https://www.facebook.com/170047989518618/

Qendra për Bashkëveprim, rr. e Lipardincës nr 5, Bujanovc (2026)

22/03/2026

Me rastin e festës së shenjtë të Fitër Bajramit, “Qendra për Bashkëveprim Bujanoc” organizoi një aktivitet të veçantë dedikuar fëmijëve që janë pjesë e projektit “Fëmijët me nevoja të veçanta”.
Një pjesë shumë e rëndësishme e këtij aktiviteti ishin edhe dhuratat e përgatitura enkas për fëmijët, të cilat u shpërndanë me shumë dashuri nga stafi i Qendrës për Bashkëveprim. Këto dhurata u mundësuan falë mbështetjes së vazhdueshme të donatorëve tanë, të cilët me kontributin e tyre bëjnë të mundur realizimin e aktiviteteve dhe projekteve të tilla me vlerë të veçantë për komunitetin.
Në emër të stafit të Qendrës për Bashkëveprim Bujanoc, shprehim mirënjohjen tonë më të sinqertë për të gjithë donatorët dhe mbështetësit tanë. Pa përkrahjen tuaj, rrugëtimi dhe misioni ynë do të ishte shumë më i vështirë.
Ju falënderojmë për besimin dhe solidaritetin tuaj!

11/03/2026

Të nderuar bamirës dhe qytetarë të nderuar,
Qendra për Bashkëveprim në Bujanoc njofton të gjithë qytetarët e vullnetit të mirë se është duke bërë grumbullimin e sadakasë, lëmoshës, fitrave, si dhe çdo forme tjetër të ndihmës humanitare.
Të gjitha mjetet financiare të grumbulluara do të shpërndahen për mbështetjen e fëmijëve me nevoja të veçanta në komunën tonë.
Njëkohësisht shprehim mirënjohjen dhe falënderimin tonë të sinqertë për të gjithë donatorët që kanë kontribuar gjatë muajve janar, shkurt dhe mars. Falë bujarisë dhe mbështetjes suaj, shumë fëmijë po ndjekin seanca stimuluese dhe trajtime zhvillimore falas.
Lusim Zotin që t’ju shpërblejë për bujarinë dhe humanizmin tuaj.
Për më shumë informata mund të na kontaktoni në:
Tel: +381 69 601 650
+38163636579

24/12/2025

Kanë mbetur edhe pak ditë deri në përfundim të vitit 2025, një vit i mbushur me punë dhe suksese të shumta. Në këtë fundviti, dua të shpreh një falënderim të veçantë për:
• Qeverinë e Republikës së Kosovës,
• Këshillin Kombëtar Shqiptar, i cili gjithmonë ka qenë i hapur për bashkëpunim,
• Fondin Humanitar për Preshevë, Medvegjë dhe Bujanoc,
• Familjarët e mi (donatorë),
• Dhe të gjithë donatorët që, edhe pse disa preferuan të mbeten anonimë, kontribuan në punën tonë.
Gjatë këtij viti, në qendrën tonë kanë marrë terapi për shtatë muaj mbi 20 fëmijë me nevoja të veçanta, falë mbështetjes së Qeverisë së Republikës së Kosovës dhe Këshillit Kombëtar Shqiptar.
Shumë familje u ndihmuan financiarisht, disa me ushqime dhe barna. Përmes donatorëve u sigurua edhe veshmbathje për festën e Bajramit, për të gjithë fëmijët e shoqatës – një gëzim i paharruar për ta. U siguruan gjithashtu disa karroca për persona me aftësi të kufizuara dhe shumë gjëra të tjera të domosdoshme.
Përmbyllim këtë vit me një falënderim të sinqertë:
Në emër të të gjithë prindërve përfitues dhe të shoqatës “Qendra për Bashkëpunim” – Bujanoc, si dhe në emër të stafit tonë, do t’ju jemi mirënjohës gjithë jetën për kontributin tuaj në shoqatën tonë.
Kjo kategori e fëmijëve ka nevojë për ne, ka nevojë që t’u sigurojmë kushte edhe më të mira se ato që kanë pasur. Ata duhet të trajtohen në mënyrë të barabartë me ne – sepse nuk dallojnë nga ne, dhe në shumë raste janë më inteligjentë se ne.
Shpresojmë që viti 2026 të sjellë më shumë gëzime, përkushtim dhe kushte më të mira ku këta fëmijë të zhvillojnë aktivitetet e tyre plotësisht.
Fillimisht lus Allahun që të më japë shëndet dhe forcë, dhe mbi të gjitha durim, që të jem gjithmonë i gatshëm t’u dal në ndihmë sa mundem – për vajzën time dhe për të gjithë fëmijët sikurse ajo.

07/12/2025

Sot, nga një person anonim, u organizua një koktel i veçantë për fëmijët e moshave 12–14 vjeç, i cili u mbajt menjëherë pas seminarit dyditor. Aktiviteti u zhvillua në nder të 3 Dhjetorit – Ditës Ndërkombëtare të Personave me Aftësi të Kufizuara.

Qëllimi i këtij takimi ishte krijimi i një ambienti miqësor, motivues dhe gjithëpërfshirës për të rinjtë, duke i inkurajuar ata në respekt, empati dhe mirëkuptim ndaj personave me aftësi të kufizuara. Fëmijët patën mundësinë të socializohen, të shprehen lirshëm dhe të marrin pjesë në diskutime të hapura pas trajnimit, duke përmbyllur kështu seminarin me një atmosferë festive dhe pozitive.

05/11/2025

Kanë mbetur edhe pak ditë deri në përfundimin e projektit, “Stimulimi i fëmijëve me nevoja të veçanta”, projekt ky i financuar nga Qeveria e Republikës së Kosovës dhe i mbështetur nga Këshilli Kombëtar Shqiptar. I gjithë projekti ka qenë falas për fëmijët pjesëmarrës.

Gjatë këtyre shtatë muajve të zbatimit, 20 fëmijë për çdo ditë kalonin kohë në qendrën tonë, duke marrë pjesë në lojëra, si dhe në shumë aktivitete argëtuese, edukative dhe zhvillimore. Falë angazhimit të stafit dhe bashkëpunimit të prindërve, u arritën me sukses qëllimet dhe objektivat e projektit, duke kontribuar në përmirësimin e aftësive, vetëbesimit dhe integrimit social të fëmijëve pjesëmarrës.

Faleminderime të veçanta:

• Qeverisë së Republikës së Kosovës, për mbështetjen e vazhdueshme dhe besimin e dhënë në realizimin e këtij projekti.

• Këshillit Kombëtar Shqiptar, për përkushtimin dhe ndihmën e dhënë gjatë gjithë procesit.

• Të gjithë donatorëve, për kontributin e çmuar, i cili ka bërë të mundur zhvillimin e aktiviteteve dhe mbështetjen e fëmijëve.

• Stafit të pa lodhur, i cili gjithmonë ka qenë durimtar, aktiv dhe në shërbim të fëmijëve, duke siguruar që secili aktivitet të realizohej me cilësi dhe përkushtim.

Ky projekt përfaqëson një hap të rëndësishëm drejt integrimit dhe zhvillimit të fëmijëve me nevoja të veçanta, duke krijuar një ambient të sigurt, mbështetës dhe edukativ për ta.

07/10/2025

Një histori suksesi
Si fëmijë, Xhejson Ardej, kishte ngecje në zhvillim, dhe nuk mund të fliste deri ne moshën 11 vjeçare. Nuk mund të mësonte e të shkruante deri në moshën 18 vjeçare.
Ndërsa tash është profesori më i ri zezak në Univerzitetin e Kembrixhit.

09/09/2025

Një falënderim i veçantë për këtë donator, i cili na solli këto lodra!

Në shikim të parë mund të duken pak, por në të vërtetë, këto lodra kanë shumë vlerë – si për ne si staf, ashtu edhe për fëmijët e Qendrës sonë. Ato do ta lehtësojnë dhe pasurojnë ndjeshëm aktivitetin e përditshëm të fëmijëve, duke ndikuar pozitivisht në zhvillimin dhe mirëqenien e tyre.

Shpresojmë që përmes këtyre lodrave të kontribuojmë drejtpërdrejt në përmirësimin e përvojës së tyre gjatë fëmijërisë.

"Qendra për Bashkëveprim" – Bujanoc do të jetë gjithmonë mirënjohëse ndaj jush dhe të gjithë donatorëve që na mbështesin me zemër.

31/08/2025

Disa nga dhuratat e dhuruara nga një nënë e një fëmije me nevoja të veçanta për shoqatën tonë.

"Qendra për Bashkëveprim – Bujanoc" i shpreh mirënjohje të thellë kësaj nëne, e cila vendosi të mbetet anonime. Jemi thellësisht falënderues për zemërgjerësinë dhe mbështetjen e saj.

Shpresojmë që këto lodra, së bashku me të gjitha lodrat e tjera të dhuruara, të shërbejnë për edukimin dhe avancimin e fëmijëve që ndjekin mësimet në qendrën tonë.

04/08/2025

📸 Vajza ime Aksa, me kapelën e bardhë në kokë dhe stetoskopin në dorë, po luan me buzëqeshje e lumturi në ambientin mikpritës të shoqatës.

Kjo kapelë simbolizon ëndrrën e saj për t’u bërë infermiere apo doktoreshë, dhe në këtë moment loje dhe kreativiteti, ajo po e imagjinon veten si një profesioniste në fushën e mjekësisë.

Ky ambient kaq i bukur, i sigurt dhe miqësor për fëmijët me nevoja të veçanta është mundësuar nga Qeveria e Republikës së Kosovës, përmes Këshillit Kombëtar Shqiptar.

Si prind i Aksës, ndjej një emocion që nuk përshkruhet me fjalë... por disa fjalë duhet thënë:

🙏 Faleminderit Qeverisë së Republikës së Kosovës
🙏 Faleminderit qytetarëve të saj
🙏 Faleminderit Këshillit Kombëtar Shqiptar për bashkëpunimin dhe përkrahjen

28/07/2025

Sa herë që përmendet Fondi Humanitar për Preshevë, Bujanoc dhe Medvegjë, menjëherë mendja na shkon tek projekti madhor i 100 shtëpive për personat në nevojë.

Ky projekt jo vetëm që ngriti vetëdijen kombëtare, por solli një frymë të re solidariteti mes nesh.
Ishte një nismë që e ndryshoi rrënjësisht qasjen tonë ndaj vendlindjes — jo si një vend që e lamë pas, por si një atdhe që ka nevojë për ne.

Ky ishte një projekt që ua ktheu buzëqeshjen shumë familjeve, duke rikthyer shpresën dhe dinjitetin atje ku kohët e vështira i kishin zbehur.

Atëherë kur menduam të gjithë se në këtë vend nuk ka më jetë, nuk ka më shpresë e as të ardhme — Fondi Humanitar për Preshevë, Bujanoc dhe Medvegjë po e rikthen besimin, po e rikthen dritën, ku përmes projekteve të vazhdueshme, ky fond po dëshmon se kujdesi për vendlindjen nuk është vetëm ndjenjë, por veprim konkret që prek jetë njerëzish.

Kësaj radhe, Fondi ka ndarë 1000 franga për fëmijët me nevoja të veçanta, duke dhënë një shembull të shkëlqyer të solidaritetit dhe dashurisë për më të ndjeshmit mes nesh. Ky nuk është vetëm një donacion – është një mesazh: shpresa jeton akoma në këtë vend.

Në emër të Shoqatës "Qendra për Bashkëveprim" dhe në emër të të gjithë prindërve që ndjekin terapi pranë nesh, shprehim mirënjohjen tonë të thellë dhe të përjetshme.

Ky gjest do të mbahet mend jo vetëm si ndihmë materiale, por si një përqafim i ngrohtë për ata që çdo ditë përballen me sfida të mëdha — por tashmë me më shumë besim dhe mbështetje.

25/07/2025

"T’ju falënderojmë është gjëja më e vogël që mund të bëjmë për ju, sepse ju jeni ata që e mbani gjallë aktivitetin tonë të përditshëm. Shoqata jonë, falë mbështetjes suaj si donatorë, arrin të funksionojë pa vështirësi financiare.
Në emër të shoqatës “Qendra për Bashkëveprim Bujanoc” dhe në emër të prindërve të fëmijëve me nevoja të veçanta, Ju falënderojmë nga thellësia e zemrës. Falë jush, këta fëmijë, përmes aktiviteteve të ndryshme, lojërave dhe argëtimit, kalojnë çaste të lumtura dhe të paharrueshme. Mbështetja juaj ka një ndikim të jashtëzakonshëm në jetën e tyre!"
"Në vijim, po ju paraqesim listën e donatorëve të shoqatës sonë, të cilët me përkushtimin dhe zemërgjerësinë e tyre kanë qenë mbështetje kyçe për realizimin e aktiviteteve tona. Falë ndihmës së tyre, kemi arritur të krijojmë një ambient të ngrohtë dhe përfshirës për fëmijët me nevoja të veçanta. Ne jemi thellësisht mirënjohës për secilin prej tyre!"

14/07/2025

Aktivitetet tona gjatë muajit qershor

Gjatë muajit qershor, në ambientet e shoqatës sonë “Qendra për Bashkëveprim Bujanoc”, janë zhvilluar disa aktivitete të rëndësishme dhe të këndshme në kuadër të projektit “Stimulimi i fëmijëve me nevoja të veçanta”. Ky projekt ka për qëllim përfshirjen, zhvillimin dhe mbështetjen e fëmijëve me nevoja të veqanta përmes lojës, krijimtarisë dhe ndërveprimit social.

Ky projekt është financuar nga Qeveria e Republikës së Kosovës dhe mbështetur nga Këshilli Kombëtar Shqiptar, të cilëve u jemi thellësisht mirënjohës për përkrahjen dhe besimin.

Fëmijët kanë marrë pjesë në:
• Aktivitete stimuluese dhe edukative
• Lojëra kreative dhe argëtuese
• Seanca ndërveprimi me prindër e profesionistë
• Punëtori të ndryshme dhe pikturë
• Orë leximi dhe tregime të animuara

Faleminderit të gjithë bashkëpunëtorëve dhe vullnetarëve që kontribuuan në realizimin e këtyre aktiviteteve.
..projekti është falas...

Qendra për Bashkëveprim

22/03/2026

11/03/2026

24/12/2025

07/12/2025

05/11/2025

07/10/2025

09/09/2025

31/08/2025

04/08/2025

28/07/2025

25/07/2025

14/07/2025

Address

Telephone

Website

Alerts

Contact The Practice

Shortcuts

Share

Category