03/08/2018
IMPLANTI DENTAR
Implanti dentar është rrënja artificiale e një dhëmbi që është vendosur në kockën e gojës,për të shtuar një dhëmb që mungon ose një urë ku mungojnë disa dhëmbë. Implantet janë të përbërë nga titani dhe janë plotësisht biokompatibile (të përshtatshme), me trupin e njeriut. Kjo është një mundësi ideale për njerëzit që kanë mbetur pa një ose më shumë dhëmbë. Implantet janë mbrojtës të dhëmbëve natyralë, duke përdorur implantet ne evitojmë përdorimin e dhëmbëve natyralë për një protezë fikse. Suksesi i implanteve është provuar pre më shumë se mbi 28 vite në mbarë botën, ku problemi i një dhembi të humbur është zgjidhur përgjithmonë.
Cilat janë avantazhet e një implanti?
– Mban shëndetshëm dhëmbët ngjitur, për të shmangur frezimin e një dhembi natyral për një urë dhëmbësh, duke i lënë ato të pa prekur dhe të shëndetshëm.
– Mirëmbajtja dhe mos absorbimi i kockës alveolare, stimulon ruajtjen e kockës si një rrënjë e një dhembi natyral.
Duke krahasuar me një protezë dhëmbësh të lëvizshme, të pjesshme apo të plotë, përparësitë janë:
Aftësia për të përtypur, e cila bëhet e barabartë me atë të dhëmbit natyral duke rezultuar në përfitime ushqyese dhe tretje, të rëndësishme për të gjitha grupmoshat.
Mirëmbajtjen e muskujve normalë të fytyrës, me rikuperimin e një fytyre më rinore dhe natyrore.
Mungesa e inflamacionit gingival dhe dhimbjeve lidhur me paqëndrueshmërinë e protezave të lëvizshme nuk është i pranishëm.
Besim më të madh në të folur dhe qeshur, me një rritje pasuese në cilësinë e jetës.
Cilët janë pacientët që mund të vendosin implante?
-Të gjithë ata që nuk kanë elemente të dhëmbëve natyralë dhe gëzojnë një shëndet të mirë, në përgjithësi mund t’i drejtohen vendosjes së një implanti.
-Kush e ka përfunduar fazën e rritjes, në mënyrë tipike, 16 vjeç për femrat, 18 për meshkujt.
-Pacientët që kanë pësuar traumë dhe kanë humbur disa dhëmbë.
-Pacientët që përdorin protezat parciale të lëvizshme ose totale të levizshme.
Në cilët pacientë është risku më i madh i humbjes të një implanti?
-Tek pacientët që kanë një atrofi (konsumim) të theksuar të kockës, dhe ku pacienti është i prekur nga sëmundje sistemike.
Implant-Tek pacientët me paradontozë (sëmundje të mishrave të dhëmbëve) dhe ku higjiena e gojës është shumë e ulët.
– Tek pacientët diabetikë (kur nuk mjekohet rregullisht) si pasojë e nivelit të lartë të sheqerit në gjak, mund të ndodhë infektimi i plagës, mbyllja e plagës ndodh shumë ngadalë si dhe procesi i integrimit te implantit me kockën mund të ketë probleme.
-Tek pacientët që pinë duhan apo konsumojnë shumë alkol, ekziston mundësia e dështimit, por dhe në rastet kur implanti është i suksesshëm, këto ndikojnë në jetëgjatësinë e tij.
-Tek pacienti alergjik ndaj materialeve të përdorura në ndërhyrjen kirurgjikale.
-Femrat në periudhën e menopauzës, si dhe në rastet kur kanë Osteoporozë, janë më të predispozuara që të mos kenë rezultat pozitiv me implantet.
Si procedohet për vendosjen e një implanti?
Për vendosjen e një implanti, fillimisht bëhet konsulta klinike ku shikohen shumë detaje vizive, pastaj merren disa analiza siç është një paronamex, dentalscan,etj, pastaj bëhet dhe anamneza e pacientit dhe pastaj vendoset mënyra e trajtimit me implant ose jo.
E kemi në dy faza .
-Faza e parë, është faza kirurgjikale ku bëhet vendosja e implantit në kockën e gojës.
-Faza e dytë, është pjesa protezike mbi implant.
Këshillat që duhet të dijë një pacient pas vendosjes së një implanti.
Të relaksohet: të shmangë çdo aktivitet fizik.
Terapia mjekësore: të ndjekë rrjedhën e antibiotikëve dhe anti-inflammatore.
Dhimbje:pas operacionit mund të ketë një dhimbje në zonën e operuar; nëse kemi dhimbje mund të mbështetemi në përdorimin e analgjezikëve të duhur.
Gjakderdhje: mund të jetë normale gjatë ditës së parë, pak gjakderdhje kur pështyjmë; duhet të shmangin ushqime dhe pije të nxehta në 12 orët në vijim pas ndërhyrjes.
Akull: aplikoni akull në faqe në intervale prej rreth 3-4 orë.
Temperaturë: mund të përjetojnë një rritje të lehtë në temperaturën në 48 orët e para, që mund të jetë normale.
Edemë: është e mundur që në zona të operuara mund të pësojnë ënjtje e cila rezulton në 48 orë; ndonjëherë mund të ketë pamjen e një hematome që do të zhduket në rreth një jave.
Higjienës orale: nuk përdoret furçë dhëmbësh në zonën e operuar për rreth dy ditë, thjesht lahen dhëmbët fqinje, është e këshillueshme për përdorim lëngu pastrues si (listerinë, clorexil etj)
Duhani duhet të shmanget për të paktën 2 javë, mund të vonojnë në shërimin e plagës dhe të jetë përgjegjës për post-dhimbje operative.
