إرشادات بسيطة لمكافحة كورونا مع د.احمد جابر من الصين

  • Home
  • China
  • Guangzhou
  • إرشادات بسيطة لمكافحة كورونا مع د.احمد جابر من الصين

إرشادات بسيطة لمكافحة كورونا مع د.احمد جابر من الصين صفحة إرشادية للتوعية ضد مخاطر فيروس كورونا المستجد
(COVID-19 ) بطريقة مبسطة، علمية وعملية.. من مصادر وتجارب موثوقة.

إرشادات العيدمن وزارة الصحة السودانية وكل عام وانتم بخير وعافيه وجميع الاهل بخير يا رب 💐 🌹 💚
30/07/2020

إرشادات العيد
من وزارة الصحة السودانية
وكل عام وانتم بخير وعافيه وجميع الاهل بخير يا رب
💐 🌹 💚

21/07/2020

عيد الضحية احلى وانت مع اهلك
لكن عشان خاطرهم ما تسافر في الفترة دي.. حتى لو لقيت طريقة تتجاوز بيها الحظر.
(عشانهم ما عشانك)

اللهم احفظ السودان وأهله يا رب 💐
**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين



21/07/2020

اهلنا في الولاية الشمالية
أقوى سلاح لمحاربة كورونا هو:
الكمامة.. وغسيل اليدين بإستمرار.

ممكن الناس تصنع كمامات براها.. اتكربو ١٤ يوم.. وبعدها الأمور بتهدا ان شاء الله.
الشال.. العمة.. لفحة التوب.. الناس العندها اعراض تاخد راحة في البيت وما تتحاوم الا للضرورة القصوى وما تطلع الا تلبس كمامة.
ناس الأمراض المزمنة.. ونقص المناعة قللو الحركة في اماكن الزحمة.. و التجمعات.
دي حلول مهمة وما عاوزة إمكانيات.

ربنا يحفظكم ويغطي عليكم يا رب 💐

**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين



نصائح ما بعد فك الحظر كمامتك في وشك..غسيل اليدين قبل الأكل و الوضوء..السلام من بعيد كيف تمام..ناس الرياضة والجري اعملو ح...
08/07/2020

نصائح ما بعد فك الحظر
كمامتك في وشك..
غسيل اليدين قبل الأكل و الوضوء..
السلام من بعيد كيف تمام..
ناس الرياضة والجري اعملو حسابكم من الكمامة مع الجري خاصة للأطفال فيها خطورة على صحتك..
الاكل الجماعي نوع صحن الفتة.. القراصة.. العصيدة و الكسرة 😋😘 نوقفه الايام دي.
ناس الشيشة والصعوط والسجائر.. نوع جيب نفس واديني سفة مافي بالله عليكم.
الناس البتحب القهوة وبختو قدامهم الفشار وصحن الفول والمكسرات 😋 برضو نوقفها الايام دي.
السوق ناس الخضار والفواكه الناس تشتري من غير تعزل وتهبش وتشيل وتخت.. تعاين بي عينك والأفضل بتاع الخضار او الفواكه يعبي الحاجات بي أوزان مناسبة لي ناسه المتعودين يشترو منهم.
ناس الأمراض المزمنة والازمة وأمراض ضعف المناعة.. قللو حركتكم الا لو مافي زول يخدمك واخد حذرك شديد لما تطلع واول ما ترجع تغسل هدومك.
إرشادات بسيطة للكمامة :
لو شغلك بخليك تلبس الكمامة فترة طويلة ممكن تشيل معاك فازلين او زيت سمسم عشان تمسحه في خشمك عشان الجفاف.. وشك بعد اسبوع او اتنين حا تبدا تحس ذي في كيس في خشمك 😂.
الاهل القاعدين مع بعض او الجيران لو مافي ناس من بره بجو عليكم.. ممكن يكون عندهم راحة اكتر.
اخطر المحلات هي أماكن الزحمة والمحلات الما فيها تهوية.. يعني حتى لو ما لابس كمامة لما تصل محل فيه زحمة عليك الله البسها.
وبرضو اي زول عنده اعراض حتى لو جيوب او حساسية البس كمامتك عشان تحمي روحك والناس الحولك.
الكمامة من جوة حاول ما تهبشها بي يدك نهائي.. من بره لو هبشتها غسل يدك ولو صعب او مافي مكان اوعى تهبش عينك او نخرتك وخشمك.

اسال الله ان يحفظ السودان وأهله يا رب 💐
**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين






04/07/2020

توقفت عن نشر تقارير وزارة الصحة.. لاني اعتقد بعد استقرار الأرقام حقو نبدا بالتدريج نقلل الضغط النفسي على الشارع.. وشوية شوية نبدا في الانتقال الى مرحلة التعايش معه كباقي الأمراض.. والان هو الوقت المناسبة لوضع شروط والزام الناس بالكمامة والبدء التدريجي في رفع الحظر.
الحمد لله الان الصين وبعض الدول نجحت في تحريك العجلة الاقتصادية بي اجراءات بسيطة وأهمها لبس الكمامة في المناطق العامة.
بالنسبة للمدارس حافظو على عدد بسيط من الطلاب.. واي طالب عنده اعراض (قحة او عطس او حمى) يقعد في بيتهم.. وكل مدرسة عندهم عيادة للمراقبة والتقييم.. وبعض المدارس بسمحو ليهم داخل الفصول من غير كمامة.
ولانو الامكانيات ضعيفة والدولة ما قادرة تدعم انتاج كمامات.. حقو نبدا في تصنيع كمامات منزلية.
ونخلي الحركة تكون للضروريات.. ونخلي كتير من العادات والاجتماعيات الفيها تجمعات وخاصة لي أصحاب الأمراض المزمنة والمناعتهم ضعيفة.
الوضع الاقتصادي وأثره اصبح خطير على اغلب الشعب.. يجب الموازنة بين تطبيق الضوابط الصحية وترتيب طرق آمنة لاستمرار إمداد طبيعي لضرورويات الحياة.
اللهم احفظ السودان وأهله يا رب 💐

**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين






العالم خلاص بدأ يتأقلم مع كورونا دي.. لي درجة بدو يصنعو حاجة (تمسك الكمامة) بدل عليق الاضان 😂.جهزو كماماتكم.. والحمد لله...
27/06/2020

العالم خلاص بدأ يتأقلم مع كورونا دي.. لي درجة بدو يصنعو حاجة (تمسك الكمامة)
بدل عليق الاضان 😂.
جهزو كماماتكم.. والحمد لله الحياة رجعت طبيعية في اغلب الصين.. مع الإلتزام بلبس الكمامة في الأماكن العامة.. مع حذر زيادة في العاصمة بكين رغم انخفاض تسجيل حالات جديدة.
اللهم احفظ السودان وأهله يا رب 💐

**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين






26/06/2020

كل الشكر والتقدير الى مبادرة :
🌹💐💚 ( رجال الاعمال السودانيين )💚💐🌹
في مساعدة العالقين في العودة وخاصة اهلنا في مصر.
اللهم احفظ السودان وأهله يا رب 💐.

🛑🛑🛑غسل يدك طوالي.. قح واعطس في كتفك او منديل.. اكل كويس ورياضة (الأحد ٢١/٦/٢٠٢٠)🛑 ⛔ 🛑 تم تسجيل (٩٣) حالة جديدة 🛑 ⛔ 🛑ارت...
24/06/2020

🛑🛑🛑
غسل يدك طوالي.. قح واعطس في كتفك او منديل.. اكل كويس ورياضة (الأحد ٢١/٦/٢٠٢٠)
🛑 ⛔ 🛑 تم تسجيل (٩٣) حالة جديدة 🛑 ⛔ 🛑
ارتفاع العدد الكلي الى (٨٨٨٩) حالة مؤكدة.
ارتفاع عدد الوفيات الى (٥٤٨) ربنا يرحمهم ويصبر أهلهم.
الحمد لله ارتفاع حالات الشفاء الى (٣٦٩٩)حالة.
توزيع الحالات :
* الخرطوم (٨٩)حالة.
* شمال دارفور (٤) حالات.

الحمد لله ده من أفضل التقارير .. اسال الله ان يواصل على كده.. وتختفي الحالات الجديدة.
** مرفق صورة من تقرير السبت( ٢٥/٦/٢٠٢٨).
نواصل توعية وإرشاد وما نزهج بارك الله فيك 💐 🌹
وإلتزامك بيفرق 💪🏼 🌹
اسال الله العظيم رب العرش العظيم ان يحفظ السودان وأهله يا رب 💐.
**المعلومات الطبية يتم تحديثها بصورة مستمرة.. الرجاء متابعة الاخبار الصحية بصورة يومية من وزارة الصحة السودانية.
د. احمد جابر
الصين






Address

Guangzhou

Website

Alerts

Be the first to know and let us send you an email when إرشادات بسيطة لمكافحة كورونا مع د.احمد جابر من الصين posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to إرشادات بسيطة لمكافحة كورونا مع د.احمد جابر من الصين:

Shortcuts

Share

Category