Mjeku Musliman

25/01/2026

VLERA E SHAMIT NË KURAN DHE SUNET (1)

Allahu me mëshirën e Tij dallon kë të dojë prej robërve të Vet dhe me mirësinë e Tij veçon cilindo nga krijesat e Veta. U jep epërsi disa vendeve, disa tokave dhe disa kohëve karshi të tjerave. Vërtet urtësia e Allahut është e përsosur. Imam Kurtubiu (Allahu e mëshiroftë!) thotë...

25/01/2026

PËR NJË MENDJE MË TË NDRITUR!

Kush flet me ty për jetën e vet personale dhe të shoqëron në çdo gjë, dije se ai të beson fort dhe këtë person mos e humb!

Njeriu më i keq dhe më i ligë, është ai që i shpalos fshehtësitë e tua me gjuhën e vet, kur paraqitet ndonjë krizë në marrëdhëniet mes jush!

Të folurit me atë që e do, në vetvete është qetësim shpirtëror!

Në restorant apo kafiteri, nuk ka tavolinë vetëm me një karrige, ngase jeta nuk jetohet pa shoqëri!

Ndjenja më e keqe është që të të lavdërojnë të gjithë, kurse ti të biesh poshtë në sytë e vetvetes!

E trishtueshme është të zbulosh se ti je një kopje si e një origjinali, që ti e urren!

Gjithnjë rrethoje veten me shpresë, që jeta jote të vazhdojë me fuqi dhe qëndrueshmëri!

Kur një person që e do të paraqitet me ftohtësi, nuk të përfill dhe fillon të flasë fjalë që të shkaktojnë dhembje, ji i sigurt se ai të ka dashuruar aq shumë, deri në gradën e vuajtjes dhe dhembjes!

Mos e detyro askënd që të kujdeset dhe të pyetë për ty, ai që të do me të vërtetë, do t’i mungosh aq shumë saqë do të fillojë të hulumtojë pas teje, sikurse të kishte humbur nga ai diçka shumë e çmueshme!

Çdokujt që i thuhet burrë s’do të thotë se është burrë, fjala zog përdoret edhe për shqiponjën, po njëkohësisht edhe për pëllumbin!

Margaritarët e njeriut janë në tri gjëra: Fshehja e varfërisë derisa të mendojnë njerëzit se je i pasur, fshehja e zemërimit derisa të mendojnë njerëzit se je i kënaqur dhe fshehja e vështirësive derisa të mendojnë njerëzit se je në begati!

Nga arabishtja: Irfan JAHIU

22/01/2026

UNË JAM FEJA !

Një ditë nga ditët, burri u nis për në një udhëtim me makinë së bashku me gruan dhe fëmijët, dhe rrugës e vërejti një njeri që po qëndronte në rrugë dhe u interesua për të se kush është?

Ky njeri iu përgjigj dhe i tha: Unë jam pasuria!

Burri e pyeti gruan dhe fëmijët se a ta marrim me vete në makinë?! - Të gjithë njëzëri i thanë se natyrisht se po, se me pasuri mundemi të bëjmë çfarë të duan dhe të posedojmë çfarë të duam, dhe pasuria hipi me ta në makinë.

Makina e vazhdoi rrugën dhe rrugës e takuan edhe një tjetër njeri. Burri e pyeti se kush je ti? – Iu përgjigj: Unë jam pushteti dhe pozita.

Burri e pyeti gruan dhe fëmijët se a ta marrim me vete? – Iu përgjigjën njëzëri të gjithë se me pozitë dhe me pushtet mundemi të bëjmë çfarë do dhe të posedojmë çfarë do! E morën me vete dhe u nisën me makinë.

Makina e vazhdoi rrugëtimin e saj dhe rrugës takoni njerëz të ndryshëm, si epshet dhe dëfrimin dhe kënaqësitë e dynjasë, derisa në fund e takuan edhe një tjetër njeri dhe burri si zakonisht u interesua për të se kush është?! – Njeriu tha: Unë jam FEJA!

Burri dhe gruaja dhe fëmijët njëzëri thanë se tani nuk është koha e tij dhe se ne e duam dynjanë dhe kënaqësitë e saj, kurse feja do të na privon dhe do të na ngushton rrethin dhe do të lodhemi duke e mësuar hallallin dhe haramin dhe namazin e agjërimin dhe.. dhe.. dhe kjo e tëra do të na rëndon, mirëpo mundemi të kthehemi dhe ta marrim me vete pasi që të kënaqemi me dynjanë dhe atë çfarë ka në të!

Kështu që s’e morën me vete dhe makina vazhdoi rrugëtimin ku papritmas ju doli një patrullë policie dhe i ndalën. Burrit i thanë të del nga makina dhe se për të rrugëtimi përfundoi dhe është i detyruar të shkon me njërin nga policët. Burri nuk e kishte idenë se çfarë po ndodhë dhe çfarë kërkonte ky njeri nga ai.

Polici iu drejtua dhe i tha unë po e kërkoj fenë.. ku është .. a është me ty feja??

Burri ia kthehu: Jo nuk është me mua, e lash në rrugë dhe nuk është larg nga këtu, mundem të shkoj e ta marr. Jo nuk mundesh më, për ty udhëtimi ka përfunduar, ia kthehu polici!

Mirëpo me mua në makinë është pasuria dhe pozita e pushteti dhe grua dhe fëmijët.. dhe.. dhe.. dhe..! Polici i tha: Ata nuk të bëjnë më dobi tek Allahu dhe të gjitha do t’i braktisësh dhe ajo që do të bënte dobi ishte feja po ti nuk e more me vete!

Burri i tha po kush je ti? U përgjigj: Unë jam vdekja nga e cila ishe i shkujdesur dhe nuk e llogaritkëshe fare.

Burri filloi ta shikon makinën dhe vërejti se në vende të tij gruaja e drejtonte makinën dhe me të ishin fëmijët dhe pasuria dhe pushteti dhe asnjëri nuk kishte zbritur me të!!

Allahu thotë: “Çdo shpirt do ta shijojë vdekjen. Shpërblimet do t’u plotësohen vetëm në Ditën e Kiametit; kushdo që shpëton nga zjarri i Xhehenemit dhe hyn në Xhenet, ai ka fituar (gjithçka që mund të dëshirohet). Ndërsa jeta e kësaj bote është vetëm kënaqësi mashtruese”. Ali Imran 185.

Nga arabishtja: Irfan JAHIU

21/01/2026

PËRQENDRIMI NË FE

Allahu, azze ue xhel, na njoftoi se Kur’anin e zbriti për të përsiatur dhe për të vepruar me të: “Vallë, a nuk përsiatin ata për Kur’anin apo i kanë zemrat të kyçura?!”. (Muhamed: 24) Prandaj, duke iu bazuar këtij ajeti kur’anor në vazhdim me lejen e Allahut do të përsiasim...

21/01/2026

PIKËNISJA E LARGIMIT NGA STACIONI I PIKËLLIMIT

- Kur e gjen veten të pikëlluar dhe lotët e nxehta të rrjedhin si lum nëpër faqe rikujto:

Se ka të tjerë që janë në pikëllim më të thellë se ti.

Se çdo problem e ka edhe zgjidhjen e vet, prandaj kërko nga Allahu që të udhëzon deri tek ajo.

Se Allahu nuk të ka privuar nga diçka përveçse për të dhënë diçka më të mirë .

Se jeta nuk ndërpritet asnjëherë për shkak të një situate që e kalon apo me një dhembje që e përjeton.

Se pikëllimi është i porsalinduri i vetëm që me kalimin e kohës zvogëlohet e ti mos e rrit duke u koncentruar në të.

Se të suksesshmit janë ata që sfidat dhe situatat e jetës i shohin thjesht si probleme të përditshme jetësore dhe gjë normale.

- Pikënisja e largimit nga stacioni i pikëllimit: Pyete veten se tani çfarë do? Dhe mendo rreth asaj që e do e të bën të lumtur dhe koncentrohu në të.

Dhe lexoje lutjen e largimit të brengave dhe mërzisë me përulje dhe ki mendim të mirë për Allahun: ”O Allah! Unë kërkoj të më mbrosh nga brenga dhe mërzia, nga pafuqia dhe dembelizmi, nga frika dhe koprracia, nga zhytja në borxhe dhe nëpërkëmbja e njerëzve”.

Nga arabishtja: Irfan JAHIU

20/01/2026

KËTË E MËSOVA NGA VITET QË MË KALUAN

Një njeri u pyet:

“Çfarë mësove nga vitet që të kaluan?”

U përgjigj:

“Mësova se atë çfarë e vepron e sheh si pasqyrë në familjen tënde.

Mësova se i dëmtuari patjetër e ka të fitojë, edhe nëse fitorja vonohet.

Mësova se shigjetat e natës nuk gabojnë.

Mësova se jeta mund të përfundojë çdo moment dhe ne të jemi në shkujdesje.

Mësova të bëj mirë e të mos pres këmbim, kjo, që të mos befasohem nga mohimi i asaj të mire.

Mësova se fjala e mirë, fytyra e buzëqeshur dhe bujaria janë kapitali i moralit.

Mësova se njeriu më i pasur në jetë është ai që e posedon shëndetin dhe sigurinë.

Mësova se jeta përfundon dhe se problemet nuk përfundojnë.

Mësova se ai, i cili do që njerëzit ta dëgjojnë, duhet që edhe ai ata t’i dëgjojë.

Mësova se shumë gjëra që i mësuam në shkollë janë diçka dhe realiteti është diçka tjetër.

Mësova se shumica e njerëzve interesohen dhe të thërrasin atëherë kur kanë nevojë dhe kur përfundon interesi më nuk të njohin.

Mësova se udhëtimi me njerëzit është mikroskopi më preciz për t’i zbuluar vetitë e njerëzve.

Mësova se ai që filozofon shumë (thotë unë dhe unë) nga brenda është i zbrazët.

Mësova se ai që vetitë i ka si ari do të mbetet si ari, kurse ai që vetitë i ka si hekuri do të ndryshojë dhe do të ndryshket.

Mësova se të gjithë ata që janë varrosur nëpër varreza ishin të zënë me punë dhe në zemrat e tyre kishin shumë synime, por nuk mundën t’i realizonin.”

Nga arabishtja: Irfan JAHIU

19/01/2026

MUAJI SHABAN – RREGULLA DHE DOBI

Muaji Shaban është muaji i tetë me radhë nga muajt hixhri dhe është në mes të muajit Rexheb dhe Ramazan. Është quajtur me këtë emër, sepse në këtë muaj arabët shpërndaheshin për të kërkuar ujë. Sipas të tjerëve e ka marrë këtë emër shkaku i shpërndarjes së fiseve nëpë...

19/01/2026

MOS E AKUZO DYNJANË PËR VEPRIMET E TUA

Shokun për të cilin po flet se të tradhtoi, në fakt, ai ishte “zgjedhja jote”.

Kjo dashuri e rrejshme që të bëri të qash nga zemra dhe të ndiesh keqardhje se pse u fute në këtë lojë, ishte “vendimi yt”.

E nesërmja të cilën e pret me gjithë shpresë, do të vijë me rezultatet e punëve të tua.

Ti punon, lodhesh, mundohesh dhe përpiqesh që t’i vjelësh frytet e tua.

Nëse ka ndodhur që ta përjetosh ndjenjën e dështimit, ji i sigurt se ajo është rezultat i gabimeve të tua.

Prandaj, barte përgjegjësinë e zgjedhjeve dhe të vendimeve të tua dhe mos e bëj dynjanë fajtore për dështimet e tua.

Le të ndryshojmë për një të nesërme më të mirë!

Nga arabishtja: Irfan JAHIU

16/01/2026

SHENJAT E PËRFUNDIMIT TË MIRË

Allahu, azze ue xhel, thotë: “O besimtarë! Kijeni frikë Allahun ashtu si i takon Atij dhe vdisni vetëm duke qenë muslimanë!” (Ali Imran: 102); “Dhe adhuroje Zotin tënd derisa të të vijë vdekja!” (El-Hixhr: 99) Prej ajeteve kuptojmë se Allahu i porosit robërit e Tij që të stolis...

15/01/2026

GRUAJA QË E FEJOI BURRIN E SAJ
NGA ZOTI I SAJ

Ishte një grua e cila e donte burrin e saj nga thellësia e zemrës së saj edhe atë e donte shumë. Frikohej se do të hyn në Xhenet e mos të jetë gruaja e tij në Xhenet ashtu si ishte në dynja.

Kjo grua është “UmuDerda” gruaja e EbuDerdasë, Allahu qoftë i kënaqur nga ata dy. EbuDerda është një nga sahabët e mëdhenj i cili e mbante epitetin “i urti i këtij Umeti dhe zotëria i lexuesve të Damaskut”.

Për këtë arsye Umu Derda ngrihej dhe i drejtohej Zotit të saj: “O Zoti im, Ebu Derdaja ma kërkoi dorën në dynja dhe më martoi në këtë dynja. O Zoti im, unë e kërkoj dorën e tij prej Teje dhe të kërkoj të më martosh me të në Xhenet”.

Ebu Derdaja kur dëgjoi për dëshirën e gruas së vet, i tha: Gruaja ime nëse dëshiron të jesh gruaja ime në Xhenet inshaAllah dhe unë vdes para teje, atëherë mos u marto me tjetër në dynja.

Vdiq Ebu Derdaja, kurse Umu Derda ishte një grua e bukur dhe e mirë dhe dëshiroi Muavije, Allahu qoftë i kënaqur nga ai, ta martojë, mirëpo ajo i tha: “Jo pasha Allahun, nuk martoj asnjë burrë në dynja para se ta martoj Ebu Derdan inshaAllah në Xhenet”.

Kështu është dashuria e vërtet dhe ajo reale dhe kështu mbahet premtimi.

Nga arabishtja: Irfan JAHIU

14/01/2026

SHENJAT E PËRFUNDIMIT TË KEQ

Pasi që vendbanimi i robit pas vdekjes së tij është i fshehtë për krijesat dhe dituria është vetëm tek Allahu, nuk i takon askujt që të gjykojë për një krijesë të Allahut se a është banor i Xhenetit apo i Xhehenemit. Përjashtim bëhet vetëm për ata për të cilët na kanë ardhu...

14/01/2026

MOS U FRIKO DHE MOS IK

Jeta është e stërmbushur me vështirësi po ballafaqoi ato.

Kurse çdonjëri nga ne e ka dhembjen e vet të veçantë.

Askush nuk e di sasinë e mundimeve tua.

Askush nuk mundet të gjykon për thellësinë e dhembjeve tua që të mundojnë.

Dhe ti nuk mundesh askujt t’ia bartësh ndjenjat të bashkëjetoni me lodhjet.

Nganjëherë ndodhë që as vetes nuk mundesh t’ia pranosh një gjë të tillë.

Problemet që na mundojnë munden të të lidhin, dhe të t’i ftohin ndjenjat, dhe të të dehin dhe të bëjnë të paaftë.

Mos u friko.

Mos ik.

Ballafaqoje situatën.

Vetëm se ki besim se mundesh ta bësh një gjë të tillë.

Kur bën gabim, shëroje atë sa më shpejt që mundesh.

Kur ndjen dhembje, shprehe ashtu si e ndjen.

Kur ndodh një keqkuptim, diskutoje derisa të qartësohet në mendjet e të gjithëve.

Kur ndodh një problem, puno që ta zgjidhsh.

Koha më e mirë është tani.

Kurse personi i përshtatshëm je vet ti!!

Nga arabishtja: Irfan JAHIU