14/10/2025
Həkimlər deyir ki, İnsan hər qarşısına çıxanı yox, orqanizmə gərəkli olanı və lazım olan qədər yeməlidir.
Filosoflardan biri deyirdi ki, İnsan oğlu hər şeyi yox, lazım olanı bilməlidir.
Biblofillər deyir ki, oxucu hər əlinə düşəni yox, zehinə və qəlbə işıq verən kitabları oxumalıdır.
Sosioloqlar da deyir ki, bu gün insan ona lazım olmayan minlərlə məlumatı başına yığmaqla, informasiya zibilliyi içərisində öz həyatını məhv eləyib.
Çünki, insanın qəbul eydiyi hər bir şey normanı aşarsa, ona əzab verər.
Loğmandan soruşmuşlar:
-Zəhər nədir?
Demiş ki:
-İstənilən şey qədərini keçərsə, zəhər olar.
Psixoloqlar da deyir ki, İnsan hər şeyi yox, lazım olanı düşünməlidir.
Həddindən artıq düşünmək bədbəxtliyin ən böyük səbəbidir.
Nahaq yerə Freyd demirdi ki: “ Həyat haqqında dərindən düşünməyə başladınsa, demək xəstə olmağa başlamısan”.
