Bərdə Rayon Mərkəzi Xəstəxanası

17/09/2025

Azərbaycan Respublikası Konstitusiyasının 41-ci maddəsinə əsasən:

Hər kəsin sağlamlığını qorumaq və tibbi yardım almaq hüququ var.

17/09/2025

“815” Çağrı Mərkəzinə avqust ayı ərzində 15 minə yaxın zəng daxil olub

2025-ci ilin avqust ayı ərzində TƏBİB-in “815” Çağrı Mərkəzinə ümumilikdə 14 681 zəng daxil olub. Müraciətlərdən 14 323 zəng müvafiq olaraq dərhal cavablandırılıb, 358 müraciət isə Çağrı xidməti tərəfindən araşdırılması üçün qəbul edilib. 107 müraciətlə bağlı vətəndaşlara müvafiq izahatlar verilib, 101 müraciətlə bağlı məsələ həll edilib, 69 müraciət isə elektron sənəd dövriyyəsi üzərindən rəsmiləşdirilərək aidiyyəti üzrə yönləndirilib. 81 müraciətlə bağlı isə hazırda araşdırma prosesi davam etdirilir.

Daxil olan müraciətlərin mövzusu, əsasən, müayinə və müalicənin təşkili, əlillik məsələləri, dərman təminatı, tibbi heyət və tibbi xidmətdən şikayət, kadr məsələləri, tibbi arayış və sənədlərin verilməsi ilə bağlı olub.

Qeyd edək ki, TƏBİB-in “815” Çağrı Mərkəzi 2022-ci ilin dekabr ayında fəaliyyətə başlayıb. Mərkəzin yaradılmasında əsas məqsəd daxil olan müraciətlərin çevik cavablandırılması, aidiyyəti üzrə yönləndirilməsi və ən əsası, vətəndaş məmnunluğunun təmin edilməsidir.

Vətəndaşlar TƏBİB-in Çağrı Mərkəzi ilə əlaqə saxlamaqla yanaşı, yazılı müraciətləri birbaşa quruma təqdim edə, qurumun rəsmi internet səhifəsi (https://tabib.gov.az/vetendashlar-ucun/elektron-muraciet), eləcə də info@tabib.gov.az elektron poçt ünvanı üzərindən onlayn şəkildə müraciətlərini ünvanlaya bilərlər.

16/09/2025

Bərdə Rayon Mərkəzi Xəstəxanasında geniştərkibli təhlil xarakterli iclas keçirilib.

İclasda tibb müəssisəsinin direktoru Vüsal Məmmədov, müavinlər, şöbə və bölmə müdirləri iştirak edib.

İclasda tibb müəssisəsinin direktoru Vüsal Məmmədov çıxış edərək görülən işlər, problemlər və qarşıda duran gələcək hədəflər barədə müzakirələr aparılıb.

İclasın sonunda səmərəli fəaliyyətinə görə fərqlənən Reanimasiya şöbəsinin müdiri Eldar Kərimov təltif olunub.

16/09/2025

Bərdə Rayon Mərkəzi Xəstəxanasının direktoru Vüsal Məmmədov qəbul qrafikinə uyğun olaraq vətəndaşları qəbul edib.

Vətəndaşların qəbulu və müraciətlərinə baxılması işinin daha da yaxşılaşdırılması ilə bağlı qarşıya qoyulan tapşırıqların icrası məqsədilə keçirilən qəbul prosesində Bərdə RMX-nın aidiyyəti struktur bölmələrinin rəhbərləri iştirak ediblər.

Müayinə, müalicə, işlə təmin olunma və digər mövzuları əhatə edən müraciətlər diqqətlə dinlənilib və bir sıra məsələlər yerində həll olunub.

Digər müraciətlərin araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.

15/09/2025

TƏBİB-in Təlim və tədqiqatlar departamentinin dəstəyi Respublika Endokrinoloji Mərkəzin təşkilatçılığı ilə Bərdə Rayon Mərkəzi Xəstəxanasında “İlkin tibbi- sanitariya yardımının gücləndirilməsi” layihəsi çərçivəsində ilkin səhiyyə xidmətində çalışan tibb işçiləri üçün təlimlər keçirilib.

“Qeyri-infeksion xəstəliklərin idarə olunmasında tibb bacısının rolu” mövzusunda keçirilən təlimdə tibb müəssisəsinin tibb bacıları iştirak edib.

Təlim çərçivəsində “Şəkərli diabet məktəbi” barədə məlumatların tibb bacılarına sistemli şəkildə təqdim olunması nəzərdə tutulub.

Təlimin məqsədi ilkin səhiyyə xidmətində çalışan orta tibb işçilərinin təhsil və peşə ehtiyaclarını ödəmək, çalışdıqları vəzifə üzrə tələb olunan bilik və bacarıqları genişləndirmək və təkmilləşdirmək, peşə problemlərinin həllini təmin edən tibbi davranış, təfəkkür və bacarıqları inkişaf etdirmək, xəstəliklərin profilaktikası, sağlam həyat tərzinin təşviqi, müxtəlif qrup əhalinin patronajı, dispanseriyaziyası və səhiyyə sahəsində standartların tətbiqini təşviq etmək olub.

Bu təlimdə Respublika Endokrinoloji Mərkəzin həkim -endokrinoloqu Yeganə Sultanova, tibb bacıları Gülşən Əliyeva və İlahə Hüseynova iştirak edib.

Bərdə Rayon Mərkəzi Xəstəxanasının İlkin səhiyyə xidməti üzrə direktor müavini Peyman Bədəlzadə və Təlim mərkəzinin rəhbəri Zərif Teymurova təlim barədə ətraflı məlumatlar verib.

REM-in təlim üzrə koordinatoru Yeganə Sultanova “Pasiyentlərin Terapevtik Təlimi nədir” mövzusunda çıxış edib.

Beş gün ərzində keçirilən təlimdə tibb müəssisəsinin nəzdində olan kənd həkim məntəqələri, kənd tibb məntəqələrində, ailə sağlamlıq mərkəzlərində çalışan 258 nəfər tib personalı iştirak edib.

İnteraktiv formada baş tutan təlim zamanı iştirakçıları maraqlandıran suallar cavablandırılıb.

15/09/2025

Təhsil hər bir fərdin və bütöv cəmiyyətin inkişafında əsas rol oynayan mühüm amillərdəndir. Təhsil yalnız bilik və bacarıqların əldə edilməsini təmin etməklə kifayətlənmir, eyni zamanda fərdin düşüncə tərzini, sosial münasibətlərini və ümumi həyat keyfiyyətini formalaşdırır.

Uşaqların və gənclərin keyfiyyətli təhsil alması və onların gələcəkdə doğru qərarlar verməsi daha sağlam cəmiyyətin formalaşması deməkdir. Bir sözlə, təhsil hər zaman əvəzsizdir.

Təhsil sağlam cəmiyyətin təməlidir!

13/09/2025

Bərdə Rayon Mərkəzi Xəstəxanasında Ümumdünya İlk Tibbi Yardım Günü ilə əlaqədar tədbir keçirilib

Tədbirdə tibb müəssisəsinin direktorun İlkin səhiyyə xidməti üzrə müavini Peyman Bədəlzadə, baş tibb bacısı Zərif Teymurova, Xanım Cabbarova, Təcili və təxirə salınmaz tibbi yardım şöbəsinin əməkdaşları və xəstəxananın tibb personalı iştirak edib.

Tədbir zamanı Peyman Bədəlzadə çıxış edərək bu günün qeyd olunma tarixi, ilkin tibbi yardım xidmətlərinin optimallaşdırılması və qarşıda duran hədəflər haqqında ətraflı məlumat verib. Daha sonra yaşından və peşəsindən asılı olmayaraq, hər kəsin ilk tibbi yardım qaydalarını öyrənməsi, cəmiyyətdə bu sahədə məlumatlılığı artırmağın vacib olduğunu bildirib.

Tədbirin sonunda ilkin tibbi yardımla əlaqədar video-çarx nümayiş olunub və ilkin tibbi yardımın necə olduğu əyani olaraq tədbir iştirakçılarına göstərilib.

12/09/2025

Həssas əhali qrupu üçün səyyar tibbi aksiya davam etdirilir

Bərdə Rayon Mərkəzi Xəstəxanasının təşkilatçılığı ilə Bərdə rayon Piyadalar kəndində yerləşən tibb məntəqəsində səyyar tibbi aksiya keçirilib.

Aksiya çərçivəsində tibb müəssisəsinin müxtəlif ixtisaslı (laboratoriya, pediatr, mama, kardioloq, ginekoloq, terapevt, və s.) həkimləri tərəfindən vətəndaşlar icbari tibbi sığortanın Xidmətlər Zərfi çərçivəsində müayinə edilib və onlara zəruri tibbi xidmətlər göstərilib.

Aksiya zamanı səyyari mobil klinikalar vasitəsilə müayinələr həyata keçirilib.

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.

11/09/2025

10/09/2025

Bərdə Rayon Mərkəzi Xəstəxanasında geniştərkibli təhlil xarakterli iclas keçirilib.

İclasda tibb müəssisəsinin direktoru Vüsal Məmmədov, müavinlər, şöbə və bölmə müdirləri iştirak edib.

İclasda tibb müəssisəsinin direktoru Vüsal Məmmədov çıxış edərək görülən işlər, problemlər və qarşıda duran gələcək hədəflər barədə müzakirələr aparılıb.

İclas sual-cavab sessiyası ilə başa çatıb.

08/09/2025

Bərdə Rayon Mərkəzi Xəstəxanasında Dünya Fizioterapiya Günü ilə əlaqədar tədbir keçirilib.

Tədbirdə tibb müəssisəsinin direktoru Vüsal Məmmədov, Poliklinika şöbəsinin müdiri Nahid Abbasov, Fizioterapiya kabinetinin müdiri Pərvanə Novruzova və kabinetin digər əməkdaşları iştirak edib.

Tədbir zamanı Vüsal Məmmədov çıxış edərək bu günün qeyd olunma tarixi, fizioterapiya sahəsinin əhəmiyyəti, fizioterapevtik xidmətlərin optimallaşdırılması, qarşıda duran hədəflər və problemlər haqqında ətraflı məlumat verib.

Tədbirin sonunda isə səmərli fəaliyyətinə görə fərqlənən bir qrup tibb işçisi təltif olunub.