16/03/2026
Ramazanda sağlam qidalanma qaydaları:
Şirniyyat və çay-qəhvə qəbulunda diqqət yetirilməli məqamlar hansılardır?
▪️ Şirniyyat yeməklərdən 1-2 saat sonra qəbul edilməlidir.
▪️ Şərbətli şirniyyatların əvəzinə yarım porsiya südlü şirniyyatın qəbulu daha məqsədəuyğundur.
▪️ Xüsusilə iftar zamanı çox yağlı, şəkər miqdarı çox olan, undan hazırlanmış şirniyyatları süd və süd məhsullarından hazırlanmış, qlikemik indeksi nisbətən az olan meyvələrdən (xüsusilə turşməzə) hazırlanmış salatlarla əvəz etmək daha məqəsədəuyğundur.
▪️ İftarı bir xurma ilə açmaq şirniyyat istəyimizi nisbətən səngidə, iftardan 2 saat sonra qəbul olunan bir porsiya meyvə isə günlük ehtiyacımızı qarşılaya bilər.
▪️ Şirniyyatdan çox istifadə halları gün boyunca susuzluğa səbəb olacağı üçün iftar və imsakda çox miqdarda su qəbul etmək məsləhətdir.
▪️ Oruc tutan şəxslər çay-qəhvə istehlakını tamamilə dayandırmamalı, lakin minimuma endirməlidir. Xüsusən, imsakda çay qəbul edirik. İftar sonrası isə 1-2 stəkan qara çayla kifayətlənmək məsləhətdir.
▪️ Qara çay qəbulundan sonra 1 stəkan yaşıl çayın da qəbulu məsləhət görülür. Çünki qara çay orqanizmdə ödəm yaradır, yaşıl çay isə ödəmin atılmasına (toksinlərin və şlakların bədəndən xaric edilməsinə) səbəb olur.
İstər Ramazan ayı boyunca, istərsə də digər zamanlarda düzgün qidalanma qaydalarına riayət edin. Əks halda, orqanizmdə narahatlıqlar və müxtəlif xəstəliklər yarana bilər.
Ramazan ayında tutduğunuz oruc və etdiyiniz dualar qəbul olunsun!
