20/11/2025
Dje pata nderin të zhvilloj një seminar vetëdijesues për pacientët, qytetarët e qytetit ku ushtroj veprimtarinë time profesionale si dhe për mjekët e rinj, me temën:
“Wenn das Knie schmerzt – was nun?” (Kur dhemb gjuri – çfarë duhet bërë?).
Seminari kishte për qëllim të ofronte një pasqyrë të qartë mbi natyrën e dhimbjeve të gjurit, shkaqet më të zakonshme të shfaqjes së tyre, si edhe trajtimet operative që aplikojmë në institucionin tonë shëndetësor. Gjithashtu, gjatë ligjërimit u prezantuan shembuj praktikë dhe këshilla të dobishme për parandalimin e këtyre dhimbjeve.
Interesimi i publikut ishte i madh dhe pjesëmarrësit u shprehën të kënaqur me informacionin e marrë, duke e vlerësuar seminarin si të dobishëm dhe të qartë.
Qasja e lehtë në informacione për pacientët është jashtëzakonisht e rëndësishme, prandaj, ne mbetemi gjithmonë në gatishmëri që çdo informatë të paraqitet sa më qartë dhe sa më lehtë e kuptueshme për pacientët tanë.
Dr. Arzen A. Balidemaj
