What are the opening hours?

Monday 09:00 - 16:00 Tuesday 09:00 - 16:00 Wednesday 09:00 - 16:00 Thursday 09:00 - 16:00 Friday 09:00 - 16:00 Saturday 09:00 - 16:00

Uzman Dr.Azad Əkbərzadə

Home
Azerbaijan
Binagady
Uzman Dr.Azad Əkbərzadə

Dr.Azad Əkbərzadə
Uşaq Endokrinoloqu Uzman Dr.Azad Əkbərzadə -Uşaq Endokrinoloqu

17/07/2025

⚽️Uşağı hansı idmana göndərmək lazımdır?

Bu suala cavab verməzdən əvvəl bir məsələdə razılaşaq: idman sağlamlıq üçün olmalıdır. Amma ailələr adətən uşaqlarını idmana üç fərqli məqsədlə yönləndirirlər:

🔺1. Arıqlamaq üçün:
Əgər məqsəd artıq çəkidən qurtulmaqdırsa, ilk növbədə uşağın özünün maraq göstərdiyi idman növünü seçməyə imkan verin. Sevmədiyi və məcburi olaraq getdiyi məşğələlər uşağın idmandan uzaqlaşmasına səbəb ola bilər. Sevərək iştirak etdiyi idman növü isə həm motivasiyasını artırar, həm də daha effektiv nəticə verər.

🔺2. Boyun uzanması üçün:
Xalq arasında tez-tez rast gəlinən “basketbol boy uzadır”, “güləş boyu balacalaşdırır” kimi fikirlər yanlışdır. Əslində, istənilən fiziki aktivlik boy inkişafına müsbət təsir göstərir, lakin bu təsir yalnız bir neçə santimetr ola bilər. Məsələn, boyu 160 sm olan uşağın basketbol oynamaqla 180 sm olması mümkün deyil. Basketbolçuların uzun boylu olması onların genetik xüsusiyyəti ilə bağlıdır. Onlar uzun olduqları üçün bu idmanda uğur qazanırlar, yoxsa əksinə deyil. Əgər ciddi boy qısalığı problemi varsa, bunu yalnız idmanla dəyişmək real deyil. Amma mövcud genetik potensiala bir neçə santimetr dəstək olmaq mümkündür.

🔺3. Peşəkar idman üçün:
Əgər uşaq peşəkar idman yolu seçirsə, bu zaman mütləq şəkildə professional dietoloq nəzarəti vacibdir. Düzgün qidalanmadan ağır məşqlərlə məşğul olmaq uşağın inkişafına mənfi təsir göstərə, hətta boy artımında geriləməyə səbəb ola bilər.

Uşağın maraqları, sağlamlığı və potensialı nəzərə alınaraq düzgün istiqamət seçilməlidir. Ən önəmlisi isə – uşaq idmanı sevərək və zövq alaraq etməlidir.

👨🏻‍⚕️ Dr. Azad Əkbərzadə
Uşaq endokrinoloqu

Əlaqə:
📲+994775688870
🏨Sağlam Ailə klinikası

10/07/2025

Uşaqların fiziki, zehni və emosional inkişafı üçün hər gün müxtəlif hərəkətli və yaradıcı fəaliyyətlərə yer vermək çox önəmlidir. Aşağıda sadaladığımız gündəlik məşğələlər həm uşağınızla keyfiyyətli vaxt keçirməyə, həm də onun bacarıqlarını inkişaf etdirməyə kömək edəcək:

🌿 Açıq havada vaxt keçirin: Alış-veriş mərkəzlərinə getmək əvəzinə, parklarda gəzmək, ağaclıq ərazilərdə qaçmaq, velosiped sürmək kimi fəaliyyətlər uşağınız üçün həm faydalı, həm də əyləncəli olacaq.

📞 Xəyali telefon danışığı edin: Uşağınızla birlikdə telefonla danışırmış kimi oyunlar oynamaq onun danışıq bacarıqlarını və yaradıcılığını inkişaf etdirir.

🎶 Musiqi və rəqs: Hər gün bir neçə dəqiqə musiqi dinləmək və birlikdə rəqs etmək uşağınızın ritm hissini və bədən koordinasiyasını artırır.

🚶‍♂️ Pilləkən məşqləri: Uşağınıza pilləkəndən təhlükəsiz şəkildə enib-qalxmağı öyrətmək onun motor bacarıqlarını gücləndirəcək.

🏃‍♀️ Ev şəraitində fiziki oyunlar: Tullanma, sıçrama, atlanma kimi oyunlar uşağın balans və bədən koordinasiyasını inkişaf etdirir.

📦 Qutu oyunu: Müxtəlif ölçülü qutuları üst-üstə yığıb sonra topla vuraraq aşırmaq uşağın səbəb-nəticə əlaqəsini və diqqətini gücləndirir.

🧠 Öyrədici yanaşma: Uşağınız sual vermədən öncə onun maraq göstərdiyi mövzularda izahlar vermək, öyrətməyə təşəbbüs göstərmək onun öyrənmə həvəsini artırır.

🔧 Konstruktiv oyuncaqlardan istifadə edin: Maşın, silah və ya sadə kuklalardan daha çox, qurub-sökə biləcəyi və təxəyyülünü inkişaf etdirəcək oyuncaqlarla oynamaq daha faydalıdır.

🧩 Şəkil tamamla oyunu: Qəzet və jurnallardan kəsdiyiniz şəkilləri hissələrə bölüb uşağınıza onların uyğun parçalarını tapdırmaq vizual yaddaş və məntiqi düşüncəni gücləndirir.

👨🏻‍⚕️ Dr. Azad Əkbərzadə
Uşaq endokrinoloqu

Əlaqə:
📲+994775688870
🏨Sağlam Ailə klinikası

01/07/2025

🩸 Talassemiya və hormonlar: Nəyi bilməliyik? 🤔

Talassemiya özü birbaşa hormonal xəstəlik olmasa da, bu diaqnozlu insanlarda hormonal problemlərə tez-tez rast gəlinir. 🧠💔

Çünki bu xəstəlik zamanı bədəndə xroniki qanazlığı olur və vaxtaşırı qan köçürülməsi tələb olunur. 💉

❗ Amma tez-tez qan köçürülməsi bədəndə artıq dəmirin toplanmasına səbəb olur. Bu artıq dəmirin bədəndən çıxarılması üçün xüsusi müalicə — xelator terapiya tətbiq edilir. 💊

🧲 Dəmirin yığılması və uzunmüddətli terapiyalar bədənin endokrin sisteminə (yəni hormonal vəzilərə) təsir edə bilər. Bu da zamanla hormon çatışmazlıqlarına yol aça bilər. ⚖️🦋

🔍 Ona görə də talassemiyalı pasiyentlər mütəmadi olaraq endokrinoloq nəzarətində olmalıdır. Hematoloqla birgə yanaşma çox vacibdir! 👩‍⚕️👨‍⚕️

📌 Sağlamlığınız üçün nəzarətdə olun, müayinələri gecikdirməyin!

18/02/2024

🔴 Boy uzanmanın hormonal müalicəsinin populyarlaşması onun lazımsız istifadəsi hallarını artırır. Eyni zamanda sosial medianın da insanlar üzərində təsiri ilə yeni "müalicə üsulları" tətbiq edilməyə başlayıb. Boy uzadan tabletlər, qida əlavələri, "təbii boy uzadan dərman" və s. preparatlar günü gündən artmaqdadır... Daha əvvəl də qeyd etdiyimiz kimi bu maddələrin heç birinin elmi əsası yoxdur və uşaqlar üzərində araşdırılmayıb.

🔴 Bütün bunlar azmış kimi, uşaqları dartmaqla boy uzatma üsulları da yayılmağa başlayıb. Əvvəllər nənələrimizin boyumuzun uzanması üçün Çərşəmbədə qulaqlarımızı dartması bir ənənə idi. Amma bunu ciddi qəbul edən mərkəzlər bu üsulla hətta sümüklərdəki böyümə zonaları bağlanmış insanları belə bu proseduralara cəlb edirlər. Sümükləri bağlanmış, boy uzanması dayanmış onlarla yeniyetmələr və gənclər bu üsulla boylarının uzanacağını düşünürlər.

🔴 Əziz valideynlər uşaqların bəstəboy olması faciə deyil. Ona görə sırf uşaqlar bir az uzun olsun deyə bu prosedura və preparatlardan uzaq durmağınızı məsləhət görürük.

04/02/2024

🔴 El arasında "keçid dövrü" kimi bilinən, uşaqlıqdan yetkinliyə keçid dövrü... Hər kəs özünün bu dövrünü sakit normal keçirdiyini düşünsə də əslində hər kəs bu dövrdə ömrünün ən problemli vaxtlarını yaşayır. Əlbəttə, valideynlər də əgər vəziyyəti düzgün idarə etməzsə ailə daxili problemlər daha da artmağa başlayır və yeniyetmələr ilə velideynlər arasında bir uçurum əmələ gətirir.

🔴 Son dövrlərdə bəzi ailələrin "Uşağın hormonlarında problem var, onları düzəldin" deyə müraciətləri artmaqdadır. Əziz valideynlər, bəli bu dövrdə uşaqların hormonlarında dəyişikliklər olur. Onlar artıq uşaqdan böyük adama çevrirlirlər. Amma bunun həll yolu hormonları azaltmaq deyil.

🔴 Baxmayaraq ki, bu dövrdə uşaqları dinləməklə, onlarla dost olmaqla bu problemləri aşmaq olur, amma bəzi ailələrdə bu vəziyyəti idarə etmək çətin olur. Belə halda professional dəstək almağınız məsləhətdir. Amma endokrinoloqdan yox... Nevroloq və novropatoloqdan da yox... Uşaq və yeniyetmə Psixiatrları bu baxımdan sizə kömək edə biləcəklər.

🔴 "Elə bil həmənki uşaq deyil" deməyin. Evinizdə bir kişi və ya bir xanım formalaşır... Cəmiyyətimizə xeyirli olsun!

26/01/2024

🔴 Ümumiyyətlə qidalanmanın boya təsiri məlumdur. Amma professional idmanla məşğul olan uşaqlarda və ya hər hansı səbəbdən ağır idman yükü altında olub düzgün qidalanmayan uşaqlarda vəziyyət bir az da ciddiləşir. Gündəlik enerji sərfinin çox olması və bununla yanaşı yaxşı qidalanmayan uşaqlarda digər yaşıdlarına görə inkişaf geriliyi müşahidə olunur.

🔴 El arasında güləşin, ağırlıq qaldırmanın boy qısaltdığı məlumatı da real deyil. Əksinə araşdırmalar idmanın bu növlərinin də boya müsbət təsir göstərdiyini bildirir. Amma ağır məşq rejimi ilə yanaşı qidalanma yerində deyilsə bu boya öz mənfi təsirini göstərəcək.

🔴 Buna görə də professional idmanla məşğul olan uşaqların professional dietoloqa müraciət etməsini məsləhət görürük.

21/01/2024

🔵 Son illərdə bütün dünyada uşaq yaş qrupunda sayı artmaqda olan xəstəliklərdən biri də 2-ci tip Şəkərli Diabetdir. Müasir dövrdə artan piylənmə, insulin müqaviməti, genetik faktorlar 2-ci tip Diabetin də cavanlaşmasına səbəb olur. Yəni daha kiçik yaşlarda ortaya çıxa bilir... Hansı ki, daha çox yaşlılarda diabetin bu növünü görməyə öyrəşmişik.

🍭2-ci tip Şəkərli diabet insulin müqaviməti ilə yanaşı qanda yağların artması (hiperlipidemiya), yüksək təzyiq, bədən büküşlərində dəri tündləşmələri, qaraciyərin piylənməsi, qızlarda tüklənmə problemlə və s. ilə əlaqələrnidilir.

💉 Müalicəsi zamanı sağlam həyat tərzi ilə birlikdə diabet üçün olan tabletlərdən istifadə edilsə də, yanaşı insulin müalicəsinə də ehtiyac ola bilir...

🔴 Ona görə də uşaqlarımız gün boyu şirniyyat, şirin su, fast food verəndə yaxşı fikirləşək...

13/01/2024

🚩Bu ifadədə "stres" sözü bəzən səhv başa düşülür. Elə bilirlər ki, uşaq əsəbiləşib və ya qoxduğu üçün, stres keçirdiyi üçün şəkəri yüksəlib. Amma əslində hər hansı bir xəstəlik, qızdırma, qıcolma, yaralanma və travma səbəbi ilə bədənin qoruyucu sisteminin stresindən söhbət gedir. Yəni, başqa xroniki xəstəliyi olmayan sağlam uşaqlar xəstələnib və ya travma alanda bəzən qan şəkərləri yüksələ bilir. Hətta aparılan araşdırmalarda təcili yardıma müraciət edən hər 20 uşaqdan birində qan şəkərinin yüksələ biləcəyi görülmüşdür.

❓Ailələri və həkimləri düşündürən əsas məqam budur ki, bu uşaqlarda şəkər belə yüksələ bilirsə gələcəkdə diabet ola bilərmi?

🔹Yenə də bəzi araşdırmalar 0% ehtimal verərkən (yəni ola bilməz), bəziləri bunun 30 %-ə qədər ola biləcəyini ehtimal edir.
Bunun üçün qorxmaq lazım deyil. Uşaq endokrinoloqu konsultasiyası zamanı hər şey aydın olur. Şübhəli uşaqlar araşdırılaraq ailəyə məlumat verilir.
🔹Ps. Mən öz təcrübəmdə bu uşaqların diabet olduğunu görməmişəm hələ.

09/11/2023

🚩İnternetdə geniş yayılmış bu düstur valideynləri çaşdıra bilir. Belə ki, MPH (midparental height və ya midparental target height), yəni "ortalama valideyn boyu" dilimizə "hədəf boy" olaraq tərcümə edildiyi üçün belə bir fikir yaranır ki, uşaqların boyunun nə qədər olacağını bu düsturla hesablamaq olar. Valideynlər bu düsturla hesablayaraq uşağın boyunun yaxşı olacağını düşünərək rahatlaşır və ya qısa olacağını düşünərək həyəcan keçirir.

📋Bəs əslində bu düstur nəyi göstərir? Ata ve ana boylarını toplayaraq, qızlar üçün 13 çıxıb və ya oğlanlar üçün 13 üzərinə gələrək alınan nəticəni ikiyə bölürük. Bu zaman çıxan ədəd ailənin uşaqlarına ötürdüyü genetik ortalama boyu göstərir. Yəni, bu ailədəki uşaqlar bu boy ətrafında ola biləcəklər. Bəs nə qədər "ətrafında"? 😊

🔴Uşaqların boyu bu hədəf boydan hətta 9 cm aşağı və ya 9 cm yuxarı da ola biler. Yəni, ailənin hədəf boyu oğlanlar üçün 170 cm çıxarsa bu o demək deyil ki, ailədə oğlanlar 170 cm olacaq. Elə olsaydı ata və ana boyu dəyişmədiyi üçün eyni düsturla bütün bacılar da eyni boyda olardı, bütün qardaşlar da. Bu o deməkdir ki, bu ailədən çıxan oğlanların boyu 161 cm ilə 179 cm arasında ola bilər.

🚩Nəticə olaraq MPH-hədəf boy hesabı valideynlər üçün yox, boyu qiymətləndirmək və proqnozlaşdırmaq üçün həkimlər üçün bir vasitələrdən biridir. Biz indiki boyu xüsusi cədvəllərlə bu hədəf boyla müqayisə edərək boyun ailədən geri qalıb qalmadığı haqqda məlumat əldə edirik. İnternetdəki əskik məlumatları yarımçıq tətbiq edərək narahat olmayın...

20/10/2023

🚩Uşaqlarda ailələri narahat edən məqamlardan biri də budur ki, bəzən analiz verən insulin və c-peptid analiz səviyyələri aşağı gəlir.

🚩Təbii ki, insulin çatışmazlığının diabet olduğunu bilən və ya öyrənən ailələr bu nəticədən təşvişə düşürlər...

🍀Narahat olmayın. Şəkər analizi normal olduğu halda insulin aşağıdırsa bu diabet demək deyil. Diabet o zaman demək olar ki, şəkər yüksək olduğu zaman insulin səviyyəsi aşağı olsun... Belə çaşdırıcı analizlər gördüyünüz zaman qorxmayın, həkiminizlə məsləhətləşin.

12/10/2023

💧2-3 litr suya ehtiyac yoxdu. Başlamaq üçün gündə 3 stəkan su içsəniz və uşağınıza da su öyrətsəniz (kola, ice tea və kompotu öyrətmək yerinə) gələcəkdə qarşınıza çıxacaq onlarla problemdən qurtula bilərsiniz.

💧 Bu gündən başlayın. Səhər 1, Günorta 1 və Axşam 1 stəkan...

💧 Daha çox içirsinizsə, əla!

02/10/2023

🔴 Raxit əksəriyyətimizin bildiyi kimi əsasən sümüklərdə olan dəyişikliklər, əyilmələrlə özünü göstərir. Amma bunun sadəcə Vitamin D-dən asılı olduğu düşünmək düzgün deyil. Çünki, Raxitizmin daha az rast gələn, vitamin D-dən asılı olmayan formaları var ki, bu qrup uşaqlar müalicəyə çətin tabe olur. Hətta illərlə vitamin D və kalsium müalicəsi alıb, vaxt itirən uşaqlar var...

🔴 Eyni zamanda sümüklərdə olan hər kənara çıxma da Raxit demək deyil. Buna görə müayinə etmədən, analiz baxmadan vitamin D və kalsium müalicəsi, dozaları artırıb azaltmaq da düzgün deyil. Hər alnı qabaran uşaq, hər saçının arxasında saçı tökülən uşaq, hər qabırğasının aşağı hissəsi çıxıq uşaq, hər döş sümük bir az çıxıq və ya bir az batıq olan uşaq, hər ayağı əyri uşaq Raxit demək deyil...

Address

Binagady

Opening Hours

Monday	09:00 - 16:00
Tuesday	09:00 - 16:00
Wednesday	09:00 - 16:00
Thursday	09:00 - 16:00
Friday	09:00 - 16:00
Saturday	09:00 - 16:00

Telephone

+994702307040

Website

http://www.azadekberzade.az/

Alerts

Be the first to know and let us send you an email when Uzman Dr.Azad Əkbərzadə posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Uzman Dr.Azad Əkbərzadə:

Shortcuts