Mingəçevir Şəhər Mərkəzi Xəstəxanası

06/01/2026

Mingəçevir Şəhər Mərkəzi Xəstəxanasınnın direktoru Ülfət Qurbanov yeni ilin ilk iş günündə tibb müəssisəsinin əməkdaşları ilə bir araya gələrək onları 2026-cı ilin başlanması münasibətilə təbrik edib, hər birinə möhkəm cansağlığı, peşə fəaliyyətlərində uğurlar arzulayıb. Görüş zamanı direktor ötən dövr ərzində görülmüş işləri qısa şəkildə dəyərləndirib, əldə olunan nailiyyətlərdə kollektivin fədakar əməyinin xüsusi rolunu vurğulayıb.

Eyni zamanda, 2026-cı il üçün qarşıda duran əsas hədəflər, tibbi xidmətlərin keyfiyyətinin daha da yüksəldilməsi, vətəndaş məmnunluğunun artırılması və komanda ruhunun gücləndirilməsi ilə bağlı məsələlər diqqətə çatdırılıb. Direktor qeyd edib ki, uğurlu nəticələrin əldə olunması hər bir əməkdaşın məsuliyyətli və peşəkar fəaliyyətindən birbaşa asılıdır.

Sonda görüş qarşılıqlı fikir mübadiləsi şəraitində davam edib, kollektiv üzvlərini maraqlandıran suallar cavablandırılıb.

05/01/2026

❌ Antibiotik qripə kömək edir?

✅ Xeyr! Qrip virusdur, antibiotik bakteriyalar üçündür

05/01/2026

Yeni ilin ilk həftəsinin ilk iş günündə hər birinizi salamlayırıq!
Mingəçevir Şəhər Mərkəzi Xəstəxanasında tibbi xidmətlər əvvəlki qaydada davam edir.
Sağlamlığınız üçün hər zaman yanınızdayıq.

05/01/2026

03/01/2026

Mingəçevir Şəhər Mərkəzi Xəstəxanasında mavi kod simulyasiyası keçirilib.

Simulyasiyanın məqsədi qəfil ürək-tənəffüs dayanması kimi təcili hallarda tibb personalının operativ reaksiyasını, komanda işi və praktiki bacarıqlarını yoxlamaq və təkmilləşdirmək olub.

03/01/2026

Unutmayın ki, köhnəlmiş yeməklər sağlamlığınız üçün ciddi təhlükə yaradır.

Bayram günlərində sağlam və gümrah olmağınız üçün boyat yeməklərdən istifadə etməyin!

Unutmayın ki, köhnəlmiş yeməklər sağlamlığınız üçün ciddi təhlükə yaradır.

02/01/2026

Dərin hüzn və kədərlə bildiririk ki, Mingəçevir Şəhər Mərkəzi Xəstəxanasının Cərrahiyyə şöbəsinin həkim proktoloqu, peşəkar və dəyərli həkim Afiq Muxtar oğlu Xudiyev uzun sürən ağır xəstəlikdən sonra bu gün dünyasını dəyişib.

Afiq Xudiyev 1958-ci ildə Laçın rayonunda anadan olmuş, 1979–1986-cı illərdə Azərbaycan Tibb İnstitutunun Müalicə-Profilaktika fakültəsində təhsil almışdır. Tibb sahəsində ilk addımlarını Bakı şəhər 5 saylı xəstəxanada internatura keçməklə atan Afiq həkim, 1986-cı ildən etibarən Mingəçevir ŞMX-nın Proktologiya şöbəsində həkim-proktoloq kimi fəaliyyətə başlamış, 1995–2017-ci illərdə həmin şöbənin müdiri vəzifəsində çalışıb.

2017-ci ildən ömrünün sonuna qədər Mingəçevir ŞMX-nın Cərrahiyyə şöbəsində həkim-proktoloq olaraq fəaliyyət göstərmiş, yüksək peşəkarlığı və insanlara olan diqqət və qayğısı ilə həmkarlarının və xəstələrinin dərin hörmətini qazanıb.

Afiq Xudiyevin vəfatı tibb ictimaiyyəti üçün böyük itkidir. Onun əziz xatirəsi daim qəlbimizdə yaşayacaq.

Allah rəhmət eləsin.

01/01/2026

Bayramınız mübarək! 🎄

Yeni ilimizdə hər kəsə sağlamlıq, sevinc, uğur və xoşbəxtlik dolu günlər arzu edirik!

2026-cı il sağlam gəlsin!

Bayramınız mübarək! 🎄

01/01/2026

Prezident İlham Əliyevin Dünya Azərbaycanlılarının Həmrəyliyi Günü və Yeni il münasibətilə müraciəti

https://president.az/az/articles/view/71201

https://youtu.be/9vTK2g6p3r4

31/12/2025

Günümüz mübarək!

Dünya Azərbaycanlılarının Həmrəyliyi Günü münasibətilə bütün soydaşlarımızı səmimi-qəlbdən təbrik edirik.

Birliyimiz, milli dəyərlərimiz və ortaq kimliyimiz daim möhkəm olsun!

Günümüz mübarək!