DHQ Hospital Gakuch Ghizer

Startpagina
België
Hal
DHQ Hospital Gakuch Ghizer

DHQ Hospital Gahkuch Ghizer was established in 2006 as 30 bedded hospital and upgraded to 50 bedded hospital in 2022.

Since 2020 all basic specialities are working 2 functional emergencies male, female OT are working
Current MS Dr. Faiz Ali Shah

16/03/2026

سینئر ڈینٹل ٹیکنیشن رحیم زمان صاحب کو گریڈ 17 میں ترقی ملنے پر ادارے کے تمام عملے کی جانب سے دلی مبارکباد پیش کرتے ہیں۔ یہ ترقی ان کی محنت، لگن، پیشہ ورانہ مہارت اور ادارے کے لیے دی گئی قابلِ قدر خدمات کا اعتراف ہے۔ ہم دعا گو ہیں کہ وہ اسی جذبے اور خلوص کے ساتھ اپنی ذمہ داریاں نبھاتے ہوئے ادارے کی ترقی اور بہتری میں مزید اہم کردار ادا کرتے رہیں۔

ترجمان ڈسٹرکٹ ہیڈ کوارٹر ہسپتال گاہکوچ غذر

23/02/2026

پاکستان میں ایک خاموش تبدیلی آ چکی ہے، مگر شاید ہم نے اسے محسوس نہیں کیا۔
آج بہت سے ڈاکٹر مریض کے علاج سے زیادہ ایک اور چیز کے بارے میں سوچتے ہیں — خود کو بچانا۔
اسے دنیا میں Defensive Medicine کہا جاتا ہے۔

یعنی ایسا علاج جو صرف مریض کی ضرورت کے مطابق نہیں بلکہ ممکنہ شکایات، مقدمات، سوشل میڈیا ٹرائل یا انتظامی دباؤ سے بچنے کے لیے کیا جاتا ہے۔

ظاہر ہے سننے میں یہ عجیب لگتا ہے۔ مگر حقیقت یہ ہے کہ جب کسی نظام میں اعتماد کمزور ہو جائے تو فیصلے طبّی اصولوں کے بجائے خوف کے تحت ہونے لگتے ہیں۔

پاکستان میں گزشتہ چند سالوں میں اسپتالوں پر حملے، ڈاکٹرز کے خلاف تشدد، سوشل میڈیا پر بغیر تحقیق الزامات، اور فوری سزا کے مطالبات نے ایک ایسا ماحول پیدا کر دیا ہے جہاں ڈاکٹر ہر فیصلہ کرتے وقت یہ سوچنے پر مجبور ہوتا ہے کہ اگر نتیجہ توقع کے مطابق نہ نکلا تو کیا ہوگا۔

نتیجہ کیا نکلتا ہے؟

غیر ضروری ٹیسٹ بڑھ جاتے ہیں کیونکہ “کچھ رہ نہ جائے”۔
مریض کو جلدی ریفر کر دیا جاتا ہے کیونکہ “خطرہ نہ لیا جائے”۔
مشکل کیس لینے سے گریز کیا جاتا ہے کیونکہ “رسک زیادہ ہے”۔

بظاہر یہ احتیاط لگتی ہے، مگر اصل میں اس کا نقصان مریض اور نظام دونوں کو ہوتا ہے۔

عالمی تحقیق بتاتی ہے کہ defensive medicine صحت کے اخراجات کو نمایاں طور پر بڑھا دیتی ہے۔ غیر ضروری ٹیسٹ، اضافی داخلے، اور بار بار ریفرل نہ صرف مریض کی جیب پر بوجھ بنتے ہیں بلکہ اسپتالوں کی صلاحیت بھی کم کر دیتے ہیں۔ ایمرجنسی وارڈ بھرے رہتے ہیں، انتظار کا وقت بڑھتا ہے، اور اصل ضرورت مند مریض پیچھے رہ جاتے ہیں۔

سب سے خطرناک اثر اعتماد کا ٹوٹنا ہے۔

جب ڈاکٹر خوف میں فیصلہ کرتا ہے اور مریض شک میں علاج لیتا ہے تو علاج ایک انسانی تعلق نہیں رہتا بلکہ ایک قانونی لین دین بن جاتا ہے۔ طب جو کبھی ہمدردی اور اعتماد پر کھڑی تھی، آہستہ آہستہ دفاعی رویوں میں تبدیل ہو جاتی ہے۔

دنیا کے کامیاب صحت نظاموں نے اس مسئلے کو صرف قوانین سے نہیں بلکہ توازن سے حل کیا۔ واضح میڈیکل پروٹوکول، آزاد میڈیکل ریویو بورڈز، ڈاکٹرز کے لیے قانونی تحفظ، اور مریضوں کے لیے شفاف شکایتی نظام تاکہ انصاف بھی ہو اور خوف بھی نہ ہو۔

پاکستان میں مسئلہ یہ نہیں کہ احتساب نہیں ہونا چاہیے۔ احتساب ضروری ہے۔ مگر جب احتساب نظام کے ذریعے نہیں بلکہ ہجوم، دباؤ یا جذبات کے ذریعے ہونے لگے تو بہترین ڈاکٹر بھی خطرہ لینے سے ہچکچانے لگتے ہیں۔

اور طب میں بعض اوقات زندگی بچانے کے لیے خطرہ لینا پڑتا ہے۔

اگر ہم واقعی بہتر صحت نظام چاہتے ہیں تو ہمیں ایک بنیادی سوال کا جواب دینا ہوگا:

کیا ہم ایسا ماحول بنا رہے ہیں جہاں ڈاکٹر بہترین طبی فیصلہ کر سکے؟
یا ایسا ماحول جہاں وہ صرف محفوظ فیصلہ کرے؟

کیونکہ محفوظ فیصلہ ہمیشہ بہترین علاج نہیں ہوتا۔

جب ڈاکٹر خوف میں کام کرے گا تو نظام مہنگا بھی ہوگا اور کمزور بھی۔
اور جب اعتماد واپس آئے گا تو علاج بھی بہتر ہوگا اور انسانیت بھی۔

ڈاکٹر سید شکیل بادشاہ
سلسلہ: صحت، ریاست اور معاشرہ

11/02/2026

ڈی ایچ کیو ہسپتال گاہکوچ میں مریضوں، عملے اور عوام کی حفاظت کو مدِنظر رکھتے ہوئے جدید فائر فائٹنگ آلات نصب کر دیے گئے ہیں۔ یہ اقدام ہسپتال کے محفوظ ماحول کو یقینی بنانے اور کسی بھی ہنگامی صورتحال سے بروقت نمٹنے کے عزم کی عکاسی کرتا ہے۔ امید ہے کہ یہ سہولیات نہ صرف حفاظتی معیار کو بہتر بنائیں گی بلکہ عوام کے اعتماد میں بھی اضافہ کریں گی۔

ترجمان ڈسٹرکٹ ہیڈ کوارٹر ہسپتال گاہکوچ غذر

07/02/2026

ڈائریکٹر ہیلتھ سروسز گلگت ریجن نے ڈی ایچ کیو ہسپتال گاہکوچ کا دورہ کیا، اس موقع پر ڈی ایچ او غذر اور ہسپتال کے ڈاکٹرز بھی موجود تھے۔ دورے کا مقصد طبی سہولیات کا جائزہ اور باہمی رابطہ کو مزید مضبوط بنانا تھا۔

🔹 ڈبلیو ایچ او کے تعاون سے قائم نیوٹریشن ری ہیبیلیٹیشن سنٹر (NRC) کا افتتاح کیا گیا، جہاں شدید غذائی قلت کے شکار بچوں کے علاج، تھیراپیوٹک فیڈنگ اور ماؤں کی کونسلنگ کی سہولت فراہم ہوگی — جو ضلع میں بچوں کی صحت کے لیے ایک اہم پیش رفت ہے۔

🔹 ایمرجنسی، او پی ڈی، وارڈز، لیبارٹری، ریڈیالوجی، فارمیسی، آپریشن تھیٹرز اور NRC سمیت تمام شعبہ جات کا دورہ کیا گیا اور محدود وسائل کے باوجود عملے کی محنت و لگن کو سراہا گیا۔

🔹 درج ذیل ہدایات جاری کی گئیں:
• ٹیم ورک اور باہمی تعاون پر مبنی نظام کو فروغ دیا جائے
• مؤثر ریفرل میکانزم اور ایمبولینس/وسائل کا مشترکہ استعمال یقینی بنایا جائے
• DHIS رپورٹنگ کو مزید مضبوط بنایا جائے
• ایم ایس اور ڈی ایچ او کے درمیان بہتر کوآرڈینیشن
• ہیومن ریسورس کے باہمی تعاون پر مبنی نظام کی تشکیل

🔹 ڈی ایچ کیو غذر میں جلد جنرل سرجن کی تعیناتی کی یقین دہانی کروائی گئی۔

مجموعی طور پر یہ دورہ نہایت مفید رہا اور محکمہ صحت کی جانب سے ضلع غذر میں طبی سہولیات کو مزید بہتر بنانے کے عزم کا اعادہ کیا گیا۔

ترجمان ڈسٹرکٹ ہیڈ کوارٹر ہسپتال گاہکوچ غذر

#غذر

05/02/2026

غذر میں یومِ یکجہتیٔ کشمیر بھرپور جوش و جذبے اور قومی یکجہتی کے ساتھ منایا گیا۔ اس دن کا آغاز سی اینڈ ڈبلیو ریسٹ ہاؤس سے گورنمنٹ بوائز ہائی اسکول تک نکالی گئی ریلی سے ہوا۔
ریلی میں مختلف محکموں کے سربراہان، سول سوسائٹی، طلبہ اور تاجر برادری نے بھرپور شرکت کی جبکہ ریلی کی قیادت ڈپٹی کمشنر و ڈسٹرکٹ مجسٹریٹ حبیب الرحمن نے کی۔ اس موقع پر میڈیکل سپرنٹنڈنٹ DHQ ہسپتال گاہکوچ نے بھی شرکت کی۔
پانچ فروری کے موقع پر ضلع کے مختلف علاقوں میں ریلیوں، واکس اور خصوصی پروگرامز کا انعقاد کیا گیا جن میں عوام، طلبہ، سرکاری و غیر سرکاری اداروں، سیاسی و سماجی تنظیموں اور سول سوسائٹی کے نمائندگان نے بڑی تعداد میں حصہ لیا۔ شرکاء نے ہاتھوں میں بینرز اور پلے کارڈز اٹھا رکھے تھے جن پر کشمیری عوام سے اظہارِ یکجہتی اور بھارتی مظالم کے خلاف نعرے درج تھے۔
اس موقع پر شرکاء نے اس عزم کا اظہار کیا کہ کشمیری عوام کی جدوجہدِ آزادی میں پاکستان ہر محاذ پر ان کے ساتھ کھڑا ہے۔ مقررین نے اپنے خطاب میں کشمیری بھائیوں اور بہنوں کے حقِ خودارادیت کی حمایت کو جاری رکھنے کے عزم کا اعادہ کیا۔

ترجمان ڈسٹرکٹ ہیڈ کوارٹر ہسپتال گاہکوچ غذر

#غذر

02/02/2026

مبارک ڈاکٹر ندیم صاحب

ماہر امراض اطفال ۔ضلع غذر میں آ پ نے جو خدمات گزشتہ کئی سالوں سے دی ہیں ۔ان کا نعمل البدل ۔ اللہ تعالیٰ ہی دے سکتا ہے ۔یہ گریڈ 20 آ پ کی ان خدمات کا صلہ تو نہیں ہو سکتا ۔لیکن پھر بھی ہم آ پ کو اس مستحق ترقی ملنے پر دلی مبارکباد پیش کرتے ہیں ۔۔۔۔۔۔ع

31/01/2026

اوٹی سٹاف کی جانب سے ڈاکٹر عظمت شاہ صاحب کو اگلے گریڈ میں ترقی حاصل کرنے پر دل کی گہرائیوں سے مبارکباد پیش کی جاتی ہے۔ یہ ترقی آپ کی انتھک محنت، پیشہ ورانہ صلاحیتوں اور خلوصِ خدمت کا واضح ثبوت ہے۔ دعا ہے کہ اللہ تعالیٰ آپ کو مزید کامیابیاں اور ترقی عطا فرمائے۔ آمین۔

30/01/2026

ضلع غذر میں انسدادِ پولیو مہم کا باقاعدہ آغاز
ڈپٹی کمشنر غذر حبیب الرحمٰن ،میڈیکل سپرنٹنڈنٹ ڈاکٹر فیض علی شاہ، ڈی ایچ او غذر تنویر احمد ، ڈاکٹر محمد اکبر اور ڈاکٹر ہادیہ نے بچوں کو پولیو کے قطرے پلا کر پولیو مہم کا باقاعدہ افتتاح کر دیا۔
اس موقع پر پولیو کے خاتمے کے قومی مشن کے عزم کا اعادہ کیا گیا اور والدین سے اپیل کی گئی کہ وہ اپنے بچوں کو پولیو سے محفوظ رکھنے کے لیے ہر مہم میں بھرپور تعاون کریں۔

ترجمان ڈسٹرکٹ ہیڈ کوارٹر ہسپتال گاہکوچ غذر

30/01/2026

ڈپٹی کمشنر/ڈسٹرکٹ مجسٹریٹ حبیب الرحمن نے میڈیکل سپرنٹنیڈنٹ ڈسٹرکٹ ہیڈ کوارٹر ہسپتال ڈاکٹر فیض علی شاہ کو حالیہ ترقی پر مبارک باد دی

30/01/2026

ڈسٹرکٹ ہیڈکوارٹر ہسپتال کے معزز میڈیکل سپرنٹنڈنٹ ڈاکٹر فیض علی شاہ صاحب کو اگلے گریڈ میں ترقی حاصل ہونے پر ہسپتال کے اسٹاف کی جانب سے دل کی گہرائیوں سے مبارکباد پیش کی گئی۔ اس موقع پر ڈینٹل ٹیکنیشن شیر زمان اور اسٹور کیپر ارشد نے خوشی کا اظہار کرتے ہوئے شال کا تحفہ پیش کیا۔ یہ ترقی ان کی انتھک محنت، بہترین قیادت اور مخلصانہ خدمات کا عملی ثبوت ہے۔ ہم دعاگو ہیں کہ اللہ تعالیٰ انہیں مزید کامیابیوں اور ترقیوں سے نوازے۔ آمین۔

ترجمان ڈسٹرکٹ ہیڈ کوارٹر ہسپتال گاہکوچ غذر

29/01/2026

۔ہسپتال کے گریڈ اوّل اسٹاف کی جانب سے محترم ایم ایس صاحب کو ترقی پانے پر دلی مبارکباد پیش کررہے ہیں۔ یہ ترقی اُن کی محنت، حسنِ اخلاق اور بے لوث خدمات کا بہترین اعتراف ہے۔ دعا ہے کہ اللہ تعالیٰ انہیں مزید کامیابیوں اور ترقی سے نوازے۔ آمین۔

ترجمان ڈسٹرکٹ ہیڈ کوارٹر ہسپتال گاہکوچ غذر

28/01/2026

ڈی ایچ کیو ہسپتال گاہکوچ غذر کے تمام پیرامیڈیکل سٹاف کی اگلے گریڈ میں ترقی مبارک ہو

Adres

DHQ Hospital Gahkuch Ghizer
Hal
1501

Telefoon

+923554341465

Website

https://youtu.be/u3yGNcr_kmM

Meldingen

Wees de eerste die het weet en laat ons u een e-mail sturen wanneer DHQ Hospital Gakuch Ghizer nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.