Şamaxı Rayon Mərkəzi Xəstəxanası

31/01/2026

TƏBİB-in “Mentor klinika” layihəsi çərçivəsində 02–07 fevral 2026-cı il tarixlərində Respublika Klinik Xəstəxanasının həkimləri Şamaxı Rayon Mərkəzi Xəstəxanasında vətəndaşlar üçün pasiyent qəbulu həyata keçirəcəklər.

🏥 Qəbul icbari tibbi sığorta çərçivəsində aparılacaq.

👩‍⚕️👨‍⚕️ Qəbulda iştirak edən həkimlər:
• Pərvin Hüseynov – travmatoloq-ortoped
• Firuzə Hümbətəliyeva – ümumi cərrah
• Sevda Qaibova – neonatoloq
• Ellada Qasımova – anestezioloq-reanimatoloq
• Azadə Salmanova – şüa diaqnostikası üzrə həkim
• Nəsibə Quliyeva – terapevt
• Şəhla Musayeva – mama-ginekoloq
• Nüsrət Səlimov – TTTY üzrə həkim
• Günay Məmmədova – endokrinoloq
• Həcər Həbibova – nefroloq

🔍 Həkimlər tərəfindən müayinə, diaqnostika və tibbi məsləhətlər göstəriləcək.

📍 Ünvan: Şamaxı şəhəri, Qədirli küçəsi, 61
📞 Əlaqə: 020 265 70 41

29/01/2026

TƏBİB-in “Mentor Klinika” layihəsi çərçivəsində Respublika Klinik Xəstəxanasının həkimləri növbəlilik əsasında Şamaxı Rayon Mərkəzi Xəstəxanasında xidmət göstərməyə başlayıblar.

Həkimlər tibb müəssisəsində kadr çatışmazlığı müşahidə olunan travmatoloq-ortoped, cərrah, neonatoloq, anestezioloq-reanimatoloq, şüa-diaqnostikası üzrə həkim, terapevt, mama-ginekoloq, nefroloq, endokrinoloq və TTTY üzrə həkim ixtisaslarını əhatə edir.

28/01/2026

26 yanvar 2025-ci il tarixində Şamaxı Rayon Mərkəzi Xəstəxanasında tibb işçilərinin işə qəbulu üzrə müsahibə prosesi keçirilib.

Müsahibə prosesi Nazirlər Kabinetinin 18 iyul 2024-cü il tarixli, 344 nömrəli qərarına uyğun olaraq təşkil olunub.

Müsahibə komissiyasının tərkibinə xəstəxananın direktoru Natiq Əliyev, direktorun cərrahi xidmətlər üzrə müavini həkim-cərrah Vüsal Sədrayev və İnsan resursları şöbəsinin müdiri Bəxtiyar Quliyev daxil olublar.

Müsahibədə həkim-uroloq Atakişiyev Asiman və həkim-pediatr Hüseynova Maya iştirak ediblər.

Aramıza yeni qoşulan hər bir tibb işçisinə uğurlar arzulayırıq!

27/01/2026

Şamaxı Rayon Mərkəzi Xəstəxanasında infeksiyaların profilaktikası və infeksiyaya nəzarət (İPİN) mövzusunda seminar təşkil olunub. Seminar “Mentor Klinika” layihəsi çərçivəsində həkim-infeksionist Nigar Abdullayeva və cərrahi şöbələr üzrə baş tibb bacısı Günel Hacıyeva tərəfindən keçirilib.

Seminar zamanı İPİN fəaliyyətinin əsas istiqamətləri ətraflı şəkildə iştirakçıların diqqətinə çatdırılıb. Xəstəxana işçilərinin mütəmadi təlimləndirilməsi, əməliyyatxanalarda aseptika və antiseptika qaydalarına riayət olunması, reanimasiya və neonatologiya şöbələrində infeksiyaların qarşısının alınması üçün görülən tədbirlər xüsusi vurğulanıb. Eyni zamanda Mərkəzi sterilizasiya bölməsində alət və avadanlıqların düzgün sterilizasiya prosesinin İPİN sistemindəki rolu izah edilib.

Seminar interaktiv müzakirələr və praktik nümunələrlə davam etdirilib, iştirakçıların sualları cavablandırılıb. Tədbirin əsas məqsədi tibb işçilərinin bilik və bacarıqlarının artırılması, xəstəxanadaxili infeksiyaların minimuma endirilməsi və pasiyent təhlükəsizliyinin daha da gücləndirilməsi olub.

26/01/2026

Şamaxı Rayon Mərkəzi Xəstəxanasında Təməl Həyat Dəstəyi üzrə ilk yardım seminarı təşkil olunub. Təlim “Mentor Klinika” layihəsi çərçivəsində Təcili Tibbi Yardım həkimi İlqar Mirzəyev tərəfindən keçirilib.

Seminarın açılışını həkim-travmatoloq-ortoped Eldar Əsədli edib. O, çıxışında təlimin əhəmiyyətindən bəhs edərək, fövqəladə və həyati təhlükə yaradan vəziyyətlərdə vaxtında və düzgün göstərilən ilkin tibbi yardımın insan həyatının xilas edilməsində mühüm rol oynadığını vurğulayıb.

Təlimin əsas mövzusu həyati təhlükə zamanı ilk yardım tədbirləri olub. Seminarın məqsədi iştirakçılara təcili vəziyyətlərdə düzgün davranış qaydalarını öyrətmək, həyatı qorumaq, ürək və beyin fəaliyyətinin davamlılığını təmin etmək bacarıqlarını aşılamaqdır.

Təlim zamanı Təməl Həyat Dəstəyi ilə bağlı nəzəri biliklər və praktik bacarıqlar iştirakçılara ətraflı şəkildə izah olunub.

26/01/2026

Şamaxı Rayon Mərkəzi Xəstəxanasının həkim-endokrinoloqu Elnurə Əliyeva 23–24 yanvar tarixlərində Bakı şəhərində keçirilən “II Azərbaycan Diabet və Metabolizma Xəstəlikləri Konqresi” və IV AzərTürkDiab Simpoziumunda iştirak edib.

Tədbirdə diabet, metabolik xəstəliklərin diaqnostika və müalicəsində müasir yanaşmalar, elmi yeniliklər və klinik təcrübələr müzakirə olunub.Konqres və simpozium çərçivəsində yerli və xarici mütəxəssislərin məruzələri dinlənilib, sahə üzrə aktual mövzular ətrafında fikir mübadiləsi aparılıb.

Həkimimizin bu cür beynəlxalq və respublika səviyyəli elmi tədbirdə iştirakı peşəkar bilik və bacarıqların artırılmasına, eləcə də xəstələrə göstərilən tibbi xidmətin keyfiyyətinin yüksəldilməsinə töhfə verir.

26/01/2026

🩺Qış mövsümündə immunitetin gücləndirilməsi üçün nə etməliyik?

25/01/2026

24/01/2026

TƏBİB-in “Mentor klinika” layihəsi çərçivəsində 26–31 yanvar 2026-cı il tarixlərində Respublika Klinik Xəstəxanasının həkimləri Şamaxı Rayon Mərkəzi Xəstəxanasında vətəndaşlar üçün pasiyent qəbulu həyata keçirəcəklər.

🏥 Qəbul icbari tibbi sığorta çərçivəsində aparılacaq.

👩‍⚕️👨‍⚕️ Qəbulda iştirak edən həkimlər:
• Eldar Əsədli – travmatoloq-ortoped
• Eldar Mehrəliyev – travmatoloq-ortoped
• Nigar Abdullayeva – ümumi cərrah
• Sevinc İmamverdiyeva – neonatoloq
• Mehman Əliyev – anestezioloq-reanimatoloq
• Günay Musayeva – şüa diaqnostikası üzrə həkim
• Arzu Məmmədova – terapevt
• Gülnur Xudiyeva – mama-ginekoloq
• İlqar Mirzəyev – TTTY üzrə həkim
• Nuranə Süleymanova – endokrinoloq
• Adilə Əliyeva – nefroloq

🔍 Həkimlər tərəfindən müayinə, diaqnostika və tibbi məsləhətlər göstəriləcək.

📍 Ünvan: Şamaxı şəhəri, Qədirli küçəsi, 61
📞 Əlaqə: 020 265 70 41

22/01/2026

22/01/2026

İsrafilov Zakir Yusif oğlu 11 iyun 1974-cü ildə Bakı şəhərində anadan olub. 1981–1991-ci illərdə Bakı şəhərində yerləşən 167 saylı orta məktəbdə təhsil alıb.
1991–1997-ci illərdə Azərbaycan Tibb Universitetinin Pediatriya fakültəsində ali tibb təhsili alıb.
1997–1998-ci illərdə ixtisas olaraq uşaq nevrologiyası üzrə internatura keçib.

1998–2000-ci illərdə hərbi həkim kimi fəaliyyət göstərib.

2001–2024-cü illər ərzində müxtəlif özəl tibb müəssisələrində uşaq nevroloqu vəzifəsində çalışıb.

Ölkədaxili konfrans və təlimlərdə mütəmadi olaraq iştirak edib.

Hazırda 2026-cı ilin yanvar ayından etibarən Şamaxı Rayon Mərkəzi Xəstəxanasında həkim-uşaq nevroloqu kimi fəaliyyət göstərir.

22/01/2026

Əlilliyin təyinatı üçün hansı hallarda göndəriş verilməlidir?

Cavab: Azərbaycan Respublikası Nazirlər Kabinetinin 2020-ci il 16 yanvar tarixli 12 nömrəli Qərarı ilə təsdiqlənmiş Əlilliyin qiymətləndirilməsi məqsədilə tibbi-sosial ekspertiza müayinəsinə göndərişlərin verilməsi qaydasına əsasən göndəriş verilməsi üçün aşağıdakı 5 əsas müəyyən edilib:

- Şəxsin eyni xəstəliklə son 6 (altı) ay müddətində fasiləsiz və ya son 12 (on iki) ay müddətində fasilələrlə ümumilikdə 6 (altı) aydan çox ambulator və ya stasionar müalicədə olmasına baxmayaraq, orqanizmin pozulmuş funksiyalarının bərpa olunmaması və şəxsin cəmiyyətin həyatında tam və səmərəli iştirakına mane olan sabit fiziki, psixi, əqli və ya hissiyyat pozuntularının olması;

- Şəxsdə əqli pozuntuların və anatomik çatışmazlıqların, dərmanlara davamlı vərəm formalarının, lll, IV mərhələ onkoloji xəstəliklərin, V mərhələ xroniki böyrək xəstəliyi həmçinin 12 nömrəli qərarın 1 nömrəli əlavəsində qeyd olunan diğər xəstəliklərin olması (göndəriş 1-ci bənddə göstərilən müddət gözlənilmədən verilir);

- Əlillik müddətinin bitməsindən sonra qeyd olunan pozuntuların, çatışmazlıqların və xəstəliklərin 12 nömrəli qərarın 2 nömrəli əlavəsində qeyd olunan müalicə müddətləri nəzərə alınmaqla davam etməsi;

- Peşə əmək qabiliyyətinin itirilməsi dərəcəsinin müəyyən edilməsi;

- Əlilliyi olan şəxsin sağlamlıq vəziyyətində olan dəyişikliklə bağlı (azalma, artırılma, ləğv edilmə) Komissiyanın rəyinə əsasən tibbi-sosial ekspertiza müayinəsinə zərurət yaranması.