Naftalan Şəhər Mərkəzi Xəstəxanası

13/04/2026

Heydər Əliyev Mərkəzində 9-11 aprel 2026-cı il tarixlərində “Azərbaycan Daxili Xəstəliklər Dərnəyi” ictimai birliyinin və Türk Dövlətləri Federasiyasının təşkil etdiyi “Daxili Xəstəliklər Dərnəyinin 2-ci Milli Konqresi, Türk dövlətləri Nefroloji federasiyasının 1-ci Konqresi ”adlı tədbir keçirilib.

Tədbir daxili xəstəliklər və nefrologiya sahəsində müasir yanaşmaların müzakirəsi, elmi biliklərin yenilənməsi və beynəlxalq təcrübənin paylaşılması baxımından mühüm əhəmiyyət kəsb edir.

Tədbirdə Naftalan Şəhər Mərkəzi Xəstəxanasının Terapiya şöbə müdiri, həkim-terapevt İlhamə Hüseynova, həkim-kardioloqu Rüfət Məmmədov, həkim-endokrinoloqu Xanım Nuriyeva iştirak edib.

13/04/2026

Erkən nikah yarımçıq qalmış arzulardır.

Hər bir uşağın arzuları var: oxumaq, öyrənmək, sevdiyi peşəni seçmək, həyatda öz yolunu tapmaq. Amma erkən nikah bu arzuların qarşısını alır, onları yarımçıq qoyur.

Uşaqlıq bir dəfə yaşanır. Bu dövr məsuliyyətlərlə deyil, inkişaf və sevinc ilə dolu olmalıdır. Erkən yaşda verilən qərarlar isə çox zaman gələcəkdə peşmanlığa çevrilir.

11/04/2026

Əllərdə titrəmə, hərəkətlərin yavaşlaması, bədənin sərbəst idarə olunmasında çətinlik, əzələ sərtliyi və bəzi hallarda psixoloji dəyişikliklər Parkinson xəstəliyinin əsas əlamətləri sırasındadır. Bu xəstəlik zamanla gündəlik fəaliyyətləri məhdudlaşdıraraq əlilliyə səbəb ola bilər, lakin əksər hallarda insanın şüuru pozulmur.

Son illərdə dünyada Parkinson xəstəliyi daha geniş yayılaraq ciddi sosial və tibbi problemlərdən birinə çevrilib. Xəstəliyin əsasında beyində baş verən neyrodegenerativ dəyişikliklər dayanır və bu dəyişikliklər hərəkətlərin koordinasiyasına birbaşa təsir göstərir.

09/04/2026

08/04/2026

Qalxanabənzər vəzinin normal vəziyyətini saxlamaq, həmçinin onun müalicəsi üçün bəzi tövsiyələrə əməl etmək lazımdır. İlk öncə xəstələrə qida rasionuna riayət etmək tövsiyə olunur:

- Dəniz və tərkibində yod olan bütün məhsulları rasiona daxil etmək.

- Adi duz yodlaşdırılmış duzla əvəz edilməlidir.

- Yodun daha yaxşı mənimsənilməsi üçün selenium tərkibli qidaları və ya selenium əlavələrini rasionunuza daxil edin.

Qalxanabənzər vəzi xərçənginin, eləcə də diffuz düyünlü zobun qarşısının alınması düzgün qidalanma və p*s vərdişlərdən imtina ilə başlayır. Toksik zobun səbəbi bir çox hallarda stress və qeyri-sağlam həyat tərzidir.

08/04/2026

TƏBİB-in Müşahidə Şurasının tərkibi təsdiqlənib

"Tibbi Ərazi Bölmələrini İdarəetmə Birliyi" publik hüquqi şəxsin (TƏBİB) Müşahidə Şurasının tərkibi təsdiqlənib.

Prezident İlham Əliyev bununla bağlı Sərəncam imzalayıb.

🔗 https://president.az/az/articles/view/72061

07/04/2026

Naftalan Şəhər Mərkəzi Xəstəxanasının Poliklinika şöbəsində “Elektron resept” mövzusunda maarifləndirici təlim keçirilib.

Təlim şöbənin böyük tibb bacısı vəzifəsini icra edən Tamam Mustafayeva tərəfindən təqdim olunub.

Təlim zamanı elektron resept sisteminin tətbiqi və praktik istifadəsi barədə ətraflı məlumat verilib.

07/04/2026

6 Aprel – Ümumdünya Sağlamlıq Günüdür.

Sağlamlıq həyatın ən dəyərli sərvətidir. Onu qorumaq isə gündəlik seçimlərimizdən başlayır. Düzgün qidalanma, fiziki aktivlik, keyfiyyətli yuxu və stressin idarə olunması sağlam həyatın əsas sütunlarıdır.

06/04/2026

6 Aprel – Ümumdünya Fiziki Aktivlik Günüdür.

Sağlam həyat tərzi kiçik addımlarla başlayır. Hər gün cəmi 30 dəqiqə hərəkət etmək həm bədənimizi gücləndirir, həm də ruhumuzu yüksəldir.

03/04/2026

Bakı şəhər sakini Məhərrəmova ZəhraNaftalan Şəhər Mərkəzi Xəstəxanasında göstərilən tibbi xidmətdən razılığını bildirib.

02/04/2026

2 Aprel – Ümumdünya Autizm haqqında Məlumatlandırma Günü
Autizm fərqlilikdir, xəstəlik deyil.

Autizm spektr pozuntusu olan insanlar dünyanı fərqli şəkildə qavrayır, hiss edir və ifadə edirlər. Onların hər biri özünəməxsus bacarıqlara, istedadlara və potensiala malikdir.

Bu günün məqsədi cəmiyyətdə məlumatlılığı artırmaq, stereotipləri aradan qaldırmaq və inklüzivliyi təşviq etməkdir. Unutmayaq ki, anlayış və qəbul hər şeyin başlanğıcıdır.

02/04/2026

2016-cı ilin Aprel döyüşləri xalqımızın gücünü, birliyini və vətən sevgisini bir daha göstərdi. Qısa müddət ərzində əldə olunan uğurlar Ordumuzun qüdrətini sübut etdi.

Şəhidlərimizi ehtiramla anır, qazilərimizə minnətdarlığımızı bildiririk. Onların qəhrəmanlığı tariximizdə əbədi yaşayacaq.