31/05/2024
Bisch au mit am Start?
S git e schöni Töfflifahrt!
Gib Gummi, gib Gas,
uf das erhebe mir s Glas!
Die schöne Gfährt wärde vergliche und bestuunt...
wär het ächt am Schluss der erschti Priis abgruumt?
Es röhrt, es chnatteret, es dröhnt,
z säge "das stinkt" isch mehr wie verpönt!
Suug ii die Grüsch, dä Duft,
us dr Benzin-gschwängerete Luft!
Eifach schön, s fahre alli mitenand...
und gits Problem, reicht me sich d Hand.
Chömme alli wohlbehalte heim ..und es fehlt wirklich e Kein?
Wenn alli Töffli laufe und keis isch bliibe stoh;
denn - erscht denn, sin mer alli froh!
Hesch denn am Mäntig no Bräschte vom Kurve?
Bisch nümm am Gumpe, sondern eher am Schlurfe?
Duets s Füdle weh, oder gar dr Rugge,
hesch viellicht sogar Müeh, di z Bugge?
Denn lüt mir a, grad am Morge frieh
i lueg denn, dass i di cha vorzieh!
Dr Erschti wo mir am Mäntig si Leid duet chlage
cha bi mir gratis für e Behandlig uf e Schrage!
Bi mir in dr heimelige Praxis
tauchsch ii in e andere Galaxis:
S git Cranio und e Klangmassage
und he nei, das isch e kei Blamage...
Mir alli wärde bekanntlich nid jünger
und so chli Cranio cha wirke wie Dünger
Bisch nach dr Behandlig total entspannt,
sind viellicht gar nöii Ideee entflammt?
Total erfüllt vom schöne Klang
hesch wieder nöie Tatedrang
Du möchtsch go schrüble, putze und poliere,
au e Fuchsschwanz duesch grad neu montiere...
Tief im Härz e Töfflibueb... s schloht "Brumm-Brumm" im Takt
d Fründschaft mit dine Gangkollege durt für immer, das isch Fakt
Mir wei eus bedanke, so viel isch klar:
Die Idee vo däm Träff: Eifach wunderbar!
