07/03/2026
"Ani abdii hin kutanne, garuu dhukkubbiin ani keessa jiru namaa oli. Namni hunduu akka RABBIIN naaf kadhattan isinitti dhaammadha."
— Abdii Raggaasaa
Dukkana halkan sanaa keessa, utuu inni hirriba nagaa rafu, harki inni itti amanate abi**dda itti naqe.
Abdii Raggaasaa—fuulli akkas bareedu— "kasala waraqaa" ta’ee jira.
Har’aa fi kaleessa namni ijaan isa argu deeggarsaaf qofa utuu hin taane, gadda laphee cabsuun imimmaan dhangalaasuu qofa. Isinitti haa mul’atu; namni kaleessa miila isaan dhaabbatee harka isaatiin qabatee deemu sun, hardha firaashii hospitaalaa irratti qaamni isaa gubatee carqiin xaxamee jira.
Itti deebi’uun Galgala kana hiriyyoota kiyya wajjiin deemnee obboleessa keenya Abdii laallee turre. Obboloota koo, yeroo kutaa yaalaa san seentan garaa keessan amanuun isinitti ulfaata. Yoo ogeeyyiin fayyaa isinitti himan malee, namni sun Abdii ta’uu isaa beekuun hin danda’amu. Qaamni isaa gubatee, bifa isaa dhabee, akka malee miidhamee jira.
Wamicha Obbolummaa fi Namummaa;
Wanti Abdii irra gahe gadda amantii tokkoo qofaa miti; gadda namummaa ti. Kiristaanas ta’i, Muslimas ta’i; hundi keenya dhiigaa fi lafee tokko. Gochi akkasii qalbii nama kamiituu ni cabsa.
Dubbii miidiyaa fi wal morkii dhiifnee, lubbuu obboleessa keenyaa kanaaf haa dorgomnu!.
Inni ammas harka %90 yaala cimaa (ICU) barbaada. Qaama gubate san suphuuf harka keenya diriirsuun dirqama namummaa ti.
Akka Ilma Namaatti yoo amantiin wal dhabne Namummaa irratti namni waliif gala.
Muslimas ta’i,kiristaanas ta’i,nu hunduu kan barsiifnu ykn lallabnu,akka bor ibidda jalaa baanee JANNATA argannuuf eega tahe,nama ibi**ddaan gubate akkamitti garaan keenya itti gammada? Lafee fi foon isaa kanuma akka keenyaa gubata!
Namummaan yoo hin jiraanne, amantiin keenya hunduu qola duwwaadha.
Koottaa, jibba dhiifnee namummaa keenya dura haa dursinu!
Hirmaannaan keessan hanga ammaa jiru dinqisiisadha, garuu ammas Abdii gara jiruu fi jireenyaatti deebisuuf deeggarsi keessan murteessaadha.
Abdiin Raggaasaa,Abdii fi deeggarsa keessan barbaada.
gargaaruuf:👇🏻
1000445703908 CBE
