የኛ ጤና/ Our Health

07/02/2023

ሶሻል ፎቢያ (Social phobia)
---------------------------------------
ሶሻል ፎቢያ ያለባቸው ሰዎች ሌሎች ሰዎች ባሉበት ዘና ማለት አይችሉም፡፡ ሌሎች ሰዎች የእነሱን ንግግር ወይም ድርጊት የሚገመግሙና የሚተቹ ስለሚመስላቸው ይፈራሉ፡፡ስህተት እንዳይሰሩና እንዳይዋረዱ ስለሚፈሩ ዘና ብለው እንደሚፈልጉት ከሰዎች ጋር መጫወት ይከብዳቸዋል ፡፡

አብዛኛው ሰው ካልለመደው ሰው ጋር ሲሆን የአለመመቸት ስሜት ይፈጠርበታል፡፡ ሶሻል ፍቢያ ሲሆን ግን ፍርሀቱ በጣም የበዛ ይሆናል፡፡ ሶሻል ፎቢያ ያለባቸው ሰዎች አብሯቸው ያሉ ሰዎች ሲጫወቱ ፣ሲስቁ ፣ሲያወሩ እነሱ መሣተፍ ስለማይችሉ ብቸኝነት ይሰማቸዋል፡፡
ብቻቸውን ግን አይደሉም፡፡ ከአስር ሰው አንዱ ተመሣሣይ ሁኔታ ውስጥ ነው፡፡ ነገ መንገድ ላይ ሲሄዱ አስር ሰዎች ይቁጠሩ ከዛ ውስጥ አንዱ ሶሻል ፍቢያ አለበት/አለባት፡፡

የሶሻል ፎቢያ ምልክቶች በጥቅቱ፦

-ከቤት ውጪ ምግብ ባይበሉ ይመርጣሉ፡፡ለብቻቸው ሬስቶራንት ገብተው፣ ባዶ ጠረጴዛ ፈልገው፣ 'ያ ሁሉ ሰው' እያያቸው መመገብ ይከብዳቸዋል፡፡
-ዝግጅቶች ላይ በግድ ነው የሚገኙት (እሱንም ከተገኙ!)-እስከቻሉት ድረስ ምክኒያት ፈጥረው ለመቅረት ይሞክራሉ፡፡
-በአብዛኛው የድካም ስሜት ይሰማቸዋል፡፡
-ሰዎች ሲሰበሰቡ ከመጨነቅ ጋር ተያይዞ ልብ ቶሎ ቶሎ መምታት፣ ትንፋሽ ቁርጥ-ቁርጥ ማለት፣ ማላብ
- ነገሮች እጅግ አስከፊ ሊሆኑ እንደሚችሉ በማሰብ መጨናነቅ ፣እንቅልፍ ማጣት
- የፍቅር ቀጠሮች ላይ (በተለይ የመጀመሪያዎቹ ላይ) ምን እንደሚባል አለማወቅ...

ከላይ የተዘረዘሩትን ሶሻል ፎቢያ ያለባቸው ሰዎች ይረዱታል፡፡ ሌሎች ግን ቀለል አድርገው ሊያዩት ይችላሉ፡፡ ሶሻል ፎቢያ ተማሪዎች እውቀት እያላቸው ጥሩ ውጤት እንዳይኖራቸው፤ ሰራተኞች ችሎታ እያላቸው የሚገባቸውን እድገት እንዳያገኙ፣ እንዲሁም ለሚወዱት ሰው ፍቅራቸውን መግለፅ እንዳይችሉ ያደረጋል፡፡

ሶሻል ፎቢያን ማሸነፍ ይቻላል ነገር ግን ትዕግስትና ቁርጥኝነት ይጠይቃል፡፡

በራሳችን ልናደረግ የምንችለው
1. ሀሣብን መገምገም፦ በሶሻል ፎቢያ የሚቸገሩ ሰዎች ጭንቀትን የሚያባብሱ ሀሳቦች አላቸው፡፡
ለምሳሌ ፡- ፡"እንደ ሞኝ መቆጠሬ አይቀርም፡፡" "መናገር ስጀምር ድምፄ ይንቀጠቀጥና ራሴን አዋርዳለሁ፡፡ " "አንደፈራሁ ሰዎች ያውቁብኛል፡፡" እነዚህን ሀሣቦች መገመገምና መሞገት ጭንቀቱን ይቀንሣል፡፡
2. ከሰዎች ጋር ሲሰበሰቡ ሌሎች ላይ ማተኮር፤ በራስ ጭንቀት ከመጠመድና ፍርሃትን ስለመሸፈን ከመጨነቅ ሌሎች ሰዎች የሚያደርጉትና የሚናገሩት ነገር ላይ ማተኮር ጭንቀትን ይቀንሳል ፡፡ ሰዎች በአብዘኛው የሚያስቡት ስለራሳቸው ስለሆነ የሚገምተውን ያህል መፍራታችንም አያውቁም፡፡
3. አተነፋፈስን ማስተካከል - በፍርሃት ጊዜ በአብዛኛው ከላይ-ከላይና ቶሎ-ቶሎ ነው የሚተነፈሰው ፡፡ ይህ ጭንቀትን ያባብሳል ፡፡- በቀስታ በጥልቀት መተንፈስ ረጋ ያለ ስሜትን ይፈጥራል ፡፡
4. አነቃቂ ነገሮች የጭንቀት ስሜትን ስለሚያባብሱ እነሱን መቀነስ፡፡
እነዚህ ተደረገው አሁንም ስሜቱ ካለ የህክምና እርዳታ ያስፈልገዋል፡፡

ያለ አእምሮ ጤና፤ ጤና የለም!!!
ዶ/ር ዮናስ ላቀው

31/01/2023

✍️ የአይረን እጥረት የደም ማነስ መንስኤዎች,ምልክቶች እና ቅድመ ጥንቃቄ

➥ የደም ማነስ የሚከሰተው በቀይ የደም ሴሎች ውስጥ ያለው የሂሞግሎቢን መጠን ሲቀንስ ነው። ሄሞግሎቢን በቀይ የደም ሴሎቻችሁ ውስጥ ኦክስጅንን ወደ ቲሹዎቻችሁ የመሸከም ሃላፊነት ያለው ፕሮቲን ነው።
➥ የብረት እጥረት የደም ማነስ በጣም የተለመደው የደም ማነስ አይነት ነው. ይህ የሚከሰተው ሰውነታችሁ ሄሞግሎቢንን ለማምረት የሚያስችል በቂ ብረት ከሌለው ነው. በደማችሁ ውስጥ በቂ ብረት በማይኖርበት ጊዜ, የተቀረው የሰውነታችሁ አካል የሚያስፈልገውን የኦክስጅን መጠን ማግኘት አይችልም.
➥ የብረት እጥረት የደም ማነስ ደም በቂ ጤናማ ቀይ የደም ሴሎች የማጣት ሁኔታ ነው. ቀይ የደም ሴሎች ኦክስጅንን ወደ ሰውነት ሕብረ ሕዋሳት ያደርሳሉ። በቂ አይረን ከሌለ ሰውነታችሁ በቀይ የደም ሴሎች ውስጥ ኦክስጅንን (ሄሞግሎቢን) እንዲሸከሙ የሚያስችል በቂ ንጥረ ነገር ማመንጨት አይችልም። በዚህ ምክንያት የብረት እጥረት የደም ማነስ ድካም እና የትንፋሽ እጥረት ሊፈጥር ይችላል. ብዙውን ጊዜ የአይረን እጥረት የደም ማነስን በአይረን ማሟያ ማስተካከል ይቻላል.

✍️ ምልክቶች

➥ የብረት እጥረት የደም ማነስ ምልክቶች፦ ከፍተኛ ድካም, የገረጣ ቆዳ, የደረት ሕመም, ፈጣን የልብ ምት ወይም የትንፋሽ እጥረት, ራስ ምታት, ማዞር, የእጅ እና እግሮች መቀዝቀዝ, የምላስዎ እብጠት ወይም ህመም, የሚሰባበሩ ጥፍሮች, እንደ በረዶ፣ ቆሻሻ ወይም ስታርች ያሉ ምግብ ላልሆኑ ነገሮች ፍላጎት መኖር እና ደካማ የምግብ ፍላጎት በተለይም በጨቅላ ህጻናት

✍️ መንስኤዎች

1, ደም ማጣት/መፍሰስ
2, በአመጋገባችሁ ውስጥ የብረት እጥረት ካለ
3, ሰውነታችሁ ብረትን መምጠጥ/መውሰድ ሳይችል ሲቀር
4, እርግዝና

✍️ በአይረን እጥረት የደም ማነስ የሚከሰቱ ውስብስብ ችግሮች

1, የልብ ችግሮች ይከሰታል
2, በእርግዝና ወቅት የሚከሰቱ ችግሮች
3, የእድገት ችግሮች

✍️ የአይረን እጥረትን መከላከያ መንገዶች

➥ በብረት የበለጸጉ ምግቦችን በመምረጥ የብረት እጥረት የደም ማነስ አደጋን መቀነስ ትችላላችሁ። በብረት የበለጸጉ ምግቦች የምንላቸው፦ ቀይ ስጋ, የአሳማ ሥጋ እና ዶሮና የዶሮ ተዋፅኦዎች,አሶች, ባቄላ, እንደ ስፒናች ያሉ ጥቁር አረንጓዴ ቅጠላማ አትክልቶች,ዘቢብ እና አፕሪኮት ያሉ የደረቁ ፍራፍሬዎች, ዳቦዎች እና ፓስታዎች እና አተር በአይረን የበለፀጉ ምግቦች ናቸው። ማወቅ ያለባችሁ ሰውነታችሁ ከሌሎች ምንጮች ይልቅ ከስጋ ብዙ አይረንን ይወስዳል። በተጨማሪም ሰውነታችሁ አይረንን በደንብ እንዲስብ አንድ ላይ በቫይታሚን ሲ የበለፀጉ ምግቦችን ተመገቡ።

https://www.facebook.com/የኛ/ Our Health

👉 ምንንጪ፡- 👇👇👇
https://t.me/+UbojqWNhpSZ01_-m

22/01/2023

Epilepsy / የሚጥል በሽታ
የሚጥል በሽታ ከአንድ ግዜ በላይ በተደጋጋሚ የሚከሰት የነርብ መታወክ በሽታ ነዉ፡፡ የሚጥል በሽታ በሚነሳበት ግዜ የሚታዩ የተለያዩ ምልክቶች ያሉ ሲሆን ብዙዉን ጊዜ ከሚያጋጥሙት ምልክቶች ዉስጥ በድንገት ራስን መሳት፣ ሰዉነትን የማንቀጥቀጥ ወይንም ማርገፍገፍ፣ መግተርተር፣ ምራቅ መዳፈቅና አይንን መገልበጥ እንዲሁም አንዳንድ ሰዎች ላይ ግዚያዊ ሽንት እና ሰገራ መቆጣጠር አለመቻል ሊያጋጥም ይችላል፡፡ የሚጥል በሽታ በማንኛውም ዕድሜ ያለ ሰው ላይ ሊከሰት የሚችል ሲሆን በጣም ጥቂት ሰዎች ላይ በዘር የመተላለፍ እድል አለዉ፡፡ የሚጥል በሽታ ከሰዉ ወደ ሰዉ በትንፋሽም ሆነ በንክኪ አይተላለፍም።

የሚጥል በሽታ የሚቀሰቅሱ እና የሚያባብሱ ነገሮች፡-
👉የእንቅልፍ ስዓት መዛባት
👉አልኮል አብዝቶ መጠጣት
👉ከፍተኛ የዓእምሮ ጭንቀት
👉የሰዉነት አካላዊና ዖታዊ ጥቃት
👉ሴቶች ላይ የወር አበባ መምጣት ጋር ተያይዞ መከሰት
👉አንዳንድ ለየትያሉ እንደየሰዉ የሚለያዩ ድምዖች ወይንም ሽታዎች እንዲሁም አንጸባራቂ ብርሃን እና ደማቅ የሆነ ብርሃን መርገብገብ አልፎአልፎ አንዳንድ ሰዎች ላይ ምልክቶቹን ሲቀሰቅሱ ይታያል
👉የሚጥል በሽታ መቆጣጠርያ መድሃኒት የሚወስዱ ሰዎች መድሃኒቱን ማቋረጥ ወይም በአግባቡ አለመዉሰድ በብዛት ከሚጠቀስና ዋነኛ በሽታዉን ከሚቀሰቅሱ ምክንያቶች ዉስጥ ይጠቀሳል፡፡
የሚጥል በሽታ የተነሳበት ሰዉ በሚያጋጥመን ግዜ ማንኛዉም ሰዉ ሊያዉቀዉ የሚገባ እና ሊያደርጋቸው የሚገባቸው ነገሮች፡-
👉እራስን በማረጋጋት በአካባቢዉ የሚገኝ ሊያግዝዎት የሚችል ሰዉ እርዳታ መጥራት
👉በአካባቢው ታማሚውን ሊጎዳው የሚችሉ እቃዎችን ማራቅ በተለይም ስለታማ የሆኑ ነገሮችን፣ ሊሰበሩ የሚችሉ እና የሚያቃጥሉ ወይንም ከኤሌክትሪክ ጋር የተያያዙ ነገሮችን ማራቅ ።
👉ከረባት ካለዉ እና የተወጣጠረ ልብሶች ታማሚዉ ለብሶ ከሆነ ማላላት
👉በግራ ጎኑ ማስተኛት (ይህም የታማሚው ምላስ የአየር ትቦዉን እንዳይዘጋው እንዲሁም የሚዳፍቅ ወይንም ሽቅብ የሚለው ከሆነ ወደ ሳንባው እንዳይገባና ኢንፌክሽን እንዳይፈጥር ያግዛል።)
👉ቀኝ እጁን እንዲንተራሰዉ ማድረግ ይህም ራሱ እና አንገቱ እንዳይጎዳ ይረዳዋል
👉የታማሚዉን ግንጭል ከፍ ማድረግ እና አፉን ወደ ጎን እና ወደ ታች ማዞር (ይህም የአየር መተንፈሻ ትቦዉን ክፍት እንዲሆን ያግዘዋል።)
👉እግሩን ማጠፍ እና መደረብ (ይህን ማድረግ እግሩ እንዲቆለፍና ታማሚውን ባለበት ተረጋግቶ እንዲጋደም ይረዳል)
👉የጣለበትን እና ሚያንቀጠቅጠዉን የሰዓት እርዝማኔ መከታተል
👉በሽተኛዉ እስከሚያገግም ድረስ ከጎኑ በመቀመጥ መከታተል

መደረግ የለለባቸዉ ነገሮች፡-
👉ምንም አይነት ነገር አፉ ዉስጥ ለማስገባት መሞከር አያስፈልግም (በተለይም ሊሰበሩ የሚችሉ ነገሮችን በጥርስ ለማስያዝ መሞከር ፈሳሽ ነገር ለማጠጣት መምከር) ለሌላ ከፍተኛ ጉዳት በሽተኛዉን ሊያጋልጠዉ ስለሚችል ማድረግ አያስፈልግም፡፡
👉የወደቀበት ቦታ ለሌላ ከፍተኛ አደጋ እንደማይጋልጥ ካረጋገጥን ወደሌላ ቦታ አለማንቀሳቀስ ወይም አለመጎተት (ባለበት ቦታ እርዳታዉን መስጠት)
👉በሚንቀጠቀጥበት ግዜ እንዳይንቀሳቀስ ወጥረው መያዝ አያስፈልግም (ይህም በሽተኛውን ለእጅና እግር ስብራት ሊያጋልጠዉ ስለሚችል እንዳያደርጉት ይመከራል)
👉ክብሪት አጭሶ ለማሽተት መሞከር (በተለምዶ የሚደረግ) በሽተኛዉ እንዲነቃ ለማድረግ ምንም ጥቅም የለለዉ ሲሆን በሽተኛዉ የሚያንቀጠቅጠዉ ክስተት ሲያልፍ በራሱ ይነቃል

አንቡላንስ መጥራትና ወደ ሃኪም ቤት መዉሰድ ያለብን መቼ ነው?
👉ከ 5 ደቂቃ በላይ ማንቀጥቀጡ የሚቀጥል ከሆነ
👉ታማሚዉ በመሃል ሳይነቃ ከአንድ ግዜ በላይ በተደጋጋሚ ማንቀጥቀጥ ከተከሰተ
👉ታማሚዉ በሚወድቅበት ግዜ ጉዳት ከደረሰበት
👉ታማሚዉ ለመተንፈስ ከተቸገር
👉ታማሚዋ ነብሰጡር ከሆነች
👉የማንቀጥቀጥ ክስተቱ የደረሰዉ ታማሚዉ ዉሃ ዉስጥ እያለ ከነበረ
👉ከ 10 ደቂቃ በኋላ ወደ ቀድሞ ሁኔታው መመለስ እና አካባቢዉን መለየት ካልቻለ

የሚጥል በሽታ ያላቸው ሰዎች ሊያደርጓቸው የሚችሉ ጥንቃቄዎች መካከል፡-
👉መኪና ወይም ሞቶር ሳይክል በሽታዉን መቆጣጠራቸዉን በሃኪም ሳያረጋግጡ እንዲያሽከረክሩ አይመከርም
👉ከፍታ ያላቸው ቦታዎች ለምሳሌ ዛፍ፣ መሰላል እና የመሳሰሉት ላይ ጥንቃቄ እንዲያደርጉ ይመከራል
👉ወደ ፎቅ ሲወጡ ከደረጃ ይልቅ ሊፍት ቢጠቀሙ የተሻለ ተመራጭ ነው
👉እሳት አካባቢ እንዳይደርሱ የሚመከር ሲሆን ኩሽና ቤቶች ከባድ የአደጋ ምንጭ ቦታወች ስለሆኑ ትልቅ ጥንቃቄ ይፈልጋል
👉ቀጥታ ከኤሌክትሪክ ጋር የተያያዙ፣ ስለታማ መሳሪያዎችን እንዲሁም ተሰባሪ የሆኑ እቃዎችን ብዙግዜ በአካባቢያቸዉ እንዳይኖሩ ማድረግና በተቻለ መጠን እንዳይጠቀሙባቸው ይመከራል
👉በገንዳ ገላ መታጠቢያ ዉስጥ መታጠብ ድንገት በሽታው ቢቀሰቀስ የመጓጎጥ አደጋ ሊያስከትል ስለሚችል የቁም ሻወር ቢለምዱ ይመረጣል
👉ዋና መዋኘት ላይ ጥንቃቄ መዉሰድ የሚኖርባቸዉ ሲሆንለብቻቸው መዋኘት የለባቸዉም፡፡
👉በሚታመሙበት ግዜ ሊረዳቸዉ የሚችል ሰዉ እንዲኖር ማድረግ ይህም ቤተሰብ፣ በስራ ቦታ አብረዉ ለሚሰሩ ሰዎች፣ ለቅርብ ጓደኛ፣ እንዲሁም በትምህርት ቤት ለመምህር እና አስተዳደሮች ያለባቸዉን የጤና ሁኔታ በግልዖ ማስረዳት እና እንዴት ሊረዷቸዉ እንደሚችሉ መነጋገር ይኖርባችዋል፡፡

የሚጥል በሽታ ያላቸው ሰዎች በመድሃኒት እየታገዙ ያሉበትን የጤና ሁኔታ ማሻሻል እና ችግሩን መቀነስ የሚችሉ ሲሆን የህክምና ክትትል ማድረግ አስፈላጊ ነዉ! የክትትሉ ዓላማ በሽታው የሚጥልበትን ክስተት ብዛት በተቻለ አቅም መቀነስ ሲሆን በግዜ ሂደት ጥሩና የተሻለ ለዉጥ ማግኘት እንዲሁም አንዳንድ ሰዎች ላይ ሙሉ በሙሉ መቆጣጠር ይቻላል። የበሽታዉ ምልክቶች ለተወሰነ ግዜ ያህል አልታየም ማለት በሽታው ጠፍቷል ማለትና መድሃኒት መዉሰድ አያስፈልግም ማለት እንዳልሆነ መረዳት ያስፈልጋል።

የሚጥል በሽታ የአእምሮ አና ስነልቦና ህመም አይደለም፤ ነገርግን ብዙ ግዜ በሽታዉ በሚያሳድረዉ ተዖእኖ የተነሳ የሚጥል በሽታ ያላቸዉ ሰዎች ጭንቀት አና ብስጭት ሲያጠቃቸዉ ይታያል፡፡ ቤተሰቦቻቸው እና ጓደኞቻቸው የሚጥል በሽታ ያለባቸዉን ሰዎችን መረዳት እና ስነልቦናዊ እና አካላዊ ድጋፍ መስጠት በኑሮአቸዉ ላይ አወንታዊ ለዉጥ ሊያመጣ እንደሚችል መገንዘብ ይኖርባችዋል።
የኛ ጤና/Our Health
ለሌሎችም ያጋሩ ፣ ፔጁን ይከተሉ

22/01/2023

ስለ “አልበርት አንስታይን” አስደናቂ ታሪክ
፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥

አንድ ቀን አልበርት አንስታይን በጥቁር ሰሌዳ ላይ እንዲህ ሲል ጽፏል።

9 x 1 = 9
9 x 2 = 18
9 x 3 = 27
9 x 4 = 36
9 x 5 = 45
9 x 6 = 54
9 x 7 = 63
9 x 8 = 72
9 x 9 = 81
9x10 = 91

አንስታይን በስህተት ስለጻፈ ክፍሉ ውስጥ ብጥብጥ ተፈጠረ። ለ 9 x 10 ትክክለኛው መልስ 91 አይደለም በሚል ሁሉም ተማሪዎቹ ተሳለቁበት።

አንስታይን ሁሉም ሰው ዝም እስኪል ጠበቀና “የመጨረሻውን እኩልታ የፃፍኩት ሆን ብዬ ነው፤ ምክንያቱም አንድ ጠቃሚ ነገር እንድትማሩ ስለፈለግኩ ነው” ሲል መለሰ።

ዘጠኝ ጊዜ ትክክለኛውን ስሌት እንደጻፍኩ ሁላችሁም አሁን አይታችኋል። ነገር ግን በዚህ አንዳችሁም ደስ አልተሰኛችሁም። ልክ እንደተሳሳትኩ ስታዉቁ ግን ሳቃችሁብኝ፤ ነቀፋችሁኝም፡፡ ይህ ማለት አንድ ሰው ምንም እንኳ ስኬታማ ቢሆንም ህብረተሰቡ ትንሿን ስህተት ያስተውላል፡፡ እኔ በስልጣን ቦታ ላይ ልሆን እችላለሁ። ነገር ግን ይህ ከእናንተ የበለጠ ፍጹም ወይም ብልህ ሊያደርገኝ አይችልም። እኔ አስተማሪ ነኝ ግን ስህተት የምሠራ ሰውም ነኝ።

የዛሬው የዚህ መልመጃ ነጥብ በጣም ጠቃሚ ትምህርት ለማስተማር ነው፡፡ ዓለም ለመተቸት እና ስህተት ለመፈለግ ፈጣን እንደሆነ እና ለማመስገንና ጠንካራ ጎንን ለማየት ግን በጣም የዘገየ መሆኑን ማወቅ ትችላላችሁ።

ሁላችሁም በህይወታችሁ ውስጥ ብዙ ጊዜ ትችት ያጋጥማችኁል። ስኬታማ የሆኑ እድለኞች ወይም በተምሳሌትነት የሚጠቀሱ ወይም የማይጠቀሱ ስኬታማ ሰዎች ከሌሎቹ የበለጠ ትችት ሊገጥማቸው ይችላል። ምክንያቱም ሰዎች የሚወዱት ነገር ከእነሱ የበለጠ ስኬታማ በሆነ ሰው ላይ ስህተት በመንቀስ የበለጠ ማድረግ ሲችሉ በመሆኑ ነዉ። ይሁን እንጅ ሌሎችን የሚነቅፍ ሰው፣ እራሱ ያለውን ጉድለት ብቻ ያሳያል፡፡ በራሳቸው ደስተኛ የሆኑ ሰዎች ግን የሌሎችን ጥፋት ማመላከት አይፈልጉም። ስለዚህ፣ ከዛሬው መልመጃ እንድታስታውሷቸው የምፈልጋቸው ሶስት ነገሮች ናቸው።

👉 መጀመሪያ የሌሎችን መልካም ጎን ለማየት ሞክሩ። አንድ ሰው ስህተት ከሠራ በቅንነት ለማሳወቅ ሞክር፤ ከምትወቅሰው አሞግሰው።

👉 ሁለተኛው ይኸ የማይቀር ጉዳይ ስለሆነ በአንተ ያለውን መልካም ጎንህን ጠንቅቀህ እወቅ፤ የአንተን ታላቅ ችሎታ አስታውስ፤ ስለጥንካሬህም አትጠራጠር፤ ክብር እና ዋጋ ያለህ መሆንህንም አትርሳ፣ እና

👉 በመጨረሻም ወቀሳ ምንም መልስ ባለመስጠት፣ ምንም ባለማድረግ እና ምንም ባለመሆን በቀላሉ ማስወገድ የምትችለው ነገር መሆኑን አስታውስ።

ስለዚህ፣ በትልቁ አልም፣ ተግብረዉ፤ ሙሉ ሕይወትም ኑር። መሰናክሎችን ጠንቅረህ ለማለፍ ጣር። ወቀሳን አትፍራ፡፡ ሲሰነዘር ግን ተገንዘብ፤ የስኬትህ ውጤት እንጂ ከውድቀትህ እንዳልመነጨ ለይተህ እወቅ። ስለሆነም ወቀሳ ህልምህን እንዲያደናቅፈው አትፍቀድ፡፡ ስህተት የማይሠራ ምንም የማያደርግ ሰው ብቻ ነውና።

ሌሎችን የምታበረታታ፣ በአለም ያሉትን መልካም ነገሮች የምትመርጥና እና በጉልህ ለሌሎች የምታስተላልፍ ሰው ሁን። ያለመሰልቸት ሌሎችን በመልካም ጎናቸው አወድስ፤ መውቀስም ሲኖርብህ በማስተዋል ይሁን።

፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥፥
ሙያዊ ሆኖ ማገልገል ብዙ ትርፍ አለው!!!
ጥር 14 ቀን 2015 ዓ/ም

LIKE, FOLLOW, SHARE, COMMENT

21/01/2023

👉 ?
👇👇👇
ስትሮክ እጅግ በጣም አሳሳቢ የሆነ በሽታ ሲሆን በአለም ላይ በየሁለት ሰከንዱ አንድ ሰው በስትሮክ ሕመም ይጠቃል።

ይህም የአካል ጉዳት እና ሞትን ከሚያስከትሉ በሽታዎች አንዱ ነው ። ስትሮክ ጭንቅላታችን ውስጥ ያሉ ሴሎች ኦክሲጅን እንዳያገኙ በማድረግ እና በሰውነታችን ውስጥ በቂ የደም ዝውውር እንዳይኖር በማድረግ የሚከሰት ህመም ነው።

።

1)Hemorrhagic ወይም የሚደማ:- በጭንቅላታችን ውስጥ ደም ሲፈስ ወይም አርተሬዎቻችን ተጎድተው ደም ወደ ውጪ በመፍሰሱ ምክንያት የሚከሰት አይነት ነው።

2)Ischemic ወይም የኦክሲጅን እጥረት:- የደም ዝውውር ሲገታ ወይም መተላለፍ ሳይችል ሲቀር እና በቂ ኦክሲጅን ወደ ሰውነታችን መዘዋወር በለመቻሉ ምክንያት የሚከሰት አይነት ነው።

👉
# ራስ ምታት
# የእጅ / የእግር መዛል/ መድከም/ ፓራላይሲስ
# የተወሰነ የሰውነት ክፍል ለመንቀሳቀስ ወይም ለመራመድ መቸገር
# ለመናገር የአፍ መተሳሰር ወይም ቃላት ለማውጣት መቸገር
# የፊት መጣመም

👉 ?

# ዋንኛው የደም ግፊት በሽታ ሲሆን የደም ግፊት ፤ የስኳር ፤ የልብ ፤የኮልስትሮል ህመም ያለባቸው ሰዎች መድሃኒታቸውን በአግባቡ ካለመውሰድ ወይም በማቋረጣቸው ምክንያት ለስትሮክ ይጋለጣሉ።
# አልኮል አዘውትሮ በመጠጣት
# ሲጋራ በማጨስ
# ሆርሞናል ኢንባላንስ ወይም በተለያዩ መድሃኒቶች ምክንያት የሆርሞን መዛባት መከሰት
# የእድሜ መግፋት

👉

# ጤናማ የአመጋገብ ስርዓት መከተል እንደ ቅባት ጮማ የበዛባቸው ምግቦች አለመመገብ
# አልኮል አለመጠጣት
# ሲጋራ አለማጨስ
# አካላዊ እንቅስቃሴ ማድረግ
# እንደ ደም ግፊት ፤ የስኳር ፤ የልብ ፤የኮልስትሮል ህመም ያለባቸው ሰዎች መድሃኒታቸውን በሕክምና ባለሙያዎች ትእዛዝ መሰረት በአግባቡ መውሰድ

# በአቅራቢያዎ ወደሚገኙ የጤና ተቋም በመሄድ የጤና ምርመራና ክትትል ማድረግ


Like, Follow,Comment and Share

21/01/2023

***ዳውን ሲንድረም***

ከዳውን ሲንድረም ጋር የሚኖሩትን ወገኖቻችንን በመልካም አይን ለማየት ስንቸገር እንስተዋላለን። የወላጆቻቸው ኩነኔ መቀጣጫ ማሳያ ናቸው የሚል ፈፅሞ የተሳሳተ አመላካከት ፤ ቡዙውን ጊዜ ልጆቹ በቤት ውስጥ ከማህበረሰቡ ተሸሽገው እንዲኖሩ አስገድዷቸዋል። ከዚህም የተነሳ ወላጆችም ቢሆኑ ስለ ነገሩ መፍትሄ ለመፈለግ ከህክምናው ይልቅ ከማህበረሰቡ ዐይን ገለል ለማለት ልጆቻቸውን ይዘው ወደ ቤተእምነቶች መሄዱን ይመርጣሉ።

✨ ከዳውን ሲንድረም ጋር የሚኖሩ ህፃናት እንደ ማንኛውም ሰብዓዊ ፍጡር ሁሉ የሰብዓዊ መብታቸው ሊከበርላቸው ይገባል። ይህም በውስጡ የጤና ባለሙያዎችን እገዛ እንደፍላጐታቸው መጠን የማግኘት ብሎም በውስጣቸው ያለውን መክሊት ተከትለው ለማህበረሰቡም ሆነ ለራሳቸው አንዳች ነገር ለማበርከት ምቹ ሁኔታዎችን መፍጠርንም ይጨምራል።

ለዚህም ግንዛቤ ለመፍጠር ሲባል ስለዳውን ሲንድረም ማወቅ እና መረዳት የመጀመሪያውን ድርሻ ይይዛል። በጥልቀት ለማንበብና ተጨማሪ መረጃዎችን ለማገኘት የሚከተለውን ሊንክ ይጫኑ።

ለአማርኛ 👉🏾 https://enathood.com/et/down-syndrome/

For English 👉🏾 https://enathood.com/down-syndrome/

✳️ ዳውን ሲንድረም (ትራይሶሚ 21) በአማካይ ከ700 የተወለዱ ህፃናት መሃል በአንዱ የሚከሰት በዘረ መል ያልተገባ ብዜት ሳቢያ የሚመጣ እና ልዩ ልዩ አካላዊ መገለጫዎች ያሉት ስነ-እድገታችንን የሚያስተጓጉል የጤና እክል ነው።

✳️ አብዛኛው የዳውን ሲንድረም አይነት በ 21ኛው ዘረ መል ያልተገባ 3 ጊዜ ብዜት ሳቢያ የሚከሰት የ ጤና እክል ነው።

✳️ የእናቲቱ እድሜ በጨመረ ቁጥር የዳውን ሲንድረም የመከሰት እድሉም አብሮ ይጨምራል።

✳️ ዳውን ሲንድረም ልዩ ልዩ መገለጫዎች ያሉት ሲሆን ለ አብነትም:- ትርፍ ቆዳ በአይናችን የውስጠኛው ሽፍሽፍት መጋጠሚያ ላይ መኖር ፣ ተለቅ ያለ ምላስ፣ አጠር ያለ ቁመት ፣ የልብ ህመም ፣ የስኳር በሽታ ፣ ከመጠን ያለፈ ውፍረት ፣ የታይሮይድ ሆርሞን ማነስ እና የመሳሰሉት ናቸው።

✳️ በተጨማሪም ዳውን ሲንድረም ለደም ካንሰር የመያዝ እድልንም ይጨምራል እንዲሁም የስነ አዕምሮ ልህቀት ላይ የራሱ ተፅዕኖ ይኖረዋል።

✳️ ዳውን ሲንድረምን ስለመኖሩ በህክምና ለማረጋገጥ አንዳንድ የ ደም እና የ አልትራ-ሳውንድ ምርመራዎች ይረዳሉ።

✳️ ዳወን ሲንድረም በተለያዩ የህክምና አማራጮች ሊረዳ እና ሊታገዝ የሚችል የጤና እክል ነው።

ተጨማሪ መረጃዎችን ለማግኘት
👉🏽 እናትHood website https://enathood.com/
👉🏽 እናትHood Instagram https://instagram.com/enathood?igshid=YmMyMTA2M2Y=
👉🏽 እናትHood ቴሌግራም https://t.me/enathood

👉🏽 እናትHood Clubhouse https://www.clubhouse.com/join/%E1%8A%A5%E1%8A%93%E1%89%B5hood-enathood/a7YyFQ8p?utm_medium=ch_invite&utm_campaign=ryDmwXlxgRqmTvk35oqz6w-546535

18/01/2023

https://www.facebook.com/profile.php?id=100089371599326
Follow and like

ይህ ገፅ የተከፈተው በእኔ ሲሆን በሙያየ የማውቀውን፣ በማንበብ ያገኘሁትን ስለጤናችን ግንዛቤ የሚፈጥሩ መረጃዎችን ለመለዋወጥ ነው።

17/01/2023

ልጆችን ማወዳደር ወደ አላስፈላጊ ቅናት ይመራል። በመሆኑም ልጆቹ በራሳቸው የሚችሉ መሆኑን ማሳየት ተገቢ ነው። ይህም በራሳቸው የሚተማመኑ እና ብቁ እንዲሆኑ ያስችላቸዋል።

Like, Follow, Share and Comment
ምንጪ፡-👇
በእነዚህ ቻናሎች ይቀላቀሉን፤ ብዙ ያተርፉበታል!
YouTube: 👉https://youtu.be/Dy0m5r-UHTM
Telegram: 👉https://t.me/psychaddis

14/01/2023

❤❤❤
ልጆችን ስንቀርጽ በከፍተኛ ጥንቃቄ መሆን አለበት። በተለይም ስንቀጣ ቅጣቱ ተመልሶ ሌላ ችግር ውስጥ የማይከተን መሆን ይገባዋል። አንዳንድ ጊዜ ቀላል ችግሮች ላይ የምንሰጠው ከባድ ምላሽ ልጆችን ወደ ሌላ ስህተት የሚያስገባ ሊሆን ይችላል። ስለሆነም ልጆችን ስናስተካክል ወዲያውኑ እና በልክ መሆን ይገባዋል እንላለን።

መልካም ቀን!
በእነዚህ ቻናል ይቀላቀሉን፤ ብዙ ያተርፉበታል!
👉 Source psychaddis
YouTube: 👉https://youtu.be/Dy0m5r-UHTM