施醫師用心堂

04/08/2026

頭先治療完呢個case， 而家仲喘緊。

患者肩前關節脫位，
比想象中難復位。
可能因為太大份
我做左手法一段時間， 都未見復位，
於是決定幫佢施針10零分鐘，
等佢肌肉可以放鬆吓先。

10分鐘過後，
一股作氣， 持續拔伸牽引幾分鐘， 然後感覺到佢個肩肱骨頭已復左位。

04/03/2026

最近多了好多Edmonton 嘅病人， 要來看正骨跌打。
佢哋話嚟自Edmonton ， 我都當堂嚇一跳。
開車過來Calgary 要2個半小時呢。

原來加拿大人為咗睇醫生， 系不驚路途遙遠。
閒閒地揸兩三個鐘車， 對佢哋來講係稀疏平常事情。
我話我揸車多過半個鐘已經好攰。

佢哋仲笑返我轉頭：
乜醫師你平時好少出門？

02/17/2026

有個Calgary患者跌落樓梯 ， 下腰部肌肉直接撞到樓梯級。

活動受限
向前彎腰範圍減少，
向左向右向後都覺得梗住。
出入車都覺得辛苦。
仲有一個最特別嘅症狀。就係受傷到宜家都冇去到大便。

去唔到大便，系腰受傷最常見嘅症狀。都係最容易俾人忽視嘅症狀。

捉住呢個特徵， 只要改善咗患者嘅大便 ， 佢腰痛其實係可以減輕多過一半以上。

聽落好似幾無厘頭。

其實當腰部受傷， 疼痛保護機制會腸大腸蠕動。

腰痛都會導致幫助排邊嘅要核心肌肉無法活動。

當成功排便， 腹壓都會相對減少。 腰痛因此而減輕

02/17/2026

卒之有機會來 Calgary Master Beef朝聖。
與其話係朝聖，不如話嚟探班。
因同兩位老闆同幾個員工都系好熟。
經常派證比我睇， 同埋主動話要幫我在佢地鋪頭擺卡片派。
老闆同其他員工都系咁介紹： He is our acupuncture doctor .
連我女都忍唔住講： Dad is so Famous。
食物都系一如概往的高質， 服務好周到。
唔使我推薦， 其實好多住Calgary 的thread 友都食過， 食過都話好

02/07/2026

有兩個患者專誠由Edmonton 揸車落嚟Calagry搵我跌打正骨。
來回車程都要六個鐘，接近600公里

一個做左腳足弓完全塌陷， 腳踝零活動度， 痛， 引至雙膝疼痛 ， 脊柱側彎。

一個就雙膝痛， 左髖關節痛.

做完治療之後係咁問我：會唔會打算搬去Edmonton？
我話你哋搬落黎好啲喎

09/24/2025

有個病人求診，話係睇膊頭痛
當佢嚟到,見佢皮膚曬到黑黑實實,飽歷風霜日曬雨淋咁.
再加埋佢張身份證係來自安省。
就估到佢的工作係維修屋頂。

近幾年安省有好多屋頂維修工人過咗嚟卡加利搵食。
我問點解要咁做呀？
佢話：安省嘅市場已經飽和咗進入一種頂爛市，鬥平鬥賤嘅內卷狀態。

而卡加利市場仲未打爆喎，仲有錢賺。

屋企維修工人嘅日薪都幾高下。
如果唔驚一日直踩12個鐘，唔畏高。
對於等錢使嘅人嚟講真係幾適合。

今次呢位仁兄。懷疑係工作期間膊頭勞損引起疼痛。
好彩針灸完已經冇乜大礙。

另外佢都算比較注重身體健康。
會主動問起工作時會覺得攰，忽然間出唔到力係咩一回事。
唯有提佢要喺食療上作出調整。流汗太犀利，點都要飲返啲寶礦力。
而因為工作勞累而引起肌肉流失，都係要食返啲富含蛋白質嘅食物嚟補充返肌肉。

04/26/2025

【你有「慣性拗柴」的困擾嗎？ 】

最近，遇到一位病人，他正為「慣性拗柴」的問題煩惱。每次聽到病人因為同一個位置反覆受傷而感到無奈，都特別希望能幫助他們找到根本原因。

病人： 「 我隻腳好容易拗柴，好似上次好地地行路都拗到，痛咗幾日。」
我： 「嗯，明白。拗柴多久了？最近拗得密嗎？除了拗柴，平時走路或站立久了，會覺得腳踝不穩或痠痛嗎？」
病人： 「都幾年了，一開始是打波時整親的，後來就好容易拗，有時兩三個月就一次。拗完會痛、腫，要休息一段時間先好。平時如果行不平的路，都驚驚地，覺得隻腳『浮浮地』。」
我： 「你之前拗柴後，有好好做復康運動嗎？例如平衡訓練？」
病人： 「冇呀，通常痛好咗就冇理，以為休息夠就得。」
我： 「這就是問題所在了。第一次拗柴時，除了韌帶受傷，腳踝周邊的肌肉力量和『本體感覺』（ proprioception，也就是我們感知身體在空間位置的能力）也會受到影響。如果不好好訓練恢復，即使痛好了，腳踝還是容易不穩，肌肉力量也不夠支撐，下次就更容易再拗。久而久之，就變成習慣性或慣性拗柴了。」

透過對話和 的評估， 找到了病人慣性拗柴的可能原因，並開始規劃適合他的治療。
同時，我也給了他一些日常護理和注意的建議。這些建議其實對所有有慣性拗柴問題的朋友都很有幫助，在這裡也分享給大家：
✅ 慣性拗柴的日常護理與注意：
1. 強化腳踝周邊肌肉： 特別是小腿外側的腓骨肌群和內側肌肉。可以使用彈力帶做阻力練習，增加腳踝的穩定性。
2. 訓練本體感覺/平衡力： 單腳站立（可以先扶著牆，慢慢挑戰閉眼）、不平坦表面站立訓練等。這能幫助大腦更好地更好地控制腳踝，減少失平衡的機會。
3. 選擇合適的鞋子： 支撐力好、鞋底穩定防滑的鞋子很重要，尤其是在運動或長時間行走時。避免穿鞋底太平或太軟的鞋。
4. 著鞋除鞋就得鬆鞋帶，
5. 注意走路和運動環境： 盡量避免在不平坦、濕滑或光線不足的地方快走或跑步。
6. 舊患的處理： 如果曾嚴重拗柴或經常拗柴，建議尋求專業評估，了解是否需要物理治療、運動治療或佩戴護具，找出根本原因。

慣性拗柴不是小問題，長遠可能 因韌帶鬆弛導致關節退化。透過正確的治療和日常護理，很多時候是可以改善的。

#慣性拗柴 #拗柴 #運動治療 #足部健康 #復康訓練 #健康資訊

#卡加利跌打 #卡加利香港人 #卡加利針灸 #拗柴 #扭傷

01/12/2025

多謝香港長跑網借出會址，使得筆者回港期間， 有一個相對合適的場地，醫治病人。

會址地方夠大， 有幾日曾試過一字排出幾張治療床，連續治療幾個。

多謝以往跑友在括別兩年後， 依然搵筆者治療。 也多謝朋友繼續介紹新症給我。

希望一年可以回來一次。

如今將離開香港， 重新回來加拿大卡加利工作，
大家後會有期。

12/22/2024

冬至快樂。
施醫師會在聖誕節及新年期間返香港，
卡加利醫館在23/12～10/1 將會停診。

香港的朋友如有需要， 都可以在這段期間， 約施醫師睇證、跑步🏃聚舊。

11/19/2024

11/03/2024

因為駐顏有術，將近40，每每病人踏進醫館，都必定開口說： 醫師你咁後生嘅，我以為係一個老中醫。

我都老實不客氣： 你覺得老中醫仲有力有氣同你做正骨手法咩？
其實我好敬老㗎，一啲年齡歧視都冇。

今日有位患者，自學踩單車，跌親膊頭，隻手痛到舉唔到。

同佢施針期間，佢已經覺得鬆左。

然後幫佢做手法。
佢話醫生你做緊咩啊？見你好似無出力咁，係咪冇食飯？

我心諗：唔通要好大力？撳到你驚到你驚撳到你縮， 你先覺得有料到？

果未然， 幫佢輕輕力鬆左一陣手臂，佢隻手己經無咁緊，活動自如左。

嗱，我都話咗啦！ 做正骨手法唔使出死力嘅。系要巧勁。

#卡加利
#卡加利香港人
#跌打
#加拿大

06/22/2024

三伏天灸治療

天灸是什麼？

冬病夏治，長達6個月的 冬天所帶來的不適，及身體虛寒都是在夏天治療。夏養三伏，冬補三九，
天灸療法是中醫針灸學中「灸法」的其中一種，又稱藥物灸，將一些具有刺激性的藥物塗敷於患處或某些穴位，使局部皮膚充血、達到疏通經絡、行氣活血、調節臟腑、協調陰陽的作用，從而預防或治療疾病。

天灸的用處：虛寒性體質患者，常見的適應症有慢性哮喘、鼻敏感、體虛易感、慢性胃痛、腹瀉、痛經、手足冰冷、四肢關節疼痛等疾病。

天灸的功用：達到疏通經絡、行氣活血、調節臟腑、協調陰陽的作用，從而預防或治療疾病。

天灸日期：
初伏：2024-7-15～7-17
中伏：2024-7-24～7-26
未伏：2024-8-13～8-15
加強伏：2024-8-26～8-28

費用：

每次：$40
四次共$160

可用Insuance benefits 及direct bill.

詳情請向施醫用心堂查詢。