Sabirabad Rayon Mərkəzi Xəstəxanası

30/09/2025

Reproduktiv sağlamlıq sizin məsuliyyətinizdir!

Yaşınızdan və cinsinizdən asılı olmayaraq reproduktiv sağlamlığınıza ilk növbədə siz cavabdehsiniz. Sağlam həyat tərzi yalnız sizə deyil, ailənizə və cəmiyyətə də fayda gətirir.

Sağlam nəsil formalaşdırmaq üçün ilk növbədə özünüzü qorumalısınız:

1. Valideyn olmaq üçün ən optimal zaman 18-35 yaş hesab olunur;

2. Doğuşdan sonra növbəti hamiləliyə qədər fasilə 18-23 ay olmalıdır;

3. Doğuşların sayı dörddən çox olduqda ana və uşağın sağlamlığı üçün risk artır;

4. Ailə planlaşdırılması, hamiləlikdən qorunmaq üçün təhlükəsiz və düzgün metodlar seçilməlidir.

5. Zərərli vərdişlərdən: tütün məhsulları və spirtli içkilərdən, narkotik maddələrdən çəkinmək lazımdır;

6. Hər bir abort doğulmayan körpənin və ananın sağlamlığı üçün zorakılıqdır.

Sağlamlığınıza dəyər verin, çünki bu sizin üçün ən böyük sərvətdir!

30/09/2025

29/09/2025

29/09/2025

Ürəyinizcə yaşayın!

28/09/2025

27/09/2025

27 Sentyabr - Anım Günü

26/09/2025

Tibb müəssisələrində növbələrin tənzimlənməsi, elektron onlayn növbə sisteminin bütün ölkə üzrə işlək vəziyyətə gətirilməsi üçün TƏBİB tərəfindən intensiv tədbirlər həyata keçirilir.

Bu barədə TƏBİB-in Strateji inkişaf departamentinin rəhbəri Murad Mirzəyev İctimai TV-nin efirində canlı yayımlanan “Xəbərimiz var” verilişində çıxışı zamanı məlumat verib.

Daha ətraflı TƏBİB-in Yutub səhifəsində...

TƏBİB-in Strateji inkişaf departamentinin rəhbəri Murad Mirzəyev Xəstəxanalarda onlayn növbə sistemi barədə danışıb.

26/09/2025

Yay mövsümündə günvurma ilə əlaqədar 100-ə yaxın şəxsin müraciəti qeydə alınıb

2025-ci ilin yay mövsümündə (iyun, iyul, avqust ayları üzrə) Respublika Təcili və Təxirəsalınmaz Tibbi Yardım Mərkəzinə ölkə üzrə 100-ə yaxın şəxsin müraciəti qeydə alınıb. Daxil olan müraciətlərdən 76-sı Bakı şəhəri üzrə olub və onlardan 36 nəfər aidiyyəti üzrə tibb müəssisələrinə hospitalizasiya edilib. Digər 35 nəfərə yerində tibbi yardım göstərilib, 5 nəfər isə hospitalizasiyadan imtina edib.

Eyni zamanda günvurma ilə əlaqədar Sumqayıt, Şirvan, Salyan, Siyəzən, Astara, Zaqatala, Qəbələ, Quba, Qax, Ağstafa, Sabirabad, Hacıqabul, Neftçala, Zaqatala və s. bölgələrdən də 23 nəfərin çağırışı daxil olub. Onlardan 13 nəfərə yerində tibbi yardım göstərilib, 10 nəfər isə tibb müəssisələrinə hospitalizasiya olunub.

25/09/2025

Qadınların sağlamlığı mövzusunda maarifləndirici tədbir keçirilib

23 sentyabr 2025-ci il tarixində Yeni Klinikada TƏBİB-in təşkilatçılığı, Bank Respublikanın dəstəyi ilə “Dəyişən rollar, dəyişməyən güc: güclü qadınların mental sağlamlığı” adlı maarifləndirici tədbir təşkil olunub.

Tədbirin əsas məqsədi qadınların fiziki və mental sağlamlığı mövzusunda ictimai məlumatlılığı artırmaq, mövcud psixoloji və sosial dəstək mexanizmlərini tanıtmaq, həkimlər, ictimai xadimlər, qadın liderlər və şəhid ailələrinin iştirakı ilə fikir mübadiləsi apararaq cəmiyyətin bu mövzuda həmrəyliyini və dəstəyini gücləndirməkdir.

Tədbirdə TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova, Bank Respublikanın İnsan resursları departamentinin direktoru Məryam Əmrahlı və direktor müavini Jalə Nəcəfova, millət vəkiləri Sevinc Fətəliyeva və Pərvanə Vəliyeva çıxış edərək qadınların sağlamlığının və psixoloji rifahının cəmiyyətin gələcəyi üçün əhəmiyyətini vurğulayıblar.

Daha sonra “Qadın sağlamlığı və motivasiya” mövzusunda panel diskussiya keçirilib. Panelin moderatoru TƏBİB-in Daxili kommunikasiya şöbəsinin müdiri Könül Əhmədova olub. Diskussiyada TƏBİB-in Ana və uşaq sağlamlığı şöbəsinin müdiri Sevinc Məmmədova, “Azerbaijan HR Institute” şirkətinin təsisçi və direktoru Emil Hüseynov, uzman psixiatr və psixoterapevt Leyla Abdullayeva, təhsil eksperti, təlimçi və alpinist Vəfa Musayeva iştirak edərək qadınların psixoloji dayanıqlığı, iş və şəxsi həyat balansı, motivasiya və sağlamlıqla bağlı təcrübələrini bölüşüblər

Tədbir çərçivəsində həmçinin uzman klinik psixoloq Nigar Eyvazovanın “İş və həyat balansı” mövzusunda interaktiv təlimi keçirilib.

Tədbirin sonunda məruzəçilərə qadınların maariflənməsinə və tədbirə verdikləri dəyərli töhfələrə görə xatirə plaketləri təqdim olunub.

25/09/2025

Əczaçılığın önəminə diqqət çəkmək məqsədilə Beynəlxalq Əczaçılıq Federasiyasının təşəbbüsü ilə 2009-cu ildən etibarən hər il sentyabrın 25-i Beynəlxalq Əczaçılar Günü kimi qeyd edilir.

Beynəlxalq Əczaçılar Günü münasibəti ilə əczaçıları təbrik edirik!