Xocavənd Rayon Mərkəzi Xəstəxanası

20/09/2025

20 Sentyabr - Dövlət Suverenliyi Günü

12/09/2025

28/08/2025

“Atalar və qızlar” - bir gün onlar sizin fəxriniz ola bilər!

Cəmiyyətin diqqətini son illər ölkəmizdə müşahidə olunan demoqrafik göstəricilərə, cinsi mənsubiyyətə görə hamiləliyin süni pozulmasına, hələ də selektiv abort hallarının baş verməsinə və eləcə də doğulan qız uşaqlarına oğlan övladları qədər şansların verilməməsinə cəlb etmək üçün “Atalar və qızlar” rubrikasını davam etdiririk.

Rubrikamızın növbəti qəhrəmanları Sumqayıt Tibb Mərkəzinin nəzdində olan 2 nömrəli xəstəxananın baş həkimi Arzu Bəndəliyeva və atası “Azərbaycan bayrağı” ordenli, Birinci Qarabağ müharibəsi qazisi Sultan Bəndəliyevdir.

Arzu Bəndəliyeva:

“Təhsil almağımda, həkim ixtisasını seçməyimdə atamın rolu böyükdür. Atam müharibədə ayağını itirəndə onun yanında - xəstəxanada qalmışam. Orada həkimlərin xəstələrə sevgi və qayğısını görəndən sonra həkim olmaq istədim və bunun üçün çalışdım...

Atam mənim qəhrəmanım, ilk sevgimdir. Hər gün, hər saniyə onun mənə inamını hiss edirəm. 2 qardaşım var, ancaq atam məni heç vaxt onlardan ayırmayıb. Əksinə məni daha da çox istəyib, istədiklərimi etməyə çalışıb. Qazandığım bütün uğurlarda atamın rolu var. Onu çox sevirəm və arzu edirəm ki, bütün atalar qız uşaqlarını sevsin, onların təhsil alması üçün əllərindən gələni etsinlər”.

Sultan Bəndəliyev:

“Ailədə 6 nəfər olmuşuq. Anam, atam, mən və 3 qardaşım. Anamı çox sevirdim, elə ona görə də həmişə qızımın olmasını arzulayırdım.

Əfqanıstan müharibəsində iştirakım zamanı qızımın olacağını düşünürdüm, hətta xəbər də göndərmişdim ki, qızımın adı Arzu olsun. Nəhayət ki, 2 oğlandan sonra arzuma və Arzu qızıma qovuşdum. Qız uşağı mənim üçün nemətdir və onunla nəfəs alıram. İndi qızımın da 2 qızı var. Qızım məni həmişə sevindirib, hər qız nəvəm olanda da eyni hissləri keçirmişəm, xoşbəxt olmuşam.

Qızımla həmişə fəxr etmişəm. Çox şükür təhsil aldı, savadlı kadrdır və hər zaman insanlara kömək etmək üçün əlindən gələni edir. Qız uşaqlarının dəyərini bilmək, onların yaxşı oxuması, təhsil alması üçün şərait yaratmaq, onları qorumaq lazımdır”.

Xatırladaq ki, “Atalar və qızlar” rubrikasının qəhrəmanları selektiv abortların qurbanına çevrilməyən, əksinə bu həyata gəlib, uğurla mübarizə aparan və bu mübarizədən qalib çıxan qız övladlarıdır.

Təəssüf ki, son illər Azərbaycanda müşahidə olunan demoqrafik proseslərin təhlili doğulan uşaqlar arasında oğlanların üstünlük təşkil etməsini göstərir. Təbii cinsi tarazlığın pozulması isə cəmiyyət, qadının sağlamlığı və gələcək üçün ciddi təhdiddir!

Gəlin elə yaşayaq ki, heç bir uşaq dünyaya gəlmə haqqından məhrum edilməsin, onlar cinsi ayrı-seçkiliyə məruz qalmasın!

Bir gün onlar sizin fəxriniz ola bilər!

Selektiv abortlara "YOX" deyək!

26/08/2025

Bu gün Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın doğum günüdür.

Mehriban xanım Əliyevanı doğum günü münasibətilə təbrik edir, ona uzun ömür, möhkəm cansağlığı və fəaliyyətində uğurlar arzulayırıq!

15/08/2025

14.08.2025-ci il tarixində Xocavənd Rayon Mərkəzi Xəstəxanasında baş tibb bacısı Nazilə İmanovanın təşkilatçılığı ilə "İlan sancması zamanı ilk tibbi yardım" mövzusunda seminar təşkil olunub.

Seminar zamanı iştirakçılar dinlənilmiş, faydalı məsləhətlər verilmiş və maraqlı söhbətlər aparılmışdır.

14/08/2025

TƏBİB müxtəlif vəzifələr üzrə vakansiyalar elan edir

Strateji inkişaf departamentinin Layihələrin idarəolunması şöbəsinə aparıcı məsləhətçi vəzifəsi üzrə:

🔗 https://tabib.gov.az/vetendashlar-ucun/vakansiyalar/181

Strateji inkişaf departamentinin Korporativ əməkdaşlıq şöbəsinə Aparıcı məsləhətçi vəzifəsi üzrə:

🔗 https://tabib.gov.az/vetendashlar-ucun/vakansiyalar/182

14/08/2025

Bakı Metropoliteninin “20 Yanvar” stansiyasında doğulan körpə və anası tibb müəssisəsindən evə buraxılıb

Bakı Metropoliteninin “20 Yanvar” stansiyasında doğulan və Respublika Klinik Xəstəxanasına hospitalizasiya olunan körpə və anası bu gün evə buraxılıb.

Hazırda hər ikisinin vəziyyəti qənaətbəxş qiymətləndirilir. Körpə sərbəst şəkildə tənəffüs alır, qidalanır və sağlamdır.

Hamiləliyin patologiyası şöbəsində müalicə alan ananın da vəziyyəti müsbət qiymətləndirilir. Tibb müəssisəsində körpəyə lazımi qulluq qaydaları barədə anaya ətraflı məlumatlar verilib.

Xatırladaq ki, 08.08.2025-ci il tarixində saat 07:40 radələrində Bakı Metropoliteninin “20 Yanvar” stansiyasından doğuş səbəbilə Respublika Təcili və Təxirəsalınmaz Tibbi Yardım Mərkəzinə müraciət qeydə alınıb.

Təcili tibbi yardım briqadası tərəfindən ana və körpəsinə ilkin tibbi yardım göstərildikdən sonra ixtisaslı yardım göstərilməsi üçün Respublika Klinik Xəstəxanasına hospitalizasiya olunub.

12/08/2025

30/07/2025

❓ Ailə həkimini necə seçmək olar?

Ailə həkimini seçmək üçün yaşayış yeri üzrə ən yaxın olan ilkin səhiyyə xidməti göstərən dövlət tibb müəssisəsinə (poliklinika/Ailə Sağlamlıq Mərkəzi/kənd həkim məntəqəsi) müraciət olunmalıdır. Qeydiyyatçıya şəxsiyyət vəsiqəsi və yaşayış ünvanı üzrə qeydiyyata dair sənəd təqdim edilməlidir. Ərizə dolduraraq ailə həkimi seçilməlidir. 18 yaşına çatmayan şəxslərin ailə həkimini seçməsi üçün ərizə onların qanuni nümayəndələri tərəfindən verilir.

Qeyd edək ki, vətəndaşlar yaşayış yeri üzrə ilkin səhiyyə xidməti göstərən dövlət tibb müəssisəsində (poliklinika/Ailə Sağlamlıq Mərkəzi/kənd həkim məntəqəsi) çalışan ailə həkimini (sahə həkimi-terapevti, sahə həkimi-pediatrı) seçmək və məhdudiyyət qoyulmadan dəyişməkdə sərbəstdir.

Sığortaolunan qeydiyyata alındığı tibb müəssisəsini öz arzusu ilə qeydiyyata alındığı gündən etibarən azı 1 təqvim ili keçdikdən sonra dəyişə bilər. Vətəndaş yaşadığı ərazini dəyişdikdə isə yeni ərazidəki tibb müəssisəsinə vaxt məhdudiyyəti nəzərə alınmadan qeydiyyata alınmaq üçün müraciət etməlidir.

28/07/2025

28 İyul Ümumdünya Hepatit Günüdür

Ümumdünya Səhiyyə Təşkilatının məlumatlarına əsasən xroniki virus mənşəli hepatitlər əsasən sirroz və qaraciyər xərçənginə səbəb olmaqla hər il dünyada 1.3 milyon nəfərin ölümünə gətirib çıxarır. Bu isə hər gün 3 500 nəfərin həyatını itirməsi deməkdir.

Baxmayaraq ki, B virus hepatitinin qarşısını peyvəndlənmə ilə almaq mümkündür, C virus hepatiti isə əksər hallarda dərman müalicəsi ilə aradan qaldırıla bilir. Bu xəstəliklər hələ də əhali arasında səssizcə yayılmağa davam edir. Hesablamalara görə hər gün dünyada 6 000 nəfərin sözügedən infeksiyalara yoluxması ehtimal olunur.

Hepatit B virusu əleyhinə peyvəndlənmə uşaqların profilaktik peyvəndlər təqviminə daxildir və ödənişsiz olaraq həyata keçirilir. Peyvəndlənmə uşaqlarınızın xəstəlikdən ömür boyu qorunmasının təminatıdır. Bu səbəbdən də onların vaxtında peyvəndlənməyə cəlb olunmasını təmin etmək hər bir valideynin borcudur.

TƏBİB tabeli tibb müəssisələrində qeydə alınan B və C virus mənşəli hepatitə yoluxmuş şəxslərin virusəleyhinə dərman preparatları ilə təmin olunması 2022-ci ildən etibarən TƏBİB tərəfindən 3 mərkəzdə həyata keçirilir. Pasiyentlər növbəlilik prinsipi əsasında Kliniki Tibbi Mərkəzdə, Gəncə Şəhər Birləşmiş Xəstəxanasında və Lənkəran Rayon Mərkəzi Xəstəxanasında həkimlər tərəfindən qəbul olunaraq müvafiq təyinat əsasında dərman preparatları ilə təmin edilirlər.

Qeyd edək ki, növbəyə yazılmaq üçün sahə həkiminizə müraciət etməyiniz kifayətdir. Siz müvafiq müayinələrdən keçirildikdən sonra müalicəyə tibbi göstəriş aşkarlandığı təqdirdə sənədlər elektron qaydada Komissiyalara göndəriləcəkdir.

Bu illər ərzində 4 000 nəfərə yaxın xəstə TƏBİB tabeliyində fəaliyyət göstərən Komissiyalar tərəfindən qəbul olunub, 3 500 nəfərə yaxın xəstə dərmanla təmin olunub. Yalnız 2024-cü il ərzində C virus hepatiti əleyhinə müalicə alan 724 xəstədə sağalma qeydə alınıb.