EMHD

16/07/2025

ብ ዕለት 05/07/2025 ማሕበርና ኣብ ከተማ ሽቱትጋርት ኣኼባ ኣቃኒዑ። ኣብቲ ዝተኻየደ ጉባኤ፡ ዝተፈላለዩ ክኢላታት ሕክምና ግብራውን ክልሳውን ኣስተምህሮ ሂቦም። ቀጺሉ ማሕበር ካብ ተሳተፍቲ ንዝመጸሉ ሕቶታት መሊሱ። ኣብ መወዳእታ ድማ ናይ ዝመጽእ መደባቱ ብዝርዝር ንተጋባእቲ ሓቢሩ።

09/05/2025

ማሕበርና ንጽባሕ ዕለት 10/05/2025፡ ንጥዕና ዝምልከት ክፉት ሰሚናር ከካይድ ስለ ዝኾነ፡ ኣብ ከተማ ፍራንክፈርትን ከባቢኣን ትርከቡ ኤርትራውያን ነበርቲ ክትሳተፉ ብኽብሪ ንዕድም።

31/12/2024

እንቃዕ ናብ 2025 ብሰላም ኣብጸሓኩም። እዛ ማሕበር ን ኣብ ጀርመን ዝቅመጡ ኤርትራውያን ንምግልጋል ፡ ብናይ ዝተፈላለየ ዓውዲ ሕክምና ሰብ ሞያ ዝቆመት ኢያ። ንዝኾነ ሓበሬታ ፡ ተወከሱና።

14/12/2024

ዕላማ ፡ማሕበር።

14/12/2024

ሓበሬታ ፡ብዛዕባ ኣጠቃቕማ መድሃኒት 💊💉

14/12/2024

ን ኣብ ጀርመን ዝቅመጡ ኤሪትራውያን ከገልግል ዝቖመ ማሕበር ሓኻይም። ብጽሑና፡ ሕተቱና ፡ ሕበሩና::

13/12/2024

ወግዓዊት ኣካውንት ቲክቶክ ናይ ማሕበር

1 Follower, 2 Folgen, 0 Likes – Schau dir tolle Kurzvideos von ማሕበር ሕክምናዊ ምትሕግጋዝ ኤርትራውያን ጀርመን an

13/12/2024

ከም መቀጸልታ ናይቲ ማሕበር ሕክምናዊ ምትሕግጋዝ ጀርመን ዘዳልዎ ዘሎ ሰሚናራት፡ ብዕለት 05-10-2024 ውን ኣብ ከተማ ስቱትጋርት ተጋቢኡ ውዒሉ። ኣብቲ ብርክት ዝበሉ ተሳተፍቲ ዝተረኽብሉ ኣኼባ፡ ዝተፈላለዩ ዛዕባታት ተዘቲሎምን፡ ካብ ተሳተፍቲ ንዝመጹ ሕቶታት ድማ ግቡእ ሕክምናዎ መልሲ ረኺቦም። ኣብቲ ኣኼባ ቀንዲ ካብ ዝተዘተየሎም ኣርእስታት፡
1-ማሕበርን ናይ መጻኢ መደባቱን
2- መብርሂ ብዛዕባ ዝተፈላለዩ ሕማማትን ኣተኣላልዮኦምን
3-ርጡብ ሓበሬታ ብዛዕባ፡ ኣብ ዕቤት፡እርጋን ከምኡ ውን ስክንልና ዘጋጥሙ ብድሆታትን መፍትሒታቶምን።

ማሕበር፡ ሰሚናራቱ ኣብ ዓመት 4-5 ግዜ የካይድ።

Als Fortsetzung des ersten Treffens fand am 05.10.2024 ein weiteres Seminar in Stuttgart statt. Die Teilnehmer hatten die Möglichkeit Fragen zu stellen, die von den Vereinsmitgliedern beantwortet wurden.

Themen des Seminars waren:

1. Die zukünftigen Pläne des Vereins
2. Aufklärung über verschiedene Krankheiten
3. Die Schwierigkeiten und Hindernisse im Alter und wie diese gelöst werden können.

13/12/2024

Am 22.06.2024 hat das erste Treffen des Eritreische medizinische Hilfsvereinigung Deutschland in Frankfurt stattgefunden. An diesem Treffen nahmen unter anderem zahlreiche Ärzte und im medizinischen Bereich ausgebildete Personen teil.

ብ ዕለት 22-06-2024፡ ማሕበር ሕክምናዊ ምትሕግጋዝ ኤርትራውያን ኣብ ሃገረ ጀርመን ቀዳማይ ስሩዕ ኣኼባ ኣካይዱ። እቲ ኣብ ከተማ ፍራንክፉርት ዝተጋብአ ኣኼባ፡ ብርክት ዝበሉ ሰብ ሞያ ጥዕናን፡ ነበርቲ ፍራንክፉርትን ተሳቲፎም። ኣብቲ ሰሚናር ብርክት ዝበሉ ዛዕባታት ተዘቲሎምን፡ ካብ ተሳተፍቲ ንዝመጹ ሕቶታት ድማ ተመሊሶም። ኣብቲ ሰሚናር ዝነበሩ ቀንዲ ዛዕባታት፥
1 - ሓፈሻዊ ሌላ ማሕበር ምስ ሕብረተሰብ ነበርቲ ጀርመን
2- መግለጺ ብዛዕብ ሓፈሻዊ ጥዕና
3- ሰፊሕ መግለጺ ኣጠቓቕማን ኣቀማምጣን መድሃኒት።

እቲ ሰሚናር ዕዉትን ኣተባባዕን ነይሩ።

13/06/2024

ክቡራት ወለዲ፡ ኣሓትን ኣሕዋትን ነበርቲ ጀርመን ብፍላይ ከኣ ነበርቲ ክፍለ-ሃገር ሄሰን። ዕዙዝ ሰላምታና ብምቕዳም ን ዕለት 22.06.24 ብግዱሳት ሰብ ሞያ ሕክምና ኤርትራዉያን ዝተዳለወ ፍሉይ ናይ ትምሕርቲ መደባት ስለዘሎ፡ ኣብዚ ዝስዕብ ኣድራሻ መጺኹም ተቋደስቲ ናይቲ መደብ ክትኮኑ ብኽብሪ ንዕድም።

ማሕበር ሰብ ሞያ ሕክምና ኤርትራዉያን፡ ጾታ፡ ዕድመ፡ ሃይማኖትን ፖለቲካዊ-መርገጽን ከይፈለየ ንኹሉ ወገን ዝሓቁፍ ማሕበር እዩ። ብኡ መንጽር፡ እዚ መደብ እዚ ንኹሉ ኤርትራዊ ብዘይ ዝኾነ ኣፈላላይ ክፉት መደብ ሙኻኑ ከነዘኻኽር ንፈቱ።

ቦታ እንግዶት፥
Volkshaus Enkhei Borsigallee 4, 60388, Frankfurt

ብሰላም ምጹና!
ኣባላት ማሕበር ሰብ ሞያ ጥዕና

26/02/2024

ሰላምታና ተቐበሉ ኣብ ኩሉ ኩርናዓት ዓለም ብፍላይ ከኣ ኣብ ሃገረ ጀርመን እትርከቡ ወገናትና። ንሕና ማሕበር ሰብ ሞያ ጥዕና ኤርትራዉያን ተቐማጦ ጀርመን፡ ንህዝብና ብዝተፈላለየ ጥዕናዊ መዳያት ንኡስ ሓገዝ ንምብርካት ተወዲብና ተበጊስና ንርከብ።

ነዚ ተበግሶ ዕዉት ንምግባር፡ ብወገን ህዝብን ሰብ ሞያ ጥዕናን ሓባራዊ ተሳትፎ ከም ዘየድሊ ምሕባር ኣየድልዮን። ንሕና ንዘለኩም ጥዕናዊ ሕቶታትን ዛዕባታትን ክምልሱ ዝኽእሉ ሰብ-ሞያ ኣዳሊና ጆባእ ንብለኩም፡ ንስኹም ድማ ንኹሉ ፈታዊኹም ኣሳቲፍኩም ትጽንበሩና።

መተሓሳሰቢ፡ ሽሕ እኳ እቲ ዝወሃብ ሓበሬታዊ ደገፍ፡ ፍልጠትና ዘደንፍዕን ንጥዕናና ኣገዳሲን እንተኾነ፡ ኣብ እትሓሙሉ እዋን ግን ነቲ ምስ ሓኪምኩም ዝግበር ዝርርብ ከም ዘይትክእ ምግንዛብ የድሊ። ብኡ መንጽር፡ ከም ሕጊ ናይዚ ሃገር፡ እዚ ማሕበር ብዝህቦ ሓበሬታን ምስኡ ዝተሓሓዝ ጉዳያትን ብሕጊ ከም ዘይሕተት ከነዘኻኽር ንፈቱ።

ምሉእ ጥዕናን ሰናይ ምልላይን ንምነየልኩም
ወድሓንኩም!