Quba Rayon Mərkəzi Xəstəxanası

27/01/2026

Quba Rayon Mərkəzi Xəstəxanasının direktoru Əliyar Sərvərov qəbul qrafikinə uyğun olaraq növbəti dəfə vətəndaşlarla görüş keçirib.

Qəbulda 4 vətəndaşın müraciətinə baxılıb.

Müayinə, işlə təmin olunma və digər mövzuları əhatə edən müraciətlər diqqətlə dinlənilib və bir sıra məsələlər yerində həll olunub.

Digər müraciətlərin araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.

23/01/2026

21/01/2026

Quba Rayon Mərkəzi Xəstəxanasında futbol məşqçiləri üçün “Təməl həyat dəstəyi” mövzusunda təlim təşkil olunub.

Təlim zamanı idman fəaliyyəti zamanı yarana biləcək təcili və həyati təhlükəli hallarda (qəfil ürək dayanması, huşun itirilməsi, tənəffüsün dayanması və travmalar zamanı) ilkin tibbi yardımın düzgün göstərilməsi barədə ətraflı məlumat verilib.

Nəzəri təlimlə yanaşı, praktiki məşğələlər də təşkil edilib. Praktiki məşğələlər zamanı iştirakçılara, ürək-ağciyər reanimasiyası, sinə kompressiyalarının icrası, AED-dən istifadə, təcili hallarda düzgün davranış qaydaları üzrə bilik və bacarıqlar əldə ediblər.

Bu cür təlimlər idmançıların sağlamlığının qorunması və fövqəladə hallara vaxtında müdaxilə baxımından mühüm əhəmiyyət daşıyır.

20/01/2026

20 Yanvar faciəsinin 36-cı ildönümü ilə əlaqədar Quba Rayon Mərkəzi Xəstəxanasının əməkdaşları Şəhidlər xiyabanını ziyarət edərək şəhidlərimizin əziz xatirəsini ehtiramla yad edib.

20/01/2026

Vətənimizin azadlığı uğrunda canlarından keçən şəhidlərimizin əziz xatirəsini qürur və ehtiramla anırıq!

16/01/2026

Quba Rayon Mərkəzi Xəstəxanasında “Pasiyent təhlükəsizliyi – Yıxılma riskinin qiymətləndirilməsi” mövzusunda təlim təşkil olunub

Quba Rayon Mərkəzi Xəstəxanasının 2026-cı il üzrə Təlim Planına uyğun olaraq tibb müəssisəsində “Pasiyent təhlükəsizliyi – Yıxılma riskinin qiymətləndirilməsi” mövzusunda təlim təşkil olunub.

Məqsəd pasiyent təhlükəsizliyinin təmin olunmasında yıxılma riskinin əhəmiyyətini vurğulamaq, beynəlxalq qiymətləndirmə şkalalarından istifadə etməklə pasiyentlərdə yıxılma riskinin düzgün müəyyən edilməsi qaydaları barədə məlumat vermək, həmçinin yıxılma riski yüksək olan xəstələrdə “dörd yarpaqlı yonca” simvolunun tətbiqinin əhəmiyyəti ilə bağlı tibb işçilərinin bilik və praktiki bacarıqlarını artırmaq olub.

Təlim zamanı mövzu ətrafında nəzəri biliklərlə yanaşı, praktik nümunələr də təqdim edilmiş, iştirakçıların sualları cavablandırılıb.

Təlimdə Quba Rayon Mərkəzi Xəstəxanasının həkim və orta tibb işçiləri iştirak edib.Tədbir pasiyent təhlükəsizliyinin gücləndirilməsi və tibbi xidmətlərin keyfiyyətinin artırılması baxımından mühüm əhəmiyyət kəsb edir.

14/01/2026

13/01/2026

Valideyn himayəsindən məhrum olan uşaqların tibbi müayinələri aparılıb

Quba Rayon Mərkəzi Xəstəxanasının səyyar həkim briqadası tərəfindən uşaqların icbari dispanserizasiyası prosesi çərçivəsində Zərdabi qəsəbəsində yerləşən valideyn himayəsindən məhrum olan uşaqlar üçün tam orta internat məktəbində 91 uşaqa 600-dən çox tibbi xidmət göstərilib.

Uşaqların sağlamlığının qorunması və xəstəliklərin vaxtında aşkar edilməsi məqsədilə stomatoloji, oftalmoloji, pediatrik, dermatoloji, ultrasəs müayinələri (USM) və terapevtik baxışlar aparılıb, həmçinin laborator analizlər üçün qan nümunələri götürülüb və zəruri hallarda müvafiq müalicələr təyin edilib.

Qeyd edək ki, Azərbaycan Respublikasının Nazirlər Kabinetinin 23 aprel 2014-cü il tarixli, 109 nömrəli Qərarı ilə təsdiq edilmiş “Uşaqların icbari dispanserizasiyasının həyata keçirilməsi Qaydaları”nın 3.4-cü bəndinə əsasən valideynlərini itirmiş və valideyn himayəsindən məhrum olan uşaqların təhsil və ya tərbiyə aldıqları müəssisələrdə, ailə tipli uşaq evlərində, eləcə də əhalinin sosial müdafiəsi müəssisələrində icbari dispanserizasiya səhiyyə müəssisələri tərəfindən yaradılmış səyyar həkim briqadaları vasitəsilə həyata keçirilir.

07/01/2026

Son 20 il ərzində Azərbaycanda 3 min 600 məktəb, yüzlərlə xəstəxana tikilib və əsaslı təmir edilib.

07/01/2026

Sağlamlığımızın qeydinə qalmaq öz əlimizdədir!

Yaşınızdan və cinsinizdən asılı olmayaraq reproduktiv sağlamlığınıza ilk növbədə siz cavabdehsiniz. Sağlam həyat tərzi yalnız sizə deyil, ailənizə və cəmiyyətə də fayda gətirir.

Sağlam nəsil formalaşdırmaq üçün ilk növbədə özünüzü qorumalısınız:

1. Valideyn olmaq üçün ən optimal zaman 18-35 yaş hesab olunur;

2. Doğuşdan sonra növbəti hamiləliyə qədər fasilə 18-23 ay olmalıdır;

3. Doğuşların sayı dörddən çox olduqda ana və uşağın sağlamlığı üçün risk artır;

4. Ailə planlaşdırılması, hamiləlikdən qorunmaq üçün təhlükəsiz və düzgün metodlar seçilməlidir.

5. Zərərli vərdişlərdən: tütün məhsulları və spirtli içkilərdən, narkotik maddələrdən çəkinmək lazımdır;

6. Hər bir abort doğulmayan körpənin və ananın sağlamlığı üçün zorakılıqdır.

Sağlamlığınıza dəyər verin, çünki bu sizin üçün ən böyük sərvətdir!

06/01/2026

Bayram günlərində qarlı hava şəraiti ilə əlaqədar olaraq müxtəlif travmalar səbəbilə Quba Rayon Mərkəzi Xəstəxanasının Təcili tibbi yardım şöbəsinə 90-dan çox şəxsin müraciəti qeydə alınıb

29.12.2025-06.01.2026-cı il tarixləri arasında qarlı hava şəraiti ilə əlaqədar Quba Rayon Mərkəzi Xəstəxanasının Təcili tibbi yardım şöbəsinə ümumilikdə 94 nəfər müraciət edib.

Müraciətlər mil və bilək, aşağı ətraflar, bel və çiyin nahiyələrinin, eləcə də yumşaq toxumaların zədələnmələri, həmçinin bədənin müxtəlif nahiyələrində sümüklərin açıq və qapalı sınıqları ilə bağlı olub.

Zəruri instrumental-diaqnostik müayinələrdən sonra 7 nəfərin müalicəsi Travmatologiya şöbəsində davam etdirilir.

Digər pasiyentlərə zəruri tibbi yardım göstərilib. Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.