20/04/2025
"الناس مش عايزة تفهم إن الراحة نص العلاج!"
إن المريض يبدأ يتحسن شوية… فيرجع للحياة أو التمرين كأن مفيش حاجة حصلت!
والنتيجة؟
الشكوى بترجع من أول وجديد… وأحيانًا بشكل أسوأ.
خليني أشرحلك علميًا:
في أي إصابة عضلية أو هيكلية، سواء كانت:
muscle strain (شد عضلي)
ligament sprain (تمزق في الأربطة)
tendinopathy (التهاب أو تهيج الأوتار)
disc prolapse , (انزلاق غضروفي)
الجسم بيمر بـ 3 مراحل أساسية للشفا:
1. Inflammation phase (أول 3-5 أيام): الجسم بيحتوي الضرر، وبيبدأ يبعت خلايا إصلاح.
2. Proliferation phase (يوم 5 لـ 21): بيبدأ تكوين خلايا جديدة، لكنها لسه ضعيفة.
3. Remodeling phase (من 3 أسابيع لشهور): الجسم بيقوي الأنسجة ويدربها ترجع لوظيفتها الطبيعية.
لو استعجلت في الرجوع قبل ما الترميم ده يكتمل… الإصابة بترجع أسوأ.
حالات من العيادة:
🎯مريض جاله partial tear في عضلة الفخذ. بعد أسبوعين قال "أنا بقيت تمام" وراح لعب ماتش كورة… رجع بعدها بـ complete tear!
🎯حالة عندها lateral epicondylitis (tennis elbow
رجعت تتمرن قبل ما نكمل التحميل التدريجي… دلوقتي بقالها 3 شهور والألم مزمن.
🎯حالة عندها disc bulge يعني بسم الله الرحمن الرحيم كدة راحة تمامة مع استقامة الفقرات (يعني يحاول يرفع رجله ع حاجة عالية وهو نايم ع ضهره ) ع الاقل ١٥ يوم
طيب أريح إزاي؟
Rest ≠ خمول. أوقات بشتغل على active recovery زي تمارين خفيفة، تنفس، علاج يدوي، تحفيز عصبي عضلي.
النوم والراحة الذهنية مهمين زي التمرين بالظبط.
الرجوع لازم يكون تدريجي ومراقب، مش على حسب إحساسك بس.
خلاصة الكلام: الراحة مش رفاهية… الراحة علم.
Rest is not a pause in progress… it’s part of the process.
---
ولو حد مهتم في مصادر مفيدة :
1. Brukner & Khan’s Clinical Sports Medicine – مرجع عالمي في الطب الرياضي.
2. American Academy of Orthopaedic Surgeons (AAOS) – عن مراحل شفاء الإصابات العضلية والعظمية.
3. British Journal of Sports Medicine (BJSM) – أبحاث عن الرجوع التدريجي للنشاط بعد الإصابة.
