What are the opening hours?

Monday 11:00 - 17:00 Friday 11:00 - 17:00

https://www.facebook.com/511141596050807/

Dr May Hsu Mon, Lai Chi Kok (2025)

10/12/2025

သွားညှိကုသမှု (Orthodontic Treatment) ခံယူနေစဉ်အတွင်း လူနာများ

🦷 အဓိက ကြုံတွေ့ရသော အဆင်မပြေမှုများ

• သွားများ နာကျင်ခြင်း/ မအီမသာ ဖြစ်ခြင်း (Pain and Soreness):

• သွားညှိကိရိယာ (Braces/Aligners) စတင်တပ်ဆင်ပြီးနောက်၊ သို့မဟုတ် ဝိုင်ယာကြိုးများ ချိန်ညှိပြီး (Adjustment/Activation) ပြီးနောက် ပထမဆုံး ရက်အနည်းငယ် (၁ ရက်မှ ၃-၄ ရက်) အတွင်း အများဆုံး နာကျင်မှု ခံစားရတတ်ပါသည်။

• ဤနာကျင်မှုသည် သွားများ ရွေ့လျားစေရန် ဖိအားပေးမှုကြောင့် ဖြစ်ပြီး ပျော့ပြီး ခဏတာသာ ဖြစ်လေ့ရှိပါသည်။ သို့သော် အချို့သူများတွင် အစားဝါးစားခြင်းနှင့် သွားတိုက်ခြင်းကိုပင် ထိခိုက်စေနိုင်ပါသည်။

• နာကျင်မှု သက်သာစေရန် ဆရာဝန်ညွှန်ကြားသည့် အကိုက်အခဲပျောက်ဆေးများ (ဥပမာ- Paracetamol) ကို သောက်သုံးနိုင်သည်။

• ခံတွင်းတစ်သျှူးများ ပွန်းပဲ့ခြင်း/ အနာဖြစ်ခြင်း (Soft Tissue Lesions):

• Braces ၏ ကွင်းများ၊ ဝိုင်ယာကြိုးများနှင့် ချိတ်များ (Brackets, Wires, Hooks) များသည် ပါးစောင်၊ နှုတ်ခမ်းနှင့် လျှာတို့ကို ပွတ်တိုက်ခြင်း၊ စူးခြင်းတို့ကြောင့် ပါးစောင်နှင့် နှုတ်ခမ်းအတွင်းဘက်တွင် အနာများ ဖြစ်ပေါ်နိုင်ပါသည်။

• ဤအနာများကို သက်သာစေရန် သွားဆရာဝန်မှ ပေးသော ဖယောင်း (Orthodontic Wax) သို့မဟုတ် ဆီလီကွန်များကို ကိရိယာပေါ်တွင် ကပ်နိုင်သည်။

🍽️ စားသောက်မှုနှင့်ဆိုင်သော အခက်အခဲများ

• အစားဝါးစားရခက်ခဲခြင်း (Difficulty Chewing):

• နာကျင်မှုနှင့် မအီမသာဖြစ်မှုကြောင့် အထူးသဖြင့် စတင်တပ်ဆင်ချိန်နှင့် ချိန်ညှိပြီးချိန်များတွင် အစားမာများကို ဝါးစားရန် ခက်ခဲတတ်ပါသည်။

• ထိုကာလတွင် အပျော့စား အစားအစာများ (ဥပမာ- ဆန်ပြုတ်၊ ဂျုံယာဂု၊ နို့ထွက်ပစ္စည်းများ၊ ပေါင်းထားသော ဟင်းသီးဟင်းရွက်များ) ကို စားသုံးရန် လိုအပ်ပါသည်။

• ရှောင်ကြဉ်ရမည့် အစားအစာများ:

• မာကျောသော အစားအစာများ (ဥပမာ- အခွံမာသီး၊ ရေခဲ၊ ပြောင်းဖူးပေါက်ပေါက်) သည် ကိရိယာကို ပျက်စီးစေနိုင်သည်။

• စေးကပ်သော အစားအစာများ (ဥပမာ- ပီကေ၊ တော်ဖီ၊ ကာရမေလ်) သည် ကိရိယာနှင့် သွားများကြားတွင် ကပ်ငြိနေပြီး သန့်ရှင်းရေးလုပ်ရန် ခက်ခဲစေသည်။

🧼 သန့်ရှင်းရေးနှင့် ကျန်းမာရေးဆိုင်ရာ ပြဿနာများ
• သွားသန့်ရှင်းရေး လုပ်ဆောင်ရခက်ခဲခြင်း (Challenging Oral Hygiene):

• Braces များကြောင့် သွားတိုက်ခြင်း၊ သွားကြားထိုးကြိုး (Flossing) သုံးခြင်းသည် ပိုမိုခက်ခဲလာပြီး အချိန်ပိုပေးရန် လိုအပ်ပါသည်။

• စနစ်တကျ သန့်ရှင်းရေး မလုပ်ပါက သွားချေးများ (Plaque) များလာပြီး သွားပိုးစားခြင်း (Cavities) နှင့် သွားဖုံးရောင်ခြင်း (Gingivitis) တို့ ဖြစ်နိုင်ပါသည်။

• ပါးစပ်တွင်း မအီမသာ ခံစားရခြင်း (General Discomfort):

• ခံတွင်းထဲတွင် ကိရိယာတစ်ခု ရှိနေခြင်းကြောင့် ပထမပိုင်းတွင် စကားပြောဆိုရသည်မှာ သို့မဟုတ် တံတွေးများ ပိုထွက်လာခြင်း များ ခံစားရနိုင်ပါသည်။

• ကိရိယာ ပျက်စီးခြင်း (Appliance Damage):

• ကိရိယာမှ ကွင်းကျွတ်ခြင်း၊ ဝိုင်ယာကြိုး ကျိုးခြင်း သို့မဟုတ် ကောက်ခြင်း တို့ ဖြစ်ပေါ်နိုင်ပြီး ၎င်းကို ပြင်ရန် ဆရာဝန်ထံ အချိန်မီ ပြသရန် လိုအပ်ပါသည်။

သွားညှိကုသမှု ခံယူနေစဉ် ကာလတစ်လျှောက်လုံးတွင် အဆင်မပြေမှုများကို တတ်နိုင်သမျှ လျော့ချနိုင်ရန်အတွက် သွားဆရာဝန်၏ ညွှန်ကြားချက်များကို တိကျစွာ လိုက်နာရန်နှင့် ပုံမှန်ပြသရန် အရေးကြီးပါသည်။

သွားနှင့်ခံတွင်း ကျန်းမာရေး ဗဟုသုတများ ပိုမို သိရှိဖို့ အတွက် Like and Follow လုပ်ထားဖို့ မမေ့ပါနဲ့ နော်..

09/12/2025

😁 သွားပိုးစားခြင်း (Carious Cavities) ရှိသူများအတွက် နေ့စဉ်သွားနှင့်ခံတွင်းထိန်းသိမ်းနည်းများ

သွားပိုးစားခြင်းဝေဒနာ ခံစားနေရသူများအတွက် နေ့စဉ်လိုက်နာသင့်တဲ့ သွားနှင့်ခံတွင်း ကျန်းမာရေး ထိန်းသိမ်းနည်းအကြံပြုချက်များကတော့ အောက်ပါအတိုင်း ဖြစ်ပါတယ်။

၁။ ပုံမှန်သွားတိုက်ခြင်းနှင့် သွားကြားရှင်းလင်းခြင်း (Brushing and Flossing)

• တစ်နေ့နှစ်ကြိမ် သွားတိုက်ပါ: ဖလိုရိုက်ပါဝင်သော သွားတိုက်ဆေး (fluoride toothpaste) ကို အသုံးပြုပြီး မနက်တစ်ကြိမ်၊ ညအိပ်ရာမဝင်မီတစ်ကြိမ် အနည်းဆုံး (၂) မိနစ်ခန့် သွားတိုက်ပါ။

• သွားကြားရှင်းလင်းပါ: တစ်နေ့တစ်ကြိမ် သွားပိုးစားလွယ်သော သွားကြားများမှ အစာစများနှင့် ချပ်လွှာများကို ဖယ်ရှားရန် သွားပွတ်ကြိုး (dental floss) သို့မဟုတ် သွားကြားဖြီး (interdental brush) ကို အသုံးပြုပါ။

• လျှာကိုတိုက်ပါ: လျှာပေါ်ရှိ ဘက်တီးရီးယားများကို ဖယ်ရှားရန် လျှာပွတ်တံ (tongue scraper) သို့မဟုတ် သွားတိုက်တံဖြင့် လျှာကို ညင်သာစွာ တိုက်ပေးပါ။
• သွားတိုက်တံလဲပါ: သွားတိုက်တံကို ၃ လမှ ၄ လတစ်ကြိမ် သို့မဟုတ် အမွေးများ ပျက်စီးသွားပါက ပိုစော၍ လဲလှယ်ပါ။

၂။ အစားအသောက်နှင့် သောက်စရာများ (Diet and Drinks)

• သကြားဓာတ်နှင့် အချဉ်ဓာတ် လျှော့ချပါ: သကြားပါဝင်သော အစားအစာများ၊ သကြားပါသော ဖျော်ရည်များ၊ အချိုရည်များနှင့် အချဉ်ဓာတ်များသော သစ်သီးဖျော်ရည်များကို လျှော့စား/လျှော့သောက် ပါ။ ၎င်းတို့သည် သွားပိုးစားစေသော ဘက်တီးရီးယားများအတွက် အစာဖြစ်စေသည်။

• အစာစားပြီးလျှင် ပါးစပ်ဆေးပါ: အစားအစာ စားပြီးနောက် သို့မဟုတ် အချိုရည် သောက်ပြီးနောက် ရေဖြင့် ပလုပ်ကျင်းပေးပါ။ ဖြစ်နိုင်လျှင် သွားပြန်တိုက်ပါ။

• ရေများများသောက်ပါ: ရေသောက်ခြင်းက အစာစများနှင့် ဘက်တီးရီးယားများကို ဆေးကြောဖယ်ရှားပေးပြီး သွားများကို ကာကွယ်ပေးသည့် တံတွေး (saliva) ထွက်ရှိမှုကို အားပေးပါသည်။

• မကြာခဏ မစားပါနှင့် (Limit Snacking): အဓိက အစာစားချိန်များကြားတွင် မကြာခဏ အစာစားခြင်း သို့မဟုတ် အချိုရည်သောက်ခြင်းကို ရှောင်ပါ။

၃။ သွားဆရာဝန်နှင့် ပြသခြင်း (Dental Visits)

• ပုံမှန်စစ်ဆေးပါ: သွားနှင့်ခံတွင်းကို ပုံမှန်စစ်ဆေးခြင်းနှင့် သန့်ရှင်းရေးလုပ်ရန် သွားဆရာဝန်နှင့် (၆) လတစ်ကြိမ် သို့မဟုတ် သွားဆရာဝန် ညွှန်ကြားသည့်အတိုင်း သွားရောက်ပြသပါ။

• လိုအပ်သောကုသမှု ခံယူပါ: သွားပိုးစားနေပါက ပိုမဆိုးရွားစေရန် သွားဖာခြင်း (filling) ကဲ့သို့သော ကုသမှုများကို အချိန်မီ ခံယူပါ။

• ဖလိုရိုက်နှင့် သွားဖုံးကာကွယ်ဆေး (Fluoride and Sealants): သွားဆရာဝန်မှ ညွှန်ကြားပါက သွားများ ပိုမိုခိုင်မာစေရန် ဖလိုရိုက်ကုသမှုများ သို့မဟုတ် သွားမျက်နှာပြင် ကာကွယ်ဆေး (dental sealants) များ လိမ်းခြင်းကို စဉ်းစားပါ။

ဤအကြံပြုချက်များသည် သွားပိုးစားခြင်းကို ထိန်းချုပ်ရန်နှင့် နောက်ထပ်မဖြစ်ပွားအောင် ကာကွယ်ရန် အရေးကြီးပါသည်။

သင့်အနေနဲ့ ဖလိုရိုက်ပါတဲ့ သွားတိုက်ဆေးကို ဘယ်လိုရွေးချယ်သင့်တယ် ဆိုတာကို သိချင်ပါသလား….😍

Like & Follow လုပ်ထားရင်တော့ ဒီလိုစာလေးတွေ Video လေးတွေနဲ့ ဆက်လက် ပြောပြပေးသွားမှာပါ…

05/12/2025

လူကြီးသွားတွေ စ ပေါက်တဲ့ အရွယ်….
သွားနှင့်ခံတွင်း သန့်ရှင်းရေး အထူးအလေးပေးရမည့် အရွယ်…

05/12/2025

လူကြီးသွားတွေ စ ပေါက်တဲ့ အရွယ်….
သွားနှင့်ခံတွင်း သန့်ရှင်းရေး အထူးအလေးပေးရမည့် အရွယ်…

30/11/2025

သားသားမီးမီးတို့ရဲ့ သွားလေးတွေ ဘယ်အချိန်မှာ ပေါက်တာလဲ❓❓❓

ကလေးငယ် အများစုကတော့ အသက် ၆ လ ဝန်းကျင်မှာ သူတို့ရဲ့ ပထမဆုံးသွားလေးတွေ ပေါက်လာပါတယ်။

သွားစပေါက်လာပြီ ဆိုတာနှင့် ဖေဖေ မေမေတို့က မိမိတို့ရင်သွေးငယ်လေးတွေရဲ့ သွားလေးတွေကို သန့်ရှင်းရေးလုပ်ပေးဖို့ လိုအပ်ပါတယ်။အဓိကအားဖြင့် ညဘက် အိပ်ရာဝင်ခါနီးမှာ လက်မှာစွပ်တဲ့ brush လေးသုံးပြီး သန့်ရှင်းရေးလုပ်ပေးပါ။သွားဖုံးနှင့် လျှာကိုလည်း အဝတ်စိုလေးဖြင့်ပွတ်ပြီး သန့်ရှင်းရေလုပ်ပေးဖို့ မမေ့ပါနဲ့။

ကလေးသွားလေးတွေရဲ့ သွားပေါက်လာချိန်လေးတွေကတော့(အောက်မှာ ပုံလေးနဲ့ ပြထားပါတယ်)

၆ လ မှ ၁၂ လ
အရှေ့အောက်သွားလေး ၂ ချောင်း အရှေ့အပေါ်သွားလေး ၂ ချောင်း စုစုပေါင်း ၄ ချောင်း

၉ လ မှ ၁၆ လ( ၁ နှစ် ၄ လ)
အပေါ်ရှေ့သွား ၄ ချောင်း အောက် ရှေ့သွား ၄ ချောင်း စုစုပေါင်း ၈ ချောင်း

၁၃ လ(၁ နှစ် ၁ လ)မှ ၁၉ လ(၁ နှစ် ရ လ)
ပထမ အံသွားလေးတွေ အပေါ်အောက် ဘယ်ညာ ထွက်လာပြီး စုစုပေါင်း ၁၂ ချောင်း

၁ရ လ(၁ နှစ် ၅ လ)မှ ၂၃ လ(၁ နှစ် ၁၁ လ)
အပေါ်အောက် ဘယ်ညာက စွယ်သွားလေး ၄ ချောင်းထပ်ထွက်လာပြီး စုစုပေါင်း ၁၆ ချောင်း

၂၃ လ(၁ နှစ် ၁၁ လ)မှ ၃၃ လ( ၂ နှစ် ၉ လ)
အပေါ်အောက်ဘယ်ညာက ဒုတိယ အံသွားလေး ၄ ချောင်း ထွက်လာပြီးရင်တော့ စုစုပေါင်းသွား အချောင်း၂၀ ဖြင့် ငယ်သွားပေါက်ခြင်းကပြီးပြည့်စုံသွားပါပြီ။

ကလေးတွေ သွားထွက်လာခါနီးရင် သားရည်ကျတတ်ပါတယ်။တွေ့ကရာ အရုပ် ပစ္စည်း စသဖြင့် ယူပြီး ကိုက်ပစ်တတ်တာမို့ ဖေဖေ မေမေတို့က သတိထားပေးပါ။မသန့်ရှင်းတာတွေ ကလေးက ကိုက်မိမှာ စိုးရိမ်ရတဲ့အတွက် ကလေးကိုက်ဖို့ teething toys လေးတွေ ဝယ်ထားပြီး သန့်ရှင်းအောင်ထားပြီးမှ ကလေးကို ပေးပါ။။ကလေးက ဂျီကျမယ် ၊သိပ်ရတာ ခက်မယ် ၊အစားအစာ ကျွေးရတာ ခက်မယ် စသဖြင့် ကြုံရတတ်တာမို့ ဖေဖေ မေမေတို့က စိတ်ရှည်ပေးဖို့ လိုပါတယ်။

တချို့ကလေးငယ်လေးတွေမှာ မွေးကတည်းက သွားလေးတွေပေါက်လျက်သား ပါလာတတ်ပါတယ်။ ကြောက်စရာ မလိုသလို စိုးရိမ်စရာလည်း မလိုပါ။ဖြစ်လေ့ဖြစ်ထလည်း ရှိပါတယ်။ပုံမှန်ပါပဲ။ဟိုးးအရင် မဖွံ့ဖြိုးသေးတဲ့ ကာလတွေတုန်းကတော့ ဒီလိုသွားလေးတွေနဲ့ ကလေးလေး မွေးလာခဲ့ရင် ဘီလူးလေး အကျိုးမပေးဘူး ဆိုပြီး မိဘ ဆွေမျိုးတွေကငြိုငြင်တတ်ကြပါတယ်။အခုခေတ်မှာတော့ ဒီလိုအယူအဆတွေ မရှိကြတော့ပေမယ့် ဖြစ်တတ်တာလေးတွေကို ဗဟုသုတအနေနဲ့ ဖော်ပြပေးတာပါ။

တချို့ကလေးငယ်လေးတွေမှာတော့ အသက် ၈ လ ၁ နှစ် ဝန်းကျင်မှ သွားလေးတွေ စတင်ပေါက်လာတာမျိုးလည်း ဖြစ်တတ်ပါတယ်။သွားပေါက်နောက်ကျတဲ့ သဘောမျိုးပါ။လအနည်းငယ် နောက်ကျတာက စိတ်ပူစရာမလိုပေမယ့် ကလေးအသက် ၁ နှစ်ခွဲ အထိ သွားထွက်မလာသေးရင်တော့ သွားဆရာဝန်နဲ့တိုင်ပြသဖို့ လိုအပ်လာပါပြီ။ကလေး သွားပေါက် နောက်ကျခြင်းက
(၁)မိဘ မျိုးရိုးလိုက်ခြင်း
(၂)ကလေးငယ်ရဲ့ သွားနဲ့မေးရိုးဆိုင်ရာ ဖွံ့ဖြိုးမှုပြဿနာ
(၃)Vitamin D ချို့တဲ့ခြင်း
(၄)Down’s Syndrome လို့ခေါ်တဲ့ပြဿနာရှိနေခြင်း
တို့ကြောင့် ဖြစ်နိုင်တဲ့အပြင် ပထမဆုံးသွားပေါက်နောက်ကျတာနဲ့ နောက်ကပေါက်လာမယ့် သွားလေးတွေပါ နောက်ကျသွားပြီး သွားနှင့်ခံတွင်း ပြဿနာတွေပိုမိုဖြစ်ပေါ်လာစေတာမို့ သတိထားဖို့ လိုအပ်ပါတယ်။

ကလေးရဲ့ သွားနှင့်ခံတွင်း ကျန်းမာရေး အတွက် အသက် ၁ နှစ် ဝန်းကျင်မှာ သွားနှင့်ခံတွင်းဆေးခန်းကို သွားရောက် ပြသတိုင်ပင်ဆွေးနွေးကြဖို့ တိုက်တွန်းချင်ပါတယ်။

Dr May Hsu Mon

ကလေးများအတွက် အခြားသော သွားနှင့်ခံတွင်းကျန်းမာရေး အကြောင်းအရာများ ပိုမိုသိချင်ရင် page ထဲမှာ ဝင်ရောက် ဖတ်ရှုပါ လို့။

မိမိရဲ့မိတ်ဆွေများကို share လေးနှိပ်ပြီး ပြန်လည် မျှဝေခြင်းဖြင့် ကူညီပေးလို့ရပါတယ်နော်။

28/11/2025

သွားကိုက်ရာက ပါးယောင် ပြီး ဒီတိုင်းထားမယ်ဆိုရသ် ပါးပေါက်နာ ဖြစ်သွာရတတ်ပါတယ်..ဒီလိုတွေမဖြစ်ရအောင် အဆုံးထိကြည့်ပါ..

27/11/2025

G6PD Deficiency
(၆ ) နှစ်အထက် ကလေးများအတွက်
သွားတိုက်ဆေး
ဘယ်လိုရွေးမလဲ??

23/11/2025

သွားတိုက်ဆေးကို ကလေး ဘယ်အရွယ်မှာ စ သုံးပေးရမလဲ❓❓❓❓

ဒီမေးခွန်းကိုမဖြေခင် ဘယ်အရွယ်မှာ ခံတွင်းသန့်ရှင်းရေး စလုပ်ပေးမလဲ ဆိုတဲ့ မေးခွန်းဆီ ပြန်သွားကြရအောင်ပါ။

အရင်ပိုစ့်တွေမှာ ရေးခဲ့ဖူးသလို ဒီမှာလည်း ထပ်ရေးပါဦးမယ်။

ကလေးငယ်လေးတွေဟာ မွေးကင်းစအရွယ်မှာ စပြီး မိခင်နို့ သို့မဟုတ် နို့ဘူးစို့ကြတာမို့ ညအိပ်ရာဝင်ခါနီးအချိန်မှာ အဓိကထားပြီး ခံတွင်းသန့်ရှင်းရေး လုပ်ပေးဖို့ လိုပါတယ်။

မွေးကင်းစအရွယ်မှာ သွားတွေမရှိသေးလို့ သွားတိုက်ပေးဖို့ မလိုပေမယ့် သွားဖုံးနဲ့ အာခံတွင်းထဲမှာ ကပ်နေတဲ့ နို့အကြွင်းအကျန်တွေကို အဝတ်ရေစိုသန့်သန့်ကို ရေကြက်သီးနွေးလေးနဲ့ မေမေ့လက်မှာ စွပ်ပြီး သန့်ရှင်းရေးလုပ်ပေးရပါမယ်။

၆ လအရွယ်မှာ ငယ်သွားလေးတွ စပေါက်လာပြီမို့လို့ လက်မှာ စွပ်တဲ့ brush လေးတွေနဲ့ တိုက်ပေးရပါမယ်။

သွားတိုက်ဆေးကိုတော့ များသောအားဖြင့် ကလေးအသက် ၁ နှစ်ဝန်းကျင်မှာ စတင်သုံးပေးလို့ ရပါပြီ။

အသက် ၃ နှစ်အောက် အရွယ် ကလေးတွေအတွက် ဆိုလျှင် ကလေးများအတွက် သီးသန့်ထုတ်ထားတဲ့ Fluoride ပါတဲ့ သွားတိုက်ဆေးကို ဆန်စေ့ တစ်စေ့စာခန့် သုံးပေးပါ။

ကလေးငယ်လေးတွေဟာ သွားတိုက်ဆေးကို ထွေးမထုတ်တတ်တာကြောင့် သွားတိုက်ဆေးကို မြိုချမိနိုင် လို့ ကလေးသွားတိုက်ဆေး မဖြစ်မနေ သုံးပါ။

ဒီအရွယ်လေးတွေ သွားတိုက်ဖို့အတွက် ဖေဖေ မေမေတို့က တိုက်ပေးရင်းနဲ့ သားသားမီးမီးတို့ သွားတိုက်တတ်လာအောင် လေ့ကျင့်ပေးပါ။

၃ နှစ်အရွယ်(သွားတိုက်ဆေးကို ပြန်ထွေးထုတ်တတ်တဲ့အရွယ်)က စလို့၆ နှစ်အရွယ်ထိ (Fluoride ပါ သို့မဟုတ် Fluoride မပါတဲ့) သွားတိုက်ဆေးကို စားတော်ပဲစေ့ တစ်စေ့စာခန့် သုံးပေးပါ။(မပိုပါစေနဲ့)

ကလေးအသက် ၆ နှစ်အရွယ်က စလို့ ကလေးများအတွက် သင့်တော် လုံလောက်တဲ့ သွားတိုက်ဆေး ပမာဏကို အသုံးပြုလို့ရပါပြီ။

ဖေဖေ မေမေတို့ကို မှာချင်တာကတော့ မိမိတို့ ရင်သွေးငယ်များအတွက် ကလေးများအတွက် သီးသန့်ထုတ်ထားတဲ့ သွားတိုက်ဆေးကိုသာ အသုံးပြုပေးပါနော်။မပိုပါစေနဲ့ လို့။

တနေ့ကို ၂ ကြိမ် သွားတိုက်ပေးဖို့ မမေ့ပါနဲ့နော်။ညအိပ်ရာဝင်ခါနီးမှာ အဓိကထား ပြီးတိုက်ပေးပါ။

သွားတိုက်ဆေးတွေထဲကမှ ကလေးများအတွက် ဘယ်လိုသွားတိုက်ဆေးကို ရွေးချယ်ပေးရမလဲ❓❓❓

ဖလိုရိုဒ်(Fluoride) ပါတဲ့ သွားတိုက်ဆေးကို သုံးသင့် မသင့်❓❓❓ဆိုတာလေးတွေနဲ့ ပတ်သတ်လို့ ရေးပေးပါဦးမယ်။

Dr.May Hsu Mon

ကလေးများအတွက် အခြားသော သွားနှင့်ခံတွင်းကျန်းမာရေး အကြောင်းအရာများ ပိုမိုသိချင်ရင် page ထဲမှာ ဝင်ရောက် ဖတ်ရှုပါ လို့။

မိမိရဲ့မိတ်ဆွေများကို share လေးနှိပ်ပြီး ပြန်လည် မျှဝေခြင်းဖြင့် ကူညီပေးလို့ရပါတယ်နော်။

Reference photo from google

02/11/2025

ကျန်းကျန်းမာမာနဲ့ ချစ်ရတဲ့သူတွေနဲ့ အကြာကြီးတူတူရှိနေဖို့ ရွေးချယ်မှု မှန်ကြပါစေ…
゚viralシfypシ゚viralシalシ

29/10/2025

ကွမ်း ကွမ်းသီး ထုံး တို့ရဲ့ အကျိုး အပြစ်တွေက ဘာတွေလဲ..??
゚viralシfypシ゚viralシalシ

24/10/2025

ကွမ်းယာစားမယ်ဆို ဒီအချက်တွေ သိထားဖို့လိုပါတယ်… #ခံတွင်းကင်ဆာ ゚viralシfypシ゚viralシalシ

Dr May Hsu Mon

10/12/2025

09/12/2025

05/12/2025

05/12/2025

30/11/2025

28/11/2025

27/11/2025

23/11/2025

02/11/2025

29/10/2025

24/10/2025

Address

Opening Hours

Website

Alerts

Contact The Practice

Shortcuts

Share