Azərbaycan Respublikası Səhiyyə Nazirliyi Lənkəran Tibb Kolleci

09/02/2026

Sağlamlığa dogru. Mövsümə uyğun qidalanma

09/02/2026

9 Fevral Beynəlxalq Stomatoloq Günü

05/02/2026

Fevralın 2-də Gülüstan Sarayında XI Azərbaycan Gənclər Forumu işə başlayıb. Tədbirdən öncə Forum iştirakçıları Fəxri Xiyabanda Ulu Öndər Heydər Əliyevin məzarını ziyarət ediblər.
Tədbirdə Azərbaycan Respublikasının Prezidenti cənab İlham Əliyevin gənclərə müraciəti səsləndirilib. Müraciəti Azərbaycan Respublikasının gənclər və idman naziri Fərid Qayıbov oxuyub.
Tədbirdə əmək və əhalinin sosial müdafiəsi naziri Anar Əliyev, elm və təhsil nazirinin müavini Firudin Qurbanov, mədəniyyət nazirinin müavini Murad Hüseynov və eləcə də Prezident mükafatçıları Sərxan Ağadadaşov və Lamiyə Məmmədova çıxış ediblər.
Rəsmi hissədən sonra Forum “Azərbaycan Gəncləri - 2035: Strateji baxış və prioritetlər” sessiyası ilə davam edib.
Forumda Lənkəran Tibb Kollecinin Tələbə Gənclər Təşkilatının üzvü, 3-cü kurs tələbəsi Fərzullazadə Fatimeyizəhra da iştirak edib.
Forumun davamı 3 fevralda Xankəndi Konqres Mərkəzində davam edib.

04/02/2026

30 yanvar 2026-cı il tarixində Bakı Konqres Mərkəzində Azərbaycan Respublikasının Gənclər Fondunun dəstəyi və Azərbaycan Tələbə Gənclər Təşkilatları İttifaqının (ATGTİ) təşkilatçılığı ilə “Tələbə Gənclər Təşkilatlarının Mükafatlandırma Mərasimi 2026” keçirilib. Tədbir çərçivəsində Lənkəran Tibb Kollecinin Tələbə Gənclər Təşkilatının (LTK TGT) sədri Neonila Axundova sədrliyi müddətində Azərbaycan Tələbə Gənclər Təşkilatları İttifaqının, eləcə də Tələbə Gənclər Təşkilatının missiyasının dayanıqlı və sistemli şəkildə yerinə yetirilməsində göstərdiyi müstəsna fəaliyyətinə və ölkənin ictimai-sosial həyatına verdiyi əvəzsiz töhfələrə görə “ATGTİ Məzunu” nominasiyası üzrə təltif olunub. Eyni zamanda, LTK TGT-nin layihələrlə iş üzrə sədr müavini Solmaz Məmmədova 2025-ci il ərzində proqram əsaslı uğurlu fəaliyyətə verdiyi xüsusi töhfəyə görə “İlin TGT nümayəndəsi” nominasiyasına layiq görülüb.
Bununla yanaşı, LTK TGT-nin 9 fəal üzvü “İlin TGT fəalı”, 6 üzvü isə “İlin tələbəsi” nominasiyaları üzrə mükafatlandırılıb.
Bu uğur Lənkəran Tibb Kollecinin və eyni zamanda komanda yoldaşlarımızın uğurudur. Mükafat alan tələbələrimizi təbrik edir, uğurlarımızın davamlı olmasını arzu edirik! Göstərilən diqqətə və etimada görə Azərbaycan Tələbə Gənclər Təşkilatları İttifaqına (ATGTİ) dərin minnətdarlığımızı bildiririk!

02/02/2026

Səhiyyə Nazirliyi Lənkəran Tibb Kollecində 2 Fevral Azərbaycan Gəncləri Günü münasibətilə tədbir keçirilib. Gənclərin fəal iştirakı ilə keçirilən bu tədbirdə çıxışlar, rəqslər, tələbə gənclər təskilatının üzvlərinə təşəkkürnamə təqdimatları yer alıb. Tədbirin əsas məqsədi gənclərin uğurlarını qeyd etmək, onların sosial və mədəni inkişafına dəstək olmaq idi. Fərqli sahələrdə fəallıq göstərən gənclər çıxış edərək öz fikirlərini bölüşdülər, gələcək hədəfləri haqqında danışdılar. Bununla yanaşı, tədbir boyunca rəngarəng rəqslər və əyləncəli anlar da iştirakçılara unudulmaz təəssüratlar yaşadıb.
Tədbirin sonunda gənclərin fəaliyyətini qiymətləndirmək məqsədilə fəal iştirakçılara təşəkkürnamələr təqdim olunub.
Gəncliyimiz daim inkişaf etsin, uğurları bol olsun!

30/01/2026

Səhiyyə Nazirliyi Lənkəran Tibb Kollecində 2 Fevral Azərbaycan Gənclər Günü münasibəti ilə "Tələbə heyyətinin gözü ilə Gənclik nədir? " mövzusunda hazırlanmış sorğu.

28/01/2026

Lenkeran Tibb Kollecinin Əczaçılıq ixtisasının 503-cü qrup tələbəsi Mirzəyev Müzəffər Firdovsi oğlu və Tibb bacısı (qardaşı) ixtisasının 351-ci qrup tələbəsi Əlizadə Aysel Məzahir qızı kollecimizdə təhsil aldığı müddətdə yüksək akademik göstəriciləri, nümunəvi davranışı, fəallığı ilə müəllim və tələbə kollektivi arasında böyük hörmət qazandıqlarına görə "İlin ən yaxşı tələbəsi” adına layıq görünmüşlər.
Qazandığı nailiyyətlərdə onlara daim uğurlar arzulayır, gələcək təhsil və peşə fəaliyyətində daha böyük zirvələr fəth etməsini diləyirik.

27/01/2026

Səhiyyə Nazirliyi Lənkəran Tibb Kollecində 2 Fevral – Azərbaycan Gəncləri Günü münasibətilə “Texnologiyanın gənclərin həyatında rolu?” mövzusunda debat təşkil olunub. Debatın əsas məqsədi gənclərin müasir texnologiyaların cəmiyyətə və fərdi inkişafa təsiri barədə düşüncələrini ifadə etmələri, tənqidi və analitik düşünmə bacarıqlarını inkişaf etdirməkdir.
Tədbirdə iştirak edən tələbələr iki qrupda çıxış edərək texnologiyanın gənclərin təhsilinə, sosial münasibətlərinə, dünyagörüşünə və şəxsi inkişafına təsiri ilə bağlı fikirlərini əsaslandırılmış arqumentlərlə müdafiə ediblər. Eyni zamanda texnologiyanın mənfi cəhədləridə - insanlar arasında olan canlı ünsiyyəti azaldır, beyni passıvləşdirir və zehni qabiliyyəti zəyiflədir kimi fikirləridə vurğulayıblar. Debat zamanı maraqlı müzakirələr aparılmış, iştirakçılar öz mövqelərini faktlar və real nümunələr əsasında təqdim ediblər.
Debat gənclərin fəallığının artırılmasına, onların öz fikirlərini sərbəst şəkildə ifadə etməsinə və sağlam müzakirə mədəniyyətinin formalaşmasına töhfə verilib.

22/01/2026

Təmiz hava və sağlam həyat.
Havanın keyfiyyəti insanın sağlamlığı üçün həyati əhəmiyyət daşıyır. Xüsusilə mikroskopik toz hissəcikləri orqanizm üçün son dərəcə təhlükəlidir. Bu hissəciklər tənəffüs zamanı ağciyərlərə ordan isə qan dövranına keçərək müxtəlif orqan və sistemlərə mənfi təsir göstərir. Təmiz hava sağlam həyat üçün əsas şərtdir, çünki o bədənə oksigeni daşıyır, beyinin və ürəyin fəaliyyətini tənzimləyir, hüceyrələrin enerji istehsalını təmin edir. Keyfiyyətli hava daha yaxşı yuxu, enerji və daha sağlam həyat tərzi deməkdi. Nəqliyyatın çoxluğu və ekoloji balansın pozulması nəticəsində atmosfer havası çox zaman zərərli qazlarla, toz və ağır metallarla çirklənir. Bu isə astma, bronxit, ürək-damar xəstəlikləri və hətta xərçəng kimi xəstəliklərin yaranmasına şərait yaradır. Havanın təmizliyi yalnız ağciyərləri deyil, həm də beyini qoruyur, çünki, oksigen çatışmazlığı yaddaş zəifliyi, yuxusuzluq və depressiya riskini artırır. Sağlam həyat üçün bir sıra tədbirlərə riayət olunmalıdır: Ev və iş yerlərində qapalı havanın keyfiyyətini qorumaq üçün havalandırma sistemlərindən istifadə etmək lazımdır. Açıq havada aktivlik, velosiped sürmək, gəzmək və digər idman növlərin ilə məşğul olmaq, təmiz havadan faydalanmağın yoludur. Ətraf mühitin çirklənməsinin qarşısını almaq təmiz hava üçün vacibdir.

21/01/2026

20/01/2026

Səhiyyə Nazirliyi Lənkəran Tibb Kollecinin bir qrup tələbəsi 20 Yanvar faciəsinin ildönümü ilə əlaqədar olaraq Şəhidlərin əziz xatirəsi önünə gül dəstələri qoymuş, onların ruhunu dərin ehtiramla yad ediblər. Bu ziyarət gənclərdə vətənpərvərlik, milli yaddaş və şəhidlərə hörmət hissinin gücləndirilməsi məqsədi daşıyır.
Daha sonra kollecin müəllimi tərəfindən tələbələrə 20 Yanvar faciəsi haqqında ətraflı məlumat verilib, həmin gecə baş verən hadisələr, şəhidlərin göstərdiyi qəhrəmanlıq və bu faciənin Azərbaycan tarixindəki əhəmiyyəti izah edilib Bildirilib ki, 20 Yanvar Azərbaycan xalqının azadlıq və müstəqillik uğrunda apardığı mübarizənin şərəfli, eyni zamanda faciəli səhifəsidir.