Quba Rayon Mərkəzi Xəstəxanası

17/04/2026

17 aprel – Ümumdünya Hemofiliya Günüdür

Hemofiliya irsi olaraq nəsildən-nəslə ötürülən nadir anadangəlmə qan xəstəliyidir. Bu xəstəlik yoluxucu deyil və bir insandan digərinə keçmir. Hemofiliyalı şəxslərdə qan laxtalanmasını təmin edən faktorların çatışmazlığı səbəbindən qanaxmalar daha uzun müddət davam edir və bu da xüsusi diqqət və müalicə tələb edir.

Bəzi hallarda hemofiliya ailəsində bu xəstəlik olmayan insanlarda da meydana çıxa bilər. Bu isə genetik mutasiyalar nəticəsində baş verir. Xəstəlik əsasən kişilərdə müşahidə olunur, qadınlar isə çox vaxt xəstəliyin daşıyıcısı olurlar.

Ümumdünya Hemofiliya Günü hər il bu sahədə maarifləndirməni artırmaq məqsədilə qeyd olunur. Bu təşəbbüs Ümumdünya Səhiyyə Təşkilatı və Ümumdünya Hemofiliya Federasiyası tərəfindən irəli sürülmüş və ilk dəfə 1989-cu ildə qeyd olunmağa başlanmışdır.

15/04/2026

Quba Rayon Mərkəzi Xəstəxanasının ixtisaslı həkim heyəti tərəfindən Şabran Rayon Mərkəzi Xəstəxanasında səyyar Həkim Məsləhət Komissiyasının (HMK) iclası təşkil olunub. Səyyar iclasın keçirilməsində əsas məqsəd Şabran və Siyəzən rayonlarında yaşayan vətəndaşların əlilliklə bağlı müraciətlərinə yerində baxılması, tibbi sənədlərin düzgünlüyünün yoxlanılması və prosesin daha operativ şəkildə həyata keçirilməsidir.

HMK-nın fəaliyyəti çərçivəsində müraciət etmiş şəxslərin tibbi sənədləri ətraflı şəkildə təhlil olunub, qoyulmuş diaqnozların düzgünlüyü qiymətləndirilib və onların əlilliyin müəyyən olunması meyarlarına uyğunluğu yoxlanılıb. Komissiya üzvləri tərəfindən vətəndaşlar əyani müayinədən keçirilib və hər bir hal üzrə müvafiq rəy formalaşdırılıb. Bu proses əlilliyin obyektiv və şəffaf qiymətləndirilməsinə xidmət edir.

Eyni zamanda səfər çərçivəsində Şabran MRX-nin həkimləri üçün “Əlillik meyarlarının qiymətləndirilməsi” mövzusunda təlim təşkil olunub. Təlim zamanı iştirakçılara əlilliyin müəyyən olunması qaydaları, orqanizmin funksional pozğunluqlarının faizlə ifadə olunması, müasir normativ-hüquqi sənədlər və tibbi-sosial ekspertizaya göndəriş prosedurları barədə geniş məlumat verilib. Bildirilib ki, hazırda əlillik orqanizmin funksiyalarının 31-100 faiz aralığında pozulması əsasında müəyyən edilir və bu meyarlar Nazirlər Kabinetinin müvafiq qərarına əsaslanır .

Təlim çərçivəsində həmçinin HMK-nın iş prinsipləri, tibbi sənədləşmənin düzgün aparılması, xəstələrin düzgün istiqamətləndirilməsi və tibbi-sosial ekspertiza prosesində həkimlərin rolu ətraflı izah olunub. İştirakçıların sualları cavablandırılıb, praktiki nümunələr üzərində müzakirələr aparılıb.

Qeyd edək ki, bu cür səyyar iclas və təlimlərin keçirilməsi regionlarda tibbi xidmətlərin keyfiyyətinin artırılmasına, həkimlərin bilik və bacarıqlarının təkmilləşdirilməsinə, eləcə də vətəndaş məmnunluğunun yüksəldilməsinə mühüm töhfə verir. HMK fəaliyyətinin təkmilləşdirilməsi istiqamətində bu kimi tədbirlərin digər tibb müəssisələrində də davam etdirilməsi nəzərdə tutulur

15/04/2026

Azərbaycan tibb elminin inkişafına əvəzsiz töhfələr vermiş görkəmli oftalmoloq-alim, akademik Zərifə Əliyevanın anım günüdür.

Onun əziz xatirəsini dərin hörmət və ehtiramla yad edirik!

14/04/2026

Anar Bayramov TƏBİB-in İcraçı direktoru təyin edilib

Aprelin 14-də “Tibbi Ərazi Bölmələrini İdarəetmə Birliyi” (TƏBİB) publik hüquqi şəxsin Müşahidə Şurasının sədri, Azərbaycan Prezidentinin sosial-iqtisadi məsələlər üzrə köməkçisi Xalid Əhədovun sədrliyi ilə Şuranın iclası keçirilib.

İclasda Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının 3.3-cü bəndi rəhbər tutularaq, TƏBİB-in İcraçı direktorunun vəzifəyə təyin olunması məsələsinə baxılıb.

Müşahidə Şurasının qərarı ilə Anar Bayramov TƏBİB-in İcraçı direktoru təyin edilib.

Anar Bayramov Azərbaycan Tibb Universitetinin məzunudur və təhsil aldığı dövrdə Akademik Mirqasımov adına təqaüdə layiq görülüb və təhsilini qırmızı diplomla, Azərbaycan Dövlət İqtisad Universitetinin İqtisadiyyat və İdarəetmə ixtisası üzrə magistratura pilləsini fərqlənmə diplomu ilə bitirib. 2003-cü ildən tibb üzrə fəlsəfə doktorudur.

1998-ci ildən “MediClub” klinikasında həkim işləyib, 2002-ci ildən “A-Group” Sığorta Şirkətində müxtəlif vəzifələrdə çalışıb, şirkətin İdarə Heyətinin sədri olub. 2021-ci ildən əmək və əhalinin sosial müdafiəsi nazirinin müşaviri vəzifəsində çalışıb.

Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri olub.

Azərbaycan Respublikası Prezidentinin 17 aprel 2025-ci il tarixli Sərəncamı ilə Azərbaycan Respublikasının əmək və əhalinin sosial müdafiəsi nazirinin müavini vəzifəsinə təyin olunub.

2006–2014-cü illərdə Azərbaycan Sığortaçılar Assosiasiyasının Tibbi Sığorta Komitəsinin sədri, 2012-2017-ci illərdə Xəzər-Avropa Maliyyə Klubunun (CEİBC) prezidenti, 2017-2020-ci illərdə Xəzər-Avropa Klubunun Sığorta Komitəsinin rəhbəri olub.

14/04/2026

Anar Bayramov TƏBİB-in İcraçı direktoru təyin edilib

Aprelin 14-də "Tibbi Ərazi Bölmələrini İdarəetmə Birliyi" (TƏBİB) publik hüquqi şəxsin Müşahidə Şurasının sədri, Azərbaycan Prezidentinin sosial-iqtisadi məsələlər üzrə köməkçisi Xalid Əhədovun sədrliyi ilə Şuranın iclası keçirilib.

İclasda Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının 3.3-cü bəndi rəhbər tutularaq, TƏBİB-in İcraçı direktorunun vəzifəyə təyin olunması məsələsinə baxılıb.

Müşahidə Şurasının qərarı ilə Anar Bayramov TƏBİB-in İcraçı direktoru təyin edilib.

Anar Bayramov Azərbaycan Tibb Universitetinin məzunudur və təhsil aldığı dövrdə Akademik Mirqasımov adına təqaüdə layiq görülüb və təhsilini qırmızı diplomla, Azərbaycan Dövlət İqtisad Universitetinin İqtisadiyyat və İdarəetmə ixtisası üzrə magistratura pilləsini fərqlənmə diplomu ilə bitirib. 2003-cü ildən tibb üzrə fəlsəfə doktorudur.

1998-ci ildən “MediClub” klinikasında həkim işləyib, 2002-ci ildən “A-Group” Sığorta Şirkətində müxtəlif vəzifələrdə çalışıb, şirkətin İdarə Heyətinin sədri olub. 2021-ci ildən əmək və əhalinin sosial müdafiəsi nazirinin müşaviri vəzifəsində çalışıb.

Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri olub.

Azərbaycan Respublikası Prezidentinin 17 aprel 2025-ci il tarixli Sərəncamı ilə Azərbaycan Respublikasının əmək və əhalinin sosial müdafiəsi nazirinin müavini vəzifəsinə təyin olunub.

2006–2014-cü illərdə Azərbaycan Sığortaçılar Assosiasiyasının Tibbi Sığorta Komitəsinin sədri, 2012-2017-ci illərdə Xəzər-Avropa Maliyyə Klubunun (CEİBC) prezidenti, 2017-2020-ci illərdə Xəzər-Avropa Klubunun Sığorta Komitəsinin rəhbəri olub.

13/04/2026

08/04/2026

TƏBİB-in Müşahidə Şurasının tərkibi təsdiqlənib

“Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) Müşahidə Şurasının tərkibi təsdiqlənib.

Prezident İlham Əliyev bununla bağlı Sərəncam imzalayıb.

🔗 https://president.az/az/articles/view/72061

07/04/2026

Quba Rayon Mərkəzi Xəstəxanasının direktoru Əliyar Sərvərov qəbul qrafikinə uyğun olaraq növbəti dəfə vətəndaşlarla görüş keçirib.

Qəbulda 6 vətəndaşın müraciətinə baxılıb.

Müayinə, işlə təmin olunma və digər mövzuları əhatə edən müraciətlər diqqətlə dinlənilib və bir sıra məsələlər yerində həll olunub.

Digər müraciətlərin araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.

06/04/2026

Bu gün — Ümumdünya Fiziki Aktivlik Günü — sağlam həyatın vacibliyini bir daha xatırladır.

Hərəkət həyatdır! Gündəlik fiziki aktivlik həm bədənimizi gücləndirir, həm də ruhumuzu canlandırır. Sadə gəzinti, idman və ya aktiv həyat tərzi seçimi ilə sağlam gələcəyə doğru addım ata bilərik.

Unutmayaq: kiçik hərəkətlər böyük dəyişikliklər yaradır.
Bu gün özünüz üçün bir addım atın — hərəkət edin, sağlam qalın! 💙

02/04/2026

Ümumdünya Autizm Məlumatlandırma Günü münasibətilə maarifləndirmə tədbirləri davam etdirilir.

Autizm – fərqli düşüncə və dünyanı fərqli qavrama formasıdır. Bu günün əsas məqsədi cəmiyyətdə autizm haqqında düzgün məlumatın yayılması, erkən diaqnostikanın əhəmiyyətinin vurğulanması və autizmli şəxslərin sosial həyata inteqrasiyasına dəstək göstərilməsidir.

Hər bir fərd özünəməxsusdur. Gəlin fərqlilikləri anlayışla qarşılayaraq daha inklüziv və həssas cəmiyyət quraq.

31/03/2026

Quba Rayon Mərkəzi Xəstəxanasının kollektivi 31 Mart Azərbaycanlıların Soyqırımı Günü münasibətilə Quba şəhərində yerləşən Soyqırımı Memorial Kompleksini ziyarət edib

Ziyarət çərçivəsində xəstəxananın kollektivi memorial abidə önünə gül dəstələri qoyaraq faciə qurbanlarının əziz xatirəsini ehtiramla yad edib.

Bildirilib ki, bu faciə xalqımızın yaddaşında silinməz iz buraxmış tarixi həqiqətdir. Onu anmaq və gələcək nəsillərə çatdırmaq hər birimizin mənəvi borcudur.

Qeyd olunub ki, 31 mart Azərbaycan xalqının tarixində ən ağrılı və unudulmaz günlərdən biri kimi yad edilir.

1918-ci ilin mart-aprel aylarında baş vermiş faciələr zamanı minlərlə günahsız azərbaycanlı amansızlıqla qətlə yetirilib, yaşayış məntəqələri viran qoyulub.

Xüsusilə Quba rayonu ərazisində aşkarlanan kütləvi məzarlıqlar bu soyqırımının miqyasını bir daha sübut edir.

31/03/2026

31 Mart – Azərbaycanlıların Soyqırımı Günü.
Bu torpağın yaddaşı var, acısı var…
Tariximizi unutmur, şəhidlərimizi ehtiramla anırıq. 🕯️