12/07/2025
د هېواد ملي سوداګر حاجي شاه ولي خان زمانخيل له ثابت شينوزاده معالجوي روغتون نه ليدنه وکړه
د هېواد ملي سوداګر حاجي شاه ولي خان زمانخيل چې څو تنو مخورو قومي مشرانو یې ملتیا کوله له ثابت شينوزاده معالجوي روغتون نه د ليدنې په ترڅ کې د ياد روغتون د رئيس، متخصصينو ، روغتيايي او اداري کارکوونکو هڅې وستايلې او د دوی لپاره يې په چارو کې د لا پرمختګ هيله څرګنده کړه.
نوموړي د یاد روغتون روانې چارې مثبتې وګڼلې او زیاته یې کړه چې په هیواد کې د داسې عصري او مجهزو روغتونونو شتون د دې ځوریدلي ولس لپاره لویه هیله او آرمان دی چې له مخې یې د هیواد د بیلابیلو سیمو ناروغان کولای شي اوس په خپل هیواد کې په معیاري توګه د ناروغیو تشخیص او درملنه وکړي.
د ليدنې پر مهال ښاغلي شاه ولي خان زمانخيل، د روغتون رئيس ډاکټر شيرين آغا احمدزي او د ياد روغتون کاري ډلې ته ډاډ ورکړ، چې په لنډ وخت کې به د یوې هوکړې پر بنسټ د ناروغانو لپاره، د دوی له لوري په ټولو برخو کې شل سلنه تخفيف اعلان شي او له مخې به یې هغه ناروغان له دې فرصت څخه ګټه پورته کړي چې د خپل تشخیص په موخه یاد روغتون ته مراجعه کوي.
رسنيزه څانګه!
🌐info.sabetshinozadahospital@gmail.com
☎️078 113 60 60 / 079 60 60 250
🏠آدرس: شور بازار ,سنګ تراشي, د باغ قاضي عمومي سړک،اوله ناحیه ، کابل
