12/07/2025
Tin bia nos ta skohe pa laga kosnan pa despues, manera ku ta sigur ku mañan nos lo tei ainda, òf manera ku mañan nos tin e oportunidat ainda.
Pero esei no ta mas ku un ilushon, nada ta sigurá ku mañan nos por bai e kaminda ku tantu nos ke, ku nos por ta ku e hende ku tantu nos ke pasa tempu kuné, ku nos por hasi kosnan simpel manera lanta òf por kome e kuminda ku tantu nos ta gusta.
Ku nos por stima nos mes manera nos meresé òf ku nos por konstruí e bida ku tantu nos ke.
Nada ta sigurá, ni sikiera bo forma di biba i mira bida. Nada ta sigurá ku si bo warda un poko mas, lo bo por hasi e lokual ku bo ke den e momentu ideal.
Nos ta biba ta warda, warda ora nos por mihó, warda ora nos ta kaminda nos ke ta, warda ora nos no tin miedu mas, warda ora nos ta bon, warda ora e momentu ta manera nos a imaginá den nos kabes.
Pero kuantu warda mas, ora bida ta sigui pasa i ku nada ta sigurá, warda ta un lugo. Un lugo ku no ta kostabo plaka, sinó algu mas balioso ku esei, bo tempu, bo disfrute, bo eksperiensia riba e mundu aki.
Amarilla di amar.i.lla
Amarilla di amar.i.lla
Amarilla di amar.i.lla
