22/11/2020
ENUREZ
✅Uşaqlıq çağının ən çox rast gəlinən problemlərindən biri də enurezdir. Adətən 5 yaş və ondan böyük uşaqlarda gecələr sidiyə nəzarət edə bilməməsi, yəni yerini islatması enurez adlanır. Oğlanlarda qızlara nisbətən daha çox rast gəlinir. Gecə yuxuda sidik qaçırma "enuresis nocturna", gecə və gündüz sidik qaçırma "enuresis continua" və sidik ifrazı nəzarət altına alındıqdan sonra ən azı yerini 6 ay islatmayan uşağın təkrar enurezinin başlaması ikincili (sekonder enürezis) adlanlr.
✔Səbəbləri arasında irsiyyət (valideynlərdə də olması), psixoloji faktorlar, sidik yolu infeksiyaları, sidik yollarında anatomik funksional pozuntular, şəkərli diabet, dərin yuxu, qəbizlik, hormonal dəyişikliklər, vaxtında düzgün verilməyən tualet təlimi (heç təlimin verilməməsi və ya çox təmiz, ciddi rejimə əhəmiyyət verən anaların təzyiqi ilə verilən təlim) nəticəsində ola bilər. Ailədə ölüm, ayrılıq, xəstəlik, məktəbdə uğursuzluq, ana və ata arasındakı gərginliklər də uşaqlarda enurezə səbəb ola bilər.
👍Axşamlar qəbul edilən mayenin azaldılması, uşağı qaldırıb tualetə aparılması başlanğıc müalicə sayıla bilər. 6 yaşa qədər uşaqlarda patoloji bir vəziyyət yoxdursa dərman müalicəsindən yayınmalı, bu vəziyyətin bir müddət sonra düzələcəyinə güvənilməlidir. Uşağı utandırmaq, qorxutmaq, cəzalandırmaq yerinə bu vəziyyətin düzələcəyinə inandırmaq, quru qaldığı günlərdə həvəsləndirmək lazımdır. Yenə də müalicə cavabsız qalarsa başqa araşdırmalar həkim tərəfindən aparılmalıdır. Çünki bu problem yetkinlik yaşlarına qədər də davam edə bilər.
* Digər valideynlərin də maariflənməsi üçün yazını paylaşmağı unutmayın...
Sumqayıt, 2ci mkr, Palıd sağlamlıq mərkəzi
994506848011
