23/09/2025
✔️Այսօր Արցախի Քերոլայն Քոքսի անվան վերականգնողական կենտրոնի ծնունդն է․ լրանում է գործունեության 27 տարին։
✔️1998 թվականի սեպտեմբերին Բարոնուհի Քերոլայն Քոքսի նախաձեռնությամբ Արցախում պաշտոնապես բացվեց առաջին վերականգնողական կենտրոնը։
Կենտրոնի հիմնական նպատակը առաջին պատերազմի հետևանքով վիրավորում ստացած և հաշմանդամություն ունեցող մարդկանց աջակցելն էր՝ առանց տարիքային սահմանափակման։
✔️Կենտրոնը տարիներ շարունակ դարձել էր հարյուրավոր ընտանիքների հույսի և ապաքինման վայր։ Կենտրոնում գործում էին տարբեր մասնագիտական ծառայություններ՝ բժիշկ-վերականգնողաբանի խորհրդատվություն, ֆիզիոթերապիա, էրգոթերապիա, բոբաթ-նեյրոզարգացողական բուժում, հոգեբանի և լոգոպեդի աջակցություն, ջրաբուժություն, սոցիալական աշխատողի ծառայություն, ինչպես նաև արվեստի և սպորտի խմբակներ։ Ամեն տարի շուրջ 2000 շահառու ստանում էր անհրաժեշտ բուժօգնություն։
✔️Կենտրոնի կարևոր ձեռքբերումներից էր նաև տնային այցելությունների ծառայությունը, որի շնորհիվ տարեկան ավելի քան 500 ծանր հաշմանդամություն ունեցող անձիք ստանում էին անհրաժեշտ խնամք։ Բացի դրանից, գործում էին Մանկական առողջության կենտրոնը և Աուտիզմի ցերեկային խնամքի կենտրոնը, որտեղ երեխաները ոչ միայն խնամք էին ստանում, այլև անհրաժեշտ ծառայություններ՝ լոգոպեդի, հոգեբանի, ֆիզիոթերապիա և էրգոթերապիա, ինչպես նաև մասնակցում ջրաբուժության։
✔️Ցավոք, Արցախյան վերջին իրադարձությունների պատճառով 2023 թվականին կենտրոնը դադարեցրեց իր գործունեությունը Արցախում։ Սակայն հավատարիմ մնալով իր սուրբ առաքելությանը՝ այսօր այն շարունակում է գործել մայր Հայաստանում՝ կանգնելով իր ժողովրդի կողքին, որը ապրել է երեք պատերազմ և շարունակում է ապրել խաղաղության սպասումով։
✔️Այս նշանակալից օրը մեր ամբողջ թիմի անունից ցանկանում ենք արագ ապաքինում և լիարժեք վերականգնում մեր բոլոր շահառուներին։
Քերոլայն Քոքսի անվան վերականգնողական կենտրոնը կմնա մեր ժողովրդի ապրելու, պայքարելու և հաղթահարելու ուժի խորհրդանիշը։🙏🏻
