Yardımlı Rayon Mərkəzi Xəstəxanası

28/01/2026

28/01/2026

📌 “İcbari tibbi sığortanın Xidmətlər Zərfi çərçivəsində həyata keçirilən oftalmoloji xidmətlər”

🗓️ 28.01.2026 | ⏰ Saat 16:20
📺 REAL TV | 🩺 Vasif Akifli ilə “İNSAN”

İcbari tibbi sığorta oftalmoloji hansı xidmətləri əhatə edir? Göz müayinəsi sığorta çərçivəsində necə aparılır? Hansı göz problemləri ödənişsiz qarşılanır?

Qonaqlar:

Albina Hüseynova
TƏBİB-in İxtisaslı tibbi xidmətin təşkili departamentinin Böyük məsləhətçisi

Aytən Mirzəyeva
İcbari Tibbi Sığorta üzrə Dövlət Agentliyinin - Tibbi xidmətlər və dərman vasitələri departamenti,Özəl tibb müəssisələrinin ekspertizası şöbəsinin məsləhətçisi

📺 Canlı yayımı 28 yanvar saat 16:20-də izləməyi unutmayın.

27/01/2026

YANVAR MAARİFLƏNDİRMƏ VƏ FƏRQİNDƏLİK AYI
Yardımlı Rayon Mərkəzi Xəstəxanası Ginekologiya Şöbəsi

Servikal Xərçəng və Doğumsal Anomaliyalarla Mübarizə Kampaniyası
Yanvar ayı çərçivəsində xəstəxanamızın Ginekologiya şöbəsində geniş maarifləndirmə və müayinə kampaniyası həyata keçirildi.
Kampaniya nəticələri:
✅ 50 hamilə qadın üçün antenatal müayinələr aparıldı
✅ 50-yə yaxın qadınımıza Servikal Xərçənglə bağlı HPV skrininqi və müayinələr həyata keçirildi
✅ Hamilə qadınlarımıza fol turşusu paylanıldı
✅ Maarifləndirici iclas keçirildi

Kampaniyanı həyata keçirən komanda:
Dr. Pərvanə Bağırova - Ginekoloq
Dr. Zəhra Şabiyeva - Ginekoloq
Ginekologiya şöbəsinin bütün kollektivi

Yardımlı rayonunun qadınlarının sağlamlığı naminə əməyi keçən hər kəsə təşəkkür edirik!
Sağlam ana — Sağlam övlad — Sağlam gələcək!

26/01/2026

👨‍⚕️ Həkimlərimizi tanıyaq
Hüseynov Aqil İsmayıl oğlu
📅 21 iyul 1971-ci il tarixində Yardımlı rayonunun Vəlixanlı kəndində anadan olub.
🎓 Təhsili:
1989-cu ildə N.Nərimanov adına Azərbaycan Tibb İnstitutuna daxil olub,
1995-ci ildə ali tibb təhsilini başa vurub.
🏥 Əmək fəaliyyəti:
1996-cı ildə Yardımlı rayonunda internaturaya başlayıb, 1997-ci ildə bitirib.
1997-ci ilin avqust ayından etibarən Yardımlı Rayon Mərkəzi Xəstəxanasının Təcili və Təxirəsalınmaz Tibbi Yardım Şöbəsində növbətçi həkim kimi əmək fəaliyyətinə başlayıb.
🌍 2002–2006-cı illərdə ABŞ-ın “MERCY CORPS” humanitar təşkilatında fəaliyyət göstərib.
2006–2019-cu illərdə TTYŞ-də növbətçi həkim kimi çalışıb.
📌 2019-cu ildən etibarən
Yardımlı RMX-nın Təcili və Təxirəsalınmaz Tibbi Yardım Şöbəsinin müdiri vəzifəsində çalışır.

25/01/2026

24/01/2026

🏫 “Dərsimiz - Sağlamlıq”

Yardımlı Rayon Mərkəzi Xəstəxanasının təşəbbüsü ilə rayonumuzun təhsil müəssisələrində tibbi maarifləndirmə və profilaktik tədbirlərin gücləndirilməsi məqsədilə növbəti “Dərsimiz — Sağlamlıq” proqramı Yardımlı Şəhər 4 saylı tam orta məktəbdə həyata keçirilir.
❄️ Qış xəstəlikləri niyə artır?
Qış aylarında məktəblərdə ən çox rast gəlinən xəstəliklər tənəffüs yollarının kəskin infeksiyalarıdır. Soyuqdəymə, qrip, boğaz və bronx iltihabları əsasən viruslar səbəbindən yaranır və hava-damcı yolu, eləcə də çirkli əllər vasitəsilə yayılır. Qapalı məkanlarda daha çox vaxt keçirmək yoluxma riskini artırır.
🤧 Soyuqdəymənin əsas səbəbi nədir?
Soyuq hava təkbaşına xəstəlik yaratmır. Lakin üşümə, düzgün geyinməmək, yuxusuzluq, stress və vitamin çatışmazlığı immuniteti zəiflədir, nəticədə viruslar orqanizmə daha asan daxil olur.
🛡️ İmmunitet – sağlamlığın əsas qalxanı
Güclü immunitet xəstəliklərin qarşısını alır və ya onların yüngül keçməsini təmin edir. Zəif immun sistem isə tez-tez və ağır xəstələnməyə səbəb olur.
🍎 İmmuniteti necə gücləndirək?
✔️ Sağlam və balanslı qidalanma
✔️ Meyvə-tərəvəz, C vitamini və zülal qəbulu
✔️ 8–9 saat keyfiyyətli yuxu
✔️ Fiziki aktivlik və açıq havada vaxt keçirmək
✔️ D vitamini səviyyəsinin həkim nəzarətində saxlanması
🧼 Qorunma yolları (profilaktika):
🔹 Əllərin tez-tez yuyulması
🔹 Sinif otaqlarının havalandırılması
🔹 Şəxsi əşyaların paylaşılmaması
🔹 Öskürək və asqırıq etiketi
🔹 Xəstə şagirdlərin evdə qalması
✅ Nəticə:
Qış xəstəlikləri qaçılmaz deyil. Düzgün məlumat, sağlam vərdişlər və vaxtında profilaktika ilə sağlam qalmaq mümkündür. Unutmayaq: sağlamlıq bizim seçimimizdir!
🏥 Yardımlı Rayon Mərkəzi Xəstəxanası
— sağlam gələcək üçün maarifləndirir.

23/01/2026

Pozulmuş aclıq qlükozası – qanda şəkərin normal səviyyədən yüksək, lakin diabet üçün diaqnostik həddən aşağı olması halıdır.

Həkimlər bunu prediabetin xəbərdarlıq siqnalı hesab edirlər. Əgər vaxtında tədbir görülməzsə, gələcəkdə tip 2 şəkərli diabet riski əhəmiyyətli dərəcədə artır.
Risk faktorlarına artıq çəki, az fiziki aktivlik, qeyri-sağlam qidalanma, genetik meyllilik və yüksək qan təzyiqi daxildir.

Aclıq qan qlükoza testi insan 8-12 saat ərzində qida qəbul etmədikdən sonra aparılır. Bu test prediabet və diabetin aşkarlanmasında istifadə edilən əsas üsullardan biridir.

Sağlam həyat tərzi, balanslı qidalanma və stresin idarə olunması pozulmuş aclıq qlükozasının qarşısını almağın ən effektiv yollarındandır.

22/01/2026

Əlilliyin təyinatı üçün hansı hallarda göndəriş verilməlidir?

Cavab: Azərbaycan Respublikası Nazirlər Kabinetinin 2020-ci il 16 yanvar tarixli 12 nömrəli Qərarı ilə təsdiqlənmiş Əlilliyin qiymətləndirilməsi məqsədilə tibbi-sosial ekspertiza müayinəsinə göndərişlərin verilməsi qaydasına əsasən göndəriş verilməsi üçün aşağıdakı 5 əsas müəyyən edilib:

- Şəxsin eyni xəstəliklə son 6 (altı) ay müddətində fasiləsiz və ya son 12 (on iki) ay müddətində fasilələrlə ümumilikdə 6 (altı) aydan çox ambulator və ya stasionar müalicədə olmasına baxmayaraq, orqanizmin pozulmuş funksiyalarının bərpa olunmaması və şəxsin cəmiyyətin həyatında tam və səmərəli iştirakına mane olan sabit fiziki, psixi, əqli və ya hissiyyat pozuntularının olması;

- Şəxsdə əqli pozuntuların və anatomik çatışmazlıqların, dərmanlara davamlı vərəm formalarının, lll, IV mərhələ onkoloji xəstəliklərin, V mərhələ xroniki böyrək xəstəliyi həmçinin 12 nömrəli qərarın 1 nömrəli əlavəsində qeyd olunan diğər xəstəliklərin olması (göndəriş 1-ci bənddə göstərilən müddət gözlənilmədən verilir);

- Əlillik müddətinin bitməsindən sonra qeyd olunan pozuntuların, çatışmazlıqların və xəstəliklərin 12 nömrəli qərarın 2 nömrəli əlavəsində qeyd olunan müalicə müddətləri nəzərə alınmaqla davam etməsi;

- Peşə əmək qabiliyyətinin itirilməsi dərəcəsinin müəyyən edilməsi;

- Əlilliyi olan şəxsin sağlamlıq vəziyyətində olan dəyişikliklə bağlı (azalma, artırılma, ləğv edilmə) Komissiyanın rəyinə əsasən tibbi-sosial ekspertiza müayinəsinə zərurət yaranması.