Mind Voice Psychotherapy

Mind Voice Psychotherapy Contact information, map and directions, contact form, opening hours, services, ratings, photos, videos and announcements from Mind Voice Psychotherapy, Mental Health Service, 245 Fairview mall Drive, unit 504, Don Mills, ON.

📍 多倫多心理治療服務｜註冊社工及心理諮詢師
🌱 個人・伴侶・家庭治療
💬 處理：壓力 / 工作壓力 / 家庭困擾 / 育兒成長 / 成癮（網絡・酒精・藥物）/ 焦慮 / 抑鬱 / 新移民適應等
⭕️ 接受保險
📍 North York（實體 / 視像 / 電話輔導）
✨ 免費 15 分鐘諮詢｜立即預約
🌐 www.mindvoice.ca

【Mind Voice Psychotherapy 成為 WSIB MHPOC Approved Provider】我哋好開心同大家分享，Mind Voice Psychotherapy 已正式成為 WSIB Ontario Mental ...
05/29/2026

【Mind Voice Psychotherapy 成為 WSIB MHPOC Approved Provider】

我哋好開心同大家分享，Mind Voice Psychotherapy 已正式成為 WSIB Ontario Mental Health Program of Care (MHPOC) Approved Provider。

WSIB MHPOC 主要為因工作相關事件而受到心理健康影響嘅人士，提供有系統、以實證為本嘅心理治療支援，協助個案逐步處理情緒困擾、恢復日常功能，並喺合適情況下安全重返工作。

作為 WSIB MHPOC 認可服務提供者，Mind Voice 可為合資格 WSIB 個案提供支援，包括：

• 工作相關壓力及情緒困擾
• 創傷反應及 PTSD 相關症狀
• 焦慮、抑鬱及適應困難
• 情緒調節及壓力管理
• 功能恢復及重返工作支援

提供 WSIB MHPOC 服務團隊：

Ping San Chi, MSocSc, RSW
創辦人及臨床總監｜安省註冊社工
擁有超過 13 年心理健康、醫療及社區服務經驗，擅長 CBT、存在主義治療及敘事治療。

Miu Ching Cheuk, MA, RSW
安省註冊社工
擁有超過 14 年臨床經驗，接受過 EMDR、鮑恩家庭治療及 CBT 相關訓練。

Wai Kei Cheng, MSW, RSW
安省註冊社工
具備臨床心理治療經驗，提供以實證為本及創傷知情嘅心理支援，並接受過 CBT、EMDR 及 DBT 相關訓練。

如果你已有 WSIB claim，或者想了解更多有關 WSIB 心理健康服務，歡迎聯絡我哋查詢。

📞 1-855-855-9520
✉️ info@mindvoice.ca
🌐 https://www.mindvoice.ca/zh/wsib

#心理治療 #心理健康支援 #工作創傷 #創傷知情治療 #廣東話心理治療 #國語心理治療

05/28/2026

【MindTalk 心理自療室｜移民父母的愛與期望】

好多移民父母嘅愛，未必會直接講出口。
佢哋可能用提醒、安排、期望，甚至一句「為你好」去表達關心。

對父母嚟講，呢份期望背後，可能係因為佢哋曾經經歷過移民嘅艱難、生活嘅不安，所以希望子女可以少行彎路，過得穩定一點。

但對子女嚟講，呢份愛有時可能會變成壓力，甚至感覺自己唔被理解、冇得選擇。

愛明明存在，點解有時會變成距離？

今集 MindTalk 心理自療室，我哋同心理治療師 Agnes 一齊傾下華人移民家庭入面，父母嘅愛與期望，以及親子之間未必容易講出口嘅情感需要。

🎧 足本版可到 YouTube 收看：
https://www.youtube.com/watch?v=f5N9UBexCBk

記得訂閱 Mind Voice Psychotherapy Channel

#心理自療室 #移民家庭 #華人家庭 #親子溝通 #親子關係 #移民父母 #情感需要 #心理健康 #加拿大香港人

【心理小知識｜微笑抑鬱症】有啲人，睇落好似一直都OK。會笑、會應酬、會做好自己嘅角色。但其實，只有自己知道有幾攰。微笑，有時唔代表開心，只係一種習慣，係一種「我唔想你擔心」嘅方式。但你唔需要一直撐住。你都可以有情緒，可以唔堅強。如果你都係咁...
05/26/2026

【心理小知識｜微笑抑鬱症】

有啲人，睇落好似一直都OK。會笑、會應酬、會做好自己嘅角色。
但其實，只有自己知道有幾攰。

微笑，有時唔代表開心，只係一種習慣，係一種「我唔想你擔心」嘅方式。
但你唔需要一直撐住。你都可以有情緒，可以唔堅強。

如果你都係咁，試下慢慢對自己誠實一點。
俾人知道你嘅感受，其實先係真正開始對自己好。

#心理小知識 #微笑抑鬱
#情緒健康 #心理健康 #隱性抑鬱
#高功能抑鬱 #情緒壓抑 #自我覺察

05/21/2026

【MindTalk 心理自療室｜依附需要優先：安全感與理解】

好多時關係入面嘅「溝通問題」，表面上好似係講嘢方式、語氣、邊個啱邊個錯。
但再深入啲睇，其實背後可能係一種好基本嘅依附需要：
「我想被理解。」
「我想知道你係咪仲喺度。」
「我想感覺到安全。」

有時我哋爭執、冷戰、忍住唔講，未必係唔在乎，反而可能係太在乎，只係唔知點樣好好表達自己真正需要。

關係唔係一次溝通就會完全修好，而係需要一次又一次被照顧、被理解、被重新連結。

想聽更多關於依附需要、家庭關係同有效溝通嘅分享，歡迎到 YouTube 收看足本版：
https://www.youtube.com/watch?v=f5N9UBexCBk

#心理健康 #心理治療 #依附關係 #安全感 #有效溝通 #家庭關係 #親密關係 #香港人在加拿大

【MindVoice 心理小知識｜羊群心理 Herd Mentality】有時我哋跟住大隊行，未必係真心想咁做，而係因為「大家都咁做」，所以感覺比較安全。羊群心理唔一定係壞事，但如果只係盲目跟風，就可能會忽略自己真正嘅想法。下次想跟風之前，...
05/19/2026

【MindVoice 心理小知識｜羊群心理 Herd Mentality】
有時我哋跟住大隊行，未必係真心想咁做，而係因為「大家都咁做」，所以感覺比較安全。
羊群心理唔一定係壞事，但如果只係盲目跟風，就可能會忽略自己真正嘅想法。
下次想跟風之前，可以問問自己：
「呢個選擇，真係我想要嗎？」
「我係因為相信，定係因為驚？」

#心理小知識 #羊群心理 #心理學 #自我覺察 #獨立思考 #心理健康

05/14/2026

【MindTalk 心理自療室｜關心父母，點解變衝突？】
有時，父母同子女之間嘅衝突，未必只係「講嘢方式唔好」咁簡單。

喺 EFT 情緒取向治療 入面，會將呢種互動理解為一個 負面互動循環：
父母因為擔心，所以忍唔住提醒、催促，甚至想控制；子女聽到之後，可能會覺得自己被否定、唔被理解，於是開始反駁、沉默，或者慢慢疏離。

然後，父母越嚟越擔心，子女就越嚟越想避開。
關係就咁一圈一圈，慢慢越走越遠。但好多時候，衝突背後其實唔係冇愛，而係愛被包裝成擔心、責備，甚至防衛。

今集 MindTalk 心理自療室，我哋邀請到心理治療師 Agnes，一齊傾下華人家庭入面嘅親子溝通、移民家庭嘅文化差異，以及點樣睇見衝突背後更深層嘅情感需要。

🎧 足本版可到 YouTube 收看
https://youtu.be/f5N9UBexCBk
記得訂閱 Mind Voice Psychotherapy Channel

#心理自療室 #親子溝通 #親子關係 #華人家庭 #移民家庭 #情緒取向治療 #負面互動循環 #心理健康 #加拿大香港人

【心理小知識｜自我實現】有時人大咗，會開始發現：原來人生唔一定只係追成績、追工作、追別人認同。有啲人表面好成功，內心卻一直覺得空。因為真正令人滿足嘅，未必係「達到咗幾多」，而係你有冇慢慢活成自己想成為嘅人。 #心理小知識 #自我實現 ...
05/12/2026

【心理小知識｜自我實現】
有時人大咗，會開始發現：原來人生唔一定只係追成績、追工作、追別人認同。
有啲人表面好成功，內心卻一直覺得空。
因為真正令人滿足嘅，未必係「達到咗幾多」，而係你有冇慢慢活成自己想成為嘅人。

#心理小知識 #自我實現 #心理學 #心理健康 #心理成長 #自我成長 #個人成長 #認識自己 #成為自己 #內在成長 #情緒健康 #心理教育 #心理治療 #心理諮詢 #多倫多心理治療 #廣東話心理學

《兒童社交情緒理論》安全圈理論｜Circle of Security唔知大家有冇聽過 Circle of Security（安全圈）？佢相信，孩子最需要嘅，唔係完美父母，而係一個「情緒上可靠」嘅大人。安全圈理論入面有一句好重要嘅說話：Be ...
05/09/2026

《兒童社交情緒理論》安全圈理論｜Circle of Security

唔知大家有冇聽過 Circle of Security（安全圈）？佢相信，孩子最需要嘅，唔係完美父母，而係一個「情緒上可靠」嘅大人。

安全圈理論入面有一句好重要嘅說話：Be Bigger, Stronger, Wiser, and Kind。成為一個更大、更強、更有智慧、更善良的父母。咁當小朋友情緒失控、感到害怕或者混亂嘅時候，我哋就可以成為佢哋嘅避風港，幫佢去到承托佢嘅情緒。

喺安全圈入面，孩子會不斷來回做兩件事。
第一，就係向外探索世界。
佢哋想玩、想冒險、想認識朋友、想試新事物，甚至開始想自己做決定。呢個時候，孩子需要嘅係父母喺背後支持佢、相信佢、鼓勵佢，同時默默守護住佢。

而另一邊，就係返返嚟尋求安全感。當孩子攰咗、受傷、驚、失望、生氣，又或者突然情緒爆發，其實好多時都唔係「曳」，而係想返到一個安全嘅地方被接住。

當小朋友擁有穩定嘅「安全圈」，其實會對佢哋嘅情緒、人際關係同成長帶來好深遠嘅影響。因為孩子知道：「無論我開心、失敗、失控，總有人會接住我。」呢份安全感，會慢慢變成佢面對世界嘅底氣。

所以我哋唔係追求要做一個100分、從來唔會犯錯嘅父母，而係努力成為一個「情緒上可靠」嘅大人。對孩子有界線，但同時有溫柔；會帶領孩子，但亦願意理解。

#兒童社交情緒理論 #安全圈理論 #親子關係 #親子教育 #情緒教育 #兒童情緒 #情緒安全感 #安全感建立 #正向管教 #依附關係 #親子溝通 #育兒日常 #父母成長 #心理教育 #心理小知識 #兒童心理 #家庭教育 #多倫多心理治療 #加拿大育兒 #香港人在加拿大

【心理小知識｜強迫型人格】有啲人，唔係想樣樣都控制，只係一有不確定，就會好不安。所以佢哋會不斷檢查、計劃、安排，希望一切都做到最好。但慢慢你會發現愈想完美，反而愈難完成；愈想掌控，反而愈攰。生活，本來就唔係每一步都可以計算。有時，放鬆一啲，...
05/05/2026

【心理小知識｜強迫型人格】
有啲人，唔係想樣樣都控制，只係一有不確定，就會好不安。
所以佢哋會不斷檢查、計劃、安排，希望一切都做到最好。
但慢慢你會發現愈想完美，反而愈難完成；愈想掌控，反而愈攰。
生活，本來就唔係每一步都可以計算。
有時，放鬆一啲，唔代表係失控，而係開始容許自己呼吸。

#心理小知識 #強迫型人格 #完美主義 #控制慾 #焦慮管理
#心理健康 #情緒管理 #自我覺察 #內在壓力 #放過自己
#接納不完美 #心理成長 #自我接納 #多倫多心理治療

【Mind Voice 心理教育站】打或逃模式 「Fight-or-Flight」 - 點解我會咁反應？有時你會突然好嬲、好想走開、腦袋一片空白，甚至不自覺去遷就人。你好可能會問：「我點解會咁？」但其實，呢啲反應，未必係你「有問題」。好多時...
04/30/2026

【Mind Voice 心理教育站】
打或逃模式 「Fight-or-Flight」 - 點解我會咁反應？

有時你會突然好嬲、好想走開、腦袋一片空白，甚至不自覺去遷就人。
你好可能會問：「我點解會咁？」
但其實，呢啲反應，未必係你「有問題」。好多時，係你身體同大腦喺壓力之下，自動啟動咗一套「保護機制」。

當我哋感受到威脅（唔一定係真正危險，可以係情緒壓力、人際衝突、被批評等），身體會好快進入以下幾種反應模式：
Fight（對抗／反擊）
覺得要保護自己，可能會變得易嬲、想爭取控制、頂住對方。

Flight（逃避／離開）
想即刻離開現場、轉話題、避開衝突或壓力來源。

Freeze（僵住／停頓）
腦袋突然空白、反應慢咗，好似「當機」咁，唔知點做。

Fawn（討好／迎合）
不自覺去配合對方、讓步、避免衝突，希望維持關係安全。

呢四種反應，統稱為 4F 壓力反應（Stress Responses）。

重點係：呢啲反應唔係「性格問題」，而係一種自動化嘅生存反應。
即係話你唔係特別敏感，你只係曾經學識咗用呢種方式保護自己。而你最常用嘅壓力反應模式又係咩呢？你又鍾唔鍾意呢一種反應模式？

咁大家有冇諗過點解人要有呢一種壓力反應模式呢？我哋下次又一齊探討吓😉

#心理小知識 #壓力反應
#情緒調節 #自我覺察 #心理健康 #多倫多心理治療
#心理成長

【心理小知識｜討好型人格】你係咪成日都覺得，要做得夠好，先唔會被人嫌棄？所以你會答應多過自己承受到嘅事，會顧住別人感受，多過自己。慢慢地，你開始覺得只要我再好一啲，關係就會穩一啲。但其實，你唔需要用迎合，去換取被留下。 #討好型人格 #心...
04/28/2026

【心理小知識｜討好型人格】
你係咪成日都覺得，要做得夠好，先唔會被人嫌棄？
所以你會答應多過自己承受到嘅事，會顧住別人感受，多過自己。
慢慢地，你開始覺得只要我再好一啲，關係就會穩一啲。
但其實，你唔需要用迎合，去換取被留下。

#討好型人格 #心理小知識 #自我價值 #界線感 #學識拒絕 #情緒健康 #關係課題 #取悅他人 #做返自己 #心理成長 #香港人心事 #多倫多心理治療

Address

245 Fairview Mall Drive, Unit 504
Don Mills, ON
M2J4T1

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 5pm
Sunday 8am - 5pm

Website

Alerts

Be the first to know and let us send you an email when Mind Voice Psychotherapy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category