10/10/2025
Naftalan Şəhər Mərkəzi Xəstəxanasınada “Süd Vəzi Xərçəngi ilə Mübarizə Ayı”na həsr edilmiş tədbir keçirilib.
Tədbirdə direktor müavini-baş həkim Mehriban Qəmbərova, direktorun inzibati məsələlər üzrə müavini Günay Quliyeva, xəstəxana əməkdaşları iştirak ediblər.
Tədbirdə çıxış edən həkim-mama-ginekoloq Fəridə Yusifadə süd vəzi xərçənginin qadınlar arasında ən çox rast gəlinən onkoloji xəstəliklərdən biri olduğunu vurğulayıb. O bildirib ki, bu xəstəlik erkən mərhələdə aşkarlandıqda tam sağalma mümkündür.
Həkim mütəmadi tibbi müayinələrin, özünü müayinə vərdişlərinin və sağlam həyat tərzinin əhəmiyyətinə toxunaraq qeyd edib ki, hər bir qadın ayda bir dəfə süd vəzilərini yoxlamalı və şübhəli dəyişiklik olduqda dərhal həkimə müraciət etməlidir.
Fəridə Yusifadə həmçinin xərçəngə qarşı maarifləndirmə tədbirlərinin genişləndirilməsinin vacibliyini vurğulayaraq, qadınların bu məsələdə məlumatlı olmasının həyat qurtaran faktor olduğunu qeyd edib.
O, sonda bütün iştirakçılara sağlam həyat tərzini seçməyi, profilaktik müayinələrə laqeyd yanaşmamağı və yaxınlarına da bu barədə məlumat verməyi tövsiyə edib.
