Abşeron Rayon Mərkəzi Xəstəxanası

29/01/2026

Abşeron Rayon Mərkəzi Xəstəxanasının direktoru Səkinə Sadıxova qəbul qrafikinə uyğun olaraq vətəndaşları qəbul edib

Qəbul zamanı vəndaşların müraciətləri dinlənilib, araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.

27/01/2026

Abşeron Rayon Mərkəzi Xəstəxanasının direktoru Səkinə Sadıxova, İlkin səhiyyə xidməti üzrə direktor müavini Kazım Məmmədov və Terapiya şöbəsinin şöbə müdiri Rəsmiyyə Atakişiyeva tibb müəssisəsində stasionar müalicə alan şəhid ailələri və Vətən müharibəsi qazilərini ziyarət ediblər.

Ziyarət zamanı xəstələrlə səmimi söhbətlər aparılıb, onların səhhəti, göstərilən tibbi xidmətin keyfiyyəti və yaradılmış şəraitlə bağlı fikirləri dinlənilib. Qazilərlə keçirilən görüşdə isə onların hər birinə xüsusi diqqət və həssaslıq göstərilib, mövcud tibbi və psixoloji dəstək imkanları barədə ətraflı məlumat verilib.

Xəstələr və qazilər onlara yaradılmış yüksək şəraitə və göstərilən qayğıya görə başda Azərbaycan Respublikasının Prezidenti cənab İlham Əliyev olmaqla, TƏBİB-Ə, İcbari Tibbi Sığorta üzrə Dövlət Agentliyinə və xəstəxana rəhbərliyinə dərin minnətdarlıqlarını bildiriblər. Onlar, həmçinin ölkədə həyata keçirilən uğurlu səhiyyə islahatlarını və əhaliyə göstərilən diqqət və qayğını yüksək qiymətləndiriblər.

Sonda xəstəxana rəhbərliyi vətəndaşlara tezliklə sağalaraq sağlamlıqlarına qovuşmalarını arzulayıb, tibbi heyətə isə göstərilən xidmətin keyfiyyətinin daha da artırılması ilə bağlı tövsiyələr verib.

Uğurumuzdur

24/01/2026

24/01/2026

Uşaq cərrahı, uzman həkim Ehtiqad Hüseynzadə tərəfindən 5 yaşlı qız uşağında sağ qasıq yırtığı səbəbilə cərrahi əməliyyat icra olunmuşdur. Əməliyyat zamanı yırtıq kisəsinin daxilində yumurtalıq aşkarlanmış və müvafiq şəkildə yerinə qaytarılmışdır.

Qeyd edək ki, yenidoğulan dövründən 18 yaşınadək uşaqlarda boyun, döş qəfəsi, qarın boşluğu və bütün uroloji cərrahi əməliyyatlar müasir tibbi standartlara uyğun olaraq təhlükəsiz şəkildə icra olunur.

Əməliyyat “Abşeron Rayon Mərkəzi Xəstəxanası” PHŞ-də həyata keçirilmişdir.

23/01/2026

Abşeron Rayon Mərkəzi Xəstəxanası” publik hüquqi şəxsində uzunmüddətli və səmərəli fəaliyyətlərinə görə Adil Nəsibov fəxri fərmanla, Elmira Əmirxanova isə təşəkkürnamə ilə təltif edilib.

20/01/2026

20/01/2026

Abşeron Rayon Mərkəzi Xəstəxanasında 20 Yanvar – Ümumxalq Hüzn Günü ilə əlaqədar anım tədbiri keçirilib. Tədbirdə xəstəxananın rəhbərliyi və əməkdaşları iştirak ediblər. Əvvəlcə Vətənimizin azadlığı və müstəqilliyi uğrunda şəhid olmuş şəhidlərin əziz xatirəsi bir dəqiqəlik sükutla yad edilib.

Tədbirdə çıxış edən xəstəxananın direktoru Səkinə xanım Sadıxova 20 Yanvar faciəsinin xalqımızın yaddaşında silinməz iz buraxdığını vurğulayıb. O, həmin günlərin acı xatirələrindən söz açaraq, bu faciənin Azərbaycan xalqının azadlıq iradəsini sındıra bilmədiyini, əksinə milli birliyi və mübarizə ruhunu daha da gücləndirdiyini bildirib. Direktor qeyd edib ki, 20 Yanvar şəhidləri müstəqil Azərbaycanın təməlini qoyan qəhrəmanlardır və onların xatirəsi hər zaman hörmət və ehtiramla anılacaq.

Tədbir zamanı xəstəxananın bir qrup əməkdaşı da çıxış edərək 20 Yanvar hadisələrinin tarixi əhəmiyyətindən, şəhidlərin göstərdiyi qəhrəmanlıq nümunələrindən və bu gün gənc nəslin vətənpərvərlik ruhunda tərbiyə olunmasının vacibliyindən söz açıblar.

Eyni zamanda, xəstəxananın foyesində 20 Yanvar hadisələrinə həsr olunmuş xüsusi guşə yaradılıb. Bu guşə əməkdaşların və ziyarətçilərin 20 Yanvar şəhidlərinin xatirəsini yad etməsi məqsədi daşıyır.

20/01/2026

20 Yanvar - Ümumxalq Hüzn Günü

02/01/2026

Sağlamlığınızı və başqalarının həyatını riskə atmayın!

Spirtli içkinin təsiri altında sükan arxasında əyləşməyin!

31/12/2025

Abşeron RMXda növbəti keyfiyyət çempionları seçilib. Keyfiyyət Çempionları - Sağlam Gələcəyin Zəmanətidir. Tibb müəssisəmizdə Keyfiyyət Çempionları xəstələrə göstərilən xidmətin mükəmməlliyini təmin etmək, komanda ruhunu gücləndirmək və davamlı inkişafı təşviq etmək məqsədilə fəaliyyət göstərirlər. Onlar hər bir şöbədə keyfiyyətin qoruyucusu, yeniliyin təşəbbüskarı və pasiyent məmnuniyyətinin təminatçısıdır.

Birlikdə - daha sağlam, daha keyfiyyətli gələcək üçün!

31/12/2025

Abşeron Rayon Mərkəzi Xəstəxanasında 31 Dekabr – Dünya Azərbaycanlılarının Həmrəyliyi Günü və Yeni il münasibətilə tədbir keçirilib.

Tədbirdə xəstəxananın direktoru Səkinə Sadıxova, direktor müavinləri və xəstəxananın kollektivi iştirak ediblər.

Tədbiri giriş nitqi ilə açan direktor Səkinə Sadıxova kollektiv üzvlərini Dünya Azərbaycanlılarının Həmrəyliyi Günü və Yeni il münasibətilə təbrik edərək, onlara möhkəm can sağlığı, ailə səadəti və peşə fəaliyyətlərində uğurlar arzulayıb. O, çıxışı zamanı Abşeron Rayon Mərkəzi Xəstəxanasında il ərzində görülən işlərdən, səhiyyə xidmətlərinin keyfiyyətinin artırılması istiqamətində həyata keçirilən tədbirlərdən, əldə olunan nailiyyətlərdən və qarşıda duran hədəflərdən bəhs edib. Səkinə Sadıxova kollektivin fədakar əməyini xüsusi vurğulayaraq bütün əməkdaşlara təşəkkürünü bildirib.

Daha sonra Baş həkim Fərrux Sədirov, İlkin Səhiyyə Xidmətinin təşkili üzrə direktor müavini Kazım Məmmədov və inzibati işlər üzrə direktor müavini Elvin Məmmədzadə çıxış edərək kollektivə Həmrəylik Günü və Yeni il münasibətilə təbriklərini çatdırıb, yeni ildə uğurlar və peşəkar nailiyyətlər arzulayıblar.

Tədbir çərçivəsində “Abşeron Rayon Mərkəzi Xəstəxanası” publik hüquqi şəxsində uzunmüddətli və səmərəli fəaliyyət göstərmiş bir qrup əməkdaş təşəkkürnamə ilə təltif olunub.

Tədbirin sonunda iştirakçıların iştirakı ilə xatirə şəkli çəkilib.