Biləsuvar Rayon Mərkəzi Xəstəxanası

20/09/2025

Müstəqil və suveren dövlətə sahib olmaq, milli-mənəvi dəyərlərə, həmrəylik, humanizm, ədalət və qanunun aliliyi prinsiplərinə əsaslanan inkişaf etmiş cəmiyyət qurmaq yüzillər boyu Azərbaycan xalqının ən böyük arzusu olub.

Vətən müharibəsində tarixi qələbə və 2023-cü il sentyabrın 19–20-də həyata keçirilən uğurlu antiterror əməliyyatı nəticəsində ölkəmizin ərazi bütövlüyü və suverenliyi tam bərpa edilib, Azərbaycan Konstitusiyasının hüquqi qüvvəsi işğalın aradan qaldırıldığı bütün ərazilərdə bərqərar olunub.

Azərbaycan Respublikası Prezidentinin 2024-cü il 19 sentyabr tarixli 294 nömrəli Sərəncamına əsasən, sentyabrın 20-si Azərbaycan Respublikasında Dövlət Suverenliyi Günü elan edilib.

Günün mübarək, Azərbaycan!

20/09/2025

20 Sentyabr - Dövlət Suverenliyi Günü

19/09/2025

19/09/2025

17/09/2025

Bu gün Ümumdünya Pasiyent Təhlükəsizliyi Günüdür

Ümumdünya Səhiyyə Assambleyasının 2019-cu ilin mayında keçirdiyi 72-ci sessiyasında sentyabrın 17-si Ümumdünya Pasiyentlərin Təhlükəsizliyi Günü kimi təsis olunub.

17/09/2025

Azərbaycan Respublikası Konstitusiyasının 41-ci maddəsinə əsasən:

Hər kəsin sağlamlığını qorumaq və tibbi yardım almaq hüququ var.

17/09/2025

“815” Çağrı Mərkəzinə avqust ayı ərzində 15 minə yaxın zəng daxil olub

2025-ci ilin avqust ayı ərzində TƏBİB-in “815” Çağrı Mərkəzinə ümumilikdə 14 681 zəng daxil olub. Müraciətlərdən 14 323 zəng müvafiq olaraq dərhal cavablandırılıb, 358 müraciət isə Çağrı xidməti tərəfindən araşdırılması üçün qəbul edilib. 107 müraciətlə bağlı vətəndaşlara müvafiq izahatlar verilib, 101 müraciətlə bağlı məsələ həll edilib, 69 müraciət isə elektron sənəd dövriyyəsi üzərindən rəsmiləşdirilərək aidiyyəti üzrə yönləndirilib. 81 müraciətlə bağlı isə hazırda araşdırma prosesi davam etdirilir.

Daxil olan müraciətlərin mövzusu, əsasən, müayinə və müalicənin təşkili, əlillik məsələləri, dərman təminatı, tibbi heyət və tibbi xidmətdən şikayət, kadr məsələləri, tibbi arayış və sənədlərin verilməsi ilə bağlı olub.

Qeyd edək ki, TƏBİB-in “815” Çağrı Mərkəzi 2022-ci ilin dekabr ayında fəaliyyətə başlayıb. Mərkəzin yaradılmasında əsas məqsəd daxil olan müraciətlərin çevik cavablandırılması, aidiyyəti üzrə yönləndirilməsi və ən əsası, vətəndaş məmnunluğunun təmin edilməsidir.

Vətəndaşlar TƏBİB-in Çağrı Mərkəzi ilə əlaqə saxlamaqla yanaşı, yazılı müraciətləri birbaşa quruma təqdim edə, qurumun rəsmi internet səhifəsi (https://tabib.gov.az/vetendashlar-ucun/elektron-muraciet), eləcə də info@tabib.gov.az elektron poçt ünvanı üzərindən onlayn şəkildə müraciətlərini ünvanlaya bilərlər.

16/09/2025

Respublika Pediatriya Mərkəzində “Serebral iflic hər yönü ilə” simpoziumu keçiriləcək

TƏBİB-in dəstəyilə Respublika Pediatriya Mərkəzinin nəzdində olan Uşaq Nevroloji Xəstəxanasında Dünya Serebral İflic Gününə həsr olunan “Serebral iflic hər yönü ilə” simpoziumu baş tutacaq.

Tədbirin məqsədi serebral ifliclə bağlı aktual elmi, tibbi və sosial məsələlərin müzakirəsi, bu sahədə çalışan mütəxəssislər arasında bilik və təcrübə mübadiləsinin təşkili, eləcə də cəmiyyətin diqqətinin bu xəstəliklə yaşayan uşaqların ehtiyaclarına yönəldilməsidir.
Eyni zamanda tədbir tibb işçilərinin davamlı tibbi təhsilini dəstəkləyərək onların elmi və peşəkar inkişafına töhfə verəcək.

Qeyd edək ki, simpoziumun Səhiyyə Nazirliyinin Elmi-Tibbi Şurası tərəfindən akkreditasiyası planlaşdırılır.