Psychologie Praktijk Sisu

04/03/2026

Kria siudadanonan global: E forsa di eksponé bo yu na diversidat

Miéntras mayornan ta duna stabilidat pa nan muchanan a base di nan propio balornan, kria un mucha den un solo perspektiva por limitá su manera di mira mundu. Ora balornan di kas ta kombiná ku eksposishon na diferente ambiente i kultura, esaki ta yuda muchanan bira mas adaptabel, sigur di nan mes i emosionalmente inteligente.

Peligernan di un “solamente un perspektiva” riba Mundu
• Fleksibilidat kognitivo limitá
Muchanan por haña difikultat pa resolvé problema di manera kreativo òf pa tolerá diferensia di opinion si nan no ta eksponé na diferente perspektiva.

• Desaroyo di "bias" inkonsiente
Falta di eksposishon por hasi muchanan kuminsá kere ku sierto grupo di hende ta “mihó”

• Inkomodidat sosial i anshedat
Na edat mas grandi, e mucha por sinti su mes retrasá òf insigur ora e tin ku interaktuá den ambiente diverso, manera na universidat òf na momentu ku e ta traha internashonal.

Kiko mayornan por hasi
• Stimulá diferente tipo di amistad
Invitá alumnonan di klas di diferente kultura, religion i státus sosial ekonómiko na selebrashon di e yu su aña, pa playdate òf pa studia huntu.

• Deskubrí kultura lokal
Bish*tá diferente bario, festival kultural i evento di komunidat pa ampliá e horizonte di e yu.

• Ta un ehèmpel
Mustra aseptashon, rèspèt i kuriosidat den bo propio interakshon diario ku hende ku ta diferente ku bo.

Muchanan ku ta haña eksposishon na diferente kultura, perspektiva i hende, ta krese ku mas empatia, fleksibilidat i konfiansa den nan mes.

KreseHuntu

Contact: +5999 520 7125

27/02/2026

E peso invisibel di kuido: ora bo ta “esun ku ta keda”

Den hopi famia, semper tin un hende ku ta keda atras pa kuida tur hende. For di afó, esaki por mustra manera amor i dedikashon. Pero den realidad, e rol aki por bira un peso ku no ta bisto.

🔹 Disponibilidat bira obligashon
Si bo ta serka, hende ta spera ku bo semper ta disponibel. Poco poko, esaki ta bira un ekspektativa ku ta pesa riba bo.

🔹 Diferensia den persepshon entre ruman
Esnan ku ta biba leu no semper mira kon hopi bo ta hasi. Esaki por laga bo sinti bo ta so den e responsabilidat.

🔹 Kuidado di un solo banda
Bo ta duna tur hende, pero bo mes no ta pidi ayudo. Kuido ta kore un solo kaminda.

🔹 Patron di yu
Si bo a asumi responsabilidat grandi desde chikí, e patron aki por sigui te den bida adulto sin ku bo nota.

🔹 Ora kuido bira dañino
Bo por laga di distingui kiko bo por hasi i kiko bo mester laga pa otro. Esaki por resultá den agotamentu emosonal.

🔹 Identidat riba eskoho
Ku tempu, e rol di “kuidadó” por bira parti di ken bo ta, en bes di un eskoho konsiente.

✨ Kiko bo por hasi?
• Siña pone límite sin sinti kulpa
• Papia ku otro miembro di famia tokante repartishon di responsabilidat
• Permití bo mes risibí ayudo tambe
• Kòrda: kuida bo mes no ta egoista, ta nesesario

💬 Bo ta rekonosé bo mes den esaki? Bo no ta so. Na Psychologie Praktijk Sisu, nos ta kla pa yuda bo haña balans atrobe.

📞 5207125
Curaçao

25/02/2026

Un felis dia,

E aspektonan sikólogiko ku a bin den e pelíkula Crime 101 ta:

1) Nesesidatnan
2) Patronchi
3) Pèrdè kunes
4) Dinámika di grupo

25/02/2026

Un felis dia,

E aspektonan sikólogiko ku a bin den e pelíkula Crime 101 ta:

1) Nesesidatnan
2) Patronchi
3) Pèrdè kunes
4) Dinámika di grupo

21/02/2026

Awor si bo sa

Nos famianan ta lanta nos ku pensamentunan ku ta influensiá nos manera di mira bida, desishonnan i komportashon.

Tin di e pensamentunan aki ta yuda nos avansá den bida i otronan ta stroba nos.

Pensamentunan ku ta stroba nos pa avansá por ta lo siguiente:
- Bo ta estranhero tuma kiko ku ta ku bo haña
- Tuma fakansi ta pa hende floho
- Bo no mester tin amistat, famia mes ta sufisiente.

E pensamentunan aki por kausa:
- Strès
- Konflikto
- Insiguridat

Puntra bo mes...
E pensamentunan aki ta bèrdat? Nan ta sirbi mi ahinda?

Kòrda ku bo por kibra e siklo i pasa pensamentunan mas efektivo i konstruktivo pa e siguiente generashon.

20/02/2026

Trauma finansiero

Un hende por desaroyá un trauma finansiero despues di a eksperensia pa un tempu largu inseguridat finansiero. Konsekuensia di esaki ta ku e persona por eksperensiá anshedat, tristesa, ta insigur di su mes, tin difikultat pa gosa di éksito i por eksperensiá burnout.

Ta rekomendabel pa tin diferente fuente di entrada i eduká bo mes finansieramente. Tambe ta rekomendabel pa kambia bo pensamentunan no funshonal pa pensamentunan funshonal. I tambe siña maneranan kon pa relahá bo mes manera hasi ehersisio i arte.

Contact: +5999520-7125

19/02/2026

18/02/2026

Misplaced anger

"Misplaced anger" ta na momentu ku bo baha bo rabia riba un hende ku no a kausa e rabia. Por ehèmpel bo mènedjer a primintí bo algu i no a kumplí. Esaki a pone bo rabia mashá hopi mes. Bo ta yega kas i baha bo rabia riba bo yu.

Esaki ta pone ku e yu por haña miedu di bo. Ta bon pa siña maneranan pa kalma i ta asertivo ku e persona ku a kausa e rabia.

Number di kontakto: +59995207125

17/02/2026

Eror den pensamentu

No tur bia loke bo pensa ta bèrdat.
Nos tin eror den pensamentu. Kaminda bo ta kere algu ku no ta bèrdat.

Nan ta lo siguiente:

-Pensa pretu i blanku
Si e no ta perfekto e ta un frakaso.

-Tin un perspektiva selektivo:
Bo ta mira solamente e kos negativo i lubidá loke ta bai bon.

- Generalisá
Un eksperensia malu ta nifiká ku tur kos lo bai ta malu.

- Lesa pensamentu di hende
Bo ta kere ku bo sa kiko otro hende ta pensa.

- Rasoná emoshonal
Mi ta sinti asina, asina mester ta bèrdat.”

-Personalisa
Bo ta tuma tur kos personal òf pensa tur kos ta bo falta.

📍 Psychologie Praktijk Sisu
📞 5207125
We care for you and your family

16/02/2026

Kiko ta “curling parenting”?

“Curling parenting” ta ora un tata of mama ta purba kita tur opstákulo for di kaminda di e yu. Pa asina e yu no haña niun problema òf frustrashon.
Manera den e deporte “curling”, na unda nan ta limpia e ijs pa e "piedra" pasa mas fásil.

Problema ku esaki (e “curling trap”) ta lo siguiente:
- E yu no ta desaroyá abilidat pa por yude manehá difikultat.
- Ora tur kos ta fásil , e yu no ta siña kon pa solushoná e problemanan su mes.
- E no ta desaroyá resilensia.
- Ménos oportunidat pa krese

Mucha nan mester eksperensia:
- Frustashon
- Hasi eror
- Konfrontá situashon sosial ménos agradabel.

Alternativa:
- Guia bo yu na lugá di hasi tur kos pe.
- Ta un coach
- Enkurashe i apoye
- Dune espasio pa e tuma inisiativa i siña su mes.
- Splike ku momentunan difísil ta parti di bida.
- Yude nombra i regulá su emoshonnan.

Contact: +5999 520 7125

13/02/2026

Awor si bo sa

Tin hende por hasi mal uzo di nan poder.. Dependé kwa ròl, dinámika di poder i e karakteristikann di un sirkunstansia.

Esaki e sikólogo Zimbardo a konkluí despues di a eksperimentá ku duna partisipantenan e ròl di wardadó di prezu òf prezu. E wardadónan di prezu a kuminsá maltratá e prezunan na un manera hopi kruel. Konsekuensia di esaki ta ku mester a stòp e eksperimento.