Health and mental aid

02/09/2025

കുടുംബം -part 1

ഒരു വീട്ടിൽ പങ്കാളികൾ തമ്മിൽ പരസ്പരം സപ്പോർട്ട് ചെയ്യാൻ കഴിഞ്ഞാൽ പിന്നെ ആരൊക്കെ എന്തൊക്കെ പറഞ്ഞാലും കുഴപ്പം ഇല്ലാ....

ഭർത്താക്കന്മാരുടെ വില ഭാര്യവീട്ടിൽ ഉണ്ടാക്കുന്നത് അവളുടെ നാവിലൂടെ ആണ്.. പെൺകുട്ടികൾ എങ്ങനെ ആണോ അവനെ പറ്റി പറയുന്നത് ആ കണ്ണിലൂടെ ആകും അവനെ അവളുടെ വീട്ടുകാർ കാണുക... അതുപോലെ തന്റെ ഭർത്താവിനെ ആരെങ്കിലും കൊച്ചാക്കി സംസാരിക്കുമ്പോൾ പ്രതികരിക്കാൻ അവൾക്കു കഴിഞ്ഞാൽ അവിടെ തീരും പറയുന്നവരുടെ ചൊറിച്ചിൽ...

ഇനി പെണ്ണിന്റെ കാര്യത്തിലേക്കു വരാം... കൂടുതൽ ആയി നടക്കുന്ന കാര്യം ആണ് ഭാര്യയെ തന്റെ വീട്ടുകാർ, നാട്ടുകാർ ഒക്കെ എന്തേലും പറഞ്ഞാൽ പ്രതികരിക്കാത്ത ഭർത്താവ്.... ഇവിടെ കാര്യങ്ങൾ കുറച്ചു varirety ആണ് കേട്ടോ 😊.. കാര്യം അവർ മനസിലാക്കാത്തത് തന്നെ വിശ്വസിച്ചു മാത്രം വന്നൊരു പെണ്ണ്... എന്തൊക്കെ പറഞ്ഞാലും ഞാൻ ഒന്നും അറിഞ്ഞില്ലേ രാമനാരായണ 😏എന്നിട്ട് ആരും കാണാതെ ഒരു അശ്വസിപ്പിക്കൽ,, 😏. ഇത് ശരിക്കും സ്നേഹമാണോ എന്തോ.. എന്തായാലും പറയാനുള്ളവർക്ക് വളം ഇട്ടു കൊടുക്കുന്നു എന്നേ എനിക്ക് പറയാൻ കഴിയു.. ഒരു തവണ എങ്കിലും നിങ്ങൾ ആണുങ്ങൾ അവിടെ പ്രതികരിച്ചാൽ പിന്നെ അവർക്കു രണ്ടാമത് അതിനു ധൈര്യം വരില്ല എന്നത് സത്യം... എന്നാൽ നമ്മളുടെ ആണുങ്ങളുടെ ചിന്ത എന്താന്ന് അറിയാമോ 😇എന്നേ അവർ ഒരു അച്ചികോന്തൻ എന്നു പറയുമോന്നു... എങ്ങനെ 😐.. ഈ pet name ഒക്കെ മകനേ ഉള്ളു കേട്ടോ... മരുമകന് ബാധകം അല്ല.... 😛... പിന്നെ നമ്മ ഭർത്താക്കന്മാർ മാരുടെ കാര്യം... അഡ്ജസ്റ്റ്‌മെന്റ് അങ്ങ് പഠിപ്പിച്ചു തരും... നീ adjust ചെയ്യൂ... നീ അങ്ങനെ ചെയ്യൂ, നീ ഇങ്ങനെ ചെയ്യൂ, 🫣എനിക്ക് അവരെ മാറ്റാൻ പറ്റില്ല, എനിക്ക് പറയാൻ പറ്റില്ല എന്നൊക്കെ 🙂‍↔... ഇതൊക്കെ കേട്ടു കേട്ടു നമ്മ പെണ്ണുങ്ങൾ നമ്മുടെ പേര് തന്നെ അവസാനം മറന്നു പോകും...

പങ്കാളി ആണോ പെണ്ണോ ആകട്ടെ... അവൾ അല്ലേൽ അവൻ ആരുടേയും കളിപ്പാട്ടമല്ല... നമ്മളുടെ നാക്കിൽ ആണ് അവരുടെ വില... ആർക്കും തട്ടിക്കളിക്കാൻ ഇട്ടു കൊടുക്കാതിരിക്കുക.....

✍️✍️sandya

09/08/2025

ഇന്ന് fb യിൽ കണ്ട ഒരു വാർത്ത.... ഒരു കൊച്ചു പെൺകുട്ടി നാലാം ക്ലാസ്സിൽ പഠിക്കുന്നു.... ഇത്രയും മർദ്ദനങ്ങൾ രണ്ടാനമ്മയിൽ നിന്നും ഏറ്റു എന്നു കേട്ടപ്പോൾ,, അതും അച്ഛന്റെ സാനിധ്യത്തിൽ... എവിടെയോ ഒരു നോവ് തോനുന്നു.... ഒരു പക്ഷെ ഞാനും ഒരു പെണ്ണായതു കൊണ്ടാവാം... എനിക്ക് രണ്ടു പെൺകുട്ടികൾ ഉള്ളത് കൊണ്ടും ആവാം....

നമ്മൾ അമ്മമാർക്ക് മരിക്കാൻ പേടി തോന്നുന്നത് ഒരു പക്ഷെ ഇത്തരം കാര്യങ്ങൾ ഒക്കെ ചിന്തിക്കുമ്പോഴാകാം...

ഇവിടെ ആരാണ് തെറ്റുകാർ... അച്ഛൻ അല്ലെ... അയാളുടെ ചോരയെ ഒരു അന്യസ്ത്രീ വേദനിപ്പിക്കുമ്പോൾ മിണ്ടാതെ ഇരുന്നവൻ... ചുറ്റിനും ആ കുഞ്ഞിന് മരിച്ചു പോയ അമ്മയുടെ ബന്ധുക്കൾ ആയി ആരും ഉണ്ടായിരുന്നില്ലേ ഇടയ്ക്കെങ്കിലും ഒന്നു അന്വേഷിക്കാൻ... അറിയില്ല...
രണ്ടാം വിവാഹം ഒരിക്കലും ഒരു തെറ്റല്ല... എന്നാൽ കുട്ടികൾ ഉള്ളവർ വിവാഹം കഴിക്കുമ്പോൾ അവരുടെ സുരക്ഷ കൂടി ഉറപ്പു വരുത്തേണ്ട താണ്...
ഭാര്യയുടെ മരണ ശേഷം പല ആണുങ്ങളും എത്രയും പെട്ടെന്ന് അടുത്ത വിവാഹത്തിലേക്കു പോകുന്നുണ്ട്.. അതിനു അവർക്കുള്ള ഉത്തരം ഒന്നെങ്കിൽ ഞങ്ങൾക്ക് ഒറ്റയ്ക്ക് ജീവിക്കാൻ പാടാണെന്നോ അല്ലേൽ എന്റെ കുഞ്ഞുങ്ങളെ നോക്കാൻ ആളു വേണമെന്നോ ഒക്കെ ആവാം.
ഒരു പക്ഷെ ഇത്തരം ആശങ്കകള് ഉള്ളത് കൊണ്ടാവാം പുരുഷന്മാരെ അപേക്ഷിച്ചു സ്ത്രീകൾ ഭർത്താവിന്റെമരണശേഷം പെട്ടെന്ന് മറ്റൊരാളെ തിരഞ്ഞു എടുക്കാത്തതും... അവിടെ സ്ത്രീകൾ എപ്പോളും അവരുടെ കുട്ടികൾക്ക് പരിഗണന കൂടുതൽ കൊടുക്കുന്നുണ്ട്...

എല്ലാവരും മോശം ആണെന്നല്ല... എന്നാൽ മോശം ആൾക്കാരും ഉണ്ട്... സ്വന്തം സുഖം മാത്രം നോക്കി പോകുമ്പോൾ നീറുന്ന കുറച്ചു പിഞ്ചു മക്കൾ ഉണ്ടാകാം....

എന്തായാലും ആ മോൾക്ക്‌ നീതി കിട്ടട്ടെ...
സുഖമായി പേടിയില്ലാതെ ജീവിക്കാൻ കഴിയട്ടെ.. പത്തമ്മ ചമഞ്ഞാലും പെറ്റമ്മ ആവില്ല എന്ന ചൊല്ല് എത്രയോ സത്യമാണ്

Photo - കടപ്പാട്
✍️- Sandya

24/07/2025

വിശ്വാസം അനുസരിച്ച് മരിച്ചുപോയ പിതൃക്കൾക്ക് വേണ്ടി ജീവിച്ചിരിക്കുന്ന മക്കളോ ബന്ധുമിത്രാദികളോ ചെയ്യുന്ന കർമം ആണ് ബലിയിടൽ. ഈ ദിവസം ബലിയിട്ടാൽ പിതൃക്കൾക്ക് ആത്മശാന്തി ലഭിക്കുമെന്നാണ് വിശ്വാസം.

ഹൈന്ദവ വിശ്വാസം അനുസരിച്ച് ഏറെ പ്രാധാന്യമുള്ള മാസമാണ് കർക്കിടകം. ജൂലായ് 17നാണ് ഈ വർഷം കർക്കിടക മാസം ആരംഭിക്കുന്നത്. ഈ മാസത്തിൽ പൂർവ്വികർക്കായി അമാവാസി ദിവസം ചെയ്യുന്ന ശ്രാദ്ധകര്‍മ്മം അഥവാ കര്‍ക്കിടക വാവുബലിയും ഏറെ പ്രാധാന്യം നിറഞ്ഞതാണ്. വിശ്വാസം അനുസരിച്ച് മരിച്ചുപോയ പിതൃക്കൾക്ക് വേണ്ടി ജീവിച്ചിരിക്കുന്ന മക്കളോ ബന്ധുമിത്രാദികളോ ചെയ്യുന്ന കർമം ആണ് ബലിയിടൽ. ഈ ദിവസം ബലിയിട്ടാൽ പിതൃക്കൾക്ക് ആത്മശാന്തി ലഭിക്കുമെന്നാണ് വിശ്വാസം.

കടപ്പാട്..

20/07/2025

വീണ്ടും ഒരു പെൺകുട്ടി കൂടി.... അതും കൊല്ലം സ്വദേശി...

എല്ലാം അറിയാമായിരുന്നിട്ടും മകളെ വീണ്ടും അവന്റെ കൂടെ വിട്ടിട്ടു ഇപ്പോൾ ഇരുന്നു കരയുന്നു.... ആരെ കാണിക്കാൻ.... അവളുടെ കുട്ടിക്ക് അമ്മ ഇല്ലാതെ ആയി.... മാതാപിതാക്കൾ ഇനി എന്നാണ് കണ്ണ് തുറക്കുന്നത്????

ജീവനോടെ മകളെ വേണോ അതോ ഡിവോഴ്സ് ആയാലും കണ്മുന്നിൽ അവൾ വേണോ??? തീരുമാനം നിങ്ങളുടെ ആണ്.... ഞാൻ നേരത്തെ പറഞ്ഞത് തന്നെ വീണ്ടും പറയുന്നു.... നിങ്ങളുടെ മകളെ തൊടുന്നവന് കൈ വിറയ്ക്കണം.. അല്ലാതെ അവൾ പോയിട്ട് ഇരുന്നു കരഞ്ഞു കാണിക്കരുത്...

ഇനിയും എന്നാണ് നമുക്ക് നേരം വെളുക്കുന്നത്

പ്രണാമം - പ്രിയ അനിയത്തിക്ക്

18/07/2025

പെൺകുട്ടികളുടെ മാതാ പിതാക്കളോടാണ്

ഉത്തരയും വിസ്മയയും വിപഞ്ചികയും നമ്മുടെ മുൻപിലുടെ കടന്നു പോയി.. സത്യമെന്തെന്നാൽ ഇവർ എല്ലാവരും അത്യാവശ്യം സാമ്പത്തികവും വിദ്യാഭ്യാസവും ഉള്ളവർ ആയിരുന്നു... നല്ല തന്റെടമുള്ള ആങ്ങളമാര് ഉണ്ടായിരുന്നു... എന്നിട്ടും എന്തെ അവർ മരിച്ചു പോയി... പെൺകുട്ടികളെ വളർത്തുമ്പോൾ കുറച്ചു ധൈര്യം കൂടി കൊടുത്തു വളർത്തുക.. No പറയേണ്ട ഇടത്തു അത് പറയട്ടെ... ഇഷ്ടപെടാത്ത കാര്യങ്ങൾ കണ്ടാൽ പ്രതികരിക്കട്ടെ. അതിനെ അഹങ്കാരികൾ എന്നു വിളിക്കുന്നവർ വിളിച്ചോട്ടെ... നിങ്ങള്ക്ക് ഇല്ലാത്ത കുഴപ്പം മറ്റുള്ളവർക്കണോ?കെട്ടിച്ചു വിട്ട മക്കൾ വിളിച്ചു വിഷമങ്ങൾ പറയുമ്പോൾ അതിലെ സത്യസ്ഥിതി അന്വേഷിക്കുക... Adjust ചെയ്തു നീ ജീവിക്കു, നിനക്ക് താഴെ അനിയത്തി ഇല്ലേ,നാട്ടുകാർ എന്ത് പറയും, നിന്റെ ചെലവ് എങ്ങനെ നടക്കും എന്നൊക്കെയുള്ള സെന്റി ഡയലോഗ് നിർത്തുക.... മകൾ നിങ്ങളുടെ ആണ്... അവൾ ആരുടേയും വേലക്കാരിയോ അടിമയോ അല്ല... അഡ്ജസ്റ്റ് ചെയ്യാൻ പറ്റുന്നില്ലെങ്കിൽ അവൾ തിരിച്ചു പോരട്ടെ... ലക്ഷങ്ങൾ കൊടുത്തു കെട്ടിച്ചു വിടാൻ പറ്റുമെങ്കിൽ അതിൽ കുറച്ചെടുത്തു അവളെ പഠിപ്പിക്കു.. ഒന്നുമില്ലെങ്കിലും ആരെയും ആശ്രയിക്കാതെ അവൾ ജീവിക്കട്ടെ... നിനക്ക് എന്ത് വന്നാലും ഞങ്ങൾ കൂടെ ഉണ്ടെന്നു പറയു... എന്തുണ്ടായാലും നിങ്ങളോട് പറയാനുള്ള മനസ് ഉണ്ടാക്കൂ... പല മാതാ പിതാക്കളും മക്കളെ കെട്ടിച്ചു വിട്ടു കഴിഞ്ഞാൽ അവിടെ എന്ത് പ്രശ്നം ഉണ്ടായാലും മൗനം പാലിക്കും... അത് അവരുടെ മകളെ ബാധിക്കുമോ എന്നു പേടിച്ചു... എന്നാൽ അതിന്റെ ആവശ്യം ഉണ്ടോ? നിങ്ങളെ അവരും കുറെ പേടിക്കണം എന്നാണ് എന്റെ അഭിപ്രായം... അപ്പോളേ നിങ്ങളുടെ കുട്ടി സുരക്ഷിത ആകു...

ഭർത്താക്കന്മാരോട്

കെട്ടുന്ന പെണ്ണിനെ പൊന്നു പോലെ നോക്കാൻ കഴിയില്ല എങ്കിൽ കെട്ടാതിരിക്കുക..നിങ്ങൾ അവളുടെ അവകാശമാണ്... അവളുടെ സംരക്ഷണം നിങ്ങളുടെ കടമ ആണ്... ചാവാൻ കിടക്കുമ്പോൾ അവൾ മാത്രമേ കാണു..

ഭർത്യ വീട്ടുകാരോട്

മകൻ അല്ലേൽ സഹോദരൻ @നിങ്ങളെ മാത്രം കൊണ്ട് നടക്കണമെങ്കിൽ ദയവു ചെയ്തു വിവാഹം ഒഴിവാക്കുക... അവനെ ബാച്‌ലർ ആയി നടത്തുക... അവൻ കെട്ടിക്കഴിഞ്ഞാൽ അവനു അവന്റെ കുടുംബത്തിന് പ്രാധാന്യം കൊടുക്കേണ്ടി വരും... അവരുടെ ഇടയിലേക്ക് കരിവിളക്കായി കയറി ചെല്ലാതിരിക്കുക... സ്നേഹത്തോടെ നിക്കാൻ കഴിയില്ലെങ്കിൽ അവരെ ഒറ്റയ്ക്ക് വിടുക... വന്നു കയറുന്ന പെണ്ണ് ഒരച്ചെന്റയും അമ്മയുടെയും ഓമന ആയി വളർന്നവൾ ആണ്... നിങ്ങളുടെ മകന്റെ ഭാര്യ ആണ്... അല്ലാതെ വേലക്കാരി അല്ല എന്നു മനസ്സിലാക്കുക

പെൺകുട്ടികളോട്

പ്രതികരിക്കാൻ പഠിക്കുക... സ്വന്തം കാലിൽ നിൽക്കുക... ആത്മഹത്യാ ഒന്നിനും പരിഹാരമല്ല.. നമ്മൾ മരിച്ചാൽ ആർക്കും നഷ്ടമില്ല.. ജീവിച്ചു കാണിക്കണം... ഈ ലോകം വിശാലമാണ്.കല്യാണം എന്നത് ജീവിതത്തിലെ ഒരു പ്രധാന സംഭവം അല്ല.... പ്രധാന കാര്യങ്ങളിൽ ഒന്നു മാത്രം...

ഇനി ഒരു വിപഞ്ചിക ഉണ്ടാവാതിരിക്കട്ടെ

17/07/2025

13/07/2025

കമണ്ഡലു കണ്ടിട്ടുണ്ടോ.... 😊😊പണ്ടത്തെ മുനിമാർ ഉപയോഗിച്ചത് ഇതിന്റെ തോടാണെന്നു പറയുന്നു.... എന്തായാലും തോട് നല്ല കട്ടി ആണ് കേട്ടോ ☹️

05/05/2025

https://youtube.com/shorts/OtFUiapl0T0?si=e3DM-xLzTZDdBAKk