Yevlax Rayon Mərkəzi Xəstəxanası

01/01/2026

Yeni ilimizdə hər kəsə sağlamlıq, sevinc, uğur və xoşbəxtlik dolu günlər arzu edirik!

2026-cı il sağlam gəlsin!

Bayramınız mübarək! 🎄

31/12/2025

30/12/2025

31 Dekabr – Dünya Azərbaycanlılarının Həmrəyliyi Günü milli birliyimizin, tarixi köklərimizə sədaqətimizin və ümumazərbaycan həmrəyliyinin bariz ifadəsidir. Bu əlamətdar tarix dünyanın müxtəlif ölkələrində yaşayan azərbaycanlıları vahid məqsəd – müstəqil və güclü Azərbaycan naminə bir araya gətirir.

Dünya azərbaycanlılarının həmrəyliyi ideyası Ulu Öndər Heydər Əliyevin dövlətçilik fəlsəfəsinin mühüm tərkib hissəsi olmuş, milli kimliyin qorunması və gücləndirilməsi baxımından strateji əhəmiyyət kəsb etmişdir. Bu siyasi xətt bu gün Prezident İlham Əliyevin rəhbərliyi ilə ardıcıl şəkildə davam etdirilir, diaspor fəaliyyətinin gücləndirilməsi və azərbaycanlıların beynəlxalq müstəvidə təşkilatlanması istiqamətində mühüm addımlar atılır.

Müasir dövrdə qlobal proseslər fonunda milli həmrəyliyin rolu daha da artmışdır. Azərbaycan xalqının vahid mövqeyi, dövlətinə olan etimadı və milli maraqlar ətrafında birləşməsi ölkəmizin gücünün əsas mənbəyidir. Xalq–dövlət birliyi sayəsində Azərbaycan regionda və beynəlxalq arenada öz mövqelərini daha da möhkəmləndirir.

Bu əlamətdar gündə xaricdə yaşayan soydaşlarımızın ana dilimizi, milli-mənəvi dəyərlərimizi və mədəni irsimizi yaşatması, Azərbaycan həqiqətlərinin dünya ictimaiyyətinə çatdırılması istiqamətində göstərdikləri fəaliyyət xüsusi vurğulanmalıdır. Hər bir azərbaycanlının harada yaşamasından asılı olmayaraq, Vətənə mənəvi bağlılığı ümumi həmrəyliyimizin əsas dayağıdır.

Dünya Azərbaycanlılarının Həmrəyliyi Günü münasibətilə bütün həmvətənlərimizi səmimi-qəlbdən təbrik edir, hər birinə möhkəm cansağlığı, firavanlıq və yeni uğurlar arzulayırıq. Qoy milli birliyimiz daim güclü olsun, Azərbaycan dövləti daha da inkişaf etsin və xalqımızın gələcəyi əmin-amanlıq şəraitində formalaşsın.

Bayramınız mübarək!

Fazil İsmayılov
Yevlax Rayon Mərkəzi Xəstəxanasının direktoru

30/12/2025

Bayram günlərində təcili və təxirəsalınmaz tibbi yardım xidməti gücləndirilmiş iş rejimində fəaliyyət göstərəcək

Bayram günlərində əhalinin sağlamlığının qorunması məqsədilə TƏBİB rəhbərliyi tərəfindən tibb müəssisələrinə müvafiq tapşırıqlar verilib. Vətəndaşların təcili tibbi yardıma fasiləsiz çıxışını təmin etmək üçün müvafiq təşkilati tədbirlər görülüb.

Bundan əlavə, tibb müəssisələrində təcili təxirəsalınmaz tibbi yardım, reanimasiya və intensiv terapiya, təxirəsalınmaz cərrahi yardım, travmatoloji yardım, kardioloji və nevroloji təcili yardım, toksikoloji yardım, təcili pediatrik yardım, təcili mamalıq-ginekoloji yardım, habelə laboratoriya və radioloji təxirəsalınmaz diaqnostika xidmətlərinin gücləndirilmiş iş rejimində fəaliyyəti təmin ediləcəkdir.

Eyni zamanda Respublika Təcili və Təxirəsalınmaz Tibbi Yardım Mərkəzi də gücləndirilmiş iş rejimində fəaliyyət göstərəcək.

Qeyri-iş günlərində xidmətin operativliyinin və keyfiyyətinin təmin edilməsi məqsədilə məsul vəzifəli şəxslərdən ibarət növbətçilik sistemi təşkil olunub, həkim briqadalarının sayı mövcud ehtiyaclara uyğun olaraq formalaşdırılıb. Təcili tibbi yardım briqadaları tibbi avadanlıqlar, dərman preparatları və digər zəruri tibbi vasitələrlə tam təmin edilib.

Hazırda Bakı şəhəri üzrə təxminən 140 təcili tibbi yardım briqadası, ölkənin 61 regionu üzrə isə 270-ə yaxın briqada xidmətə hazır vəziyyətə gətirilib.

Bayram günlərində həm ölkə daxilindən, həm də xarici ölkələrdən, xüsusilə Bakı şəhərinə gələn şəxslərin sayında artım müşahidə olunduğundan, maddi-texniki təminat və kadr resursları bu artıma uyğun şəkildə planlaşdırılıb.

Təcili və təxirəsalınmaz tibbi yardım xidmətinin fasiləsiz, operativ və səmərəli fəaliyyəti nəzarətdə saxlanılacaq, fövqəladə hallara çevik reaksiya verilməsi təmin ediləcəkdir.

29/12/2025

“Uşaqların icbari dispanserizasiyadan keçirilməsinə dair Dövlət Proqramı”na uyğun olaraq uşaqların ilkin müayinələri həyata keçirilir.

Uşaqların icbari dispanserizasiyası çərçivəsində Yevlax şəhər Mirzə Ələkbər Sabir adına 2 nömrəli tam orta məktəbdə uşaqlar ilkin müayinələrə cəlb olunub.

Baş tutan müayinələr zamanı Yevlax Rayon Mərkəzi Xəstəxanasının müxtəlif ixtisaslı mütəxəssisləri (həkim-pediatr, həkim-psixoloq, həkim-oftalmoloq, həkim-otorinolarinqoloq, həkim-stomotoloq, həkim-dermatoveneroloq və s.) tərəfindən uşaqlar icbari dispanserizasiya çərçivəsində müayinə olunublar.

Fəaliyyət çərçivəsində 100-ə yaxın uşağa 60-dan çox xidmət göstərilib.

Xəstəlik aşkarlanan uşaqlarla bağlı məlumatlar həm məktəb rəhbərliyinə, həm də valideynlərə təqdim edilib.

Həmin şagirdlərin qısa zamanda ilkin səhiyyə xidməti göstərən tibb müəssisələrinə müraciət edərək geniştərkibli müayinələrdən keçməsi və aşkarlanan xəstəliklərin müalicəsinə başlanması tövsiyə olunub.

26/12/2025

Kərimova İradə Fərhad qızı 1961-ci ildə Yevlax rayonunda anadan olub.

1979-1985-ci illərdə Azərbaycan Tibb Universitetinin Müalicə-profilaktika fakültəsində təhsil alıb.

1985-1986-cı illərdə Milli Onkologiya və Radiologiya Mərkəzində rentgenologiya üzrə internatura təhsili alıb.

1986-cı ildən etibarən Yevlax Rayon Mərkəzi Xəstəxanasında həkim-rentgenoloq kimi fəaliyyət göstərir.

Təbibimizə fəaliyyətlərində uğurlar arzulayırıq!

24/12/2025

24/12/2025

Azərbaycan Respublikasının Prezidenti cənab İlham Əliyevi doğum günü münasibətilə təbrik edir, vətənimizin inkişafı, xalqımızın rifahı naminə fəaliyyətində yeni nailiyyətlər arzulayırıq!

Cənab Prezident, doğum gününüz mübarək!

24/12/2025

✔ Ləyaqət, saf niyyət və xeyirxah ürək ❤️ — Uca Tanrının sözsüz eşitdiyi ali dualardır.
Uca Allah Sizi və xalqımızı qorusun! 🤲❤️
✔ Dignity, Sincerity in Every Intention and Kind Heart ❤️ - those are supreme prayers with no words heard by the Almighty. May the Almighty Allah Bless You and Our People!🤲❤️
✔ Достоинство, чистота помыслов и доброе сердце ❤️ – это молитва без слов, которую слышит Всевышний. Пусть Великий Аллах хранит Вас и наш народ! 🤲❤️