Sentro Mediko Rondeklip

21/10/2025

Kalor eksesivo, kambio temperamental drastiko, dolonan riba kurpa inesplikabel, subida di peso inesplikabel anto bo ta riba dieet , etc etc. Ken ta sa ku ora bo subi 40 bo ta hanja ku tantu difikultat ku pa hopi hende muhe tin ku sinja re-enkontra nan mes mental i fisikamente

MENOPAUZE. Kompaña nos e biaha aki pa konose e fase di transishon ku 100% di nos hende muhe tin ku pasa den dje anto kompronde kon pa nos tin ku move bai dilanti pa tin un bon bibá alabes saludabel.

Nos lo bai LIVE Djawebs awo 9:00 di anochi riba e paginanan di facebook DI TUR UN POKO anto SENTRO MEDIKO RONDEKLIP, invitadonan spesial lo ta Dr. Giovanni Christiaan, Ginekologo/ obstretiko huntu ku Martha Atienzo neurosikologo, pa un charla intensivo pa juda nos hende muhenan kompronde nan kurpa miho.

07/10/2025

Saludos Followers,

Mi ta hasi un jamada na nos pueblo pa un enkuesta di suma importansha. Boso ta kompronde ku suisidio ta na aumento no solamente akinan na korsou pero mundial.

Pa medio di e enkuesta aki, Verslavingskliniek Brasami i praktika Calm Waters ke haña un bista riba pensamentunan tokante suisidio bou di pueblo di Kòrsou.

Importante pa boso sa ku e ta kompletamente anonimo, esaki kemen niun hende no sa ta ken a jena e enkuesta.

Pero alabes mi ta enkurasha pa buska judansa si bo ta bataya ku e situashon aki. Hopi be tin kosnan mental ku ta skonde ku nos mes no sa di dje pero ta un profeshonal bo mester pa por juda abo.

Danki di antemano.

Pa medio di e enkuesta aki, Verslavingskliniek Brasami i praktika Calm Waters ke haña un bista riba pensamentunan tokante suisidio bou di pueblo di Kòrsou. Purba na skohe e kontesta ku mas ta kuadra ku bo situashon den e delaster 6 lunanan ku a pasa. Tur kontesta duná ta keda anonimisa. E enkuest...

03/09/2025

Nos niernan ta un machine sumamente komplika ku varios funshon interesante. E ta limpia, filtra, mantene bo kurpa den balansa entre otro. E ta un obra di arte ku, mikroskopikamente, ta traha sin para. Ta bon kos ku nos a wordu bendishona ku dos!

Pero lokual ta un problema remarkabel, ku akinan na korsow nos tin basta hende ta dialisa. Esaki ta ora nos niernan ja no ta traha mas. Ta kiko ta hasi ku akinan, nos isla, tin tantu hende ku problema ku nier anto?

Ki nos tin ku hasi? Kiko nos tin ku hasi pa preveni e futuro daño? Tin un manera pa kome? Kiko mi ta sinti ora e nier kuminsa faya? Yen pregunta ku ta interesante ku nos pueblo mester sa e kontesta

Djoin nos djadumingu awo 8:00 di anochi pa skucha Dr. Ayubi (nefrologo / internista) huntu ku broeder Kwidama (dialysis verpleegkundige) ku tur dia ta lucha pa nos hendenan den e departamentu di dialysis. Un programa basta intenso ku por juda nos hendenan motiva pa kuida e uniko kurpa ku nos tin.

Bo Salu ta Bo Responsabilidat

30/07/2025

“KANSER ta den skina, kiko awó?” . E enfermedat ku nos tur ta para ketu. Esaki paso nos por hasi tur kos ku dòkter bisa, biba saludabel, porta den sierto kasonan keda sin hasi kos di mas, pero tòg e POR bati na porta di kas di nos mes of un ser kerí.

E enfermedat no ta diskriminá, di tur edat, tur kultura, pa riku i pa pober, e por bini sin aviso of e por a indiká algun síntoma kaba.

Pero di kon e malesa aki ta asina engañoso? Di kon tin tantu mitonan tras di dje? Kiko mi kombatiele, ku religion? Diet? Remedi? Bai sikólogo?

Esaki ta preguntanan diario den konsulta di dòkter. E miedu, e trauma, e doló, e problemanan ku ta surgi ta algu ku ta kibra abo anto pone kualke persona na rudia.

Mi ke pa nos bin huntu, e invitado spesial lo ta bai ta Dòkter Franke Scheper, e ta bai kana ku nos i duna informashon den e promé episodio di Kanser pa e podcast aki. Sintonisá pa komprendé ki nos sa di malesa anto kiko nos falta di komprendé.

Sintonisá 8:00 di anochi Djaluna awó 4 di Augustus nos ta bai LIVE riba Facebook den e paginá di SENTRO MEDIKO RONDEKLIP anto DI TUR UN POKO

19/06/2025

No perde e chance di skucha e tema di “PERIMENOPAUSE” , un etapa silensioso inkomprondibel pa hopi hende muhe i un poko difisil pa nos profeshonalnan rekonose.

Laga nos navega huntu Djadumingu awor 22 di Junie 8:00 p.m. i sende bo kuriosidat.

Nos ta jama danki na tur hende ku ta partisipa i sigur nos sponsornan ku ta juda nos por trese informashon i duna bek na pueblo.

Bo lo por wak e podcast aki riba DI TUR UN POKO i tambe akinan na Sentro Mediko Rondeklip gratis.

No lubida “BO SALU TA BO RESPONSABILIDAT”

03/06/2025

Bon dia followers,

Tur hende muhe konose e realidat di menopause. Esaki ta ora bo no tin bo regla mas anto ta akompania di varios sintomanan (soda eksesivo anochi, kambionan temparemental, kansansio eksesivo etc etc). Pero si mi bisa abo ku prome ku bo jega na e punto aki den bo bida ja ta tin sintoma ku por ta tei 5 pa 10 anja anteriormente! Ja desde 5 pa 10 anja bo kurpa a kuminsa baha e produkshon di sierto hormona ku bo lo a eksperensha sierto sintomanan sin sa!

Kon pa prepara pa esaki? Porta ba kere ta stress of hende a bisa abo “bo tin basta problema na kabes” anto ba buska un sikologo, pero e problema no tabata einan. Porta bo tin konstantemente doloi kabes anto dolo na bo lomba abao anto ta sinti nervioso.

Pa hopi Perimenopause ta un palabra nobo, anto pa un par di anja hasta pa nos ku ta traha den salubridat. Pero a jega ora pa nos konose, anto den un charla habri, di kiko ta kome e diagnostiko aki.

Djadumingu, 22 di Junie 8 or di anochi, no perdele paso pa tur nos hende muhenan, nan ta pasa den dje i pa nos hende hombernan bo lo ke kompronde.

No lubida ku bo salu ta bo responsabilidat!

16/05/2025

Despues di un silensio largu riba nos página nos ta bin bek ku un podcast.

Kasonan di maltrato kontra hende muhé ta subiendo. Nos a disidí di ataká e tópiko di otro manera ku ta papia di lokual ta TOKSISIDAT MASKULINO.
Esaki nos ta bai wak e di e punto di bista di nos kultura. E importansia di e tópiko aki ta mustra e parti di salu mental den sosiedat di nos hende hòmbernan.
Di kiko e ta kome i bebe? Sintonisá pa bo skucha i kompronde

No pèrdè, Djadumingu 18, nos lo bai LIVE 8:00 p.m.

No lubidá ku bo Salu ta BO Responsabilidat

25/11/2024

Djadumingu awo 1 di December 6:00 p.m. Lo bai tin informashon tremendo ku ta bai komparti. Ban papia di kanser di prostat, ku 5 profeshonal na mesa. No perdele.

13/11/2024

Tremendo charla na Sentro di bario Souax. Dr. Oliva, ku ta hasiendo un tremendo trabao di duna bek na pueblo informashon valioso mediko, a duna oportunidat pa dr. Arthur De Nobrega Teixeira huntu ku dietist Elise Faries pa papia riba kanser di prostat. Tur partido a keda sumamente satisfecho inkluso e hendenan no por a stop di puntra ta nan a pidi pa mas charla. Ku e resultadonan aki nos tambe a keda sumamente satisfecho anto e seshonan ta sigui pa e November aki. Danki atrobe na JCI, Prinses Wilhelmina Fonds Curacao LABdeMED tambe pa nan kontribushon.

10/11/2024

Bon siman followers,
Esaki ta lokual nos bòrchi di enseñansa ta duna pa e temporada aki.

Nos tur tin vários biahe personal di kresementu ku nos tin ku hasi den bida. Pero e kos kurioso di e tipo di biahenan aki ta ku nos no por kompará nos biahe ku otro hende. Bo no por kompará esaki ni ku bo mihó amigu, bo ruman of parientenan. Nan ta úniko i e progreso ku ta tuma lugá tambe.

Tin hende ta skohe pa kresementu personal komo e kos mas importante den nos bida. Aki bo por yega komprendé bo propósito, komprendé bo forsa den sierto situashonnan, yega na midi kiko bo potensial ta anto ki magnitut bo por ekspresá esaki. Esaki por ta den area di bo salu mental komo físiko, bo parti spiritual, bo inteligensia etc.

Kresementu personal no ta semper un biahe plasentero paso mayoria be ta kuminsá na kibra e laso di e zona di komodidat of zona di comfort. Aunke e palabra "zona di comfort" ta un bunita palabra pero ta TERIBEL ora nos ke krese den bida (ami ta kere nos tin ku STOP di usa e frase “zona di comfort” paso no tin nada konfortabel ku ne den e proseso aki). Esei ta signifiká sali kaminda bo ta sinta dushi riba e sofa sin niun preokupashon pero ta reklamá solamente di bida pero no ta tuma niun paso pa kambia bo mes pa un mihó. E ta tuma e difikultat di mira abitonan formá por ehèmpel dor di trauma di bida, famia, mal influensia di amigunan anto kuestioná si ta esaki ta kadena bo pa bo por bai dilanti positivo i eksitosamente. Pa esei un bon pregunta ta: mi ta bibando lokual ta hasi ami kontentu?

Pero pa abo buska e felisidat ei, despues di ripara ku bo ta sinta kómodamente sin bai dilanti, ta hiba abo den un zona di miedu. Pakiko? Paso e ta un paso nobo, anto si bo no tin kustumber di enfrentá miedu e ta trese eskusanan, miedu ta pone abo wak otro su opinion promé ku esun di abo, miedu ta trese deskonfiansa den bo mes anto si bo no tin e forsa pa kambia bo lo kai bek ta sinta riba e sofa ei. E dushi sofa kaminda niun hende no ta logra nada pero solamente ta reklamá anto hasi redu, papia malu anto kritiká. Aki lo mi bisa tuma e momento i reflehá riba puntra bo mes: dikon mi ta reakshoná asina ante e miedu di kambio? Pakiko e impulso? Kiko ta trigger ami?

Ora ba yega di komprometé bo mes di sigui dilanti , no kai atras bo ta yega na e zona di Aprendizahe of komprendé. Aki ta saka un chip bieu pa hinka un chip nobo den bo kabes, otronan preferá bisa “re programa”. Tin hende tin e abilidat aki hopi lihé pero pa hopi e ta tuma tempu/ pasenshi. (kòrda si ba biba un forma pa 40 anja no duna bo mes e falsu speransa ku den 2 siman ba risibí bo yamada di bida i kambio instantáneo, tin kos ta tuma konsistensia, tin kos warda den bo sereber den e parti inkonsiente ku ta tuma tempu pa bira konsiente)

Ba sigui dilanti, bo no a kibra ante tentashon di bai bek, ba keda traha riba bo mes….. anto awó, PABIEN ba yega Zona di Kresementu: E tabata fásil? Sigur ku no. Pero e tabata bale la pena? Kere ami ku si. Niun hende, marka mi palabra, pero niun hende ku ke trese kambio apsoluto atraves di sakrifisio autentiko lo bisa ku e kos aki ta fásil. Bo lo pèrdè hopi amistatnan ku ta tene abo atras pero esun ku bo en kontra den kaminda lo por yuda abo krese na 1000x. Bo lo ripara ku abo lo disfrutá por fin di tin felisidat genuino i duradero anto no felisidat momentaneo. Ba yega di tende di enfrentá bo miedu? Imaginá abo ku e sensashon di kresementu personal ta asina grandi ku bo lo kana buska unda mas "miedu" bo tin, anto pa bo bisé kuantu negativismo e ta kousa pero bo tin kurashi i stimashon propio di enfrentá ku tur a ansiedat i pèrdida e por kousa.

Kon ta kuminsá:
1) SINTA KOMPRENDÉ BO MES. Esaki ta mas krusial i mas difísil. Komprendé kon e inkonsiente ta dominá bo pensamentu ta un konsepto ku hopi nunka no a skucha i ku un profeshonal por dominá.

2) SKIRBI, MEDITÁ, EHERSISIO, DRUMI SUFISIENTE, KOME UN DIETA BALANSA, anto importante BUSKA YUDANSA / FEEDBACK DI HENDE KU POR YUDA ABO

3)KEDA MOTIVÁ. NO PÈRDÈ BO KAMINDA. TIN BO OPHETIVONAN BON DEFINÍ ANTO KUMPLI KU NAN. Error bo por komete, nos tur ta humano, pero no desviá di bo kaminda.

Ami ta kere nos tur meresé tin un bida di kumplimentu anto por eksperensia kiko nos kompleto potensial ta. Pero pa tur kos ku ta bale la pena bo tin ku traha pa dje.

Si tin pregunta di e tópiko por ta liber pa kontaktá nos. Korda kompartí, komentá anto like

Anto no lubidá ku bo salu ta BO responsabilidat.