Psi.Ranouskabekker

30/12/2025

28/12/2025

E aña aki tabata hopi mové, hopi kos bon, hopi kos nobo, i algun kos no dje dushi ei.
1. Mi a habri 2025 den famia, e parti di famia ku semper mi ta sinti falta di dje ora tin kos di famia. 🫶🏼
2. Hospital a bira un di dos kas i ofisina pa un par di luna
3. Mi por a sigui disfrutá di bida i hari inkluso den e momentunan mas difisil
4. Mi tabata afortuná di konta ku hendenan ku ta yena mi
5. Mi otro parti famia a bin kompañá mi pa mi aña i ma haña sorpresaa
6. Mi por a selebrá mi aña pa promé bia ku kasii henter famia i kasi tur mi amiganan di mas yegá di mi
7. Ora nos a kere ku e tormenta a pasa, pero awor mester manehá lokual ta sigui
8. Mi a muda bai Medellín atrobe despues di 8 aña
9. Mi a bai un di mi konsiertonan mas sperá
10. Mi a kuminsá e maestria den famia i eksperensiá un klas interdisiplinario. Dushi bonbiní bèk na skol.
11. Mi a wòrdu atraká, tabata un momentu di hopi tenshon i ansiedat ku ainda mi ta lucha kuné.
12. Mi subrino mas grandi a bin di bish*ta Medellín😍
13. Mi por a bai selebrá mi tata su bday i pasa mas tempu den famia
14. Tempu ku mi subrinanan mas chingilingi
15. E aña aki mi a dediká na alimentá mi kurpa, i no djis kome.
16. Algun amiga a bin pasa pari dia na Medellín
17. Ma bai algun kaskada i kaminda tin awa, ami ta felis
18. Mi a risibí un diagnostiko inesperá
19. Amiga mia, tan serca y tan lejos
20. Mi a hasi mi promé kampamentu kanti laman i awor mi tin koló bèk😅
I ainda tin mas ku a sosodé i ta sosodiendo. Kòrda ku tin hopi mas ku bo no sa, kompará ku lokual ku si bo sa. No bai tras di publikashon so, “lo esencial es invisible a los ojos”.

26/12/2025

Kuriosidat:

Bo tabata sa ku promé ku e kreensia kristian, dia 25 di desèmber na lugá di selebrá nasementu di Hesus, 25 di desèmber tabata un fecha ku ta selebrá solstisio, e renasementu di solo i konsiensia?

I varios elemento ku promé tabata wòrdu usá pa selebrá solstisio, un fiesta pagano, awe ta wòrdu usa pa selebrá pasku, entre nan; e palu di pasku, lusnan, bela i e girnaldanan entre otro.

Awe nos ta selebrá pa kreensia, pa religion, pa spiritualidat, pa tradishon. Pasó aunke e mundunan aki ta parse di ta leu for di otro, nan ta ko-eksistí.
I meskos nos tambe komo sernan humano lo por, pa kon diferente ku nos ta, nos tur ta kreá di e mes’n materia, aunke den diferente proporshon i pesei ku diferente resultado.

Felis dianan di fiesta.

24/12/2025

22/12/2025

Hopi bia nos ta papia di kambio, pero nos ta kere ku nos por krea kambio manteniendo tur e benefisionan por ehèmpel di un relashon, pero nos ke pèrdè e desbentaha so, e daño so. Pero ora nos ke kambio, nos tin di laga bai tantu na e benefisio i desbentaha. Tur kos tin e dos banda, i laga un banda bai pa sostené esun ku ta kuminí so, ta no laga bai.

16/12/2025

Felis dianan di fiesta

15/12/2025

Ta outentiko a bira un akto di balentia i inkluso rebeldia, ta tribi laga bo mes eksistí.

07/12/2025

Konose’mi, un bará di karta krea ku hopi amor pa abo por usa pa konosé esnan ku ta rondoná bo. Si bo ta interesá den e bará aki, tuma kontakto ku mi.

30/11/2025

Kon abo ta manehá rechaso?