Abşeron Rayon Mərkəzi Xəstəxanası

26/03/2026

Epilepsiya qədim tarixə malik və indiyə qədər tam müalicəsi tapılmayan xəstəliklərdən biridir.

Yeganə və əsas əlaməti təkrarlanan epileptik tutmalardır.

Hər il martın 26-sı Beynəlxalq Epilepsiya Maarifləndirmə Günü kimi qeyd olunur.

24/03/2026

Vərəm sağalan xəstəlikdir. Hava-damcı yolu ilə yayılan xəstəlik insan orqanizminə tənəffüs yolları, qida, dəri vasitəsi və s. yollarla daxil olur.

Onu törədən mikroblar uzun müddət yaşaya və 6-8 aya qədər müxtəlif əşyaların üzərində qala bilir.

Son illər vərəmlə mübarizə sahəsində atılan mühüm addımlar nəticəsində ölkəmizdə vərəm xəstəliyinin yayılması əhəmiyyətli dərəcədə azalıb.

20/03/2026

Milli-mənəvi həmrəyliyin, humanizmin, şəfqət və mərhəmətin təcəssümü olan Ramazan bayramı münasibətilə hər kəsi səmimi-qəlbdən təbrik edirik!

Allah Ramazan ayı boyunca tutduğunuz orucları və etdiyiniz duaları qəbul etsin!🤲

20/03/2026

Novruz bayramınız mübarək!

Təbiətin oyanması və yenilənməsinin rəmzi olan Novruz bayramı hər kəsə sağlıq, qarşılıqlı anlaşma və əmin-amanlıq gətirsin!

19/03/2026

Abşeron Rayon Mərkəzi Xəstəxanasının (ARMX) direktoru Səkinə Sadıxova və ARMX Səhiyyə İşçiləri Həmkarlar İttifaqının sədri Lalə Qasımova Novruz bayramı münasibətilə şəhid İbadov Rauf Məhərrəm oğlunun ailəsini ziyarət ediblər.

Ziyarət zamanı şəhidimizin əziz xatirəsi dərin ehtiramla yad edilmiş, onun Vətən uğrunda göstərdiyi qəhrəmanlıq və şücaət yüksək qiymətləndirilmişdir. Qonaqlar ailə üzvləri ilə səmimi söhbət etmiş, onların qayğı və ehtiyacları ilə maraqlanmış, dövlət tərəfindən şəhid ailələrinə göstərilən diqqət və qayğının bundan sonra da davam etdiriləcəyini bildirmişlər.

Qeyd edək ki, şəhid İbadov Rauf Məhərrəm oğlunun anası Zərnigar xanım Abşeron Rayon Mərkəzi Xəstəxanasında əmək fəaliyyətini davam etdirir. Bu amil şəhid ailəsinə göstərilən ehtiramın və dəstəyin bariz nümunəsidir.

Ziyarət səmimi və duyğulu şəraitdə keçmiş, sonda şəhidimizin ruhuna dualar oxunmuş, onun əziz xatirəsi bir daha dərin ehtiramla yad edilmişdir.

17/03/2026

17/03/2026

🌱 Bu gün Torpaq Çərşənbəsidir!

Təbii zənginliklərə hörmət, torpağa sevgimiz və yeni ümidlərimizlə bu günü qeyd edək. Torpağımız bərəkətli, həyatımız bərəkətli olsun! 🌿✨

16/03/2026

Abşeron Rayon Mərkəzi Xəstəxanasının direktoru Səkinə Sadıxova qəbul qrafikinə uyğun olaraq vətəndaşları qəbul edib

Qəbul zamanı vəndaşların müraciətləri dinlənilib, araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.

11/03/2026

Ramazan ayında su balansını qorumağı unutmayın! 🌙

💧İmsak vaxtı kifayət qədər su qəbul etmək gün ərzində susuzluğun qarşısını almağa kömək edir. Bu səbəbdən ev şəraitində hazırlanmış az şəkərli limonad, ayran və meyvə kompotu kimi içkilərə üstünlük vermək daha faydalıdır. Unutmayın ki, çay və qəhvə orqanizmin su ehtiyacını tam qarşılamır. Susuzluq isə halsızlıq, baş ağrısı və əzələ spazmları kimi narahatlıqlara səbəb ola bilər.

İmsakda qidalanma üçün əsas tövsiyələr:
🔹 İmsakdan təxminən yarım saat əvvəl iki stəkan su içmək tövsiyə olunur;
🔹 Uzun müddət tox saxlayan və enerji verən qidalara üstünlük verin;
🔹 Liflə zəngin qidaları menyunuza əlavə edin;
🔹 Duzlu və çox ədviyyəli qidalardan uzaq durun;
🔹 Boyat və ağır yeməklərdən çəkinin;
🔹 Süd, şit pendir, qaymaq, yumurta, tərəvəzlər, yarma plovu və şorba kimi qidalar yaxşı seçimdir;
🔹 Orqanizmdə suyun saxlanmasına kömək edən qidalara üstünlük verin;
🔹 Qara çay və qəhvə kimi kofeinli içkilərin yerinə bitki çayları və az şəkərli kompotlar qəbul edin.

Allah Ramazan ayında tutduğunuz orucları və etdiyiniz duaları qəbul etsin! 🤲

11/03/2026

Abşeron Rayon Mərkəzi Xəstəxanasında təşkil olunan silsilə elmi-məruzələr çərçivəsində növbəti təqdimat baş tutub. “2025-ci il yenilənmiş CPR AHA protokolu” mövzusunda elmi məruzə xəstəxananın həkimi Zöhrə Alıyeva tərəfindən təqdim olunub.

Tədbirdə xəstəxananın direktoru Səkinə Sadıxova, baş həkim Fərrux Sədirov, şöbə və bölmə müdirləri, eləcə də tibb işçiləri iştirak ediblər.

Məruzə zamanı ürək-ağciyər reanimasiyası (CPR) sahəsində American Heart Association tərəfindən 2025-ci il üçün yenilənmiş protokollarda nəzərdə tutulan əsas dəyişikliklər, təcili tibbi yardım zamanı tətbiq olunan müasir yanaşmalar, həmçinin reanimasiya tədbirlərinin effektivliyinin artırılmasına yönəlmiş tövsiyələr barədə ətraflı məlumat verilib.

Çıxış zamanı praktiki yanaşmalar, klinik halların idarə olunması və beynəlxalq standartlara uyğun reanimasiya tədbirlərinin həyata keçirilməsi ilə bağlı mühüm məqamlar iştirakçıların diqqətinə çatdırılıb. Məruzənin sonunda mövzu ətrafında müzakirələr aparılıb, iştirakçıların sualları cavablandırılıb və təcrübə mübadiləsi həyata keçirilib.

Bu kimi elmi-maarifləndirici tədbirlərin keçirilməsi tibb işçilərinin peşəkar bilik və bacarıqlarının artırılmasına, həmçinin göstərilən tibbi xidmətin keyfiyyətinin daha da yüksəldilməsinə xidmət edir.

08/03/2026

07/03/2026

Abşeronda 8 Mart – Beynəlxalq Qadınlar Günü qeyd olunub.

Abşeron rayonunda 8 Mart – Beynəlxalq Qadınlar Günü münasibətilə tədbir keçirilib. Xırdalan şəhərində yerləşən Abşeron Rayon Mədəniyyət Mərkəzində baş tutan tədbirdə Abşeron Rayon İcra Hakimiyyətinin başçısı Abdin Fərzəliyev, regional idarələrin nümayəndələri, rayonun hüquq-mühafizə orqanlarının, idarə və müəssisələrin rəhbərləri, şəhid ailələri və rayon ictimaiyyətinin nümayəndələri iştirak ediblər.

Tədbirdə çıxış edənlər Azərbaycan qadınının cəmiyyətin inkişafında, milli-mənəvi dəyərlərin qorunmasında və dövlətçiliyin möhkəmlənməsində mühüm rol oynadığını vurğulayıblar.

Daha sonra Abşeron rayonunun ictimai-siyasi həyatında fəallığı ilə seçilən, həmçinin milli-mənəvi dəyərlərin təbliğində xüsusi xidmətləri olan xanımlar Fəxri Fərmanlarla təltif olunublar. Təltif olunanlar arasında Abşeron Rayon Mərkəzi Xəstəxanasının direktoru Səkinə xanım Sadıxova da yer alıb.