Balakən Rayon Mərkəzi Xəstəxanası

Balakən Rayon Mərkəzi Xəstəxanası Tibb müəssisəsi TƏBİB-in tabeliyində fəaliyyət göstərir.

Bu gün Balakən Rayon Mərkəzi Xəstəxanasının İnsan Resursları şöbəsində 9 il ərzində böyük məsuliyyət, peşəkarlıq və səmi...
01/04/2026

Bu gün Balakən Rayon Mərkəzi Xəstəxanasının İnsan Resursları şöbəsində 9 il ərzində böyük məsuliyyət, peşəkarlıq və səmimiyyətlə çalışan, İnsan Resursları şöbəsinin müdiri, dəyərli əməkdaşımız Nərmin Rafiq qızı Muradova ilə yeni həyat yoluna qədəm qoyarkən vidalaşırıq.
Uzun illər ərzində göstərdiyi nümunəvi fəaliyyətə görə əməkdaşımız xəstəxananın direktoru Dilbər Quliyeva tərəfindən fərxri fərmanla təltif olunmuşdur.
Nərmin xanım bu illər ərzində kollektivimizin etibarlı üzvü kimi öz zəhməti, işinə sevgisi və insanlara göstərdiyi diqqət ilə hər zaman seçilmişdir. Onun xəstəxanamızın inkişafında, iş mühitinin daha səmərəli və sağlam qurulmasında xüsusi əməyi olmuşdur.
Xüsusilə İnsan Resursları şöbəsinin müdiri kimi kollektivin formalaşmasında, əməkdaşlar arasında sağlam iş münasibətlərinin qurulmasında və idarəetmə proseslərinin uğurla həyata keçirilməsində böyük rolu olmuşdur.
Uzun illər göstərdiyi fədakar fəaliyyətə görə Nərmin xanıma dərin təşəkkürümüzü bildirir, gələcək həyatında və yeni fəaliyyət yolunda ona bol uğurlar, möhkəm can sağlığı və sonsuz nailiyyətlər arzulayırıq.

Sizin kollektivimizdə qoyduğunuz gözəl iz, səmimi münasibət və xoş xatirələr hər zaman bizimlə qalacaq. Yolunuz daim açıq, uğurlarınız bol olsun!

Balakən Rayon Mərkəzi Xəstəxanası-nın direktoru Dilbər Quliyeva və işçi heyəti 31 Mart Azərbaycanlıların Soyqırımı Günü ...
31/03/2026

Balakən Rayon Mərkəzi Xəstəxanası-nın direktoru Dilbər Quliyeva və işçi heyəti 31 Mart Azərbaycanlıların Soyqırımı Günü ilə əlaqədar abidə önünə gül qoyma mərasimində iştirak ediblər.
Bu gün xalqımızın yaddaşına həkk olunmuş ən dəhşətli qətliamlardan biri kimi tarixdə iz qoyub. Günahsız insanların amansızcasına qətlə yetirildiyi bu faciə heç zaman unudulmur, şəhidlərimizin əziz xatirəsi hər zaman dərin ehtiramla yad edilir.
Soyqırımı qurbanlarının və Vətən uğrunda canından keçən bütün şəhidlərimizin əziz xatirəsini dərin ehtiramla yad edir, Allahdan onlara rəhmət diləyirik. Ruhları şad olsun.

31/03/2026

31 Mart Azərbaycanlıların soyqırımı qurbanlarını dərin hörmət və ehtiramla yad edirik!

30/03/2026

Epilepsiya qədim tarixə malik və indiyə qədər tam müalicəsi tapılmayan xəstəliklərdən biridir.

Yeganə və əsas əlaməti təkrarlanan epileptik tutmalardır.

Hər il martın 26-sı Beynəlxalq Epilepsiya Maarifləndirmə Günü kimi qeyd olunur.

20/03/2026

Milli-mənəvi həmrəyliyin, humanizmin, şəfqət və mərhəmətin təcəssümü olan Ramazan bayramı münasibətilə hər kəsi səmimi-qəlbdən təbrik edirik!

Allah Ramazan ayı boyunca tutduğunuz orucları və etdiyiniz duaları qəbul etsin!🤲

20/03/2026

Novruz bayramınız mübarək!

Təbiətin oyanması və yenilənməsinin rəmzi olan Novruz bayramı hər kəsə sağlıq, qarşılıqlı anlaşma və əmin-amanlıq gətirsin!

18/03/2026

Balakən Rayon Mərkəzi Xəstəxanasında Novruz bayramı münasibətilə bayram sovqatları paylanıldı.
Stasionar müalicə alan xəstələrə də bayram sovqatları təqdim olundu.
Ğ Xəstələrə göstərilən bu diqqət onların bayram sevincini bölüşməyə və mənəvi dəstək hiss etmələrinə səbəb oldu.
Tədbir kollektiv və xəstələr arasında xoş ovqat yaradaraq birlik və həmrəyliyin daha da güclənməsinə töhfə verdi.

Balakən Rayon Mərkəzi Xəstəxanasında Müqəddəs Ramazan bayramı və Novruz bayramı münasibətilə tədbir keçirilib. Tədbirin ...
17/03/2026

Balakən Rayon Mərkəzi Xəstəxanasında Müqəddəs Ramazan bayramı və Novruz bayramı münasibətilə tədbir keçirilib. Tədbirin birinci çıxışını xəstəxananın direktoru Dilbər Quliyeva edib. O, qarşıdan gələn Müqəddəs Ramazan bayramını və Novruz bayramını təbrik edərək, bütün əməkdaşlara sağlamlıq, xoşbəxtlik və işlərində uğurlar arzulayıb.

Daha sonra Səhiyyə İşçiləri Həmkarlar İttifaqı Şurası adından xəstəxananın əməkdaşlarına bayram hədiyyələri təqdim olunub.

Balakən Rayon Mərkəzi Xəstəxanası adından bütün işçilərimizi Müqəddəs Ramazan və Novruz bayramı münasibətilə səmimi qəlbdən təbrik edirik!

“Həkim məsləhəti” rubrikamızda həkim-pediatr Laləzar Kazımova “Uşaqlarda yoluxucu xəstəliklər” mövzusunda məlumat verib....
16/03/2026

“Həkim məsləhəti” rubrikamızda həkim-pediatr Laləzar Kazımova “Uşaqlarda yoluxucu xəstəliklər” mövzusunda məlumat verib.
Uşaqlar yoluxucu xəstəliklərə daha həssasdırlar, çünki onların immun sistemi hələ tam formalaşmayıb. Lakin bir neçə sadə qaydaya əməl etməklə onları bu xəstəliklərdən qorumaq mümkündür.
● Əllərin gigiyenası – uşaqlara əllərini sabunla ən az 20 saniyə yumağı öyrədin. Yeməkdən əvvəl, tualetdən sonra və çöldən qayıtdıqda əllərin yuyulması çox vacibdir.
● Peyvəndlərin vaxtında edilməsi – uşaqların peyvənd cədvəlinə uyğun şəkildə vaksinasiya olunması bir çox yoluxucu xəstəliklərin qarşısını alır.
● Sağlam həyat tərzi – balanslı qidalanma, kifayət qədər su qəbulu, keyfiyyətli yuxu və fiziki aktivlik uşaqların immun sistemini gücləndirir.
● Xəstəlik əlamətlərinə diqqət – qızdırma, öskürək, ishal, qusma və ya səpgilər müşahidə olunarsa, vaxtında həkimə müraciət etmək vacibdir.
● Sosial mühitdə diqqətli olun – məktəb və bağça mühitində gigiyena qaydalarına riayət etmək, uşaqlara şəxsi gigiyena vərdişlərini aşılamaq yoluxmanın qarşısını almağa kömək edir.
Unutmayaq ki, sadə gigiyena qaydaları və profilaktik tədbirlər uşaqların sağlamlığını qorumaqda mühüm rol oynayır.

12/03/2026

Balakən Rayon Mərkəzi Xəstəxanasının həkim-oftalmoloqu Şahidə Məmmədova “Qlaukoma” xəstəliyi haqqında məlumat verib.

12/03/2026

Bu gün Ümumdünya Böyrək Günüdür!

Böyrəklər orqanizmdə zərərli maddələrin xaric olunmasında, su-duz balansının saxlanılması və ümumi sağlamlığın qorunmasında mühüm rol oynayır.

Onların sağlam qalması üçün:

💧 Kifayət qədər su için;
🥦 Sağlam qidalanın, duz və şəkəri məhdudlaşdırın;
🏃‍♂️ Aktiv həyat tərzi keçirin;
🩺 Müntəzəm tibbi müayinələrdən keçin.

Böyrəklərinizi qoruyun, sağlamlığınızı gücləndirin!

Mən, Mamedov Seymur Asabali oğlu, səhhətimdə yaranmış sağlamlıq problemləri ilə əlaqədar Balakən Rayon Mərkəzi Xəstəxana...
11/03/2026

Mən, Mamedov Seymur Asabali oğlu, səhhətimdə yaranmış sağlamlıq problemləri ilə əlaqədar Balakən Rayon Mərkəzi Xəstəxanasına müraciət etdiyim müddət ərzində bu tibb müəssisəsində göstərilən tibbi xidmətlərdən, yaradılmış şəraitdən və tibbi personalın vətəndaşlara olan diqqətli münasibətindən məmnunluğumu bildirmək istəyirəm.
Xəstəxanaya müraciət etdiyim ilk gündən etibarən burada vətəndaşlara yanaşmanın məsuliyyətli, sistemli və insanpərvər prinsiplər üzərində qurulduğunu açıq şəkildə hiss etdim. Baş həkim Günel Xəlilovanın diqqətli yanaşması və tapşırığı əsasında Terapiya şöbəsində stasionar müalicəyə qəbul olundum və müalicə müddətində mənə yüksək səviyyədə tibbi xidmət göstərildi.
Xəstəxananın bütün əməkdaşları – həkimlər, tibb bacıları, qeydiyyat və mühafizə xidmətində çalışan personal vətəndaşlara qarşı son dərəcə nəzakətli, diqqətli və qayğıkeş davranırlar. Stasionar müalicə müddətində həkimlər və tibb bacıları mütəmadi olaraq səhhətimlə maraqlanır, müalicə prosesini diqqətlə nəzarətdə saxlayırdılar. Bu, onların yüksək peşəkarlığının və məsuliyyət hissinin göstəricisidir.
Xəstəxanada təmizlik, sanitariya qaydaları, xəstələr üçün yaradılmış rahat şərait, eləcə də yeməkxana xidmətinin keyfiyyəti xüsusi qeyd olunmalıdır. Bütün bunlar xəstələrin müalicə müddətində həm fiziki, həm də psixoloji rahatlığını təmin edir.
Bu münasibətlə xəstəxananın direktoru Dilbər xanım Quliyevaya və xəstəxananın baş həkimi Günel Xəlilovaya rəhbərlik etdikləri kollektivin səmərəli fəaliyyətinə görə dərin təşəkkürümü bildirirəm. Eyni zamanda Terapiya şöbəsinin rəhbərliyinə, həkim-terapevtlər Gülandam Bayramova, Dr. Məhəmməd Oynağanov və şöbədə çalışan bütün tibb bacılarına göstərdikləri diqqət və qayğıya görə minnətdarlığımı ifadə edirəm.
Balakən Rayon Mərkəzi Xəstəxanasında çalışan bütün tibb işçilərinə gələcək fəaliyyətlərində möhkəm cansağlığı və uğurlar arzulayıram. Əminəm ki, bu tibb müəssisəsi gələcəkdə də vətəndaşlara yüksək səviyyədə tibbi xidmət göstərməyə davam edəcəkdir.

Hörmətlə,
Mamedov Seymur Asabalı oğlu.

Address

Belokan
0800

Telephone

+994242955295

Website

Alerts

Be the first to know and let us send you an email when Balakən Rayon Mərkəzi Xəstəxanası posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Balakən Rayon Mərkəzi Xəstəxanası:

Shortcuts

Share

Category