Dr. İqbal Əmənullayev

29/06/2025

Düşmən istəsəniz, dostlarınızi keçməyə çalışin. Dost istəsəniz buraxın, dostlarınız sizi keçsin. F.Laroşfuko

19/06/2025

Həmkarım Ülvi müəllimlə insanlar arasındakı münasibətləri müzakirə edərkən qısa və konkret i şəkildə söylədiyi bir fikir bunları yazmağa məni vadar etdi. O təxminən:"Hər kəs özündən bir pillə yuxarı vəzifədə olan şəxslərdən özünün layiq olduğu münasibəti görmək istəyir"-deyirdi. Ya da-"Hər kəs özünün səviyyəsinə uyğun onunla davranılmasına və ya rəftar edilməsinə layiqdir "- deyirdi. Təqribən belə.
Ziqmund Freydin də belə bir aforizmi mövcuddur: "Cəmiyyətin savadsız və öz ləyaqətinə qiymət verməyən hissəsində tiranlara qarşı pərəstiş və məhəbbət yaranır".
Belə qənaətə gəlmişəm ki, bu hal ən çox insanın özünə güvənsizliyi olanda baş verir. Bu ən çox vəzifəyə və həm də geyimə aiddir. İnsan özünü olduğu kimi yox, başqa cür göstərməyə çalışanda müxtəlif hərəkətlərə qaçır. Xaricini zənginləşdirir, daxili aləmi isə kasıblayır. Buna BREND-ə qaçmaq, BREND-lə tanınmaq istəyini də misal göstərmək olar. Bu gün Sizi BRENDlərlə insan kimi sayacaq mühittən uzaqlaşın. Bunlar sizin kim olduğunuzu dəyişdirməz. Gerçək zənginlik öyünməli şeylərdən istifadə etməklə bağlı yox, dəyərinizi bilməklə və dünyanın sizi geyiminizlə, maşınınızla və ya digər görüntü yaradan əşyalarla tanınmasına əsla icazə verməməyinizlə bağlıdır. İnsanların haqqınızda nə düşünəcəyindən çox da narahat olmayın.
Bu haqda bir dəfə də yazmışdım

Dünənə kimi bayaģı və bəzi hallarda vulqar geyindiklərini, yediklərini, içdiklərini sosial şəbəkələrdə paylaşmaqla başqaları üzərində üstünlüklərini göstərməyə meyilli adamlar ( Mətin Əmənullahi demişkən,-"BEYİNSİZLƏR"), bu gün belə bir çətin və təhlükəli dönəmdə də icazə.e-gov.az-dan sui-istifadə edərək aldıqları icazələrini (ölkə daxili icazəsi olanları heç tutmaq olmur) onun bunun gözünə soxmaqla yenə də üstün olmalarını sərgiləməklə məşğuldurlar. Ortaya qoymağa heç nələri olmayan, eyni geyimi başqa həmkarında görəndə yuxusu ərşə çəkilən, özlərində narazı olduqları, qüsurlu tərəflərini bahalı geyimlər seçməklə örtməyə çalışan, maniakal yazıqlar yaşadıqları çevrələrində bu cür fərqlənməkdən başqa əllərindən bir şey gəlmir.

15/06/2025

Şuşa səhərində iştirak etdiyim beynəlxalq konfransda olarkən fürsətdən istifadə edib Xankəndi şəhərində və Laçında da oldum

27/05/2025

Vəfalı insan sizdən bir çox zərər görsə belə , etdiyiniz yaxşılıqların bircəciyini də unutmaz, onlari yada salıb, sizə qarşı heç vaxt pislik etmək niyyətində olmaz. Nankor insan isə tək bir zərər görsə, bütun yaxşıliqlarınızı bir andaca unudacaq!!! Vəfalı ilə nankorun fərqi budur.

19/05/2025

Çağdaş ədəbiyyatın ən gözəl nümunələrindən biri də türk yazıçısı Xaqan Məngüç tərəfindən yazılmış “Heç bir qarşılaşma təsadüfi deyil” əsəridir. Sevərək oxuduğum pozitiv enerjili bu kitab düşünürəm ki, hamınızın xoşuna gələcək. Kitabda maraqlı fikirlər çoxdur… Bir fraqmenti təqdim edirəm:
…İnsanın taleyi, qədəri heç vaxt ondan əl çəkmir. Hər an yenidən və yenidən yazılır. Elə vaxtlar olur ki, etməyəcəyini söylədiyin bir şeyi məcburən edirsən, dözə bilmərəm dediyin şeyə dözürsən, sevə bilmərəm söylədiyini sevirsən, ayrıla bilməyəcəyini düşündüyün zaman bir anda tərk edə bilirsən, bəzən də ölmüşəm deyirsən, amma yenə də yaşayırsan.
Həyatda heç kim boş yerə qarşımıza çıxmır. Onlar bizə ya dost olurlar , ya da dərs. Bu dərslər bizi böyüdür. Onların ucbatından yaşadığımız çətinliklərə görə kədərlənirik, amma əslində bizə həqiqi dostlarımızı tanımağa imkan verən də onlardır. Onlara hardasa təşəkkür edib və onları geridə qoyub getməyi də bacarmalıyıq.
Həyatda heç bir qarşılaşma təsadüfİ deyil. Həmişə rastlaşdığımız insanlar kimliyindən asılı olmayaraq doğru insanlardır. Qarşılaşdığımız hər kəsin və ətrafımızda olan hər adamın bir səbəbi var. Ya bizi harasa aparırlar, ya da bizə nəsə öyrədirlər.

05/04/2025

Saxta dostları ata-ana, saxta qohumları isə uşaqlar daha tez taniyirlar

02/04/2025

Dünya ədəbiyyatının bu möhtəşəm kitablarını mütləq oxuyun:

1.Viktor Hüqo, "Səfillər"-vicdan və qanunların müharibəsi.
2.Çingiz Aytmatov, "Gün var əsrə bərabər"- gələcəklə ənənələrin mübarizəsi
3.Fyodr Dostoyevski,"Cinayət və cəza"- ədalət və cinayətin şahmat oyunu
4. Yaşar Kamal,*İncə Məmməd-üsyan və müqavimətin hekayəsi
5.Aleksandr Düma,"Qraf Monte Kristo"- səbr və intiqamın kitabı

30/03/2025

ABŞ-da ailə harmoniyasına həsr olunmuş “Nigahı necə qorumaq olar?” kitabının müəllifi həyat yoldaşını güllələyib və meyitin şəklini Facebook-da yerləşdirmişdi. "Dostları necə qazanmalı?" kitabının müəllifi Deyl Karnegi tam tənhalıqda ölmüşdü. "Uşaq və ona qulluq" kitabının müəllifi Benjamin Spoku öz oğulları qocalar evinə göndərmək istəmişdilər. Uşaqları böyütmək üçün unikal üsul hazırlayan görkəmli pedaqoq Mariya Montessori doğma oğlunu saxlamaq üçün himayədar ailəyə vermişdi. Koreya yazıçısı, "Necə xoşbəxt olmaq olar?" kitabının müəllifi depressiyadan özünü asmışdı. Unutmayaq ki, bizi özümüzdən başqa heç kim xilas etməyəcək. Bütün bu hadisələr bizə xatırladır ki, ilk növbədə öz həyatımızın qayğısına qalmalı və yalnız bundan sonra başqalarına məsləhətlər verməliyik. Çünki biz başqalarını düzəltməyə çalışdığımız zaman tez-tez öz şəxsi həyatımızı unuduruq.

27/03/2025

Biz onların yalan danısdıqlarını bilirik.
Yalan danısdıqlarını özləri də bilirlər.
Yalan danısdıqlarını bildiyimizi də bilirlər..
Yalan danısdıqlarını bildiyimizi bildiklərini də bilirik.
Amma hələ də yalan danişirlar.

Aleksandr Soljenitsin.

25/03/2025

Sizi arxanızdan vuranların süfrənizdə doyanlar olduğunu görəndə təəccüblənməyin. Bəzi insanlar üçün nankorluq bir durum deyil, bir vərdişdir.

25/03/2025

Valideynlərimizin xüsusi bir istedadı olub - onlar bizim saxta dostlarımızı bizdən əvvəl gorə biliblər.