Göyçay Rayon Mərkəzi Xəstəxanası

16/02/2026

16/02/2026

“Mavi Kod” xidmətinin aktivləşdirilməsi ilə bağlı təlim keçirilib

Göyçay Rayon Mərkəzi Xəstəxanasında kritik tibbi vəziyyətlərdə “Mavi Kod” xidmətinin aktivləşdirilməsi ilə bağlı nəzəri və praktiki təlimlər keçirilib.

Təlimin məqsədi "Mavi Kod" elanı zamanı tibb müəssisəsində ürək və tənəffüs sistemi dayanmış xəstə, ziyarətçi və ya personala kardiopulmonar resusitasiya xidmətinin yüksək səviyyədə, peşəkar təcrübəli komanda tərəfindən planlaşdırılması, icrası və qiymətləndirilməsinə nail olmaqdır. Təlimdə xüsusi olaraq təcili tibbi yardım, anesteziologiya, reanimasiya və müxtəlif sahələrin həkim və tibb bacıları iştirak ediblər.

İlk olaraq iştirakçılara təməl və təkmil həyat dəstəyi, xəstəxanada "Mavi Kod" xidmətini aktivləşdirmək məqsədilə klinik simulyasiyalar üzərindən nəzəri və praktik təlim keçirilib.

Qeyd edək ki, “Mavi Kod" sistemi xəstəxanada kritik tibbi vəziyyətlərdə ən sürətli və ən təsirli müdaxilə üsulu üçün “Mavi Kod” komandasına tez bir zamanda xəbər verilməsini təmin edən və komandanın hadisə yerinə mümkün qədər tez çatmasına kömək edən erkən bildiriş sistemidir.

Təlimin sonunda praktiki hissədə real klinik tibbi vəziyyət üzərindən "Mavi Kod" komandasının üzvlərinin praktik fəaliyyəti xüsusi protokollar üzərindən qiymətləndirilib.

15/02/2026

Bu gün İcbari Tibbi Sığorta üzrə Dövlət Agentliyi fəaliyyətinin 10-cu ildönümünü qeyd edir.

Bu əlamətdar gün münasibətilə Agentliyin bütün əməkdaşlarını səmimi qəlbdən təbrik edirik!

Ölkəmizdə səhiyyə sisteminin inkişafı, əhalinin keyfiyyətli və əlçatan tibbi xidmətlərlə təmin olunması istiqamətində gördüyünüz işlərdə sizə davamlı uğurlar arzulayırıq.

Sağlam və güclü gələcək naminə birlikdə!

14/02/2026

Azərbaycanda ilk televiziya yayımının həyata keçirilməsindən 70 il ötür

TƏBİB-lə qarşılıqlı və faydalı əməkdaşlıq edən, tibbi maarifləndirmə istiqamətində mühüm rol oynayan bütün televiziya əməkdaşlarını təbrik edirik!

13/02/2026

Respublika Klinik Xəstəxanasının həkim-kardioloqunun apardığı tədqiqat nüfuzlu beynəlxalq jurnalda dərc olunub

TƏBİB-in eksperti, akademik M.Ə.Mirqasımov adına Respublika Klinik Xəstəxanasının həkim-kardioloqu Mehriban İsgəndərin beynəlxalq tədqiqatçılarla birgə apardığı tədqiqatın yekun nəticəsi Amerika Kardiologiya Cəmiyyətinin rəsmi jurnalı olan Journal of American Cardiology College-də (JACC) dərc olunub.

Tibb dünyasında ən nüfuzlu kardioloji jurnallardan biri hesab olunan nəşrdə “Atım fraksiya azalmış ürək çatışmazlığı olan pasiyentlərdə hospitalizasiyadan sonra süni intellekt əsaslı virtual assistant ilə rəhbər tövsiyələrə əsaslanmış medikal müalicənin optimallaşdırılması” - The ASSIST-HF SIRIO adlı tədqiqatın nəticələri açıqlanıb.

Qeyd edək ki, bu tədqiqatın ilkin nəticələri ilk dəfə Avropa Kardiologiya Cəmiyyətinin 2025-ci ildə Madriddə keçirilən konqresi çərçivəsində “Late-breaking trials” adlı sessiyada təqdim olunub.

13/02/2026

Həkim məsləhəti

12/02/2026

🧼Gün ərzində əllərinizi minimum 20 saniyə sabunla yumaqla mikroblardan uzaq olun!
Bu sizi müxtəlif xəstəliklərdən qoruyacaq və onların yayılmasının qarşısını alacaq!

Təmizlik həm də sağlamlıqdır!

12/02/2026

Yanıqlar nədir?

Yanıqlar – yüksək temperatur (termiki), kimyəvi, elektrik cərəyanı, radiasiya təsirindən dəri və daha dərin toxumalarının zədələnməsidir. Termiki yanıqlar qaynar maye, buxar, alov və bərk isti səthlərlə təmas, kimyəvi yanıqlar turşular və qələvilərin təsiri, elektrik yanıqları yüksək və ya aşağı gərginlikli cərəyanın bədənə keçməsi nəticəsində yaranır. Radiasion yanıqların yaranma səbəbi isə günəşin ultrabənövşəyi (UV) şüaları, tibbi prosedurlardan və ətraf mühit mənbələrindən ionlaşdırıcı şüalanmanın təsiri ilə bağlıdır.

Yanıqların müalicəsi zamanı dəri köçürülməsi icbari tibbi sığorta hesabına aparılır?

Yanıqların müalicəsi icbari tibbi sığorta hesabına həyata keçirilir. İlkin tibbi yardım, həkim müayinəsi, müvafiq laborator testlər, ehtiyac olduqda stasionar terapevtik yatış icbari tibbi sığortanın Xidmətlər Zərfi hesabına qarşılanır.
🔗 Ətraflı: https://tinyurl.com/mvmtxa3m

11/02/2026

Sağlam mühit – sağlam məktəbli deməkdir!

Məktəb uşaqların gününün böyük hissəsini keçirdiyi məkandır və burada mövcud olan bəzi amillər allergik reaksiyaları gücləndirə bilər. Toz, güclü qoxular və zəif havalandırma allergiyası olan məktəblilər üçün dərs prosesini çətinləşdirir.

Məktəb mühitində allergiyanı artıran əsas faktorlar:

• Sinif otaqlarında toz və kifin yığılması;
• Yetərsiz havalandırma və təmiz hava çatışmazlığı;
• Güclü qoxulu təmizləyici vasitələr;
• Bitki, polen və digər ətraf mühit allergenləri.

Bu amillər uşaqlarda asqırma, burun tutulması, göz qaşınması, diqqət dağınıqlığı və tez yorulma ilə özünü göstərə bilər.

Sağlam məktəb mühiti allergiyaların nəzarətdə saxlanılmasında mühüm rol oynayır. Təmiz, yaxşı havalandırılan sinif otaqları və valideyn–məktəb əməkdaşlığı məktəblilərin həm sağlamlığını, həm də dərsə diqqətini qorumağa kömək edir.

Sağlam mühit – sağlam məktəbli deməkdir.

11/02/2026

Göyçay Rayon Mərkəzi Xəstəxanasında 40 həftəlik hamiləlik uğurla başa çatdırılıb

Göyçay Rayon Mərkəzi Xəstəxanasında Zərdab rayon sakininin 40-cı həftədə olan hamiləliyi həkimlərin nəzarəti altında uğurla sonlandırılıb.

Xəstəxananın Ginekologiya və Doğum şöbəsinə müraciət edən qadın zəruri instrumental-diaqnostik müayinələrdən keçirilib. Baş gəlişi və dölyanı mayenin axması səbəbilə, çəkisi 135 kq olan pasiyent üzərində keysəriyyə əməliyyatı icra olunub.
Nəticədə çəkisi 4 kq 735 qram, boyu 59 sm olan sağlam qız övladı dünyaya gəlib. Ana və körpəyə zəruri tibbi yardım göstərilib, körpənin tənəffüsü bərpa olunub. Vəziyyəti qənaətbəxş olan ana və körpə sağlam vəziyyətdə evə buraxılıblar.

Pasiyent Çinarə Məmmədova göstərilən tibbi xidmətə görə Göyçay Rayon Mərkəzi Xəstəxanasının Doğum və Ginekologiya şöbəsinin kollektivinə və bu şəraitin yaradılmasına görə xəstəxana rəhbərliyinə öz təşəkkürünü bildirib.

11/02/2026

Bu gün Ümumdünya Xəstələr Günüdür.

1993-cü ildən etibarən hər il fevralın 11-i Ümumdünya Xəstələr Günü kimi qeyd olunur. Bu əlamətdar gün Roma Papası II İohann Pavel tərəfindən 1992-ci ildə təsis edilib.

Ümumdünya Xəstələr Gününün hər il qeyd edilməsinin başlıca məqsədi xəstələrin ağrı və iztirablarını yüngülləşdirmək və ictimaiyyətin diqqətini onlara göstərilən xidmətin səviyyəsini yaxşılaşdırmağa yönəltməkdir.

10/02/2026

📌 “Tibb müəssisələrində tibbi xidmətin keyfiyyətinin artırılması”

🗓️ 11.02.2026 | ⏰ Saat 16:20
📺 REAL TV | 🩺 Vasif Akifli ilə “İNSAN”

Tibbi xidmətin keyfiyyətini artırmaq üçün əsas addımlar hansılardır? Pasiyent məmnuniyyəti keyfiyyətə necə təsir edir? Həkim–pasiyent ünsiyyəti niyə həlledicidir?

Qonaqlar:

Xanım Məlikova
TƏBİB-in Keyfiyyətin idarə olunması şöbəsinin müdiri.

Kamran İbrahimov
İTSDA-nın Tibbi planlama departamenti, Monitorinq şöbəsinin baş məsləhətçisi

📺 Canlı yayımı 11 fevral saat 16:20-də izləməyi unutmayın.