العلاج المعرفي السلوكي cbt - كريستينا

العلاج المعرفي السلوكي cbt - كريستينا Your source for Cognitive Behavioral Therapy insights & tips

دليلك للتعرف علي ما يخص العلاج المعرفي السلوكي

11/30/2025

تاثير ال Anxiety علي النوم:
طبعا كتير مننا بيحصل له Anxiety attacks بالليل بتخليه مش عارف ينام.. ففي افكار معينة لو الواحد ركز عليها يا هتعلي الAnxiety .اكتر يا هتقللها.
امثلة:
١- افكار بتذود المشكلة:
اذا انا منمتش كفاية ..بكرة يومي هيضيع ومش هعرف اركز
(نحل محلها بافكار بتحسن الوضع):
انا عدت عليا ايام كتييير معرفتش انام فيها .. انا صحيح مبحبش كده بس في أيام منهم عدت علي خير واليوم مضاعش ولاحاجة وعرفت اركز.

٢- افكار بتذود المشكلة:
ده هيبقي شيء بشع لو معرفتش انام علي طول
(نحل محلها بافكار بتحسن الوضع):
انا صحيح بيبقي نفسي انام لكن عدم النوم مش ابشع حاجة حصلتلي .. وعندي مهارات استرخاء اقدر استخدمها هتساعدني الموضوع مش بالسوء اللي انا شايفاه.

٣- افكار بتذود المشكلة:
مش هقدر استحمل عدم النوم
نحل محلها بافكار بتحسن الوضع:
ده اسمه التفكير الكارثي ( هحطه في كومنت)
هو صحيح انا مبحبش موضوع قلة النوم ده لكن هو مش نهاية الدنيا .. القلق منه بالشكل ده هيذودلي المشكلة وحتي لو في استعداد انام شوية مش هنام خالص لو فضلت افكر كده.

افكار بتذود المشكلة:
انا هعرض نفسي للخطر بكرة لو منمتش ذي مثلا لو بسوق لو بستخدم أجهزة في الشغل
نحل محلها بافكار بتحسن الوضع:
قد أكون معرضة للخطر لو بسوق مسافات طويلة من غير نوم كافي لكن اقدر اتعامل مع ده ازاي؟ هل افضل اخد مواصلات او هل الشيفت ممكن يتغير بسهولة او ...
ونقيس علي كده في كل مشكلة ازاي نلاقي حلول قدر الامكان تناسب الوضع.
وممكن نذود ونكتب الافكار اللي بتجيلنا ونحل محلها بافكار صحية ذي الأمثلة.

مع الشغل علي التفكير في روتين او حاجات بتساعد قبل النوم ذي مثلا : شرب الينسون واللبن بس نتجنب شرب كميات كبيرة من السوائل مباشرة قبل النوم .. سناك خفيف .. الكافيين يبقي الصبح بس ومش كتير ..دش دافي.. السرير يكون للنوم بس مش الشغل او اللاب او الموبايل او الاكل عشان العقل يربطه بالنوم بس .. الاغطية تبقي ناعمة والمرتبة مريحة .. وحرارة الاوضة مناسبة . اللي بيحب يشغل فواحة بتساعد برضه..في ناس بيساعدها تجنب التدريبات الشديدة قبل النوم ذي زومبا مثلا ..وكمان تجنب المكالمات اللي فيها مناقشات قبل النوم
اللي بيضايقه الأصوات بالليل في حاجة اسمها white noise بتغطي علي الأصوات هحط مثال في كومنت
ومهم جدا جدا جدا البعد عن الscreen وقت كافي قبل النوم
وتجنب الreels عموما خلال اليوم له تأثير كبير علي التركيز وجودة النوم ومستوي ال Anxiety

11/01/2025

في كتاب حلو بيتكلم عن التعافي من الوسواس القهري باستخدام ال mindfulness (التركيز علي هنا ودلوقتي)
يعني التركيز علي اللي بنعمله دلوقتي مع ملاحظة اللي بيحصل لنا وتقبل الالم من غير ما نتصرف علي اساسه

الوساوس القهرية مكونة من حاجتين : ١-فكرة او صورة او شعور مرعب بنعمل بعده ٢-تصرف قهري عشان يقلل الرعب ده .. ذي مثلا اننا نراجع المواقف في دماغنا .. غسيل كتير .. تجنب.. نفضل ندور علي ردود تطمننا (reassurance seeking)
الوساوس انواع كتير ليهم بوستات قبل كده علي الجروب

ال mindfulness بيساعدنا نقاوم السلوكيات القهرية المصاحبة للوساوس و بيدينا وعي بجذور السلوك ده.فاما نركز هنلاقي ان الموضوع بيبتدي بفكرة او احساس او شعور مش مريح بنعمل بعده السلوك القهري .. فعشان نتعافي بيجي دور ال mindfulness يساعدنا منعملش السلوك القهري ده بعد ادراك الوساوس

طب احنا بنعمل السلوك القهري اصلا ليه ؟ عشان نتأكد ان مفيش ضرر هيحصل لنا ( بيقلل ال Anxiety اللي بتسببه الفكرة او الاحساس).. طب لو ابتدينا نتقبل فكرة ان مفيش حاجة مضمونة ١٠٠% (accepting uncertainity)ونشتغل علي ال Anxiety
رد فعلنا علي الوساوس هيكون عامل ازاي؟

يعني لو قلت لنفسي ..انا مش هعمل السلوك القهري ده ..ايه أسوأ حاجة ممكن تحصل .. فيها ايه لو هكون مش متاكد من النتيجة؟
طب ما انا ساعات بعمل السلوك القهري كذا مرة وبرضه اللي بخاف منه بيحصل .. يعني مش السلوك ده اللي بيحميني .. مثال: في ناس بتغسل كل حاجة اكتر من اللازم وبرضه بيجيلها امراض بسبب التلوث في ناس بتروح للدكتور كل شوية تتأكد انها كويسة وبرضه ده ميمنعش انها تمرض من وقت للتاني
طبعا دي مش دعوة اننا منهتمش خالص بالحاجة بس الفكرة ان لما السلوك يتحول لقهري ( يبقي اكتر من اللازم) كده ده يبقي مرضي..
كل مرة بقاوم السلوكيات القهرية دي ال OCD بيتراجع
صحيح ده بيكون ده مصحوب في الاول بالم نفسي رهيب لكن دور ال mindfulness انه يخلينا ندرك اصل الالم ده ونقبله
ونشوفه كانه مطر بيغسلنا من المرض بدل مايكون كانه تلج بيتراكم علينا ونندفن فيه مع الوقت
خلينا نبدل الخوف من مقاومة السلوكيات القهرية بفضول اننا نكتشف ايه اللي هيحصل لو قاومنا فنتحرر

عجبتني معلومة ان التعافي معناه مش ان الافكار والصور تختفي معناه ان رد فعلنا تجاههم او تاثيرهم علينا بالصبر والتدريب والتحمل هو اللي هيختلف .. ربنا يقوينا كلنا💪🙏

06/30/2025

بوست بيكمل في موضوع التعافي من ايذاء النفس:
لما نحس اننا عايزين نمارس ايذاء النفس ،مهم نسال نفسنا ليه عايزين نعمل كده؟ لان لما نعرف السبب او الشعور اللي ورا الرغبة دي، هنقدر نلاقي طرق صحية بديلة نتعامل بيها مع الشعور ده..فممكن يكون السبب:
* الاحساس بالغضب: نتعامل معاه باننا نمارس physical activities او انشطة نتحرك فيها ذي النط ..الجري.. لعب رياضة ولو في البيت واحنا بنشوف فيديو علي الyoutube.. ده بيقلل حدة المشاعر العنيفة.
* الاحساس بالوحدة .. العزلة ..التجاهل: نتعامل معاه بمحاولة التواصل مع ناس بنرتاح معاهم .. نتكلم مع معالج .. او حتي نسلم علي اللي حوالينا.. ده كله بيساعد في تقليل احساس الوحدة والرغبة لايذاء النفس والشعور بالدعم.
* الاحساس بالتخدير numb (يعني الواحد يبقي مش قادر يحس باي مشاعر ولا يدي ردود فعل او يندمج في حاجة) : نتعامل معاه بممارسة انشطة بتسبب physical sensations او احاسيس ذي الدش .. مساج ..اكلة مفضلة ..
قضاء وقت بره البيت:
تغيير المكان بيشتتنا وبيدي وقت كافي ان رغبة ايذاء النفس تنتهي قبل ما نرجع البيت ..
قضاء الوقت في الطبيعة له تأثير مهديء وده يشمل المشي حوالين البيت او في جنينة ..ممكن نروح مكان مفضل بيساعدنا نحس بهدوء.. ومش لازم يكون وقت طويل، ممكن نبتدي بوقت قليل وتدريجي نذود المدة او الانشطة.. الحركة بتخلي المخ يفرز مواد كيميائية بتحسن المزاج وده بيقلل الافكار المتعبة ..طبعا كتير الواحد بيحس ان الحركة تقيلة ومعندوش مجهود بس مجرد حاجات بسيطة بتفرق.

-كمان وجودنا في مكان حوالين الناس بيساعد ..حتي لو بنكون في اوقات كتير مش قادرين نتعامل مع حد ،مجرد الخروج من البيت والاعدة حوالين الناس سواء في مطعم ،مكتبة او غيرها بيفرق جدا ..في ناس بتنزل تقري او تفرغ افكارها علي الورق.

06/18/2025

تكملة للبوست اللي فات عن التعافي من ايذاء النفس كطريقة للتعامل مع مشاعر الحادة:
في جمل مقترحة "Coping Self-Statement" ممكن الواحد يقولها لنفسه عشان يفتكر اسباب مقاومته لرغبة ايذاء النفس.

امثلة:
*انا مدرك ان التصرفات دي مؤذية بالنسبة لي ..انا هعرف اشتت نفسي بطرق صحية تانية.
*كل مرة هقدر اعد فترات أطول من غير ما اؤذي نفسي، ده بيذود عندي الاحساس بالعزيمة والقوة.
*انا نفسي احس اني فخور بمجهودي في مقاومة ايذاء النفس، بدال ما كل مرة بحس اني بوظت كل حاجة و مش قادر اتحكم في تصرفاتي.
* انا مش مجبر اطاوع الرغبة دي ،نفسي احس بحرية اني اقدر اختار معملش كده في نفسي.
*بعد ما بؤذي نفسي ،احساس الراحة لفترة قصيرة جدا بيتحول لمشاعر بشعة بتستمر.
*مش معني اني عايز اعمل حاجة اني محتاجها او ده في مصلحتي.

ممكن نعتبر الجمل دي توكيدات Affirmations ونخليها في مكان قريب مننا ونقراها باستمرار.
البوست الجاي هنكلم عن البدايل باختصار.

06/15/2025

سلام 🙂
كتير مننا بيلجأ لايذاء النفس ( اي الم جسدي بنسببه لنفسنا او تصرفات مؤذية ذي الإدمان بانواعه) كطريقة تعامل مع المشاعر الصعبة وده بيدي متعة مزيفة مؤقتة جدا وبعدها بنندم ونعاني اكتر ..

فعشان نمنع موضوع ايذاء النفس ده.. محتاجين ندرب نفسنا اننا نفتكر مشاعرنا الصعبة بعد ما عملنا كده المرة اللي فاتت ونفكر في النتايج اللي حصلت عن طريقة اسئلة هنحضرها ..
( الكتاب هنا بيتكلم عن أصحاب اضطراب الشخصية الحدية لكن الفكرة هتفيد الكل)
طبعا وقت ما المشاعر بتذيد حدتها الرغبة( Urge) لايذاء النفس شديدة جدا ..فهيكون صعب وقتها نفتكر التدريب ده.. فهيفيدنا اوي اننا نكون محضرين ورقة صغيرة فيها اسئلة( تتحط في جراب التليفون او المحفظة) نبص عليها اول ما نحس اننا علي وشك اننا نؤذي نفسنا .. الأسئلة اللي تخلينا نوقف ونفكر:
١- هو ايه اهمية اني اؤذي او اعمل في نفسي كده؟
٢-لو عملت كده دلوقتي، هحس بايه بعد ما المتعة تروح؟
٣-ويا تري ايه اللي هيحصلي في المستقبل نتيجة التصرفات دي؟
٤-طب لو قدرت اتغلب علي رغبة اني اؤذي نفسي دلوقتي ،هحس بايه بكرة؟

مثال للاجابات:
١-اهمية ده عندي انه بيهديني شوية وقتها .. لكن اكيد في طرق تانية او بدايل صحية هتهديني برضه وهعرف اكتشفها.. انا مش عارف ايذاء النفس بالذات مهم عندي ليه!
٢- انا بتجنب خالص افكر في اللي هحسه بعد ما المتعة تروح.. بس الحقيقة اني بحس مشاعر رهيبة من الذنب والخجل و مببقاش عارف ازاي عرضت نفسي للخطر ده.
٣- النتايج في المستقبل اني ممكن افقد (شغلي ..صحتي .. دراستي ..او...)
٤- لو معملتش كده هحس اني فخور بنفسي اني عرفت امنع ده ..اكيد مش هحس بالغضب عشان حافظت علي نفسي.

الشخص اللي في المثال شكر المعالج انه مش بس بطل يؤذي نفسه انما كمان ساعده يشوف هو ليه اصلا بيعمل كده ونتايج ده عليه.. وبالتالي بالتدريب اتغلب علي السلوك ده وحل محله بوسائل صحية. ( ذي الوسائل اللي اتكتبو عالجروب في بوستات بعنوان ال Crisis)

04/17/2025

سلام 🙂 دي تجميعة بوستات اضطراب الشخصية الحدية والعلاج الجدلي اللي نزلت علي الجروب:
https://www.facebook.com/share/p/1GxnY4VaxH/

https://www.facebook.com/share/p/19FzmqoWyw/

https://www.facebook.com/share/p/12GqhWD79fZ/

https://www.facebook.com/share/p/16e5khak6M/

https://www.facebook.com/share/p/14Fy3b6sNTw/

https://www.facebook.com/share/p/1BmUWhfcGm/

https://www.facebook.com/share/p/19LzCVtrrr/

https://www.facebook.com/share/p/1AJ1Z5ftb3/

https://www.facebook.com/share/p/1AR4pznhBR/

https://www.facebook.com/share/p/1Btm65DYWV/

https://www.facebook.com/share/p/1AY5NXvtgG/
الفيديوهات :

الشخصية الحدية:
https://www.facebook.com/groups/358316055237900/permalink/553576162378554/

التعامل مع الشخصية الحدية:
https://www.facebook.com/groups/358316055237900/permalink/589154005487436/

جزء واحد مقدمة العلاج الجدلي للتعافي من ضطراب الشخصية الحدية واضطرابات اخري
https://m.facebook.com/groups/358316055237900/permalink/927800101622823/?mibextid=Nif5oz

جزء 2 من مقدمة العلاج الجدلي
https://m.facebook.com/groups/358316055237900/permalink/932087794527387/?mibextid=Nif5oz

جزء ٣ من مقدمة العلاج الجدلي
https://m.facebook.com/groups/358316055237900/permalink/935430607526439/?mibextid=Nif5oz

جزء ٤من مقدمة العلاج الجدلي
https://m.facebook.com/groups/358316055237900/permalink/947701666299333/?mibextid=Nif5oz

04/08/2025

سلام 🙂.. البوست ده بيكمل في موضوع العلاج الجدلي اللي ابتديناه في البوست اللي فات :

في ٤ مراحل بيمر بيها العلاج الجدلي :
١- بداية العلاج بتكون التركيز علي اكتر التصرفات خطورة وايذاء النفس والتصرفات الانتحارية.
٢-العلاج بيتجه ناحية تحديد المشاكل اللي بتاثر علي جودة الحياه يعني مشاكل التواصل مع الناس ..ادارة المشاعر ..طرق التكيف مع الضغوط.
٣- المرحلة دي بتركز علي مشاكل الثقة في النفس والعلاقات.
٤- في الخطوة دي العلاج بيركز علي مساعدة الناس انها توصل لافضل ما يمكن توصله في حياتها وتكون سعيدة بأكبر قدر ممكن .. وبيركز كمان علي تقوية العلاقات .. وتحقيق الاهداف.

الطرق او الاساليب المستخدمة في العلاج الجدلي تشمل:
*مجموعات العلاج Group therapy: فيها بنتعلم مهارات معينة للشغل علي التصرفات في جروب علاجي .
*علاج فردي: في وجود معالج بيتعلم الفرد مهارات برضه تخص التصرفات وبتتطبق علي تحديات الحياه الشخصية.
*كوتشينج بالتليفون: بعض طرق العلاج بتسمح اننا نتصل بالمعالج بين ال sessions عشان ناخد ارشادات بخصوص طرق التعامل مع المواقف الصعبة اللي بنواجهها.

فوايد العلاج الجدلي:
فكرة ال DBT هي دمج التقبل مع التغيير وهما بالنسبة لينا حاجتين عكس بعض ..فالمعالج والشخص بيشتغلوا علي حل التناقض ده عشان تتحقق تغييرات ايجابية في شخصية وحياه الفرد خلال العلاج .. وخلال العلاج بيكون في validation يعني المعالج بيتفهم اسباب تصرفات الشخص وربطها بالوضع اللي هو عايشه من غير ما يوافق علي التصرفات دي او انها الحل لمشكلته....وده بيشجع الواحد ويخليه متعاون اكتر في تطبيق خطة العلاج وكمان بيقلل الضغط اللي بيكون حاسسه بسبب فكرة التغيير ..

طبعا كل خطة علاج ليها مكوناتها و أهدافها ، لكن في ٦ نقط أساسية بيركز عليهم العلاج الجدلي :
١- التقبل والتغيير: هنتعلم طرق نقبل و نتحمل بيها نفسنا ..ظروف حياتنا .. المشاعر .. وكمان هنطور مهاراتنا فتساعدنا نعمل تغييرات ايجابية في تصرفاتنا وتعاملاتنا مع الناس .
٢- التصرفات behavioral: هنتعلم نحلل المشاكل وانماط التصرفات الهدامة ونحل محلهم بتصرفات صحية وفعالة .
٣- الادراك cognitive: هنركز علي تغيير الافكار والمعتقدات المتعبة و اللي مفيش منها فايدة.
٤- التعاون Collaboration: هنتعلم نتواصل مع غيرنا بفاعلية اكتر ونشتغل مع بعض ك team ( الشخص اللي بيعاني، المعالج علاج نفسي وعلاج دوائي عند اللزوم، مجموعات علاج جماعي)
٥- مجموعة مهارات skill set: بنتعلم مهارات جديدة تحسن قدراتنا.
٦- الدعم support : هنتشجع اننا ندرك نقاط قوتنا وصفاتنا ونستخدمهم ونطورهم كمان.

العلاج الجدلي عشان يجيب نتيجة محتاج التزام ومواظبة علي جلسات العلاج ..وضروري يكون في تدريبات نحلها في البيت او حاجات نطبقها خارج جلسات العلاج .
طيب هل ممكن اعمله لوحدي؟
في العموم الناس بتعمله تحت ارشادات معالج متدرب علي العلاج بال DBT.. لكن في حاجات نقدر نعملها لوحدنا، تساعدنا نتكيف ونتعامل مع كل حاجة بشكل أفضل وتحسن قدرتنا علي استيعاب الضغوط ذي: تدريبات التنفس ..تدريبات الاسترخاء التدريجي للعضلات progressive muscles relaxation..تدريبات ال Mindfulness او التركيز علي لحظة الحاضر ( هحطهم في كومنت)
طبعا كل ده مش بديل لطلب المساعدة، فاللي ظروفه تسمح يتابع مع معالج، يعمل كده .
وممكن اللي يعرف دكتور بيثق فيه او متخصص او حد له خبرة عن متخصصين العلاج النفسي، يسأله انه يرشحله متخصص فال DBT ..اما المصدر اللي بيرشحه الويبسايت ده للبحث عن متخصص اسمه Clinical Resource Directory

04/03/2025

مساء الخير 🙂 البوست النهاردة عن:
Dialectical behavior therapy (DBT) العلاج الجدلي:

العلاج الجدلي ابتكرته دكتورة Marsha M.Linehan هدفه اصلا يعالج اضطراب الشخصية الحدية ولكن تم تطويره عشان يستخدم لعلاج مشاكل نفسية اخري الي جانب اضطراب الشخصية الحدية ..
و هو علاج مشتق من العلاج المعرفي السلوكي .. بيعتمد علي فكرة دمج التقبل مع التغيير .. بيعلمنا ازاي نعيش في لحظة الحاضر .. طرق صحية للتعامل مع الضغوط.. وإدارة المشاعر وتحسين جودة العلاقات مع الاخرين.. وبيساعد في علاج التصرفات الانتحارية و تصرفات ايذاء النفس ذي اضطرابات الاكل إدمان المواد.. وكمان بيستخدم لعلاج ال Anxiety .. ال OCD.. ADHD .. اضطراب ما بعد الصدمة .

مكونات العلاج الجدلي ال ٤:

١-التركيز علي لحظة هنا ودلوقتي Mindfulness :
بيساعد علي التركيز علي الحاضر او نعيش لحظة هنا ودلوقتي ونركز مع اللي بيحصل جوانا ( افكارنا .. مشاعرنا .. احاسيسنا .. دوافعنا او رغباتنا).. وكمان نستخدم حواسنا للانسجام مع اللي بيحصل حوالينا ( ايه اللي شايفينه.. سامعينه.. الشم .. اللمس) من غير ما نصدر أحكام.

تدريبات الmindfulness بتساعدنا نبطئ الرتم بتاعنا ونركز علي اللجوء لمهارات تكيف صحية لما نكون في عز الالم النفسي .. الطرق دي بتساعدنا نفضل هاديين ونتجنب الاندماج في طرق التفكير السلبية اللي بتهاجمنا اوتوماتيك والتصرفات الاندفاعية ..
مثال بسيط علي تدريبات ال Mindfulness:
نلاحظ التنفس بتاعنا ولاحظ احساسك بدخول وخروج النفس وشوف معدتك بتتحرك ازاي فوق وتحت وانت بتتنفس ..

٢-التكيف مع الضغوط Distress Tolerance:
نتقبل نفسنا والموقف اللي احنا فيه وازاي نتعامل مع الالم وال Crisis بطرق مختلفة ذي: ال Distraction (نركز مؤقتا علي حاجة تانية غير الضغوط)..تحسين لحظة الحاضر ..ال Self soothing (طرق تهدئة باستخدام الحواس الخمس)..والتفكير في مميزات وعيوب عدم تقبل الضغوط .

مهارات التكيف مع الضغوط بتساعد اننا نحضر نفسنا للتعامل مع المشاعر العنيفة بطرق صحية وليها تاثير ايجابي علي المدي البعيد..
مثال بسيط علي تدريبات ال Distress Tolerance :
غير وضعك .. لو قاعد قوم واخرج اتمشي ..
الفكرة اننا بنشتت نفسنا عن الضغوط باننا نخلي مشاعرنا تتغير مع تغيير حركات الجسم.

٣- تكوين علاقات صحية مع الآخرين Interpersonal Effectiveness:
المهارات دي بتخلي الواحد assertive في علاقاته يعني مثلا يقدر يعبر عن احتياجاته بوضوح واحترام ويقدر يرفض الحاجات او الطلبات اللي مش بتناسبه بس في نفس الوقت يحافظ علي العلاقة انها تكون ايجابية وصحية.
وبنتعلم اننا نسمع ونتواصل مع الناس بطريقة افضل ونتعامل مع الشخصيات الصعبة ونتعامل مع نفسنا وغيرنا باحترام.
مثال بسيط مهارة اسمها GIVE:
Gentle: مش بهاجم ولا بهدد ولا بحكم علي غيري
Interest: ببين اني متفاعل ومستمع جيد مع اللي قدامي ومش بقاطعه
Validate: بعترف وبقبل وبدرك مشاعر و افكار اللي قدامي من غير احكام
Easy: الواحد يكون اسلوبه لطيف مع الناس ويبتسم

٤- ادارة المشاعر Emotion Regulation:
بتخلينا نتعامل مع المشاعر القوية بطرق فعالة صحية .. وبنتعلم نعرف ونسمي ونغير مشاعرنا.. لان لما نكون قادرين ندرك ونتعامل مع المشاعر السلبية ده بيخلي الواحد اقل عرضة ليها و كمان بيخلينا نعيش مشاعر ايجابية .
مثال بسيط:
سمي الاحساس الصعب اللي انت حاسه واعمل عكس اللي بيقولك تعمله . يعني لو حاسس بحزن وعايز انعزل ومشوفش حد .. لا ده انا هنزل واقابل صحابي.

03/06/2025

مساء الخير 🙂
ده تجميع لبوستات ال self harm او ايذاء النفس اللي قلت في بوست امبارح اني هنزلهم :

https://www.facebook.com/share/p/16DY1kye4P/

https://www.facebook.com/share/p/1A89Q9LCgV/

https://www.facebook.com/share/p/1F7WTzSmYJ/

https://www.facebook.com/share/p/1BsWXxQKaY/

https://www.facebook.com/share/p/18vUVzHbmQ/

https://www.facebook.com/share/p/18TtRuku8b/

https://www.facebook.com/share/p/1A3HdbqMaf/

https://www.facebook.com/share/p/1A8m7s1fpf/

https://www.facebook.com/share/p/1BKWuXQR34/

https://www.facebook.com/share/p/1FeevzQp85/

03/05/2025

سلام 🙂 ده بوست ٣ عن اضطراب الشخصية الحدية (BPD):
العلاج:
ذي ما قلنا في البوست اللي فات ان بالمواظبة علي طرق العلاج والتدريبات، بتتحسن جدا جودة الحياه والأعراض بتقل ..لدرجة ان في ناس بتوصل ان مينطبقش عليها المقاييس اللي بيتحدد بيها الاضطراب .

العلاج المتعارف عليه، هو العلاج بالكلام (Psychotherapy)
من انواعه:
*العلاج الجدلي : هو نوع من انواع العلاج المعرفي بيعلمنا ازاي نعيش الحاضر( هنا ودلوقتي) ونبني مهارات التعامل مع الضغوط وإدارة المشاعر و الشغل علي جودة العلاقات .

*العلاج المعرفي السلوكي CBT:
بيساعدنا نغير معتقداتنا اللي مصدرها الطرق المغلوطة اللي بنشوف او بنفسر بيها الاشياء ،وده بيساعد في الشغل علي المشاكل اللي بتحصل في العلاقات . فالهدف اننا نتعلم نحدد الافكار السلبية ونتعامل معاها وبكده هتقل التقلبات المزاجية mood swings وهيقل كمان القلق المرضي وبالتالي هتقل تصرفات ايذاء النفس ومحاولات الانتحار.

*Mentalization based treatment (MBT) : بيخلي الواحد يدرك بشكل أفضل ازاي افكاره ومشاعره مربوطة بتصرفاته

*الجروب ثيرابي: الانضمام لمجموعات علاج مع ناس تانية بتعاني نفس الاضطراب.

ملحوظة: في حالات شديدة بتحتاج علاج مكثف فبتتحجز في المستشفي.

-نتعامل ازاي مع الاضطراب :
في طرق نتبعها تحسن قدرتنا علي التعامل مع الاضطراب ذي:
*السعي لطلب العلاج من متخصص.. نعمل خطة علاج او Treatment plan : في ناس بتتابع مع دكتور نفسي psychiatrist ومعالج نفسي psychologist و كوتش او social worker و جروب ثيرابي .. عشان تكوَّنَ لنفسها ( بمساعدة دكتور متخصص فعلاج ال BPD) برنامج متكامل يساعدها بأفضل ما يمكن.

*معرفة المحفزات ( الحاجات اللي بعدها الاعراض بتظهر او بتشتد) :
ممكن تشمل زكريات الماضي او الشعور بالرفض اوالترك (abandonment ) من احد افراد العائلة او الأصدقاء القريبين. مهم نفهم المحفزات لان ده بيساعد لتحضير طرق نتعامل بيها لما يحصلوا . وممكن كمان نحضر طرق مقدما للتعامل مع حالات المشاعر الحادة (Crisis) لتفادي التصرفات الاندفاعية ذي الSelf harm ( مجموعة البوستات اللي قبل الBPD) هجمعها وانزلها بكرة..

*التعافي محتاج وقت:
ان الواحد يتعلم ادارة المشاعر والأفكار والتصرفات ده محتاج وقت . في ناس بتتحسن تحسن كبير وفي ناس دايما بتجاهد مع بعض اعراض الاضطراب . وطبيعي ان تمر اوقات تكون فيها الاعراض اهون واوقات أشد .. العلاج بيخلينا نقدر ن function يعني ( نعمل الحاجات المطلوب نعملها يوميا ) ونحس احساس افضل تجاه نفسنا.

* تغيير نمط الحياه Lifestyle:
+الاكل الصحي ( خضار وفاكهة ، البعد عن الكحوليات والمنبهات، تجنب الاكل المصنع .. تقليل السكريات بيقلل التقلبات المزاجية)
+النوم الكافي ٧-٩ ساعات.
+التمرينات الرياضية .. المشي.
+تجنب الانعزال ..قضاء وقت مع صحابنا .. ونتعرف علي ناس من انشطة بنمارسها.
+نلاقي طرق صحية ممتعة لتقليل التوتر ونخصص وقت لممارستها (تماربن التنفس.. عطور بنحب ريحتها ..هوايات .. موسيقي .. دش دافي .. أعمال التطوع.. افعال فيها لطف بسيطة حتي لو ابتسامة لحد ..الخ).
+قضاء وقت في أماكن مفتوحة ( مشي في الشمس جنب بحر او نهر او في جنينة ) .
Stay active: الواحد يشغل نفسه ويتحرك لان التصرفات بتغذي المشاعر

مساء الخير 🙂 ده بوست ٢ عن اضطراب الشخصية الحدية BPD:-التشخيص:تشخيص اضطراب الشخصية الحدية بيتم بتقييم الاعراض والتاريخ ا...
03/02/2025

مساء الخير 🙂 ده بوست ٢ عن اضطراب الشخصية الحدية BPD:

-التشخيص:
تشخيص اضطراب الشخصية الحدية بيتم بتقييم الاعراض والتاريخ المرضي للشخص.. و تحديد اذا كان في مشاكل صحية تانية بتساهم في وجود اعراض الاضطراب
التشخيص مش بيتم عن طريق اختبار محدد لكن علي اساس ان الشخص يكون بيعاني من خمسة او اكتر من الاعراض دي:
١-خوف وجهود لتجنب الترك او abandonment ( ان اللي بنحبهم يبعدوا عننا)
٢-عدم اتزان المشاعر ( تغييرات حادة في المشاعر extremes )
٣-شعور مزمن بالفراغ الداخلي Emptiness
٤-تغيير في الصورة الذاتية او رؤيتنا لنفسنا Identity disturbance ( شوية اشوفني حلوة وشوية كلي شر)
٥- تصرفات اندفاعية ( الإدمان.. الاكل بشراهة.. مشتريات مبالغ فيها .. سواقة بتهور .. الخ)
٦-غضب حاد :
غضب مستمر .. صعوبة في التحكم فيه .. خناقات مستمرة
٧-علاقات غير مستقرة:
شوية اشوف اللي قدامي كله مميزات بس , وشوية اشوفه كله عيوب بس.
٨-تصرفات ايذاء النفس او محاولات انتحار.
٩-اعراض مؤقتة للبارانويا او لل dissociation :
بارانويا: الشك وتوقع الاذي من الناس من غير وجود سبب.
ال dissociation: احساس الواحد كانه متخدر ومش دريان باللي حواليه.

لكن لازم متخصص مناسب اللي يشخص المرض ..
لان الناس كلها بتختبر كتير من الاعراض دي من وقت للتاني
وكمان في اضطرابات تانية بتسبب اعراض شبيهة بأعراض اضطراب الشخصية الحدية ذي:
*اضطراب ثنائي القطب Bipolar disorder ;
التغيرات المزاجية في حالة ال BPD في الغالب بتستمر لمدة قصيرة ..لكن في حالة ال Bipolar ممكن تستمر لأيام او اسابيع
*اضطراب الشخصية الهستيرية
*اضطراب الشخصية النرجسية
معرفة الاختلاف بين الاعراض مهم للوصول العلاج المناسب .

ومن الشائع ان يكون في مشاكل صحية تانية بتحصل مع وجود مشكلة الاضطراب الاساسي (Comorbidities)
ذي: القلق المرضي .. اضطراب ثنائي القطب .. الاكتئاب.. اضطرابات الاكل .. اضطراب ما بعد الصدمة .. اضطراب إدمان المواد ذي الكحول او مواد مخدرة او ..

محدش عارف سبب الإصابة باضطراب الشخصية الحدية بالضبط .. لكن الابحاث قالت ان في تجمع بين عوامل طبيعة الانسان (جينات ، brain structure) و عوامل التنشئة اوالبيئة (إهمال او اساءات او مشاكل في الطفوله) هي مش شرط للإصابة بالاضطراب لكن بتخلي الواحد اكثر عرضة للإصابة بيه "risk factors"

-العلاج:
اتقال في الابحاث إن بطرق العلاج المناسبة والمستمرة ،الاعراض بتقل بصورة ملحوظة ..لدرجة ان في ناس مع الوقت والعلاج، مبتنطبقش عليها مقاييس تحديد الاضطراب.. وده يدينا كلنا امل في التعافي❤️
وبما ان الاضطراب مربوط بتصرفات خطر او ايذاء النفس او محاولات انتحار، فالعلاج بيشتغل علي التصرفات دي وبالتالي بتتحسن جودة الحياه. العلاج المتعارف عليه بيكون عن طريق ال Psychotherapy او العلاج بالكلام ..في انواع مختلفة منه بتستخدم ، لكن اهمهم العلاج الجدلي هنكلم عنهم البوست الجاي وعن الطرق اللي نتعامل بيها مع الاضطراب .

Address

Ottawa, ON

Telephone

+14383780799

Website

Alerts

Be the first to know and let us send you an email when العلاج المعرفي السلوكي cbt - كريستينا posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to العلاج المعرفي السلوكي cbt - كريستينا:

Shortcuts

Featured

Share

Category