الغنام للخدمات البيطريه

02/10/2025

https://youtu.be/Hm8aZoTAOYA?si=MZTTqbDRSUaFDdOh

Daisy - a much loved Chihuahua decided she'd like to join dad on a fishing expedition at their local river. But the lure of the freshly baited hook nearly p...

07/08/2025

سلام عليكم ورحمة الله ♥
اسمحولي اتكلم عن كليتي..الكليه اللي مش بتكون محطوطه في الحسبان وقليل اللي بيدخلها بمزاجه بس بعد كده كلنا بنحبها وبنقدر عظمتها وبنعرف قيمتها وأننا كنا غلطانين لما مفكرناش فيها ولإن في طلاب كتير متعرفش يعني ايه طب بيطري وانا حابب اعرفكم على الكلية زي ما كنت السنه اللي فاتت محتاج اللي يعرفني عليها..

📌يعني ايه طب بيطري؟
عايزين بس نتفق انك لازم تفهم انك طالب علمي يعني المفروض قبل ما تحكم على حاجه بتكون مجربها او على الاقل فاهم انت هتحكم بناءً علي ايه والكلام ده بقولهولك عشان لما واحد جاهل مش بيفهم يقولك انت هتبقي دكتور بهايم!!!
ساعتها تفكر وتفهم الاول قبل ما تتأثر بكلامه.

كليه الطب البيطري هي أعظم كليه في المجال الطبي بلا استثناء وكله بالمنطق لما نتكلم عن كليه بتدرس فيها اكتر من 12 فصيله بأمراضهم وعلاجهم وتشريحهم في كل التخصصات بداية من الجلديه والعظام والاسنان والباطنه والاعصاب وطب شرعي وسموم وصدر وأمراض التناسل والذكوره وعلم الأجنة والأورام والجراحة والتغذية والتربية وفي حاجات كتير جدا انا مذكرتهاش لما تيجي حضرتك تقارن ده بالطب البشري والأسنان مع كامل احترامي لهذه المجالات العظيمة الذي لا تقل اهميه عن الطب البيطري ولكن الطبيب البشري بيدرس فصيله واحده بس " الإنسان" وتشريح كائن واحد بس وامراض كائن واحد بس.
وهذا لا يقلل ابدا من شأن هذه الكلية العظيمة عشان ملاقيش حد سايب البوست كله وجاي يناقشني في ده.🙄

كلية الطب البيطري برا مصر هي رقم واحد لأن ببساطه أي طبيب بيخترع دواء او بيكتشف مرض بيبدأ يدرس تأثيره ع الحيوان بعدها يطبق علي الانسان وعندنا علماء عظماء في الطب البيطري من مصر منهم اللي قدر يعمل تركيب اول طرف صناعي ف الخيول ومنهم اللي اكتشف علاج للإلتهاب الرئوي ومنهم اللي نجح في نقل الاعضاء بين الفصائل المختلفه تمهيدا لنقل الاعضاء من الحيوان للإنسان للقضاء على تجارة الاعضاء.
في ناس كتير جدا ف كليتنا عظيمه بجد ولكن ثقافة شعبنا هي اللي مشوهه صورتها.

📌الدراسة في الكلية:
~طيب وانا هدرس ايه يا بقا في الكليه اللي انت طالع بيها السما دي؟🙄
بتعرف تعد لحد كام؟😂
هتدرس فسيولوجي وهستولوجي وامبريولوجي وباثولوجي وميكروبيولوجي " وفيرولوجي وباكتريولوجي وباراسيتولولجي" وفارماكولوجي وبيهفيور وجيناتكس وبايو كميستري وفي بعض الجامعات بايو فيزيكس وهتدرس احصاء بيطري ودواجن وأمراض دواجن وأسماك وأمراض اسماك والتغذيه والتربية وعندك يا سيدي شوية حاجات كده زي الفل زي ايه بقا... زي الامراض المشتركة ودول عباره عن حوالي300 مرض مشتركين بين الانسان والحيوان والامراض المعدية والولاده والجراحة وأمراض الذكورة والتناسل وأنتاج الألبان ومواد تاني كتيييييير جدا يعني سيادتك دكتور محترم وعلمك تقيل جدا جدا جدا ♥️

📌سوق العمل:
سوق العمل هتلاقي ان كلية الطب البيطري هي الأفضل في سوق العمل بشهادة كل الكليات مبدأيا مفيش طبيب بيقعد في بيتهم بعد التخرج الا لو هو شخص متهاون وكسلان وده في اي مهنه عموما.

📌مجالات العمل:
- فاكر كلية الصيدلة اللي كنت هتموت عليها وملحقتهاش في التنسيق...هتدرس فارماكولوجي وهو علم تصنيع الادويه وهتدرسه بتوسع محترم جدا جدا وهتبقي فاهم في الصيدله كما قال الكتاب وتقدر حضرتك تفتح صيدليتك البيطريه وتبقي فاهم في الصيدله البشري باحترافيه فائقة
~طيب لو مش عاوز تبقي صيدلي هتعمل ايه؟
خصوصا لو انت في مدينة ارياف هتقدر تفتح عيادة لارج "البقر والعجول وهكذا".. وهتقدر تتعين ف مزارع زي مزارع الجيش ومزارع الالبان ومزارع البقر وهكذا ..
~طب لو بتخاف من البقر 😂؟
تقدر تفتح عيادتك برضو وتشغلها بيتس" قطط وكلاب" وكده هتبقي زي الفل ❤
~طب لو بتخاف من الحيوانات كلها مش البقر بس 😂
تقدر تفتح معمل تحاليل محترم ♥️

~طب وايه تاني؟
حضرتك المسؤول الأول عن جودة وسلامة الأغذيه في البلد دي وكل ما هو يؤكل ما عدا الخضار انت مسؤل عنه
وحضرتك بتتعين ف التفتيش على الجمارك والمطاعم والمطارات والفنادق واي فندق للقوات المسلحة او مستشفي لازم يكون فيهم طبيب بيطري مشرف وده بحكم اننا بندرس لحوم وأمنها وسلامتها والكلام الكتير ده
وحضرتك هتبقي دارس طب شرعي وسموم وتقدر تكون طبيب شرعي ♥️
وحضرتك ممكن يبقي عندك مزرعة دواجن محترمه وممكن تتعين في حديقة الحيوان وممكن تبدأ تشتغل ع نفسك وتدرس وماجستير ودكتوراه والجو ده وتوصل لحاجه محترمه وفي دكاتره من بيطري بتحاضر في بشري وفي دكاتره بيطريين وصلت لانجازات محترمه ف البشري ف الموضوع بايدك لإن حضرتك خط الدفاع الاول عن سلامه الانسان ❤

• واللي بيميز طب بيطري الحمدلله ربنا يحفظنا من العين 😂❤
ان مجالات الطب البيطري كتيرة ومتنوعة، وكلها مهمة جدًا، منها:
🔸 شركات الأدوية البيطرية والبشرية
🔸 المصانع الغذائية والرقابة الصحية
🔸 الحجر البيطري والمنافذ الحدودية
🔸 التحاليل الطبية (PCR – ميكرو – دم – طفيليات…)
🔸 الطب الوقائي
🔸 المعاهد البحثية والتعليم الجامعي
🔸 فتح عيادة أو صيدلية بيطرية خاصة
🔸 وفرص سفر ممتازة في أوروبا، الخليج، أفريقيا…
لأن مجالك مطلوب دوليًا!

في النهاية كلية طب بيطري اللي بتختارك مش انت اللي بتختارها ويا بختك لو اختارتك وكلنا عارفين قصة المرأة التي سقت الكلب فغفر الله لها وأدخلها الجنه
"من سقاهم دخل الجنه فما أجر من داواهم" ♥🤲

07/06/2025

31/12/2023

كل عام وأنتم جميعا بخير
عام ميلادي جديد
وسعيد علي الجميع إن شاء الله

27/09/2023

اللهم صلي وسلم علي سيدنا محمد وعلي آله وصحبه آجمعين

25/09/2023

-محمد أشرف الأعراب والعجم محمد خير من يمشي علي قدم
-محمد باسط المعروف جامعه محمد صاحب الإحسان والكرم
-محمد تاج رسل الله قاطبة محمد صادق الأقوال والكلم

اللهم صلي وسلم علي سيدنا محمد وعلي اله وصحبه وسلم
كل وعام وانتم جميعا بخير
بمناسبة المولد النبوي الشريف

18/07/2023

كل عام وأنتم جميعا بخير
عام هجري جديد
وسعيد إن شاء الله

26/06/2023

نهنئكم جميعا بعيد الأضحي
أعاده الله عليكم بكل خير