Quel est le site Web ?

https://www.facebook.com/155566297646806/

اخصائية تخاطب وتنمية مهارات Radwa Ashraf, Democratic Republic of the (2025)

18/11/2025

👶✨ لو طفلك لحد ٣ سنوات بيعمل التصرفات دي، اعرفي إنه طبيعي جدًا وده دليل إنه بيتطور بشكل رائع 👏
مهم جدًا نفهم طبيعة المرحلة دي، لأن كتير من الأمهات والآباء بيحتاروا قدام بعض السلوكيات ويشوفوها “عناد أو دلع أو قلة تربية”… والحقيقة إن كل فعل بيعمله الطفل في أول ٣ سنوات وراه هدف كبير وخطوة أساسية في نموه ❤️

خليني أقولك أمثلة 👇

😭 البكاء الكتير: دي لغته الوحيدة للتعبير… بيقول “أنا جعان، أنا محتاج حضنك”. لما تردي عليه بتحسسيه بالأمان وده أساس الثقة بينكم.

🎲 يرمي الحاجة ويطلبها تاني: بيجرب علاقة السبب والنتيجة (هتقع؟ هتتحرك؟). وده بينمي فضوله وفهمه للعالم.

🙅‍♂️ يقول لأ كتير: مش عناد… ده بداية إثبات الذات وتكوين شخصية مستقلة.

🏃‍♀️ حركة وطاقة وتنطيط: جسمه ومخه عندهم طاقة بيخرجوها في التنطيط و الحركة ودا مفيد للنمو وبتقوي عضلاته وتبني ثقته بنفسه.

🧩 اللعب العشوائي والتخر..يب : بيفتح الأدراج، يفضي الشنط، يلعب في الميه… ده استكشاف للبيئة اللي حواليه، وبيطور ذكاءه الحسي والحركي مش قصدة يبوظلك ترتيب البيت هو لسه ميفهمش دا .

🌈 خيال واسع: يكلم نفسه أو العابه ويعمل لنفسه عالم كبير مليان شخصيات حقيقية او وهمية دي بداية الإبداع والتفكير الابتكاري.

😡 نوبات الغض..ب: صر..يخ أو رمي نفسه على الأرض… لأنه لسه مش بيعرف يعبر بالكلام. هنا محتاج يلاقي هدوء وتوجيه بديل والتصرف اللي هتعمليه في الوقت دا هيدوم معاه للابد فاعدي واتصرفي بحكمة مش بعص.بية وغ.صب .

🤱 التعلق بالأم: ده اللي بيبني عنده “الارتباط الآمن”. لما يشبع من حضنك هيطلع مستقل وواثق بنفسه بعدين مش دلع ولكن انتي مصدر أما..نه .

🗣️ التقليد المستمر: يقلد كلامك وحركاتك… وده أسرع طريق لتعلم اللغة والسلوك الاجتماعي فخلو بالكم بتقولو ايه وبتتصرفو ازاي .

🍽️ اللخبطة في الأكل: مرة ياكل كتير ومرة يرفض… طبيعي جدًا حسب احتياجات جسمه المتغيرة مش علشان بيدلع ولا بيرفض هو لسه بيحاول يستكشف الطعم فغيري ونوعي وحببيه في الاكل .

🔁 تكرار الكلام أو الفعل: يعيد نفس الكلمة أو الحركة ميت مرة… لأنه كده بيثبت المعلومة في دماغه بغبغان صغير .
💡 الخلاصة:
ابنك مش “متعب” ولا “عنيد”… هو بيتعلم وبيكبر صح 🌱.
إنتي دورك تحتوي، تصبري، وتفرحي بالتطور ده بدل ما تزعلي منه.

🚫 متخليش كلام الناس يحبطك: “امنعيله… ربيه بالعنف… ده دلع” → كل ده غلط.
✅ الحقيقة إن اللي بيحصل ده خطوات طبيعية في طريق النمو.

💖 ابنك بيكبر قدام عينيكي… ودي أكبر نعمة محتاجة منك صبر ووعي.

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

23/09/2025

ازاي أشجع ابني على المذاكرة؟

خليني أقولك إن موضوع تشجيع الطفل على المذاكرة محتاج صبر وذكاء أكتر من مجرد أوامر. في خطوات بسيطة لكن فعّالة تقدري تبدأي بيها:

1. ربطي المذاكرة بحاجة يحبها
لو بيحب الكرتون، الألعاب، الكورة… خلي دايمًا فيه مكافأة صغيرة بعد المذاكرة (مش لازم تكون مادية، ممكن خروجة أو لعبة معاه).

2. قسمي الوقت
الطفل بيتعب بسرعة، فخلي المذاكرة على أجزاء صغيرة (20 دقيقة + استراحة 5 دقايق) عشان ميحسش إنها عبء.

3. اعملي روتين ثابت
وقت محدد يوميًا للمذاكرة (مثلاً بعد الغدا) عشان عقله يتعود إن ده وقت المذاكرة مش حسب المزاج.

4. شاركيه المذاكرة
إقعدي معاه، اسأليه أسئلة، أو حولي المعلومة لقصة أو لعبة. الأطفال بيحبوا المشاركة مش الأوامر.

5. امدحي مجهوده مش نتيجته بس
يعني قولي: “أنا فخورة إنك خلصت الدرس النهاردة” حتى لو لسه مش متفوق. ده بيخليه يحب المذاكرة مش يخاف منها.

6. هيئي الجو
مكان هادي، كرسي مريح، إضاءة كويسة. متخليهوش يذاكر والتليفزيون شغال.

7. اتكلمي عن المستقبل بطريقة إيجابية
اربطي المذاكرة بأحلامه: "لو ذاكرنا كويس هتبقى مهندس/دكتور/طيار زي ما بتحلم".

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

04/09/2025

🍬 متستغربش من عصبية ابنك بعد قطعة شوكولاتة
السكر مش بس طاقة مؤقتة... ده كمان بيزود فرط الحركة والتشتت والعصبية عند الأطفال
قلل السكريات = طفل أهدى وأكتر تركيزًا 🎯

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

22/08/2025

💥ثقة الطفل بنفسه مش بتنزرع فجأة💥
بتبدأ من أول مرة سمع فيها جملة (أنا فخور بيك)،
ومن كل مرة قلتيله (جرب تاني، أنا واثق فيك).
بتتبني لما تسيبه يقرر، حتى لو القرار بسيط.
لما تحترم اختياراته، وتسمع له من غير ما تقاطعه.
لما تغلطه بحب، وتصححه من غير ما تحرجه.
الطفل اللي اتسمع له، هيتكلم بثقة.
اللي اختار بنفسه، هيواجه الحياة وهو ثابت.
ابني إنسان مش بس متفوق… ابني شخص واثق في نفسه."

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

15/08/2025

📚✨ ليه بعض الأطفال بيكرهوا المذاكرة من بدري؟
يا ترى ابنك أو بنتك بيرفضوا المذاكرة أو بيزهقوا بسرعة جدًا؟ 😔
كتير مننا بنفتكر إن السبب في الطفل نفسه أو إنه "كسول"، لكن الحقيقة إن أغلب الأطفال بيحبوا يكتشفوا ويتعلموا بالفطرة… المشكلة بتحصل لما التجربة التعليمية نفسها تتحول لشيء مرهق أو سلبي بسبب ممارسات إحنا ممكن نعملها من غير ما نحس.

اليوم هنتكلم عن أهم الأخطاء اللي بتخلي الطفل يكره المذاكرة من سن صغير، وهنشوف إزاي نصلحها عشان نرجّع الحماس للتعلم.

---

1️⃣ المقارنة المستمرة مع الآخرين

لما نقول للطفل: "شوف صاحبك أشطر منك" أو "بنت خالتك جابت 10/10" إحنا كده بنخلق عنده شعور بالنقص.
الطفل بيفهم الرسالة دي كإنه مهما عمل مش هيكفي، وده بيأثر على ثقته بنفسه، وبدل ما يتحمس، يبدأ يحبط ويتراجع أكتر.
✅ الحل: قارن الطفل بنفسه، مش بحد تاني. امدح التطور اللي حققه هو، حتى لو خطوة صغيرة، زي: "أنا مبسوطة إنك خلصت التمرين أسرع من المرة اللي فاتت".

---

2️⃣ الصراخ والعصبية أثناء المذاكرة

التوتر والصوت العالي بيعملوا رابط سلبي بين الطفل والمذاكرة. الطفل لما يسمع صوتك بيعلى أو يشوف تعبيرات الغضب على وشك، بيترجم المذاكرة إنها وقت ضغط وخوف. وده بيخليه يتهرب منها أو يسرح عشان يبعد عن التوتر.
✅ الحل: خلي وقت المذاكرة هادي قدر الإمكان. لو حسيت إنك بدأت تتعصب، خد نفس أو استراحة قصيرة، ورجعوا تكملوا.

---

3️⃣ توقع مهام أكبر من قدرته

في أوقات كتير بنطلب من الطفل يذاكر أو يحفظ حاجات مش مناسبة لسنه أو لمستواه الحالي، فنلاقيه بيقف عاجز ومش عارف يكمل.
النتيجة؟ إحباط وشعور بالفشل.
✅ الحل: قسّم المهمة لخطوات صغيرة، وكل خطوة ينجح فيها بتديله دفعة معنوية يكمل اللي بعدها.

---

4️⃣ إهمال التشجيع على المحاولات الصغيرة

في أوقات كتير إحنا بنركز على النتيجة النهائية وبس، وننسى نشجع الطفل على المحاولة نفسها.
الطفل لما ما يسمعش كلمة "برافو" إلا لما ينجح 100%، بيحس إن مجهوداته ملهوش قيمة.
✅ الحل: امدح المحاولات حتى لو النتيجة مش كاملة، لأن التشجيع بيبني الاستمرار.

---

5️⃣ اختيار وقت غير مناسب للمذاكرة

لو الطفل تعبان أو جعان أو لسه راجع من نشاط بدني مرهق، صعب يقدر يركز أو يستوعب.
✅ الحل: اختار وقت يكون فيه ذهنه صافي وجسمه مرتاح، زي بعد وجبة خفيفة أو بعد راحة بسيطة.

---

6️⃣ تحويل المذاكرة لعقاب

في بعض الأوقات لما الطفل يغلط أو يرفض طلب، بنربطه بالمذاكرة كعقاب: "طالما عملت كده… هتذاكر زيادة"
ده بيخلي الطفل يربط التعلم بالحرمان أو العقوبة، وده أخطر رابط ممكن يتكوّن.
✅ الحل: خلي المذاكرة نشاط طبيعي إيجابي، بعيد تمامًا عن أي عقاب.

---

7️⃣ الضغط على الطفل بكم كبير من المهام مرة واحدة

المذاكرة المكدسة بتعمل للطفل إرهاق ذهني.
✅ الحل: قسم وقت المذاكرة لفترات قصيرة (15-20 دقيقة)، مع استراحات بسيطة بينهم، ده بيخلي الاستيعاب أفضل.

---

💡 الخلاصة:
الطفل لو حس إن التعلم ممتع ومليان تشجيع ونجاحات صغيرة، هيتحمس يكمل. ولو ارتبط عنده بالضغط، المقارنة، والصوت العالي، هيدور على أي طريقة يهرب منه.
إحنا دورنا كأهل إننا نوفر بيئة هادية ومحفزة تخلي الطفل يحب المذاكرة بدل ما يخاف منها

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

25/07/2025

: التسلسل النمائي للمهارات 🛑

مفيش مهارة بتُكتسب من غير ما تكون المهارات اللي بتدعمها اتأسست واتقنت فعليًا.

لو اشتغلت على مهارة من النص قبل ما تتأسس اللي قبلها، الطفل هيتلخبط ومش هيستجيب.

⸻

عشان الطفل يقدر يتعلم ويتفاعل مع البيئة من حوله، لازم يمر بمراحل نمو مرتبة ومنظمة، وكل مرحلة بتمهد للمرحلة اللي بعدها.
يعني مفيش مهارة بتطلع فجأة، كل مهارة معتمدة على مهارات تانية قبلها، اسمها المهارات التأسيسية أو المهارات السابقة (Prerequisite Skills).
وده اللي بنسميه التسلسل النمائي للمهارات (Developmental Sequence of Skills).

⸻

🧠 البداية: الانتباه والإدراك

أول حاجة بيتعلمها الطفل فعليًا هي الانتباه البصري (Visual Attention)، يعني يقدر يركّز عينيه على شخص أو شيء ثابت.
وده بيقوده بعد كده لتعلم الانتباه المشترك (Joint Attention)، وده معناه إنه يقدر يشارك شخص بالغ الانتباه لحاجة معينة، زي إنه يبص على لعبة لما حد يشاور له عليها.

من غير الاتنين دول، الطفل مش هيقدر يتابع ولا يتعلم، حتى ولا يتواصل.

بعد كده الطفل يبدأ يلاحظ الأصوات حواليه، وده اسمه الإدراك السمعي (Auditory Awareness).
لما يسمع صوت أمه أو اسمه أو لعبة معينة ويركز معاها، دي بداية كويسة جدًا.

وبعدين ننتقل إلى التمييز السمعي (Auditory Discrimination)، يعني يفرّق بين الأصوات والكلمات، ويبدأ ينفذ تعليمات بسيطة من خطوة واحدة (One-Step Instructions)، زي “هات الكرة” أو “اقفل الباب”.

⸻

اللعب والمعالجة البصرية 🧸

بعد كده، الطفل يبدأ يتفاعل مع الألعاب، لكن مش أي نوع من اللعب.
أول مرحلة هي اللعب الفردي (Independent Play)، إنه يقدر يلعب لوحده من غير توجيه.
ثم اللعب الوظيفي (Functional Play)، يعني يستخدم اللعبة بالطريقة الصحيحة، زي إنه يدفع عربية أو يقرّب المعلقة لفمه.

هنا الطفل بيبدأ يكتسب مهارات التمييز البصري (Visual Discrimination)، ودي مهمة جدًا لأنه بيشوف الفرق بين لون ولون أو شكل وشكل.
وده بيقوده لمرحلة المطابقة (Matching)، إنه يطابق شكلين متشابهين، وبعدها التصنيف حسب خاصية واحدة (Categorization)، زي إنه يحط كل الكرات مع بعض أو كل الحيوانات مع بعض.

⸻

🖐️ التنسيق الحركي البصري والمهارات التمهيدية

مع التقدم، الطفل يبدأ يستخدم إيده وعينه مع بعض، وده بنسميه التآزر البصري الحركي (Visual-Motor Integration)، زي إنه يدخل قطعة في مكانها أو يتتبع خط بعينه وبإيده.

بعد ما يتقن المهارة دي، نبدأ ندخله في مهارات ما قبل الأكاديمي (Pre-Academic Skills)، زي إنه:
• يمسك القلم بطريقة صحيحة (Tripod Grasp)
• يلوّن جوه الخط
• ينسخ أشكال (Copying Shapes)
• يتتبع خطوط أو مسارات

من غير الخطوات دي، الطفل مش هيعرف يكتب أو يرسم أو يشتغل على أنشطة أكاديمية لاحقًا.

⸻

🎭 اللعب الرمزي والتخيل

بعد ما يكون الطفل فاهم وظيفة الأدوات، بنبدأ نشتغل على اللعب التخيلي (Pretend Play) أو اللعب الرمزي (Symbolic Play).
في المرحلة دي، الطفل يبدأ يستخدم شيء على إنه شيء تاني، زي إنه يطعم الدمية أو يتظاهر إنه بيطبخ.
اللعب ده مهم جدًا لأنه بيطوّر التفكير الرمزي (Representational Thinking) وبيفتح له مجال التعبير والخيال.

⸻

🧩 التفكير وحل المشكلات

دلوقتي الطفل يقدر يبدأ يحل مشكلات بسيطة، وده اسمه حل المشكلات (Problem Solving).
يعني مثلًا يوصل لحل لو اللعبة وقعت، أو يستخدم كرسي عشان يوصل لحاجة.

وبيبدأ كمان يظهر عنده التفكير الاستدلالي (Inferential Thinking)، إنه يربط سبب ونتيجة، أو يستنتج حاجة من موقف معين.

⸻

🧘‍♂️ التنظيم وضبط النفس

في المرحلة دي، الطفل بيتعلم التنظيم الذاتي (Self-Regulation) وضبط النفس (Inhibitory Control)،
يعني يقدر:
• يستنى دوره (Waiting)
• ما يندفعش فجأة (Impulse Control)
• يلتزم بتعليمات في نشاط جماعي

ودي من أكتر المهارات اللي بتؤهل الطفل للدمج أو للتعامل في الفصول.

⸻

🧠 الوظائف التنفيذية

أعلى مستوى بيوصل له الطفل هو اكتساب مهارات الوظائف التنفيذية (Executive Function Skills)، وهي:
• التخطيط (Planning): يعرف يخطط لسلسلة خطوات
• المرونة المعرفية (Cognitive Flexibility): يغير طريقته لو الأولى ما نفعتش
• الانتباه الموجه (Directed Attention): يركز على شيء لفترة طويلة
• الذاكرة العاملة (Working Memory): يحتفظ بالمعلومة في دماغه عشان يستخدمها بعد ثوانٍ أو دقائق

المهارات دي أساسية جدًا في المهام الدراسية، والتواصل،
والاستقلالية.

اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

19/07/2025

📌 العِناد عند الأطفال: مش سلوك عابر، ده رسالة!

الطفل اللي بيعاند مش بيقولك "لا" وخلاص… هو بيحاول يقولك:

> "أنا عايز أختار"
"أنا موجود"
"أنا ليّ رأيي"

🔍 يعني إيه عناد؟
هو رفض الطفل تنفيذ الأوامر أو الإصرار على رأيه حتى لو غلط، وده بيظهر غالبًا بين 2 إلى 7 سنوات، وهي مرحلة طبيعي يظهر فيها جزء من العناد كجزء من الاستقلالية.

🎯 أسباب العناد:

1. الرغبة في الاستقلال: الطفل عايز يجرب ياخد قراراته بنفسه.

2. البيئة المتسلطة: الأوامر الكتير من غير تفاهم بتولد عنده مقاومة.

3. الانتباه: بيلاقي إن العناد بيخلي الناس تركز معاه.

4. تقليد الكبار: ممكن يكون شايف حد بيجبره فيعاند كرد فعل.

5. مش فاهم مشاعره: الطفل ممكن يكون متضايق أو تعبان ومش قادر يعبر إلا بالرفض.

🛠️ إزاي أتعامل مع الطفل العنيد؟

✅ اسمع له كويس من غير مقاطعة.
✅ اديه اختيارات بدل أوامر: "تحب تلبس التيشيرت الأحمر ولا الأزرق؟"
✅ حافظي على الهدوء وامتنعي عن الصراخ.
✅ اثبتي على القواعد لكن بحب.
✅ امدحيه لما يتعاون، مش بس لما يغلط.

💬 قاعدة ذهبية:
"العناد مش عدوك، هو باب لفهم ابنك أكتر."
اخصائية تخاطب وتنمية مهارات Radwa Ashraf
للتواصل واتساب / ٠١١٥٩٨٩٤١٨٧

08/07/2025

🚴 ( ما السبب ) مهارة لغوية مهمه جدا
🚴 هى قدرة الطفل على إستنتاج ماقد يحدث
🚴 وبعدين يعبر عن هذا الإستنتاج بجمل كلامية
🚴 زى مثلا البنت طلعت فوق عربية السوبر ماركت تفتكر إية اللى ممكن يحصل لها لو العربية اتحركت؟ هتقع من على الأرض
🚴 بداية المهارات اللغوية التدريب عليها افتحوا الصور ودربوا أطفالكم على الاستنتاج من خلال صور ( ما السبب ) .

اخصائية تخاطب وتنمية مهارات Radwa Ashraf
للتواصل واتساب/ ٠١١٥٩٨٩٤١٨٧

20/06/2025

💥 التدريب على الفعل المضارع والماضى لأطفال تأخر اللغة
💥 مهم يعبر الطفل عن زمن الفعل بشكل صحيح فى جملته
💥 كلام الطفل لن يفهم إلا بجملة صحية واضحة المعنى و النحو الصحيح للكلمات
💥 ينظر الطفل إلى الصورة ونبدأ باول فعل نفهم الطفل معنى إن لسه هعمل حاجه ود التعبير عنها بصيغة المضارع
💥 ينظر الطفل إلى الصورة الثانية لنفس الفعل لكن فى الماضى ويفهم منا معنى الانتهاء من الفعل مثل : 👇👇👇

👈 ولد هينفخ البالونه / ولد نفخ البالونه
👈 بنت هتلبس العروسه / بنت لبست العروسة
👈بنت هتتزحلق / بنت إتزحلقت خلاص
👈ولد هيعصر عصير / ولد عصر عصير خلاص

📌 يناسب الاطفال من سن 4 سنوات فأكثر
اخصائية تخاطب وتنمية مهارات Radwa Ashraf
للتواصل واتساب/ ٠١١٥٩٨٩٤١٨٧

13/06/2025

💥💥(تعرفي علي صعوبات الأنتباه السمعي عند الأطفال)💥💥

في شكوى أحد الأمهات إلى الطبيبة كانت تقول أنها عندما تقوم بالنداء على طفلها لا يقوم بالرد عليها وكأنه لم يسمعها رغم تأكدها أنه سمعها . أو عند التحدث معه يتكرر قوله لجملة ماذا تقولين ؟ أو لم أسمع ما قلتيه . أو هلا قمتي بإعادة تلك الجملة مرة أخرى . أو عندما تطلب منه الأم ان يحضر لها شئ ما فإنه يذهب ثم يرجع لها مرة أخرى ليسألها ماذا طلبت منه . وتكون الحجة هنا أنه نسي ما قالته أمه !

👈 ماذا نعني بالأنتباه السمعي ؟
هي عدم قدرة الطفل على تفسير المعلومات في أذنه .حيث ان يوجد ثلاث مراحل لتفسير المعلومة داخل الأذن.

تلقي المعلومة .
نقل المعلومة .
إعداد المعلومة . ويمكن للأم أن تلاحظ وجود خلل في الإدراك السمعي عندما تنادي عليه أو عندما تطلب منه شئ ما . ويلاحظ غالباً أن التحصيل الأكاديمي لطفلها ضعيف أيضاً . حيث نجد أن الطفل يواجه مشكلة في تتبع سلسلة التعلميات التي تعطى له . أو يجد صعوبة في استذكار المادة التي سبق أن تعلمها بشكل جيد .

ويمكن أيضاً أن نلاحظ أن الطفل يواجه مشكلة في تكوين العبارات بسبب مشكلة ضعف الربط السمعي . حيث لا يستطيع أن يربط كلمات أو مقاطع في ذهنه لتكوين جملة كاملة .

ويتم وضع اهداف تنمي وتعالج صعوبات الانتباه السمعي 👂

اخصائية تخاطب وتنمية مهارات Radwa Ashraf
للتواصل واتساب/ ٠١١٥٩٨٩٤١٨٧

31/05/2025

💥 انشطة للادراك البصري المكاني 👇👇👇
💥 الشكل والظل
💥 الاغلاق البصري
💥 مناسب من عمر ٤ سنوات

اخصائية تخاطب وتنمية مهارات Radwa Ashraf
للتواصل واتساب/ ٠١١٥٩٨٩٤١٨٧

21/05/2025

📌 من أهم العلامات لدى الطفل التوحدي 👇👇👇👇👇

اخصائية تخاطب وتنمية مهارات Radwa Ashraf
للتواصل واتساب/ ٠١١٥٩٨٩٤١٨٧

اخصائية تخاطب وتنمية مهارات Radwa Ashraf

18/11/2025

23/09/2025

04/09/2025

22/08/2025

15/08/2025

25/07/2025

19/07/2025

08/07/2025

20/06/2025

13/06/2025

31/05/2025

21/05/2025

Adresse

Site Web

Notifications

Raccourcis

Partager

Type