Oğuz Rayon Mərkəzi Xəstəxanası

25/10/2025

25 Oktyabr Qubadlı Şəhəri Günüdür 🇦🇿

!

24/10/2025

Oğuz rayonunda tibb işçiləri və rayon sakinləri arasında qrip əleyhinə peyvəndləmə aksiyası həyata keçirilir

Oğuz Rayon Mərkəzi Xəstəxanasının Ailə Sağlamlıq Mərkəzində, Xaçmaz Ailə Sağlamlıq Mərkəzində, eləcə də kənd həkim məntəqələrində səhiyyə işçiləri və rayon sakinləri arasında mövsümi qrip əleyhinə vaksinasiya prosesi keçirilir.

Məqsədi tibb işçilərinin və əhalinin infeksion xəstəliklərə qarşı davamlılığını artırmaq və sağlam iş mühitinin formalaşdırılmasına töhfə verməkdir.

Həmçinin vətəndaşlar və məktəblilər arasında vaksinasiyanın önəmi, xəstəliklərlə mübarizədə erkən diaqnostikanın, profilaktikanın əhəmiyyəti barədə maarifləndirici söhbətlər aparılıb.

Belə tədbirlər həm səhiyyə sahəsində çalışan əməkdaşların, həm də əhalinin sağlamlığının qorunması istiqamətində mühüm əhəmiyyət daşıyır.

Qrip əleyhinə inaktivləşdirilmiş vaksinlər mövsümi xarakter daşıyır və onların tətbiqi uşaqların, yaşlıların, xroniki xəstəlikləri olan şəxslərin, həmçinin tibb işçilərinin qrip və onun ağırlaşmalarından qorunmasında mühüm əhəmiyyət kəsb edir.

Qeyd edək ki, Səhiyyə Nazirliyi tərəfindən ölkəyə gətirilən yüksək keyfiyyətli qrip əleyhinə peyvəndlər Fransa istehsalı olan “Sanofi Pasteur” şirkətinə məxsusdur. Qripə qarşı vaksinasiya Bakı və regionlarda ərazi üzrə ilkin səhiyyə xidməti göstərən TƏBİB tabeli tibb müəssisələrində 8 oktyabr tarixindən həyata keçirilir.

Qrip əleyhinə peyvənd olunmaq istəyən vətəndaşlar regionlar üzrə rayon mərkəzi xəstəxanalarına, Bakı şəhəri üzrə isə ambulator-poliklinik xidmət göstərən ilkin səhiyyə müəssisələrinə müraciət edə bilər.

Unutmayaq ki, peyvənd olunmaq respirator virus infeksiyalarına yoluxmaqdan qorunmaq üçün ən effektiv üsuldur.

23/10/2025

Azərbaycan Respublikası Nazirlər Kabinetinin yeni qərarı ilə tibb müəssisələrində xidmət alan şəxslərin qida normaları ilə bağlı yeni qaydalar müəyyənləşdirilib.

🔗 Daha ətraflı: https://bit.ly/4o3GSjl

22/10/2025

21/10/2025

“Əməkdar həkim”, “Tərəqqi” medallı Cəbrayıl Əlinağıyev vəfat edib

Azərbaycanda tanınmış tibb xadimi, uzun illər Sumqayıt Təcili Tibbi Yardım Xəstəxanasının Travmatologiya şöbəsinin müdiri vəzifəsində çalışmış “Əməkdar həkim” Cəbrayıl Əlinağıyev vəfat edib.

Cəbrayıl Fərman oğlu Əlinağıyev 1947-ci ildə Masallı rayonunda anadan olub. Atasının müalicəsinə kömək etmək istəyi onu həkimlik peşəsinə yönəldib. Azərbaycan Tibb İnstitutunu bitirdikdən sonra ilk cərrahi əməliyyatını atasının üzərində apararaq onun əl barmaqlarını sağaldıb.

İnstitutun elmi şurasının qərarı ilə Travmatologiya və Ortopediya kafedrasında klinik ordinaturanı başa vurub və daha sonra Sumqayıta işləməyə göndərilib. O vaxtdan etibarən Sumqayıt səhiyyəsində fəaliyyət göstərib və 1974–2018-ci illərdə Travmatologiya şöbəsinin müdiri kimi çalışıb.

Cəbrayıl Əlinağıyev həmçinin Sumqayıt şəhərinin baş ortoped-travmatoloqu olub. Kiyevdə tibb elmləri namizədi elmi dərəcəsini alıb.

Azərbaycan səhiyyəsinə verdiyi xidmətlərə görə “Əməkdar həkim” fəxri adına layiq görülüb və dövlət başçısı tərəfindən “Tərəqqi” medalı ilə təltif edilib.

20/10/2025

20 Oktyabr Zəngilan Şəhəri Günüdür 🇦🇿

!

18/10/2025

18 Oktyabr – Müstəqillik Günümüz mübarək!

Bu gün xalqımızın qürur və iftixar günüdür.
Müstəqilliyimiz əbədi, dövlətimiz daim güclü olsun!

17/10/2025

17 Oktyabr Füzuli Şəhəri Günüdür 🇦🇿

16/10/2025

15/10/2025

Oğuz Rayon Mərkəzi Xəstəxanasının direktorunun yeni təyin olunan müavini kollektivə təqdim edilib

TƏBİB-in İcraçı direktoru Vüqar Qurbanovun müvafiq əmri ilə Teymur Kərimli Oğuz Rayon Mərkəzi Xəstəxanasının direktorunun inzibati işlər üzrə müavini vəzifəsinə təyin olunub.

Tibb müəssisəsinin direktoru Anar Əzizov yeni təyin olunan Teymur Kərimlini kollektivə təqdim edib.

A.Əzizov T.Kərimlinin idarəçilik təcrübəsi və tibb sahəsindəki peşəkarlığını vurğulayıb və kollektivə uğurlar arzulayıb.

A.Əzizov vətəndaşlara göstərilən tibbi xidmətlərin keyfiyyətinin artırılmasında və tibbi xidmətlərə əlçatanlığın daha da təkmilləşdirilməsində Teymur Kərimlinin önəmli rol oynayacağına əminliyini ifadə edib.

T.Kərimli çıxış edərək göstərilən etimada görə təşəkkürünü bildirib və qarşıya qoyulan tapşırıqların vaxtında icrası, eyni zamanda yeni layihələrin həyata keçirilməsi istiqamətində planlarını təqdim edib.

15/10/2025

27-ci Azərbaycan Beynəlxalq Tibb İnnovasiyaları Sərgisi - "Medinex", 30 oktyabr - 1 noyabr tarixlərində öz qapılarını ziyarətçiləri üçün açacaq!

Bakı Ekspo Mərkəzində keçiriləcək “Medinex” sərgisinin rəsmi dəstəkçilərindən biri də TƏBİB-dir.

Sərgidə siz tibb sahəsinin ən son texnologiyaları ilə tanış ola, əlavə tədbirlər proqramında iştirak edə, həmçinin peşəkarlarla ünsiyyət quraraq əlaqələrinizi genişləndirə bilərsiniz.

Daha ətraflı sərginin rəsmi saytından məlumat əldə edə bilərsiniz:

https://medinex.az/

Medinex Azerbaijan

14/10/2025

Təcili tibbi yardım briqadası doğuş prosesini evdə icra etməli olub

Xəzər rayonunda çağırışa gedən təcili tibbi yardım briqadası doğuş prosesini evdə icra etmək məcburiyyətində qalıb.

Çağırış ünvanında təcili tibbi yardım heyəti tərəfindən 38 həftəlik hamilə olan 27 yaşlı qadının doğuş prosesi idarə olunub. Doğuşun ilkin mərhələsi birbaşa yaşayış ünvanında baş verib, daha sonra isə proses təcili tibbi yardım avtomobilində nəzarətdə saxlanılıb.

Təcili tibbi yardım briqadası tərəfindən ana və yenidoğulmuşa zəruri ilkin tibbi yardım göstərildikdən sonra müvafiq tibb müəssisəsinə təxliyə olunub.

Hazırda ana və körpənin müalicəsi Xəzər Tibb Mərkəzində davam etdirilir. Körpə oğlandır, çəkisi 3 kq. 150 qr., boyu 50 sm-dir. Hər ikisinin vəziyyəti qənaətbəxş qiymətləndirilir.