What are the opening hours?

Monday 08:30 - 16:30 Wednesday 08:30 - 16:30 Thursday 08:30 - 16:30 Saturday 09:00 - 16:30

Dr. Rəfadar Xəlilov

Home
Azerbaijan
Baku
Dr. Rəfadar Xəlilov

Dr.Rəfadar Xəlilov
Oftalmoloq cərrah (Göz həkimi)
Tibb Elmləri Namizədi

31/12/2025

Hər birinizi Dünya Azərbaycanlılarının Həmrəyliyi Günü və yeni il münasibətilə təbrik edirəm!

27/12/2025

Gözlərimizi qorumaq üçün ekran müddətini azaltmağı tövsiyə edirik. Lakin peşəsi birbaşa kompüterlə bağlı olan insanlar var. Onlar ömürlərinin sonunadək bu işlə məşğul olacaqlar. Onalar sağlamlıqlarına zərər vermədən bu məsələni necə yoluna qoya bilərlər?

Bu videoda onlar üçün göz həkimi olaraq tövsiyələrimi verdim.
Videoya baxın, suallarınız yaranarsa qeyd edin.

26/12/2025

Zəifgörmə ilə bağlı eynək yazdıqda orada müəyyən qeydlər edirik. Gəlin, onlarla tanış olaq:

ƏSAS MƏLUMATLAR
OD (Oculus Dexter) - Sağ Göz
OS (Oculus Sinister) - Sol Göz

Sph (Sphere) - Görmə dərəcəsi (dioptriya)
"–" olduqda uzağı zəif görmə (miyopiya)
"+" olduqda yaxını zəif görmə (hipermetropiya)
Plano / 0.00: məsafə problemi yoxdur

Cyl (Cylinder) - Astiqmatizm üçün korreksiya göstəricisi
Adətən ±0.25 – ±4.00 aralığında olur.

PD (Pupillary Distance) - Bəbəklər arası məsafə (mm)
Bu göstərici eynək şüşələrinin mərkəzləri arasındakı məsafəni təyin edir. Orta göstərici qadınlar üçün adətən ~62 mm, kişilər üçün ~64 mm ətrafındadır.

ASTİQMATİZMLƏ BAĞLI MƏLUMATLAR
Axis - Astiqmatizmin istiqaməti (1–180°)
Yalnız Cyl qrafasında göstərici qeyd olunubsa Axis də qeyd olunur.

ƏLAVƏLƏRLƏ BAĞLI MƏLUMATLAR
Bifokal və proqressiv şüşəli eynəklər üçün, o cümlədən prizma əlavəsi ilə bağlı məlumatlar bu bölmədə yer alır.

21/12/2025

Bütün ikili görmələr çəpgözlük zamanı olur. Amma bütün çəpgözlüklərdə ikili görmə olmur. Bu videoda ikili görmənin səbəbləri haqqında danışdım.

Videoya baxın, suallarınız yaranarsa qeyd edin.

15/12/2025

Qonşu orqanlara bağlı göz problemləri

Səhər yuxudan qalxandakı qızartı və hətta bəzən göz qapaqlarının burun tərəfi ucunda az miqdarda ifrazat.. Bunların böyük əksəriyyəti burun probleminə bağlı olur. Ya soyuqdəyməyə, ya allergik rinitə bağlı olaraq burun daxilindəki balıqqulağılar şişir.

Göz yaşı kanalı da buruna açılır. Balıqqulağılar şişdikdə bu kanalın ağzı sıxılır, maye buruna axa bilmir. Gözün içərisində qalan mikro tozcuqlar gözdə qıcıqlanmalar əmələ gətirə bilir. Durğunluğa bağlı konyunktivit formalaşır.

Belə hallarda göz dərmanı yazırıq. Faydası da olur. Amma mütləq LOR həkimi müayinəsi də tələb edirik. Problemin əsas səbəbi aradan qalxmasa, təkcə göz dərmanları yetərli olmur.

08/12/2025

Bəzən pasiyentlər narahat olur: "Uşağın ancaq bir gözü görür. Çox oxuyub onu gücə salmasın!"

Əslində hər göz öz bacardığı qədər işləyər, digər gözün yerində də işləməz? Belə olduqda, digər göz işləmədiyinə görə gücə düşməz. Amma əlbəttə ki, hamı kimi, ancaq bir gözü işləyən də göz gigiyenasına diqqət etməlidir.

Bu barədə növbəti videoda danışdım. Fikirlərinizi bölüşə bilərsiniz.

06/12/2025

Eynək şüşələrinin nömrələri və digər göstəriciləri haqqında danışmışıq. Yəqin yenə də danışmağa davam edəcəyik.

Amma eynəklərin (daha doğrusu eynək çərçivələrinin) də ayaqqabılarımız, geyimlərimiz kimi bədən ölçülərinin olduğu haqqında demək olar ki, danışmamışıq.

Öz eynək ölçüsünü bilmək, doğru çərçivəni seçməyimizi asanlaşdıracaq. Xüsusilə də online alışveriş zamanı bu məlumat daha çox işimizə yarayacaq.

Beləliklə, eynəklər də XS, S, M, L, XL ölçülərlə gəlir. Bu haqda məlumat eynəyin qulpunda yazılır. Amma çox azımız bu məlumatı oxuya bilir. Çünkü o bir az qarışıqdır. Gəlin aydınlaşdıraq.

Hər eynəyin qulpunda, içəri tərəfdə buna bənzər bir məlumat olur: məsələn, 54□17 144. Buradakı ilk göstərici (54) eynək şüşəsinin enini, ikinci göstərici (17) iki göz arasındakı məsafəni, üçüncü göstərici isə, eynəyin qulpunun uzunluğunu göstərir. Bu göstəricilər birlikdə XS, S, M, L, XL ölçülərini təşkil edir. Şəkildəki cədvəldə öz eynək çərçivə ölçünüzü axtarıb tapa bilərsiniz.

Əlbəttə ki, eynək şüşələrinin göstəriciləri ayrıdır və onlar da individualdır.

30/11/2025

"Gizli gedən çəpgözlük" - maraqlı bir mövzudur. Bəzi insanlarda əslində çəpgözlük var, amma əlamətsiz gedir. Amma hər an ortaya çıxa bilər. Bu barədə məlumat verdim.

Videoya baxın, suallarınız yaranarsa qeyd edin.

26/11/2025

Şüşələr təxminən 65-70 mm diametrdə disk formasında olur və onların ən aydın göstərən yeri tam mərkəzidir. Buna "fokus nöqtəsi" deyirik.

Eynək hazırlanarkən şüşə çərçivəyə uyğun olaraq yonulur və formaya salınır. Elə edilməlidir ki, şüşələrin fokus nöqtəsi ilə pasiyentin bəbəklərinin ortası üst-üstə düşsün. Əgər belə olarsa, o göz rahat fəaliyyət göstərər, rahat işləyər, yorulmaz və istədiyimiz nəticəni əldə edərik.

Bəzən pasiyent gəlir, görürsən ki, nömrədə problem yoxdur, həmin nömrədir, amma fokus nöqtəsi düzgün yerinə oturdulmayıb. Hətta 1 sm fərqli yerdə (aşağıda, sağda, solda) olan eynəklər görürük.

Bu daha çox eynəyin çərçivəsi qırıldıqda, amma şüşələr salamat qaldıqda olur. Bəzən valideynlər qənaət məqsədilə eyni şüşələri yeni çərçivəyə taxmağa qərar verirlər. Ancaq bir halda çıxan şüşə başqa çərçivəyə taxıla bilər: əgər çərçivələrin kodları eynidirsə!

Eynəklərin hamısının qulplarının kənarında onların kodları var. Ancaq eyni kodlu çərçivəyə başqa bir eynəyin şüşəsi taxıla bilər. Əgər kodlar fərqlidirsə, əvvəlki eynəyin şüşəsi buraya taxılmamalıdır.

Yoxsa pasiyent eynəkdən məmnun qalmır, gözü tez yorulur.

Valideynlərdən ən böyük xahişim budur. Onlar özlərini aldatmasınlar, uşaqlarını zərərə salmasınlar.

19/11/2025

Normalda 100% görən uşaq, amma dərindən müayinə etdikdə gözündə əslində nömrə olduğu aşkarlanır. Deməli beyin, akkomodasiya əzələləri bu nömrəni aradan qaldırmaq, normal görüntü əldə etmək üçün çox çalışırlar. Nəticədə uşaq 100% görür, amma çox yorulur. Bu uşağa kömək üçün həkim eynək yazır. İlk başlarda eynəklə dumanlı görür uşaq. Eynəyi çıxardıqda isə, gözlərdə ani çəpləşmə yaranır. Bunu görən valideynlər panikləyir və eynəyi taxmaqdan imtina edirlər.

Bu mövzuda məlumat verdim. Oxşar hadisəylə qarşılaşmısınızsa açıqlaması böyük ehtimalla budur.

18/11/2025

Yəqin ki, yaşlı insanların telefon ekranını yaxşı görmək üçün əli ilə özündən maksimum uzaqlaşdırdığının şahidi olmusunuz. 40 yaşdan sonra əksər insanlar yaxını yaxşı görə bilmir. Bu problem presbiopiya adlanır.

Bu insanlara yaxın üçün eynək yazılır. Kitab oxuyarkən və ya telefonla, kompüterlə məşğul olarkən yaxın eynəyi rahat görməni təmin edir. Daha qalıcı həll yolu axtaranlar üçün isə, gözdaxili linza (İOL) seçimi var.

10/11/2025

Bəzən çəpgözlük çox bariz məlum olur. Gözün biri düz baxır, digəri isə, başqa istiqamətdə. Bəzən isə, valideynlər hiss etmir uşağın gözlərində çəplik olduğunu. Hətta bəzən çəplik olmadığı halda çəpgözlükdən şübhələnilir.

Çəpgözlüyün olub-olmadığını necə ayırd etmək olur? Bu videoda bu mövzudan danışdım.

Address

20 Yanvar Küçəsi 1B
Baku
1134

Opening Hours

Monday	08:30 - 16:30
Wednesday	08:30 - 16:30
Thursday	08:30 - 16:30
Saturday	09:00 - 16:30

Telephone

+994515555850

Website

https://rafadarxalilov.com/

Alerts

Be the first to know and let us send you an email when Dr. Rəfadar Xəlilov posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Rəfadar Xəlilov:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Baku?