20/11/2025
👓 Fiomanana amin'ny fizarana solomaso famakian-teny miaraka amin'ny Ny Andraina Association !
Ny talata 18 Novambra 2025 lasa teo, niara-nivory ny ekipan’ny Doctors for Madagascar sy ireo solontenan'ny Ny Andraina Association mba hanomanana ny hetsika fizarana solomaso famakian-teny, ialohavana fizahana maso, izay ho atao eto amin’ny faritra Analamanga.
🤝 Nosoniavina tamin’izany ny fifanarahana fiaraha-miasa, izay manamarika dingana vaovao amin'ny tetikasa MASO MAHITA, tohanan'ny RestoringVision.
📍 Niara-niaiky ny mpitarika roa tonta fa hiara-hiasa hanatsarana ny fahasalaman'ny maso eny ifotony amin'ny alalan'izao hetsika izao, izay hanomboka amin’ity volana ity ka tsy hifarana raha tsy amin’ny volana jona 2026.
Araho ny pejy mba hamantaranao ireo fiantraikan’ny tetikasa amin’ny mponina sy ireo mpiara-miasa aminay. 💙