmuş videoçarx nümayiş olundu, sonda isə xatirə plaketləri təqdim etdik və birlikdə yadda qalan bir kollektiv foto çəkdirdik.

Bu layihədə əməyi olan hər bir əməkdaşımıza, iştirak edən hər bir könüllümüzə təşəkkür edirəm. Sizə güvənir və inanırıq. Yolunuz açıq olsun, Əziz Könüllülər!🌿
org.az

merkez_ nasibovae

10/07/2025

“Şəxsiyyət və Suverenlik” mövzusuna həsr olunmuş Psixologiya Zirvəsi – 3 beynəlxalq elmi-praktik konfransı artıq tarixə yazıldı.

5-6 iyul tarixlərində Bakı Slavyan Universitetində Müasir Azərbaycan Psixoloqları Cəmiyyəti və Psixologiya Elmi-Tədqiqat İnstitutunun birgə təşkilatçılığı ilə baş tutan bu möhtəşəm tədbir, fərdi və milli kimliyin psixoloji əsaslarının elmi müzakirə olunduğu, zəngin məruzələrin təqdim edildiyi və psixologiya ictimaiyyətinin bir araya gəldiyi mühüm bir platformaya çevrildi.

Konfrans, müasir psixologiyanın aktual problemlərini, post-müharibə dövründə şəxsiyyətin formalaşmasını və suverenlik anlayışının psixoloji izahlarını əhatə edərək, həm yerli, həm də beynəlxalq mütəxəssislər üçün yeni əməkdaşlıq imkanları yaratdı.

Bu əhəmiyyətli tədbiri geniş ictimaiyyətə çatdıran “Azərbaycan” qəzetinə təşəkkürümüzü bildiririk. Elmi fəaliyyətin və psixologiya sahəsindəki yeniliklərin işıqlandırılması bu kimi platformaların cəmiyyətə inteqrasiyası baxımından çox önəmlidir.

5-6 iyul tarixlərdə Bakı Slavyan Universitetində (BSU) Psixologiya Zirvəsi - 3. Şəxsiyyət və Suverenlik: fərdi və milli kimliyin psixoloji aspektləri adlı beynəlxalq elmi-praktik konfrans keçirilib. Tədbir BSU, Müasir Azərbaycan Psixoloqları Cəmiyyəti və Psixologiya Elmi-Tədqi...

07/07/2025

5-6 iyul tarixlərində Bakı Slavyan Universiteti, Müasir Azərbaycan Psixoloqları Cəmiyyəti və Psixologiya Elmi-Tədqiqat İnstitutunun birgə təşkilatçılığı ilə “Psixologiya Zirvəsi – 3” beynəlxalq elmi-praktik konfransını uğurla keçirdik!

Bu dəfə mövzumuz: “Şəxsiyyət və Suverenlik: fərdi və milli kimliyin psixoloji aspektləri” oldu.

🇦🇿 Vətənə bağlılıq, şəxsiyyətin psixoloji dayanıqlığı, ailənin rifahı, cəmiyyətin psixi sağlamlığı – hər biri bu möhtəşəm tədbirin əsas xəttini təşkil etdi.

📍 Konfransda yerli və xarici psixoloqlar, alimlər, mütəxəssislər bir araya gələrək həm elmi baxışlarını paylaşdılar, həm də praktik təcrübələrini təqdim etdilər.

Konfransın açılışında çıxış edən Bakı Slavyan Universitetinin rektoru Anar Nağıyev, Milli Məclisin deputatı, AMEA-nın müxbir üzvü, Müasir Azərbaycan Psixoloqlarə Cəmiyyətinin sədri professor Bəxtiyar Əliyev, Psixologiya Elmi-Tədqiqat İnstitutunun sədri olaraq mən – Elnur Rüstəmov və digər hörmətli alimlər bu zirvə görüşünün elmi və ictimai əhəmiyyətini vurğuladıq.

Azərbaycan və Türkiyə arasında elmi əməkdaşlıq, milli kimliyin formalaşmasında psixoloji yanaşmalar, yeni psixokorreksiya üsulları və müasir psixoloji problemlər – konfransın əsas müzakirə mövzuları sırasında idi.

Professor Mehmet Engin Deniz, prof. Elmar Hüseynov, dos. Araz Manuçehri Lalei, dos. Ümit Arslan, dos. Gülnarə Həsənova, dos. Murat Artıran, Narınc Rüstəmova, Elmir Təhməzov,, Ülviyyə Nəhmətova, Ülkər Zalova Nuriyeva, Səbinə Oruc Eyyub və digər mütəxəssislər elmi məruzələrlə tədbirə xüsusi töhfə verdilər.

Konfransın sonunda bu elmi platformanın gələcək illərdə də davam etdirilməsinin vacibliyi vurğulandı.

Əməkdaşlıq edən bütün qurumlara və dəyərli iştirakçılara, təşkilatçılıqda əməyi keçən hər kəsə dərin təşəkkürümü bildirirəm!

01/07/2025

Psixologiya Elmi Tədqiqat İnstitutu daha bir uğura imza atdı. Yeniyetmələr arasında psixoloji distres səviyyəsini ölçən CAPDS-10 şkalasının Azərbaycan dilinə uyğunlaşdırılması və psixometrik qiymətləndirilməsi Q1 kateqoriyasında yer alan, “Web of Science”, “Scopus” və digər beynəlxalq elmi bazalarda indekslənən nüfuzlu “The Journal of Education, Culture and Society” jurnalının 2025-ci il, 1-ci nömrəsində dərc olunub.

🔗 Məqalə ilə tanış olun:
https://www.azerbaijan-news.az/az/posts/detail/psixologiya-elmi-tedqiqat-institutunun-tedqiqat-meqalesi-nufuzlu-beynelxalq-jurnalda-derc-olunubnbspnbsp-1751354917/363832

Bu nailiyyət – elmi əsaslı, beynəlxalq standartlara uyğun psixodiaqnostik alətlərin hazırlanması sahəsində institutun davamlı və sistemli fəaliyyətinin bariz nümunəsidir.

👏 Tədqiqat qrupuna, onun rəhbəri, AMEA-nın müxbir üzvü, professor Bəxtiyar Əliyevə, eləcə də elmi heyətə, dəstəyə görə “Azərbaycan” qəzetinə təşəkkür edirəm.

İnstitut olaraq, psixologiya elminin inkişafı və praktikaya töhfə verən tədqiqatların təşviqinə davam edəcəyik!

Hər zaman dediyimiz kimi; yolumuz, elm yoludur✊

Psixologiya Elmi-Tədqiqat İnstitutu tərəfindən aparılan tədqiqatın nəticələri Q1 kateqoriyasında yer alan, “Web of Science”, “Scopus” və digər beynəlxalq elmi bazalarda indekslənən “The Journal of Education, Culture and Society” jurnalının 2025-ci il, 1-ci nömrəsind....